Shari Shari Kakigori House 氷屋

營業中

休息中

趁住呢排涼涼哋，搏下會唔會少啲人排隊😂今次同男朋友食試新嘢，食左榛子朱古力配香蕉，本身對香蕉都有啲抗拒，覺得甜品嘅香蕉味仲係有啲怪，不過見佢係limited ，就姑且試一試榛子朱古力都係可以想像嘅味道，但係當配埋香蕉嘅時候，你又意想不到咁夾，食食吓男朋友提議話覺得加個牛奶布甸落去應該幾好食，即刻膽粗粗問店員可唔可以ad hoc 加個布甸，真係唔講笑，成個口感即刻昇華晒，建議大家食呢個味嘅時候一定要加布甸🍮因為凍所以冇乜人，所以我哋就撩d Staff傾偈，俾我哋知道咗原來嚟緊都會出幾隻新口味😗😗男朋友一聽到即刻開心到癲😂😂😂不過就有小插曲破壞個成個美食體驗，席間有幾個阿叔係咁對住d staff 惡言相向，嘈到死但d staff 都仲要保持微笑同佢哋道歉，真心覺得香港做服務業真係好慘，唯有自己繼續做一個有質素嘅香港人🥹

排咗好耐入嚟 但都好值得！嗰冰又大又好食，個冰就融又好sweet咁提我哋要快啲食！服務態度超好，一入嚟已經say hello，見我帶住小朋友入嚟，就安排張大啲嘅枱俾我，服務真係超好，無得彈！下次會再嚟食😝👻🤎

見到佢哋季節限定出咗香蕉榛子朱古力 完全三樣嘢都係我嘅最愛 所以就即刻急急腳改咗去食 只可以話試完之後覺得三個味夾埋都幾match 入邊有真嘅香蕉 食落口個口感好新鮮榛子朱古力識落最尾都唔會好甜👍🏻👍🏻👍🏻👍🏻👍🏻見到啲人寫食評話服務態度唔係幾好 我又唔係好覺 夜晚比較忙嘅時間 無論係排隊定係落單到嘅有禮貌 因為唔記得撳錢 但係又無帶銀行實體卡 問佢哋可唔可以俾現金我過返數俾佢 都ok 真係好人🫶🏻🫶🏻

放假食完飯行吓街 經過見到咁多人排隊睇吓咩嚟 原來係新開左間甜品鋪 上網睇一睇好似幾吸引喎 本住試一試伏嘅心態試試佢啦選擇困難症嘅我見到咁多種口味花多眼亂 款款都好吸引 完全唔知點揀 好彩個店員即刻推介左呢款叫草莓special入面仲有奶凍等店員拎到出嚟 實物都真係幾誇張大過成碗飯仲有個木質托盤仔裝住賣相滿分本身仲驚食唔晒點算 點知一下唔覺意食吓食吓差啲連個碗都食埋期待下次再食試吓其他口味整體嚟講 賣相靚 打卡正 仲有好多口味揀 價錢合理 服務態度幾好值得幫襯

一早已經係朋友口中聽過呢間冰店嘅名 最近經過 下午茶時間冇乜人 所以入到去都唔使等 睇餐單已經睇到眼花撩亂 然後叫店員推薦左一個味俾 就揀咗伯爵茶味 可能因為冇乜人上冰速度都好快 啊，第一次食完全唔知道要打卡 ，望住隔離啱啱放學嘅妹妹會影10幾張先至開始食 我都係食食吓影咗張相 幾有驚喜 唔係剩係得伯爵茶醬 入邊仲有餅乾碎👍🏻👍🏻👍🏻又唔係話好甜 啱晒我唔係鍾意食好甜嘅人 見期間限定係香蕉朱古力 我就麻麻哋香蕉 等下次再嚟試吓佢哋嘅期間限定

Second time to eat Shari Shari Kakigori House but it was the first time I came to Mong Kok. Service: The service is satisfactory the staff was polite and with her smiled. Before eating, she also reminded me to ‘pls eat from the top thank you ‘. The service is good. Food: We ordered strawberry special and Earl gray milk tea with mochi. They were both fluffy and tasty. For me, I like Earl gray milk tea more because it contains the rich flavour of tea which is extremely good though strawberry is al

