慕名而來Fiata 全港排名No.1 Pizza，亞太區第8名，全球62名。成績咁輝煌，梗係要試吓啦，無可否認好有意大利風味特色，但係味道就… 🤓 🍕Estate HK$225 用咗24個月嘅Parma Ham，加上布拉塔芝士同 紅洋蔥，仲有一塊香草，呢個簡單嘅配搭更可以突出餅底嘅質素😝無可否認佢哋嘅Pizza底係好好食，外面香脆鬆化，微微烤焦有小麥香🥖不過配料就有啲失色，Parma Hap 嘅份量唔夠多, even好多時候除咗餅皮嘅味道之外完全冇其他未 ☕️TIRAMISÚ 咖啡、酒嘅平衡做得好好😍做到濕潤口感，味道濃而不澀，而且好creamy 😎仲加入可可豆脆粒，口感非常豐富！係一杯令人好舒服嘅甜品🥰

銅鑼灣登龍街，一直都係麵食嘅兵家必爭之地！除咗車仔麵，仲有拉麵、泰式湯粉、日本烏冬…咁多嘢食，梗係要試吓麵尊啦！ 平時好多人排隊，今日差唔多閂舖2130唔使排直入，不過好多餸都已經賣晒！叫咗三個餸都只不過係$40 ，湯底有少少甜，又唔會太鹹！分別係時菜、豬紅、枝竹🤭所有餸都吸到湯底味道，好濃郁🥰米線腍度啱啱好，綿得嚟又有嚼勁🙌🏼好食！ 總括而言，係平凡嘅美味😎如果唔使排隊嘅，係非常方便快捷地解決午餐嘅選擇！

銅鑼灣好似食嚟食去都係嗰幾味，喂試吓去內街有一間星馬泰餐廳，平均嚟講食物味道不錯，雖然環境唔係好靚，不過食物質素搭救！ 麥皮老虎蝦🦐 好大隻嘅虎蝦！肉質好彈牙，又甜又夠新鮮，而且啲殼烤到好脆，簡直可以連殼食😆麥皮粉甜甜地，更加惹味🤭其實有冇人教我可以點食，好似避風塘咁啲粉喺蝦殼外面，都唔知點食好😂 月光河粉🌕 好夠味！而且好多料，雖然有啲油但係就夠香，重點係個醬汁好惹味，有點似燒醬油，撈埋生蛋黃一齊食，好正！ 咖椰爆醬🍞 超級邪惡！出面全部都係朱古力粉，有啲偏甜，麵包夾層有咖央又有牛油 🧈不得了！雖然好肥好邪惡，但係食完好有滿足感😍 總括而言，食物質素不錯，可以一戰！

黃竹坑都擔得起美食荒漠嘅稱號！食物選擇種類好少，而南朗山熟食中心，就可以話係荒漠入面嘅綠洲🏝️呢度有請真·泰國人幫手，一到午市就要等位，而海南雞係每張枱都見到有人叫，今次就試一試去！ 一隻海南雞整得好唔好食，係可以單憑肉眼就略一二。呢度嘅海南雞肉質好嫩滑🐥，而且唔會好生，我自己好鍾意呢個生熟程度！雞皮唔會太油，可以連皮食，而且有少少雞味，畀嘅雞肉份量一啲都唔手軟！ 海南雞嘅油飯都煮得唔錯，唔會太油又有香味，不過唔係硬飯而係偏濕嘅口感，但我都鍾意咁綿嘅飯🥰個汁都好好味，酸辣度啱啱好！ 總括而言，如果你喺黃竹坑返工就一定要試（唔試嘅區內都無咩好食🤣），質素都不錯👍🏼如果唔想喺熟食中心食都可以外賣返公司食😆但如果係區外人嘅話呢…唔使特登嚟🤣唔係唔好食，只係唔會特別吸引到要跨區入嚟食😂

