SHADI

營業中

休息中

SHADI (土瓜灣)📍土瓜灣譚公道108-114號雲天大樓地下A號舖今日過咗嚟宋王臺站附近買外賣同屋企人一齊食揀咗呢間新開專賣Pizza🍕漢堡包🍔嘅外賣店人氣好高 呢度用嘅肉都係高質素嘅冰鮮肉唔係雪藏肉所以質感同肉味好過其他餐廳賣呢個價錢CP值真係好高出面食呢種質數嘅漢堡包一啲都唔平🧐🦐彈牙蝦堡伴蛋黃wasabi醬, 生菜絲$80用蝦膠代替牛扒 出面都好少見 好特別蝦膠係用新鮮蝦 再喺廚房去殼再用刀剁碎然後煎香唔怪得知咬落去咁彈牙 調味都好好蛋黃wasabi醬少少辣 加埋生菜 令到個漢堡包更加惹味🍟鹽味薯條$15食漢堡包一定要跟薯條 份量都唔少薯條新鮮炸起 特別香脆 簡單加鹽同茄汁已經好好味😋🐙Octopus Pizza 西班牙八爪魚Pizza出面比較少有Pizza茄批底都係自己做同手拉 好有口感橄欖油好香 配埋羅勒 青醬 甜橄欖 幾有地中海特色啱啱焗起嘅時候 芝士仲可以拉絲😋

⭐️ SHADI (土瓜灣) ⭐️ 小編係土瓜環見到間新既漢堡餐廳，都幾吾錯，推介俾大家先😆😘呢開新開既漢堡包店一直都係To try list入邊，難得今晚無煮晚飯就可以試下佢！叫左兩個signitaure 既Burger，一個係牛肉，一個係雞肉，要品嚐一個漢堡包係咪好味，最緊要係個面包！呢間burger既麵包相當鬆軟，而且有剩為加上牛油烘過，非常好食！試佢既牛肉，食落就知道係用靚肉，唔係一段雪藏肉，再伴埋蕃茄、洋蔥粒同埋應該係自家製曬同醬汁，兩個字，好食！另一個就試埋佢個雞漢堡，應該係剩為用鹽同胡椒然後加上麵包糠作調味，同埋好欣賞佢地唔係炸到成塊乾晒，而係用煎既形式，加埋個自家制莎拉醬汁，呢個雞堡大推！薯條唔乾有薯味，再顯誠意！🕋環境指數：8/10都幾舒服，有特式！😋美味指數：8/10味道唔錯，好食！👩🏻‍🌾服務指數：8/10職員服務唔錯👍🏻🤑抵食指數：8/10 cp值高🫶🏻🙋🏻‍♀️推介指數：8/10 大家去開果頭，多一個選擇俾大家參考😆📍地址：土瓜灣譚公道108-114號雲天大樓地下A號舖

試咗兩款single dribble嘅burger一個100%安格斯牛堡 一個雞堡雖然係單層 但都已經好有份量😀兩款都好味 塊肉都好厚身 配料都幾豐富 有生菜 蕃茄 芝士啲醬汁仲多到漏瀉🤣個包仲烘到脆脆地 又有啲牛油 熱食好好味另外叫咗款炸魷魚圈小食新鮮炸好熱辣辣 非常香脆 應該唔會太油膩食物整體唔錯 份量夠豐富 價錢都合理.食物係即叫即整👍🏻而且標榜係自家製無防腐劑 無味精 無添加劑可以食得安心☺️晚餐時段都幾多單 所以都等咗陣不過原來可以預先電話whatsapp落單咁就可以慳返啲時間喇

土瓜灣新開咗間burger店🍔 亦有薄餅同唔同嘅小食可以嗌 堂食座位不多 較適合外賣～🍔彈牙蝦堡$80 (伴蛋黃wasabi醬•生菜絲)店主話係用新鮮蝦切碎 經過調味後再煎嘅蝦餅 自家製蝦餅真係十分彈牙😆配埋大量生菜食落好fresh 漢堡包經過烘烤 食嗰陣散發陣陣香味 蛋黃wasabi醬 唔會好膩仲帶微辣😋🍔 意式雞堡 $98(雙層肉扒•意大利青醬•松子仁•羅勒葉•馬蘇里拉芝士•意大利黑醋)鋪頭其中一個signature burger⭐️ double 香煎雞扒啖啖肉 岩曬食肉獸🤡 mozzarella cheese 夠creamy 酸瓜同紫洋蔥增加清爽感🤤🍟拉絲芝士薯條 $30薯條真係有滿滿嘅芝士仲拉絲😋 份量都幾多 食開burger可以加～

