shh Cafe

營業中

休息中

少女心起嘅媽咪突然之間話想去下時下流行嘅coffee shop食嘢，咁就包起我身上，即刻搵間最熱門嘅同佢試吓👧🏻💖👩🏻‍🦱未入餐廳，媽咪已經不停叫我幫佢喺門口影相，不停讚呢度嘅裝修夠簡潔，襯晒佢今日嘅少女打扮🤣嚟得coffee shop，點可以唔食🍴楓糖培根牛角酥窩夫🍴楓糖嘅甜同煙肉嘅鹹相得益彰，croffle 鬆軟又充滿牛油香，食到媽咪心心眼😍見到隔籬枱嘅漢堡好吸引，所以我哋都唔輸蝕，叫咗🍴BBQ燒雞芝士漢堡配薯條及沙律🍴麵包用牛油烘過，份外脆身，雞肉醃得好入味，平時唔鍾意食快餐嘅媽咪都讚口不絕🫰🏻拿鐵咖啡醇香細滑，牛奶同咖啡比例合適，質素幾好👍🏻媽咪同我都好意意呢間coffee shop嘅環境同食物，下次要同埋爸爸嚟先得🥰

超級enjoy喺Shh做body massage ，之前已經試過好幾次💆🏻‍♀️依家佢哋係佐敦開咗，樓下仲有Cafe，即刻book返個時間做massage，然後再去食個下午茶先☕️Shh嘅環境一向都俾人好寫意嘅感覺，淺色色調可以舒緩眼睛疲勞，讓人徹底放鬆☺️燒牛肉薯餅盒子吐司用來做下午茶就啱啱好，丹麥吐司夾住牛肉同炸薯餅，仲有蘑菇、蕃茄、生菜同牛油果，頗有份量，食完感覺相當飽足😆夏日椰子美式咖啡原隻椰子奉上，可以將椰青水倒落美式咖啡度，令到咖啡份外清甜，透心涼❄️❄️呢度結合左按摩同埋餐飲服務，對我來講真係非常方便，識嘆嘅你哋都快啲嚟體驗啦💖

行咗成日街，又係時候夠鐘醫吓肚，歇吓腳～依間近住佐敦嘅Shh Cafe地點就腳，由地鐵站行過去大概5分鐘就到，非常適合喺尖沙咀行完街之後食飯休息嘅地方😺❣️鹹蛋黃燒粟米：估唔到鹹蛋同粟米可以咁match，粟米切到適合進食嘅大小，吸滿鹹蛋黃嘅油香，係掂wor！❣️青咖喱雞椰汁意大利粉：好溫和嘅辣味，椰奶味突出，甜甜辣辣所以就算食唔到辣都可以接受😽❣️南瓜蟹肉忌廉意大利飯：意大利飯粒粒飽滿，蟹肉嘅份量都幾多，creamy得不得了，十分有水準同誠意👏🏼❣️焦糖脆脆餅沙冰：而家咁熱飲番杯沙冰就最適合不過，焦糖脆脆甜中帶苦，可以中和成杯冰沙嘅甜度，味道好balance😻難得喺鬧市之中可以有一間讓人身心放鬆嘅cafe，咁就一定要多啲嚟先得喇❤️❤️

IG長期比呢間咖啡店洗版，大家都好欣賞佢哋嘅環境同氣氛，而且嘢食又出色，令我心郁郁咗好耐好想快啲去食🧡由於做晒資料蒐集，所以我哋一入到咖啡店就即刻落單，揀咗幾樣感覺好好食嘅食物😚首先係「意式巴馬臣芝士意大利雲吞」，意大利雲吞嘅麵皮充滿蛋香，內餡填得飽滿，同蕃茄蓉特別夾～再嚟就係「BBQ燒雞芝士漢堡配薯條及沙律」，燒雞扒肉質夠滑，BBQ醬濃郁美味，半溶化嘅芝士令到成個漢堡包更加滋味，仲會配埋薯條同沙律，好full😋點都要食返啲菜，試吓「芒果大蝦沙律 」先😉芒果同大蝦夠哂夾，沙律菜非常爽甜，好鍾意❤️最後叫番杯「紫薯鮮奶」💜哇～佢個拉花好靚呀，忍唔住打咗好多卡😍紫薯味夠天然，鮮奶如絲盤順滑🥛果然係賣相同味道兼備嘅咖啡店，正正！