非常之差嘅服務，佢地嘅policy 係一人只可落一次單，即係你食完一個唔夠係唔可以再叫，要行出去重新再排過隊。不可加單，一係你一次過叫兩個，融咗係你嘅事唔關佢地事。佢講嘅。我地一行4人，有一個行慢左少少4分鐘後都到埋，只可以落3個單，第4個可以入嚟同我地一齊坐一張台，不過唔可以叫嘢食。如果店員好好禮貌咁講我地講都ok，但個女店員短頭髮比較矮小打扮中性嗰一位，態度奇差，無咩點解釋就話policy 你唔可以落單，要就出去排過隊，其實唔好以為好多人排隊有兩個人啫，遲我哋2分鐘。到我地再叫返同一位店員嚟反映意見嘅時候，佢突然之間態度好返少少，但第一嘢係串過碼頭咕喱，好似我哋喺乞食咁。間店舖新開都未出名就已經咁嘅態度。態度咁差，我地都唔會再食。

旺角分店啲冰同其他分店都係差不多質素，幾綿密，不過莓類嘅冰好似都係偏酸，下次會食返其他～不過想講呢間分店啲服務真係搞唔掂，之前有幫襯過銅鑼灣同中環都冇發生過以下情況。我係早排去食，個職員喺我排隊嘅時候就收咗現金，但遲遲都唔找錢，單又冇張，好似唔打算找咁，催咗幾次都話等陣先，而冇幾耐竟然就找咗錢畀我下一個號碼嘅客，到我坐低咗先找返畀我。坐我隔籬枱嘅客又係坐低咗先收到找錢，而且職員仲要找錯錢。仲有落單嘅時候問加錢要配料（我揀咗消化餅碎）係咪會加喺個冰入面，門口個職員好肯定咁答係，但上枱嘅時候分開咗上。再問之下，個職員竟然建議我不如就咁倒喺上面食，仲同我講「如果唔係個客特別要求嘅話係唔會分開上」，講到好似我屈佢哋咁，嗰下真係躁咗。最後我話唔要，要求退錢（碗餅碎我冇掂過），個職員就話問下先，然後搞咗好耐都冇處理到，又催咗兩次，個職員好似有少少不滿咁話「唔好意思我哋而家有啲亂，介唔介意等多陣」，但眼見佢哋又唔係送緊冰，只係行嚟行去唔知做乜，想問亂咗喺邊。雖然個職員最後有退返錢畀我，但我真係覺得處理得好差。冇咩事真係唔會再去旺角分店食。

Weekday收工6點去到已經要排隊，不過大家食冰速度好快，所以等左15分鐘已經有枱啦。點了玄米朱古力味刨冰，第一啖茶味勁濃！啲朱古力好香，頂上面的cream似朱古力雪糕。食到入面有驚喜，原來有啲花生碎，有咬口，正！

最近冰屋開咗幾間新分店，之前都係山長水遠去到港島嗰邊食，仲要好多人排隊。今日咁啱嚟到旺角，順便去下，睇吓會唔會都要排好耐隊。好好彩排隊人數唔多，同埋旺角舖嘅店面闊落好多，所以可以入去餐廳裏面等。同埋價錢好似貴咗，明明記得之前食好似90幾蚊左右。------------- ⇣ 食後感想 ⇣ -------------🎃 Halloween special 萬聖節南瓜味｜$130呢個用咗好經典嘅萬聖節配飾，橙色同埋黑色，橙色部份係北海道南瓜糖漿，啡色部份係竹炭糖漿，非常有節日氣氛。南瓜方面係選用咗北海道南瓜，自己第一次食南瓜製嘅甜品，所以都覺得好驚喜。面頭灑咗少少Oreo碎同埋南瓜子。橙黑糖漿底下在唧咗一轉椰子糖漿，聽落用咗好多糖漿一定覺得好甜，但佢完全冇咁嘅感覺，就算平時飲開微糖嘅我都覺得啱啱好，所以唔同味道仲更加有層次。而冰嘅中心有曲奇碎同蜜紅豆，又冇諗過紅豆同南瓜有幾夾喎！🍓Strawberry Special 草莓special味 配北海道牛乳奶凍｜$110要同大家講聲，我係一個士多啤梨控。呢一個甜度相對幾南瓜甜好多，不過都係一個接受到嘅甜度。冰上面跌咗一轉士多啤梨牛乳糖漿，食落