放工費事煮飯去咗買外賣，唔知食乜好，簡簡單單買Burger。呢間小店主要賣Burger同埋Pizza，就每樣買咗一個share。Single Dribble $55呢度嘅牛肉寫明用100%安格斯牛肉，不含味精。打開賣相好靚，單層牛堡都好豐富😍麵包鬆軟，牛肉漢堡香濃Juicy，醬汁少少微辣，好惹味，配埋邪惡芝士、新鮮爽脆嘅生菜、蕃茄同埋酸青瓜，正👍🏻Margarita $55呢度Pizza係手製，六吋一個，細細地我哋兩個人share啱啱好。Pizza烤得恰到好處，薄餅邊外圍脆脆而且煙靭😋最重要係芝士勁多，軟綿綿，充滿奶香咸香😍，加上臘肉腸同埋少量香葉，材料簡單得來好好食👍🏻另外，我見到加$15可以升級套餐有薯條，我都唔蝕底加咗一個。薯條連皮切，粗又適中，外脆內軟，新鮮炸起，好食😋

無意之中發現呢間特色西式小店，專食burger，除咗takeaway之外，門口仲有兩張枱可以堂食😍如果想飲即磨咖啡，呢度都有😳有驚喜🤗🌟The slam dunk $115🌟終極牛堡✨同朋友share食呢個終極牛堡，兩個人食真係share食都已經好飽🫣同埋喺相機食先之後，老闆即刻好細心問洗唔洗幫我哋切開一半，一開二，實在太好了💯分別係三層漢堡包、雙層肉扒、雙層芝士、火雞煙肉、黑松露煎蛋發現加咗黑松露驚蛋先係個精髓，加咗係好食好多，唔會成口都係肉咁膩🤤🌟Bolognese Fries $55🌟牛肉醬薯條✨呢個牛肉醬薯條都好不錯！份量都十足，每一條薯條都沾滿了芝士同牛肉醬，同埋係即叫即整，熱辣辣，記得要襯熱食，味道更佳😋

呢間位於土瓜灣既漢堡包店，店面細細主要裝飾係用藍球明星為主仲有藍球裝飾，外面仲有少少位置可以俾客人坐响度食既，我揀左拎走，呢度出名漢堡包同埋pizza,我叫左一個牛肉漢堡入面啖啖肉好多汁juicy,仲有芝士青瓜，蕃茄洋蔥等配料放響入面，另一個叫左炸雞漢堡，炸雞雞肉香脆可口，啖啖芝士香味，小食揀左炸薯條，薯條粗身，食物牛肉係安格斯牛肉，仲有叫左一杯用咖啡機即磨咖啡豆而成既latte,無添加無防腐制，全部食物即叫即整。

Shadi土瓜灣譚公道108-114號雲天大樓地下A號舖Shop A, G/F, Wan Tin Building, 108-114 Tam Kung Road, To Kwa Wan黑底白字, 門口個招牌很吸引眼球, 望多兩眼是新開Burger漢堡包店, 主力做TAKE AWAY 外賣, 有BURGER 仲有PIZZA, 好有美國快餐店影子呢點了個chicken burger,有生菜蕃茄同醬汁,個包勁厚同鬆軟，仲難得烘過下添，多醬汁食落無咁乾身，加雞係雞攪肉來的，風味有點不同。

土瓜灣呢間外賣小店主打自家製漢堡🍔同Pizza🍕，食物全部即叫即做，所以要等一陣先有得拎，但確保拎返屋企嘅外賣仲係熱辣辣就絕對值得一等🤪意式雞堡 🍔 $98雞堡超級大個，真係一啖咬唔晒🤩，而且非常足料，軟腍充滿肉汁嘅厚切雙層雞扒、酸青瓜🥒、生菜、蕃茄🍅、洋蔥🧅配意大利青醬、松子仁、羅勒葉、馬蘇里拉芝士、意大利黑醋，口感豐富，真係多重滋味享受🥰拉絲芝士薯條 🍟 $30薯條記得要趁熱食先唔會淋，加入海量芝士嘅薯條，芝士味超香濃😝仲可以做到拉絲效果添😎

📍 SHADI🌍 土瓜灣譚公道108-114號雲天大樓地下A號舖Shop A, G/F, Wan Tin Building, 108-114 Tam Kung Road, To Kwa Wan📝 整體評分：8／10平民小區開左間精品burger&coffee shop，主要做外賣。🥢單層羊堡 Single dribble lamb🥢 $75 第一次見羊堡，懷著好奇又擔心心情去試，好彩聞落會有小小羶味，食落唔重。配料有蕃茄芝士菜，都係平時常見既搭配，但用左特製既乳酪sauce，好新穎又特別，值得一試！🥢彈牙蝦堡 Shrimp crossover🥢 $80彈牙蝦好彈牙，有粒粒既蝦肉，椰菜絲配wasabi蛋黃醬，膩中帶清爽~🥢拉絲芝士薯條 Cheese fries🥢 $30絕對又share食，太多芝士，成個食哂會好飽濟~

