SHAKE SHACK (海運大廈)

營業中

休息中

2022•05•12 ❤️睇海景 • 食漢堡窗外落住毛毛雨，睇住對面嘅幻彩詠香江，食住香味四溢嘅美食，感覺幾浪漫呀😂Shack Stack HKD 89“ShackBurger"加“ 'Shroom Burger" 嘅混合體。成個包好大件，女仔黎講，係有啲難咬。呢款包有菜有肉，大咖菇好大件，炸過後嘅外皮脆脆哋，入面嘅菇乾爽易咬斷。肉都幾香口，可能味道比較豐富，芝士味都算太出，生菜、沙律醬、蕃茄反而突出。Double Smoke Shake HKD 87呢款係有兩塊肉排加兩層芝士，“食肉獸”們就一定鍾意！超濃郁嘅芝士加埋兩塊大大件肉排，相比起上一款，冇咗大啡菇，體積就冇咁大。Cheese Fries HKD 36食完double burger其實都好飽，薯條基本上都食剩半份，芝士味都幾香，比包上嘅芝士，會比較淡少少。可能係食飽咗嘅原因啦，個人覺得冇芝士會好食少少。薯條係炸得好好，外面好香脆，內裏軟棉。

終於都月尾啦🥲 同兩個好朋友放工食個包先🤭 有海港城coupon就平好多（差唔多平咗一半 )咁就揀咗個啡菇漢堡同埋煙肉漢堡試吓個芒果奶昔入面有啲好似涼粉嘅嘢 都OK嘅 奶昔來講唔算太甜坐咗一陣 大約等咗五至10分鐘就可以拎 一咬落去個牛肉漢堡都幾Juicy 不過個包底有啲油😮 大啡菇冇我想像之中咁大 同埋有少少鹹 其他都幾好食薯條叫咗原味同加芝士 但係今次個薯條就非常之麻麻哋炸得好乾身同埋濃 仲要俾埋啲碎☹️ 芝士薯條就唔覺好有芝士味 同埋嗰醬偏少 淨係面頭嗰少少🥱（我見到隔籬枱嗰個 人哋我薯條顏色同我哋唔同色 有色差😅）地方有限 如果坐到入面個海景位 夜晚食係一流👍🏼👍🏼 不過繁忙時間都幾多人 都多人喺你後面排隊等你食完 唔可以慢慢食 都食到有啲壓力不過如果淨係講嘢食就一般般 食完之後覺得好熱氣😵

💛💛💛💛💛💛今日突然間好想食漢堡，就去咗尖沙咀海港城度買外賣，兩個人買咗個二人套餐 再加一個包 共3個包🤣🤣🤣🤣🤣 但係全部嘢都好好食Double shack burger: 呢個係有兩層牛肉，啲牛肉煎得好香，真係食到啖啖肉好正，相信食肉獸一定好鍾意！🤩🤩🤩❤️Avocado bacon burger: 呢款係多咗煙肉同埋牛油果，識落感覺好Fresh!! 煙肉都煎得好香脆，牛油果份量都好多😋Chicken shack : 呢個包入邊嘅炸雞就略嫌有啲乾，下次就應該唔會試😅 炸雞件同薯條都好好味，食漢堡一定要配薯條🤣🤣加埋芝士醬一流呀總括下次一定會再食，價錢都還可以，其實食落性價比都唔錯！！❤️❤️❤️❤️推薦！❤️❤️❤️❤️

最近有幾張海港城餐廳coupon就攞左去食呢間burger對比起同樣另一間食burger既舖頭感覺呢間好食兼抵啲🫶-🥢single shake burgerSingle的確有啲小女仔會夠 但男仔最好嗌double可以多塊肉🥩麵包皮攞上手好似浸過油咁，超級油😅 不過食落唔會覺得好膩 都好鬆軟牛肉好香好多汁 😋😋🥢single smoke shack呢個有啲特別 佢話有煙燻蘋果木煙肉但係食落去都唔覺有嗰浸煙燻嘅味道🤨同樣地麵包都係比較油肉扒都keep住多汁👍🏻🥢cheese fries個人認為一定要試薯條係波浪紋嗰隻粗薯Feel到佢係啱啱炸起 熱辣辣外脆內軟🥰不過一開始比嘅芝士小到見唔到😅同佢講番佢都肯俾返一兜芝士醬🧀芝士醬都好夠味

由於上次已經試咗牛肉漢堡所以今次試炸雞胸肉 漢堡，包內有一塊厚厚的香脆雞胸肉,夾住生菜 ，醃青瓜和蛋黃醬一起吃，感覺上冇咁油膩， 雞肉份量充足不過我覺得鹹咗少少，如果下次再嚟我會揀返牛肉漢堡😋 另外叫咗一杯 TST Jam concretes 做甜品， 除咗有香滑嘅雲呢拿雪糕外亦有士多啤梨玫瑰果醬,士多啤梨果肉及酥餅上面灑上細細粒的粉紅色朱古力， 所以食起上來口感非常豐富， 可以一路食一路望住維港風景十分寫意啊!可惜太多人等位唔好意思坐咁耐所以食完就要走啦！😅

想試好耐既shake shack🍔✨之前有聽過朋友話覺得麻麻，試過就算。但今日我食又覺得好好味喎，會想再食。食左佢個shack stack🤩😛(超讚！包包有扒有炸菇，真係口感好好，包皮亦脹卜卜💓冇得頂扒味好夠好香、加上菇又多汁、又有埋脆脆皮，包又鬆軟，要影底比大家睇睇，滿足🤤☺️薯條正常好味，芝士份量都好夠亦夠味😛朋友叫左煙肉burger，佢話都好好味 & mango shake 個賣相都好好。總結：好味🍔 會想再食再試多啲唔同款🤩