一講刨冰，一定係諗起shari shari😍咁多年都冇人取代到佢係我心目中嘅no1🫶🏻新店終於開到黎旺角‼️位置唔算就腳，但到夜晚都係排左成條龍🥹最後好彩平日晏晝去先成功等一枱就食到—— 白玉抹茶忌廉焦糖刨冰 $110一樣個size係大個粒波嘅🤣刨冰超幼細綿密，個texture真係冇得彈，入口瞬間完全融化，成個刨冰淋滿晒抹茶醬，濃厚甘甜，內層收埋焦糖脆餅好好食!!!成大個刨冰有唔同層次味道，每次食都係咁好味😋😋—— 蘋果金寶芝士蛋糕 (+$48) 平時食開蘋果金寶多數都係西式，依款偏日式冇咁甜膩，多左份蘋果嘅清香，配忌廉芝士蛋糕更輕盈🌟推薦指數：10/10‼️

遲來的食評~係朋友推介下膽粗粗入左去試下呢間刨冰店，本來都唔太想排隊等位，但見間間糖水鋪都要等位就照排啦我地試左呢個抹茶忌廉焦糖味 配白玉 $105🍧佢地採用嘅抹茶口味非常獨特，帶有深厚的抹茶茶葉風味，同埋唔會過分甜蜜。焦糖亦都提供左一層柔和的甜味，為刨冰增添了一種複雜而美味的層次後來因為太好食先至Search下呢間刨冰店究竟咩來頭，原來呢間Shari Shari 總部位於日本，亦以刨冰甜點聞名。不過價格偏貴同埋有每位$45嘅最低消費但呢間係絕對值得嘗試嘅刨冰店

算係sharishari fans 嘅我同男朋友見到旺角分店新開 特別限定版 仲要係玄米茶朱古力，本身我自己已經好鍾意食朱古力 再加上朋友推薦 所以諗住試吓加埋玄米茶會唔會有啲新嘅味道。過嚟試咗之後發覺 唔會甜得來總體比到新嘅感覺！男朋友平時唔食得太甜嘅嘢 覺得唔係太甜~~依家排隊都唔算太多人 覺得喺可以嚟試吓 服務態度都幾好👍😙😙😙總括嚟講服務:❤️❤️❤️❤️❤️味道:❤️❤️❤️❤️❤️位置:❤️❤️❤️(偏僻咗啲)但絕對可以一試

為咗嘗試新口味嚟旺角分店食冰，最後overall體驗竟然超乎想像嘅好！！🥹🥹🥹本身最鍾意食passion fruit味，今次試左玄米茶朱古力，真係好味到爆燈😋 fresh得嚟又因為朱古力而變得濃郁，加上啲cream，整體味道真係好match呀！！可以encore再encore🤩雖然新店開張冇耐，但係feel到店裡面嘅staff都好有heart好有禮貌🥰🥰 服務態度真係可以俾滿分💯 同埋好鍾意新舖嘅裝修style，好適合打卡！

星期六去到門口排排一陣隊，可能因為係食冰，望落左排二十個左右，都係等左15分鐘，唔算等好耐，同埋有一半係店內排隊，有冷氣有得坐都舒服好多。士多啤梨special(配牛乳奶凍) $110D冰好綿，唔會食到有冰塊初時有D驚咁大舊冰，會唔會底果D無味，但係完全無哩個問題，因為醬好夠，多皕會滲入個冰度食到最低有牛乳奶凍勁滑勁Match整體黎講超級好味。生果好新鮮食得出係靚士多啤梨因為女朋友唔方便食冰，就叫左兩個蛋糕，估唔到都有驚喜，甜度同口感都岩岩好，刨冰款式有好多，下次再黎試下其他。