SHADI (土瓜灣)📍土瓜灣譚公道108-114號雲天大樓地下A號舖宋王臺站附近都美食就係人都知最近開咗一間專賣漢堡 Pizza嘅外賣店唔想煮飯嘅我就買咗返嚟同屋企人一齊食呢度主打全部都係自家製嘅漢堡肉扒 無添加味精每個漢堡入面都已經有生菜 蕃茄 酸瓜 洋蔥芝士 呢啲標配🍔🐮100%安格斯牛堡 單層 $55牛肉煎得外脆內軟 好有肉味 調味都唔錯一路咬一路有肉汁走出嚟啲芝士熱到溶出嚟 牛肉同啲配料都好夾麵包好有誠意 有烘過底🐥雞堡 單層 $45雞堡同樣層次分明一啖咬落去已經可以食晒咁多種配料雞肉味都幾突出 唔食牛嘅朋友絕對推介呢款🍟鹽味薯條$15薯條簡簡單單 但係炸得好脆拎到返屋企都冇咩變淋 就咁簡單點茄汁已經好好食呢度仲可以預先電話落單☎️嚟到嘅時候唔駛等咁耐

好耐無嚟土瓜灣，朋友係呢區嘅地膽，知道新開咗呢間Burger店，專登帶我過嚟試下。果然無介紹錯，店員都是外藉人主理漢堡扒係自家製，即叫即製．份量充足✨意式雞堡🍔厚厚嘅雞堡正是店內嘅Signature超厚．勁多料好少會有雙層肉扒咁有份量，仲加咗意大利青醬．羅勒葉．松子仁．mozzarella cheese, 同埋意大利黑醋，味覺同口感相當豐富單層同雙層嘅配料同醬汁都有所不同，我諗單層都一樣好正✨牛肉醬薯條🍟薯條份量足．每條都熱辣辣加上大量肉醬同芝士，拉絲感好療癒完全唔需要額外再加蕃茄醬除咗Burger之外，仲有唔同款式嘅Coffee 同朱古力已經諗定下次 一定要揀蝦堡，試下有幾彈牙🍤

.你我他好多人都食過,平時出街落樓下甚至工作地方,真係行幾步就見到大大個 M字額既連鎖店。😏今日食好野當然唔會推介呢d🤭~ 今日推介呢間係土瓜灣既,而家連地鐵站都起好埋,唔洗再講唔方便去個頭食啦,店舖位於宋皇臺站行幾分鐘就到,都幾方便。👍👍店舖內就有兩至三張吧台可以供客人堂食,門面裝潢都幾美式,點解我知美式,因為佢地貼晒NBA球隊LOGO嘛,仲有兩個籃球,而店舖個LOGO做到有d似籃球咁,睇得出店主係籃球友來。🏀🏀⛹️‍♂️⛹️餐單上主要食物係漢堡,分別有牛🐂,羊🐐,雞🐔,仲有真係唔洗等間咩季節限定先食到~蝦堡呢度就有啦。🤗🤗我今日揀左食牛堡,呢度有分到可以單層雙層,仲有三層~~~,大口食細口食既人可以自行選擇,食漢堡就梗係加埋薯條,其實大家唔想加薯條既,可以加小食,佢地提供左有沙律,炸洋蔥圈,炸魷魚圈(呢個少見有喎) 等可以揀。先講食個牛堡啦,我叫左個單層,牛堡食落比我感覺真係食緊漢堡架~面包食落鬆軟唔係因為烘過而太過乾身同硬,牛肉真係好似手打出來既牛咁唔會又乾硬,有厚度之餘仲保留左肉汁,食落好夠口感之餘唔會覺得好油膩,加埋醬汁配搭,認真有水準同好食。大家可能會覺得漢堡包影出來可能比較大,

.🙌🏻琴日返屋企落車經過都會見到一間漢堡包好似好吸引，😛呢幾日放學返屋企就買咗一個返去試吓，🤣打開真係俾佢嘅size嚇咗一嚇，🤪個漢堡包係超級超級大個。.🐷意式雞堡 $98 👅8/10🤣拎上手超級重，第一次食咁大個嘅漢堡包。🍔漢堡包入邊有好多料，🐔有雙層嘅雞肉扒，🧀同埋拉絲嘅芝士，😙加埋入邊啲醬一齊，香口得來食完超飽肚。.🐷 牛肉醬薯條 $55 👅/10🍟🧀呢個牛肉醬幾香 芝士亦都好多 勁香芝士味 同埋薯條好大兜‼️‼️ 條條都幾脆口👍🏻👍🏻.味道👅：8.5/10賣相👀：8/10扺食💰：7.5/10服務🙆🏻‍♀️：8/10

📍SHADI LC168土瓜灣北帝街145號順輝大廈地下2號舖 🦔⸒⸒單層雞堡 $45漢堡入面有蕃茄、洋蔥、生菜、芝士、酸瓜同一塊雞扒食落口感豐富 雞扒仲有肉汁 又唔韌100% 安格斯單層牛堡 $55小編自己私心牛堡多啲～ 牛扒雖然薄身左啲不過食落好香牛肉味 包體香脆 食落仲有少少甜甜地咁🔖 @shadiburgerhk #yuzi食好西 #shadiburger #shadiburgerhk #漢堡 #土瓜灣美食 #香港美食 #快餐 #漢堡包 #hkburger #hkfoodie #hkfoodblog