雖然話望住海景食burger，作為美國代表，喺外國仲係覺得OK，但嚟到香港真係有啲失望，點解可以咁難食👆🏻Shroom Burger😿個大蘑菇咋得到OK夠熱，但係炸得太耐，冇晒啲啡菇嘅汁，最緊要係個包唔係好熱👆🏻Smoke Shack😼呢個相對來講叫好少少，但你會feel到入邊好冇誠意求其對埋一齊，亂七八糟冇一層層嘅感覺，不過食落味道幾特別，不過個包依然係唔熱嘅！👆🏻Chick’n bites-6 counts😿唔使試都得，個表皮炸得唔脆，似係揸咗一陣放好耐，入邊雞肉得勁少👆🏻Cheese Fries😿睇埋相都知唔使試，薯條依然係唔脆，上面嘅芝士更加hea，冇芝士味可言...⚠️非進食時記得帶口罩⚠️除左口罩再消毒雙手💸.消費. $253🈵.回頭率. 4/ 10

平日下午唔多人，坐到窗邊海景位，試牛油果牛肉煙肉burger同薯條，burger味道唔錯，用埋海港城coupon 都係$50，以呢個份量同質素實在超值，值得一試！

今次第一次嚟食，叫咗個二人餐，兩個都叫咗shack stack跟芝士薯條，嘢飲就嗌咗lemonade 同half half.包同埋薯條嘅份量都好足，味道好好食，中間個炸菇好有驚喜！果然係香港最好食嘅漢堡包之一！

二訪海港城 shake shack，今次係堂食。-假日海港城人山人海，就算過咗中午時分，餐廳依然大排長龍，等咗5分鐘後點餐，入座率超過100%，需要自助輪候等位，店員態度有善。-餐廳地方大，有吧枱同卡位，設計一般，店內牆身有霓虹燈招牌裝飾，較入嘅位置有落地玻璃遠眺維港風景，採光度充足，餐廳取餐處旁邊有自助區，可以取醬料同洗手。-ShackBurger (double) $77漢堡包大小適中，有蕃茄、生菜、芝士、兩塊漢堡扒。味道濃牛味，冇爆汁，膩，蕃茄同生菜減膩，效用唔大，整體偏油。特別嘅係麵包上下冇切斷開兩塊，食起嚟配料唔會四散。-Fries $28薯條屬波浪形，份量多，足兩個人份量，薯條坑紋深，硬脆，香口。-Apple juice $25友人指樽身外型有趣，味道正常。-Fresh lemonade $32非碳酸飲品，酸大於甜，濃檸檬味，好飲，但友人唔鍾意。-整體而言，漢堡包味道唔錯，薯條偏硬咗少少，好食過外賣。題外話：海港城消費滿一定金額有優惠券，可以用優惠券光顧餐廳，消費指定金額後可減$50。

I’m going to this shop in Tst ocean terminal there staff are not good they attitude so bad they miss my drink when I ask them where is my drink staff shouting me and said if u don’t like them don’t come or u cancel order what why they talk so rude not talk polite omg we are paying

平日嘅日子去唔會使同人爭枱或者櫈仔坐, 要咗3樣食物勉強消費夠150蚊但咁都只係減20蚊。其實真係無得同上次嘅折扣優惠去比較。DBL Smoked Becan Burger $87個包係法式甜包Brioche 做, 所以入口有種油膩感。 牛肉漢堡的確比連鎖式快餐店嘅優質但db px 嘅話那麼又係見仁見智了。HK Milk Tea Shake $42雖說是港式奶茶味嘅奶昔但個人認為佢只做到茶味奶昔並非港式奶茶味道。有改善空間吧！Fries $28 呢個薯條炸得外層夠硬脆可惜店嘅冷氣太強唔使3分鐘即時降至室溫。浪費咗炸得乾身嘅外層。一凍變成只剩餘乾硬嘅外殼。呢個就都係連鎖式嘅快餐店來得價廉物美。下次有機會再來我都應該只幫襯買漢堡包了, 薯條奶昔可免則免了吧！股務方面: 亦有待改善, 問櫃枱服務員攞茄汁佢居然"黑面"!

我高太今日晏晝已經話想食burger 飯聚令底下，我地唯有又幫襯外賣app😆😆晏晝已經唸定試下依間shake shack係外賣app度見到張相係有两個細細個既burger,本身唸住嗌两個細個啲既burger，一人一個等食果時方便啲點知原來嚟果時都係得一個俾外賣app張相誤導左雖然俾個外賣app張相fake左，但個burger塊雞肉都炸得幾香脆而且個飽既size都岩岩好，唔太大個，菜都幾新鮮爽口炸雞粒都香口，雞肉都嫩滑

有海港城coupon肯定黎食🍔！望住海景食野係正d，又可以影靚相又有美食，芒果milk shake，芝士波浪薯條+2個🍔！超級抵食呀！2個人已經相當飽飽，good呀

尖沙咀都有唔少野食今次就揀左呢間shake shack 試下啦， 疫情下都會多選擇外賣。叫左shack burger 同薯條試下。個漢堡份量唔算大不過味道還可以，肉既口感ok入口林林地既感覺，其他配料配搭可以，呢個味道唔錯，又唔會食到好溜既感覺。薯條方面，自己對波浪薯條比較鍾意，而且都夠熱又唔會林，口感ok，食落去都唔會好口渴口乾，呢個價錢呢個質素還可以的。整體黎講，衛生都ok 味道唔錯，望落去環境都空曠唔會好迫。