太子好多小店，可以話係探索新餐廳嘅聖地🤭今次呢間餐廳係行行吓朋友覺得裝修幾靚，於是入咗嚟！行文青風格，簡潔好舒服，仲有小黃燈增添小溫馨嘅感覺🥰 香煎虎蝦龍蝦汁意粉🦞 超級好味！意粉沾滿龍蝦汁，味道啱啱好，唔會太咸太濃，仲有大大隻虎蝦😍（雖然隻蝦俾啲草遮住咗😂）好好味！唔怪得話係招牌！真係有原因！ 明太子忌廉蟹肉意粉🦀 好多嘅明太子好開心呀！忌廉好creamy完全掛到上意粉😆好欣賞呢度嘅意粉唔會煮淋晒，係有啲煙韌口感😋 黑松露蘑菇意粉🍴 好Creamy，而且菇都好有香味！不過相對上面兩款意粉呢，味道層次冇咁多🫣 蕃茄芝士肉醬薯條🍟 整體薯條都脆口😌雖然有啲薯條浸淋咗，但係肉醬好加分，味道適中，唔會太鹹，芝士都做到拉絲嘅效果😍 脆炸墨魚粒粒🐙 正正常常，雖然炸得有啲啲過火，但係墨魚好彈牙🥰好味！ 總括而言，呢間餐廳值得一試啊！只係位有少少窄，不論餐廳嘅裝修、嘢食質素都唔錯😋

尖沙咀有好多餐廳，要生存唔簡單！咁啱Openrice 咗一間叫Crusta，中文即係脆皮咁解，就試試佢係未咁脆🫓 🍕Crusti Pizza Combo Combo選擇包括：Pizza/Crusta🥧、Fries🍟、BBQ Chicken Wings🔥、Salad🥗、Drinks🍹 今次就叫咗Grilled Chicken Pizza🐥皮薄餡靚，材料仲好豐富呢！Potatoes Fritters由薯仔絲加入少少蔬菜炸而成，幾好味，有啲似天婦羅🤭Chicken Wings外皮搽足醬料，肉質嫩滑又多汁😍Coleslaw嘅醬料好足！ 🥧Crusta Combo 薯蓉肉餡Crusta真係好好味😍BBQ Chicken Wings一樣咁好味，其他揀咗唔同嘅slides😆試咗Creamy chicken satay，同薯蓉幾夾！Sweet Potato Fries🍠就正正常常，反而個白色醬味道幾得意！Fresh vinaigrette salad好解膩🥗 總括而言，值得一試！好多外國客，環境同味道有少少似去咗外國小餐館🤭仲要好光猛又乾淨！

夜晚見到有人排隊嘅拉麵，不過！千祈唔好俾佢嘅假象呃咗🥹不得不讚餐廳入面嘅裝修係幾有日本氣氛，但係食入口嘅時候又係咪咁高質呢？ 叫咗個櫻花蝦海老拉麵🍜聞落得淡淡蝦味，飲落都唔太濃，好在面頭灑咗啲蝦花蝦乾，如果唔係成碗拉麵無咩味🥹不過肯定有落真蝦煲湯底，我點知？因為佢有蝦殻出現🫠拉麵好講究個湯底，湯底做唔好已經無咗1/3分🫣食完又好似無口渴嘅情況！個拉麵係無鹼水味，都ok🙌🏼而個叉燒係幾好味，肉味夠又軟熟👍🏼 餃子好食，有脆底，餃子餡正常！ 總括而言，唔建議排隊試！如果行過路過都可以入嚟食個快麵嘅！ 題外話： 門口有日式門簾遮住，有兩個人喺門口坐低緊，唔知道係咪排緊隊，所以需要職員協助🙈我伸咗個頭入去望四五次都冇人留意到😂等咗一陣，終於有職員同我哋講喺門口走廊位排隊，但係期間不停有人進出條走廊，好窄😥 埋單嗰陣老細有問啲食物質素如何，都有照直反映🤔佢就叫我下次試其他味😂

