Shari Shari Kakigori House 氷屋

營業中

休息中

一直知道有Shari Shari而未有機會試，見到開左係旺角咁方便就即刻去食！去到門口雖然長龍，之但係好快店員就比定餐牌我地睇住先同落單先，入到店內坐住等多陣，前後加埋半個鐘都唔洗，非常合理又舒適👍我地點左限定既玄米茶朱古力刨冰、另外一個蘋果金寶芝士蛋糕加熱抹茶set原來刨冰係咁正架😍😍 刨冰軟綿綿入口即溶，玄米茶朱古力勁香濃，食到底都仲好有味！另外蘋果金寶芝士蛋糕都係好大驚喜，好足料之餘，食哂成件都唔覺得膩😋 飲埋杯茶實在係大滿足既晚上店員服務態度好，之後一定會再黎呢度試埋其他味！推介！

見到旺角開咗分店 諗住過嚟試吓 位置嚟講已經更加方便雖然都係打晒蛇餅 但入人入得好快新裝修有新嘅感覺 同中環同埋銅鑼灣分店唔同如果冇人嘅話，應該可以喺度打卡😊😊可惜又太多人排隊😂😂😂😂總體來講幾好唔錯 服務態度好 今次叫咗士多啤梨雲呢拿食 冰處理得幾好士多啤梨味唔會太搶 我個人黎講覺得剛剛好👍🏻再叫多咗件芝士蛋糕 兩個人夾份都幾平幾低食😊😊😊😊值得一試👍🏻👍🏻👍🏻👍🏻👍🏻

相信呢一間日式刨冰店大家都唔陌生😋✨🍧最近佢係旺角開左新分店✨用左工業風水泥牆嘅室內設計🤍勁文青又有打卡位，即刻幫個friend影下相先🐰😂🩷今次叫左兩款人氣刨冰同蘋果金寶芝士蛋糕試下😋兩隻刨冰都好好味，唔會話超級甜✨同平時糖水舖食嘅綿綿冰口感唔一樣，食落味道會有層次啲👍🏻👍🏻1️⃣宇治金時味 🍵🫘 ($98)佢個宇治金時都好出色，好重抹茶味👍🏻👍🏻不過對我嚟講就會有啲苦，雖然煉奶有減輕個苦澀味，但個抹茶味都仲係有啲濃郁🫣如果好鍾意食抹茶嘅朋友就一定會鐘意2️⃣草莓special🍓配北海道牛乳奶凍🍮 ($110)呢個草莓Special係我覺得最好食，首先佢個外觀好吸引，而且上面嘅乳酪同個士多啤梨味好夾😋👍🏻👍🏻食到中間又有牛乳奶凍🥺真係食左好多啖都唔厭🐷😂當然呢啲要同friend share啦~~🫣獨食「易」肥3️⃣蘋果金寶芝士蛋糕🍎🍰 ($48)我個人就馬馬地啲超級甜嘅甜品，所以呢個芝士蛋糕對我嚟講就太過甜，會有啲太膩😟如果好多個人share一舊食都還好😵‍💫但佢嘅蘋果味係好濃郁，有啲似食緊蘋果批嘅感覺🍎

粒士多啤梨發咗霉😥😥😥係咪唔應該拎俾客人食 真心有啲誇張同埋啲醬好少，中環個間好食好多 啲嘢都新鮮旺角呢間整體來講，真係有待改善。嘢食麻麻哋 雖然環境大同埋啲工作人員態度都OK但係發霉嘅嘢食真係唔好拎比客人食，我知道士多啤梨依家唔係當造季節，但係唔係發霉呀嘛😨😨😨發霉真係好誇張，好彩我睇咗一睇，如果唔係食咗都唔知發生咩事啊。重點係 攞咗啲糖霜粉遮住搏大霧🥹少少唔開心😫 本身期望都幾大 以為佢同中環嗰間會一樣咁好食🥹