周末下午來個massage 再到cafe和朋友聚餐 絕對是賞心樂事!♪(´ε｀ ) 這間shh cafe不久之前已到訪過 對它的Egg drop和甜品念念不忘🥪 而cafe樓上更設有同品牌的按摩店💆🏻 所以在一個月前就預約了按摩 感受尤如去旅行度假放鬆的滋味!🛀🔻🔻🔻🔻🔻 ✨ Scallop Lingunie in Kabayaki Sauce ($138)蒲燒汁煮成的扁意粉🍝 蒲燒汁份量適中又不會過於濃稠 味道鹹甜鹹甜的 很開胃💓! 上面有兩大顆帆立貝 扁意粉之間還加了鰹魚片和炒雜菇!-✨ Grilled Calamari and Salmon Roe Squid Ink Risotto ($148)推介給墨汁愛好者🖤! Risotto軟硬程度煮得剛好 個人喜歡意大利飯不要太硬 上面有大約6-7顆魷魚圈🦑 三文魚籽增添鹹香味 整體不錯吃的〰️-✨ Tabasco Wings ($78)再來了多個辣椒仔雞翼作小食🌶️! 自問是譚仔三小辣的程度 但也不可低估它 Tabasco醬汁濃稠 脆炸的雞翼皮蘸滿辣椒醬 雖然偏辣 但辣得十分刺激呢🥵! -✨ Sea Salt Float ($50) &

城市生活太繁囂，係時候要俾自己有返啲me time，善待自己☺️ 於是我嚟到佐敦嘅shh cafe，好好地食一個豐富嘅晚餐，尋找久違嘅平靜～呢度食物嘅選擇都幾多，既然要好好對待自己，我就揀咗一份紐西蘭牛柳，好期待呀😉紐西蘭牛柳嘅賣相好精美，大概有七至八塊，表面焦香內裏呈現微微粉紅色，肉味濃厚。伴碟仲有色彩豐富嘅焗蔬菜，食得更健康😇口痕加多份薯條，粗切嘅薯條特別有薯味，炸得乾身香脆，食到停唔到口😋食完美味嘅牛扒同薯條之後，成個人好似差足電咁，果然適當嘅時候要比自己享受下，好好對自己😘

Shh Cafe- 尖沙咀今次去到尖沙咀一間cafe，cafe 外的裝修非常清新舒服，白色為主調，店舖在門前方劃分左一部份放了一點枱櫈，給食客可以選擇坐在室外，有其中一面牆放了一點蘆葦草，令整個感受非常舒緩。店內都非常闊落，坐得都幾舒適。今次就叫了一杯奶啡及一個燒雞漢堡餐。BBQ燒雞芝士漢堡配薯條及沙律 $118燒雞芝士漢堡非常大個，漢堡的麵包焗得非常香脆，燒雞都非常多汁配埋BBQ醬非常香口，漢堡中的芝士都幾大塊，但芝士味道不是非常濃郁，但整體非常飽滿滿足。另外，薯條的份量一點都不會吝嗇，滿滿的一杯，薯條非常熱熱的又香脆，配上附上的茄醬酸酸甜甜很不錯。至於沙律都很新鮮，配上小量的沙律醋非常清新Flat White +$23咖啡方面，今次就叫了一杯奶啡-flat white。咖啡一上台時見到杯中的拉花拉得很靚，值得一讚。至於味道方面，咖啡香味未是非常濃郁，但是奶味很重，不錯。適合不喜歡太苦又想飲咖啡的人，可以試一試。

一間樓上按摩樓下café既鋪頭，可以先按摩再去食TEA。 奶油忌廉大蝦扁意大利粉$138蝦已經剝掉蝦穀非常貼心，好岩女仔食，又唔需要整污糟手，味道略為淡。 BBQ燒雞芝士漢堡配薯條及沙律$98雞扒漢堡配薯條，仲有一堆沙律，呢個最抵讚係薯條，真係金黄酥脆，漢堡就不過不失，沙律可能就差少少，可以俾多少少沙律汁。飲品叫左一凍一熱，大甲芋頭奶昔同熱法芙娜朱古力鮮奶。兩杯飲品賣相唔錯但味道上又係啖左，朱古力既味道可能被鮮奶蓋過，大甲芋頭奶昔都一樣，芋頭既味道可能被奶昔蓋過。