All Day Breakfast 就食得多，通常都畀人又多油又唔健康嘅感覺，而呢間Café嘅All Day Breakfast 係少數令我留低深刻印象嘅😍ADB入面仲有一款佢哋自家製嘅嘢食材，第二度未見過有呢啲配搭㗎😆 All Day Breakfast $128 睇到佢個擺盤 好Green呢！又有菜🥬、蕃茄仔🍅、牛油果醬🥑、蘑菇😎好健康！佢個炒蛋🍳加黑松露醬炒得又滑又香，好好食呢🤭佢個煙三文魚同香腸就正正常常🤣 至於成個ADB我最鍾意嘅2樣材料分別就係薄片薯仔🥔同埋洋蔥卷🧅呀！好少喺ADB見到薯仔，通常最多都係用嚟炒，因為薄片薯仔嘅功夫要多啲，呢度烤到卜卜脆好好食🤤 心目中嘅Top 1就係洋蔥卷！冇試過喺香港嘅ADB食到🤗一開始都唔知係咩嚟嘅，甜甜地但又唔似甜品🫣忍唔住問Staff佢就話原來係洋蔥卷！佢哋會將洋蔥炒到變焦糖色，然後再拎去焗，好特別啊！ 巴斯克芝士蛋糕$48 外層係焦香芝士；第2層就係硬硬地嘅芝士蛋糕texture；最內層就係流心芝士餡，好豐富嘅口感😍 總括嚟講，值得一試啊！

Shari Shar咁出名，未食過你都一定聽過，自己番兜咗好多次😍雖然期間出現過質素飄忽嘅時候，但係經常更新Menu令到食客保持驚喜🤤可以keep到好多回頭客！ 夜晚7:00去到條人龍仲未出舖頭，等咗10分鐘左右就坐低食得🤤大家要把握時間嚟啊🤭萬聖節差唔多到喇！新出萬聖節南瓜口味，Menu其他口味都差唔多試過晒，南瓜口味咁特別，即刻叫咗嚟試吓😆 講吓個賣相先，特登應吓節營造恐怖氣氛，用Oreo醬唧成蜘蛛網形狀🕸️只可惜唔係好影得靚🫣至於味道，好有驚喜！南瓜醬甜度適中好襯個冰，仲有啲南瓜子灑喺冰上面，有種健康嘅感覺😂 食到個冰嘅中間仲有好豐富嘅餅乾碎，味道好均勻🫶🏼雖然冰嘅質感同我第一次食Shari Shari啲印象都係有一段距離，但質素已經好過坊間九成九嘅冰😂 已經期待緊，下次會食啲咩味！

中秋節好想同朋友食返餐靚中餐，咁啱有海港城coupon 於是就搵咗呢間餐廳，不過太full book我哋walk in碰吓運氣🥰好彩有枱，不過用餐時間限時90分鐘，都跟得緊㗎個時間，要傾偈嘅就要就住啦🤭 餐廳環境好古典優雅，亦都好有私隱度，間隔好好，可以同朋友開心Chit chat🫶🏼 鎮江餚肉🥢 可以話係上海餐廳必點嘅前菜😍層層分明，啫哩肉凍好鮮味 石鍋竹笙蟹粉嫩豆腐🦀 超鍾意食豆腐，呢度嘅豆腐都好滑好嫩🤤唔會有太多調味，就係食蟹粉嘅鮮味🥰 鐵板上的小籠包🥟 多湯！湯包皮薄香脆😍小籠包包得好實，唔使擔心夾起嘅時候會整穿個皮😍 高力豆沙香蕉🍌 鬆軟嘅口感，入口即化，高力豆沙就係要梳乎梳乎感🥰不過覺得香蕉味唔夠濃😂 距離90分鐘時限15分鐘就有侍應幫我哋埋單😆因為有coupon 我哋一枱3人總共可以減$300，人均$200有找，物有所值呢！總括而言，從環境、食物質素、服務，都係一間中上嘅餐廳，值得一試呢！