Shari Shar咁出名，未食過你都一定聽過，自己番兜咗好多次😍雖然期間出現過質素飄忽嘅時候，但係經常更新Menu令到食客保持驚喜🤤可以keep到好多回頭客！夜晚7:00去到條人龍仲未出舖頭，等咗10分鐘左右就坐低食得🤤大家要把握時間嚟啊🤭萬聖節差唔多到喇！新出萬聖節南瓜口味，Menu其他口味都差唔多試過晒，南瓜口味咁特別，即刻叫咗嚟試吓😆講吓個賣相先，特登應吓節營造恐怖氣氛，用Oreo醬唧成蜘蛛網形狀🕸️只可惜唔係好影得靚🫣至於味道，好有驚喜！南瓜醬甜度適中好襯個冰，仲有啲南瓜子灑喺冰上面，有種健康嘅感覺😂 食到個冰嘅中間仲有好豐富嘅餅乾碎，味道好均勻🫶🏼雖然冰嘅質感同我第一次食Shari Shari啲印象都係有一段距離，但質素已經好過坊間九成九嘅冰😂已經期待緊，下次會食啲咩味！

知道Shari Shari係旺角開左新分店，專登同朋友約左一齊去試下。星期六晚嘅人龍有啲嚇親我，但係入座速度比我想像中快，店員嘅安排亦都好順利～我地嗌左Halloween期間限定嘅南瓜刨冰，我真係要用口感豐富黎形容一碗刨冰🤣🤣 配料好夾之餘啲冰都好綿好鬆軟✨ 南瓜醬嘅甜度係剛剛好，唔會甜到覺得淨係食緊醬咁，南瓜味亦都非常自然🎃冇化學味。最重要係哩到嘅刨冰係唔會食到頭痛，而且係0雪櫃味！超重要另外仲有個男店員勁高勁靚仔🤭服務態度超級nice，為今次探店體驗加超多分，希望下次仲會遇到佢啦～

之前喺尖沙咀食過，知道附近有新店開，即刻過嚟捧場。先嚟總結所有嘢有待改善。我哋叫咗士多啤梨刨冰同抹茶焦糖刨冰，都食到有冰塊，佢哋嘅抹茶焦糖刨冰係好食嘅，但士多啤梨偏酸，士多啤梨肉唔係好新鮮。服務態度可能想比較本土啲，打算繼承澳牛有性格嘅態度，同以前澳牛睇齊。 店舖非常崇尚環保主義，幾個人大家共享一張紙巾。新店排隊排到打蛇餅，平均要一個鐘頭先入到去。見到大家都身水身汗入去，淨係為咗打卡15分鐘，抵唔抵就見仁見智啦。可能下年夏天再嚟食啦。

中秋佳節見到旺角開咗分店 就過咗嚟試😋今次試左玄米茶朱古力味同抹茶忌廉焦糖仲加左個焙茶芝士蛋糕😙😙😙全部都食到舔舔脷😛員工服務態度好 冷氣又夠夏天熱辣辣入嚟食個冰真係即刻爽晒店入面有長凳等位 唔使喺出邊滴晒汗咁等位🥰旺角咁就腳 一定會成日黎食🫢

之前聽講呢間刨冰店係銅鑼灣非常受歡迎，經常都大排長龍，今日見到無咩人等位就去試下食。見到每人最少要消費$45，就叫咗兩個刨冰三個人食。$110草莓special味刨冰（配北海道牛乳奶凍）份量超足嘅刨冰頂層有兩塊士多啤梨和奶油中層有由士多啤梨奶糖漿和cream混合而成嘅刨冰，成個刨冰酸酸甜甜，一啖入口充斥著香濃嘅士多啤梨味最底層係滑捋捋嘅北海道牛乳奶凍，甜度較低，同士多啤梨味嘅刨冰簡直係絕配雖然刨冰口感綿密，入口即融，但融化嘅速度都好快下，食到一半就融到變液體。推薦指數🌟🌟🌟士多啤梨迷🍓 推薦指數🌟🌟🌟🌟🌟$95黑白天使味刨冰最top有Oreo碎和奶油中層有由雲呢拿糖漿和cream混合而成嘅刨冰，食完外層綿密香甜嘅刨冰，再往中間挖可以食到藏在中間嘅Oreo碎最底層則是普通嘅刨冰，中和成個刨冰嘅甜味推薦指數🌟🌟🌟🌟🌟環境方面：店內以日式木系裝修為主，設有木凳供客人等位，大概有6-8張小圓枱，每枱可以坐2-4人左右，亦設有高枱，最多可坐4人。