柯士甸寧靜舒適cafe✨🦥位於尖沙咀韓國街後方一間小店，連著新派按摩店的。食物和飲品方面也以健康及潮流為主，盒子吐司和窩夫是賣點之一。《牛油果菠特菇炒蛋盒子吐司》$88賣相精美，吐司夾著豐富的食材，又健康又足料，牛油果相當多，菠特菇不會太鹹，炒蛋亦很滑！《香蕉朱古力窩夫》$56甜品之選擇，多款窩夫口味任君選擇，此香蕉朱古力很足料，香蕉多的是，朱古力亦舖滿，很夢幻的感覺！在底部的窩夫也是即叫即做，熱辣辣脆卜卜！《台灣高山炭焙烏龍茶》$48飲品方面除了咖啡外，更有milk shake和茶類。此烏龍茶以壺盛載，烏龍茶味香濃。總結：讓人寧靜休息的好地方。

今日同朋友到訪shh cafe 👍🏻之前經過已經覺得啲裝修好靚💜💜Cafe 嘅野食同飲品都好高質😳😳叫咗一個明太子意粉同紫薯牛奶店員嘅服務態度好好🙈會再嚟試其他野食👍🏻👍🏻

今日男朋友帶咗我去佐敦一間叫Shh Cafe食周年慶祝飯。去到嘅第一個感覺係以為佢帶我去做Spa🤣🤣，但原來喺佢隔離嗰間餐廳食飯。呢間餐廳俾我哋感覺都幾好，而且侍應嘅服務態度亦都好好👍🏻，會主動推介特色食物俾我哋😍呢樣嘢真係好少餐廳做到👍🏻值得讚👍🏻👍🏻我哋叫咗馬沙拉燒春雞， 份量非常大份。雞肉燒得非常好，唔單止嫩滑多汁，而且仲非常入味。配菜亦都索左雞肉嘅味道。非常好食😋辣椒仔雞翼，雞翼炸到脆卜卜同乾身，一啲油膩嘅感覺都冇👍🏻我覺得呢樣嘢佢哋做得好出色。咬落口非常juicy，仲有少少嘅辣味。味道非常惹味，好容易令人食唔停口👍🏻超正！冬陰功海鮮意大利飯， 有非常濃郁嘅冬陰功味。酸酸辣辣嘅味道同海鮮非常夾。而且冬陰功嘅味道完美咁帶出咗海鮮嘅鮮味😍真係超好食😋冬陰功湯同意大利飯嘅比例啱啱好。食完之後隻碟唔會有多餘嘅湯淨左係到！真係非常好味😋拿鐵咖啡，有好香濃嘅咖啡味，你先買嘅比例亦都非常好👍🏻。飲落口完全冇咖啡嘅苦澀味，反而飲到好香奶嘅味道。呢杯咖啡都幾有surprise👍🏻總括嚟講，佢嘅食物質素都好高，而且價錢一啲都唔貴，加埋有非常好嘅服務態度！真心，呢一間係我食過最出色嘅Cafe👍🏻我一

約咗好耐，終於約齊friend去食飯。所以特登揀咗一間好多人推薦，而且食物選擇又多嘅餐廳。咁即係要滿足大家唔同嘅慾望🤣南瓜蟹肉忌廉意大利飯- 意大利粉有非常濃郁嘅南瓜味。每一啖食落口都有勁多蟹肉喺入邊，完全係啖啖肉😍。而且南瓜嘅味道令到蟹肉嘅鮮味更突出。兩樣嘢夾埋一齊食味道好夾之餘，仲好鮮味。超正。青咖喱雞椰汁意大利粉 - 賣相好特別，青咖喱汁係side order 一齊黎。由自己決定咖喱汁嘅份量。我覺得咁樣嘅設計非常好👍🏻意大利粉煮到啱啱好，唔會覺得過硬，配埋椰汁味非常濃郁嘅咖喱雞一齊食。味道啱啱好，唔會覺得太漏。好好食😋辣椒仔雞翼 - 我覺得雞翼勁辣味啱啱好。唔會過辣或者唔夠辣😍。而且炸得非常乾身同脆口，一啲油膩嘅感覺都冇。非常好食😋😍芭樂烏龍梳打- 賣相勁吸引，而且又好濃郁嘅芭樂同烏龍茶嘅味道。味道唔算太甜，反而比較清新😍我非常鍾意❤️焦糖脆脆餅沙冰- 第一次試焦糖味嘅沙冰，你都唔算太甜，但都有好濃郁嘅焦糖味😋加埋脆脆餅，令到成杯沙冰嘅口感變得豐富。非常好味😋

