Shafiq Shinka restaurant

營業中

休息中

Shafiq Shinka Restaurant食物令到我個胃都「Shinka」咗🤣Shafiq Shinka Restaurant是位於深水埗的一間地道印度餐廳🇮🇳，性價比極高，個人覺得有d時光倒流價🤪牛肉馬沙拉Beef Masala）香料味超濃郁，牛肉煮到軟腍入味，醬汁帶微酸微辣，配白飯或者烤餅一流！佢呢個set都好好，送埋烤餅，唔洗再另外叫😋印度咖喱雞香料層次豐富，雞肉嫩滑入味，醬汁濃稠帶微辣同微甜，每啖都食到蕃茄同香料香氣，唔會太油膩，口感好唔錯😌鐵板雞雞肉嫩滑，配左少少雜菜喺底，鐵板滋滋聲加埋香氣，真係令人忍唔住一啖接一啖😆印度炒飯（Biryani）正常，食得米飯偏長條型，同平時食開珍珠米嘅口感有d唔一樣🤭用香料同印度香米炒成，米粒乾爽分明，香氣超濃，層次豐富，每啖都好有驚喜！配料有雞肉，正！😋芒果沙冰香濃又解暑🥭，沙冰打得細滑，芒果味超突出，飲完即刻透心涼，夏天必飲！🤪

今日試了午市套餐：羊肉咖喱配2塊薄餅+水🍛🌶️ Today's Lunch Set: Mutton Curry with 2 Roti + Water - 羊肉咖喱 Mutton Curry 羊肉燉到軟嫩入味，咖喱香料層次豐富，小小辣！ Tender mutton soaked in rich spices, mildly spicy! - 薄餅 Roti 熱辣辣又帶煙韌口感！ Served hot with a chewy texture! 餐廳環境 / Ambiance🇵🇰🇮🇳： - 多數食客是南亞裔/中東面孔 - Most of the customers are South Asian/Middle Eastern- Queuing Time：nil - 排隊時間：不用排隊 - Serving Time：9 mins - 上菜時間：9分鐘 - Tasty Index (好味指數)：8/10 (圖中價格是港幣) (The prices in the picture are in Hong Kong dollars.)

人生第一次食印度咖哩係旺角果間 老實說唔覺特別出眾 咁就收咗我$90 我仲以為印度菜就係咁既味知道深水埗區多平價印巴菜 所以搵咗依間裝修唔錯又0差評既店再試下 真係有驚喜！食咗個咖哩成粒鐘喇 個胃仲係暖架個人慶恰恰好誇張 好鍾意食roti 打包咗兩份比鍾意沙嗲王薄餅既呀爸試下咩係正宗哈哈咖哩裡面啲雞肉都算多 我諗都至少1/4隻 唔係比幾粒雞肉你就算數 我一個女仔叫咗份Tikka Palak同roti 仲有杯Mango lassi真係飽到少少想嘔有機會再黎會試佢個炒飯同奶茶利申非打手 只係見小店不易先抽時間打食評

喺香港想食印度菜，你可能只知重慶大廈有得食，但其實深水埗也有不少，所以今次俾我找到呢間印度人開的印度印尼餐廳。餐廳裝潢有啲印尼中華風格，因為有草木製雨傘和木扇裝飾、木製風扇燈，木枱木椅，座位也坐得鬆動，闊落。我食飯嘅時候，見到印度伯伯們都嚟食嘢、傾偈。好唔好味真係試過至知，但印度人都嚟食嘅就一定是正宗的👍🏻🐑🥘 咖喱羊肉午餐 (HK$60)．老闆娘推介我食呢度嘅招牌咖喱羊肉，我話怕辣，佢幫我煮少辣 (yea✌🏻)．一碟份量好多，羊肉煮得好腍身、軟滑、好入味，仲要一啲都唔酥，只係對我呢個唔食得辣嘅人嚟講都係有啲辣🥵，但這不能阻止我搣開塊roti變多份細細塊撈咖喱汁食😋🫓 Roti 印度煎餅．好大塊，乾身，所以撈咖喱汁食一流👍🏻🥗 生菜沙律．生菜蘿蔔切絲，配酸酸鹹鹹微辣的raita乳酪醬🍹 凍檸茶 ．茶底調味與港式檸茶相似👍🏻

同事聚餐，由中東同事帶到這間餐廳的。餐廳外表普通，內裏位置唔多但裝修企理。部份菜式出面印度餐廳食唔到，例如木豆漿/印式雞肉腸，口味都係就番佢哋同鄉嘅味道，偏重香料味同辣啲。最推介的菜式係個個似炸魚，外表好似好乾但入面好嫩滑，另外咖哩似係香料咖喱，大概係$60但份量極多，特別推介係咖喱羊，因為煮得好淋，再配Naan bread一塊都係$10，幾抵食。而tandoori chicken就係正常味道，勝在有塊鐵板保溫住，都可以一試。

環境：有異國風情裝修，極度整潔，連個廁所都乾淨冇臭味。服務： Fine dinner 既級數，怕整污糟隻手既既枱面有膠手套用。水就直接一支新既獨立包裝水免費招待。叫左個羊胺有包兩個薄餅，薄餅會等我哋食完一塊先上另一塊，保持溫度。食物： potato egg好食到不得了！此生必食清單級數。其他餸都好好食，夠香夠辣，價值親民得黎又有食物質數同份量。 總結：必定會再黎食！係重慶大廈食過印度野再同呢到比較，你就會好自然成日黎，性價比大高了！

行到蘇媽蘇媽，一望對面，見到新開未試過，$50咖哩+2塊Roti，相對比另一間出名的xx米爾，這間平易近人，還有跟Roti，入去一試，有驚喜，咖哩比xx米爾好食，坐低有枝樽裝水，都幾特別。題外話，老闆識講少少廣東話，容易溝通牛肉咖哩🍛：咖哩好味，落單時可同老闆講調辣度，唔會油淋淋，牛肉夠淋，只係有一件牛筋比較靭，若唔想咁辣，可加配菜一起食，瓜菜的清新，可中和一下辣味Roti：中間軟熟，不過邊位比較硬，整體都好食，唔鐘意Roti，又可轉Naan，若果唔想食餅，可以轉飯，唔使加錢總結：真係一試難忘，好想再去食過

深水埗經過見到間印度餐廳，入邊裝修幾好乾淨又舒服，就入去叫咗個Set Lunch，咖哩羊肉+ Roti。Roti 係即刻整出黎，仲有啲暖暖地，咖哩羊肉好好食，微微辣，50蚊食到羊肉真係好抵。仲叫咗杯鹽拉西，即係鹹味乳酪，雖然冇試過咁甜嘅，但呢個味道都幾好，可以一試。食緊嗰時都有見到幾個香港人幫襯，個老細都又好好人，推介嘅時候好有耐性又幾有親切。整體感覺幾好，推薦。試過蘇媽蘇媽又想試下第二樣野嘅，可以試試呢間，就係隔間附近。