呢排做嘢好忙，覺得好大壓力。難得有一日放假，當然希望可以輕鬆吓。所以特登上網睇吓喺屋企附近有冇一間心儀嘅餐廳可以去食飯輕鬆吓。結果比我搵到喺佐敦有一間Shh Cafe。睇相嘅環境都唔錯，所以就決定去試吓😍入到餐廳嘅時候就覺得冇揀錯，裝修主要係簡約風格。顏色嘅配搭都好和諧。俾人嘅感覺好舒服自在。好岩一個人係到chill下。❤️嘢食方面，我叫咗燒牛肉薯餅盒子吐司，賣相好靚😍。脆卜卜嘅多士夾住香噴噴嘅燒牛肉同外脆內軟嘅薯餅同沙律菜。口感非常豐富，亦都有濃郁嘅牛肉味，真係勁好味😋我最欣賞佢用個盒裝住，嘅時候唔會整污糟隻手👍🏻楓糖培根牛角酥窩夫， 賣相好靚！窩夫有好濃郁嘅楓糖味，再配埋煎到好香脆嘅煙肉。味道真係超正。好容易令人食完一啖又一啖。😋食完嘢當然要飲番杯拿鐵咖啡☕️，咖啡同牛奶嘅比例啱啱好，唔會搶過大家嘅味道。非常好飲😋

今年媽媽生日，我決定帶佢去食啲佢未食過嘅嘢食。所以我特登揀咗喺佐敦嘅Shh Cafe😋之前食過一兩次，覺得佢嘅嘢食好味之餘仲好有特色。加埋餐廳嘅裝修好靚，有好多唔同嘅打卡位。啱晒同媽媽慶祝生日😍食得生日飯當然要揀哂媽媽鍾意食嘅嘢❤️分別係BBQ燒雞芝士漢堡配薯條及沙律。麵包烘到外脆內軟，雞肉亦都燒得非常出色，咬落去嘅時候一啲都唔乾，而且仲非常juicy.😍加埋惹味嘅BBQ醬，芝士同沙律菜一齊食。味道啱啱好，唔會覺得好漏，而且口感好豐富。媽媽真係超like! 👍🏻燒牛肉薯餅盒子吐司。呢個配搭好特別，完全係一份勁口嘅三文治😍牛肉口感好腍，加埋外脆內軟嘅薯餅同爽脆嘅沙律菜。口感豐富，味道清爽濃郁。真係好好食😋辣椒仔雞翼。雞翼炸到非常香脆，而且醃得好入味。我自己就覺得算好辣。咬落去非常香脆多汁。超正！好快就比我同媽媽食晒😍夏日椰子美式咖啡。呢個配搭好特別，而且賣相好靚。佢真係成個椰青咁上😍😍😍。椰子水同咖啡嘅味道好夾。令到成件事好清新。好正。

今日放工夜左，冇時間煮飯。所以就去屋企附近，成日食開嘅 Shh Cafe到開餐。我鍾意佢嗰度環境舒適，而且可以靜靜地咁好好放鬆一下。今次仍然都係叫我最鍾意嘅BBQ燒雞芝士漢堡配薯條及沙律😍呢個真係不得之了咁好食😋每一次嚟到都係必叫嘅食物。佢個BBQ燒雞燒得非常好食，雞肉嫩滑多汁配埋惹味嘅BBQ醬，再加埋芝士，菜同烘到好脆嘅麵包一齊食。口感係脆得來又多汁。味道同口感真係冇得輸。最難得嘅係一個套餐入邊係包埋薯條同沙律菜。而呢兩樣嘢啱啱中和返漢堡包嘅濃味。真係無論食幾多次都咁滋味😍除咗burger，我仲叫咗杯焦糖脆脆餅沙冰。焦糖味非常濃郁，但唔算太甜。加埋焦糖脆脆餅。令到成杯飲品嘅口感非常豐富。超級好味😋每一次嚟到呢度食嘢都覺得好滿足，真係值得Encore嘅餐廳👍🏻