sensory ZERO (太古城中心)

營業中

休息中

🧭獨特體驗：自家製的各種食物，連竹碳味雪糕係自己做的咖啡店sensory ZERO。sensory ZERO係疫情之下反而擴張左的鋪頭黎，老闆經營有道，品牌有多個主打產品，形像又好。🍳食物質素：除了咖啡豆係自家烘焙、有多種得意又新奇的美食之外，佢地最勁係丼飯。為了令客人食到最香既米，佢地係買「有殼的原米」返黎，呢個已經係好高門檻，係老闆同時有米鑑定師的資格先夠膽咁做。買番黎既米，會用公司的打米機碎左D殼佢，再係短時間內比客人食，所以飯可以講係舖頭的招牌🍴推薦搭配：牛肉丼飯+咖啡🪑環境座位：佢依家分店都唔少。太古城呢間算係較細，但都坐得舒服既🚗交通：太古城誠品隔離💰人頭費：170

之前食過呢間餐廳嘅all day breakfast, 佢地嘅無花果醬好驚艷我，所以周不時都會再去食😋。今次決定試下佢地都幾招牌嘅飯類，都幾好食喎！🌕 澳洲和牛溫泉蛋飯佢地嘅和牛煮到啱啱好，好有牛味又好嫩，撈埋溫泉蛋紫菜飯，每一啖都好滋味👏🏻🌖 蒲燒三層鰻魚滑蛋飯呢個鰻魚飯好足料呀，大大舊嘅鰻魚好肥美，蛋都煮到好香滑，都係好好食可以再encore 嘅dish👍🏻📍 sensory ZERO太古太古城道18號太古城中心地下誠品生活G014號舖🧧人均消費$160

餐廳除左以痴線朱古力聞名之外，係挑選米飯方面亦好講究。老闆採用既白米係由日本岩手縣進口並係香港再進行精磨，保持水份流失，確保香味同黏度適中！今日行完誠品，見餐廳唔洗排隊，一於同鍾意食澱粉既朋友仔去試下😌🐄澳洲M5+和牛溫泉蛋飯賣相好吸引，煮至大概七成熟既牛肉一片片咁鋪滿日本米既表面，牛味都算濃郁，肉質呈粉紅色，再配以大量蔥花同紫菜同一隻流心溫泉蛋，係一個唔會出錯既組合🤭不過珍珠米偏乾身淡口，好彩旁邊附有日式燒汁，可以自行調較味道。🦐大蝦 南瓜汁 日本米意大利飯雖然話係南瓜汁🎃，但味道欠奉。用日本米熬煮會變到太過軟身，缺乏左意大利飯需要既硬道同咬口，變左一碟忌廉味燴飯！表面既芝士片鋪滿意大利飯，減輕忌廉濃郁既膩度！為數不少既南瓜粒同波菜，亦豐富左口感，令賣相更多色彩。大蝦就不過不失，先煎香再放上檯，質素正常！📍sensory ZERO太古太古城道18號太古城中心地下誠品生活G014號舖

晚餐諗住點黑毛豬胺、唔會失手、點超難食、豬胺好細嚿、又油、的肉散哂、似微波焗爐翻叮、嚇死人😱真係要好好改善!其他點了和牛沙律、都唔錯、俾多－次機會、如果水準keep 唔到、就冇下次

今日叫咗外送平台其實都叫過呢間餐廳同呢個飯幾次 （三文魚西京燒）一直都正常雖然有時佢啲三文魚會半生熟，但係可能係慢煮問題都一直冇介意今日竟然在三文魚底下發現了一條毛而髮質極度似一條陰毛極度嘔心真心提醒sensory zero 要注意衛生問題

行開誠品，見到間嘢好似幾有風格就同女友入左去坐低，我諗住食啲穩陣啲既嘢就叫左個蒜香辣椒炒意粉，等左我成9個字，傕完個樓面，5分鐘後終於有得食，恭喜發財，碟意粉炒到出來水汪汪咁，完全冇味，有味既得啲辣椒同啲灼過既海鮮，講真真係從未食過咁難食既炒意粉

開頭揾唔到間餐廳個門口, 原來係城品書局入面, 都幾特別.....和牛漢堡 - 整個漢煲好厚, 要分開食, 連埋薯條, 不過不失。可遇不可求粉紅咖喱南乳豬扒飯- 聽個名都幾特別, 同埋從未食過粉紅咖喱, 個顏色完全唔似咖喱, 好有少女感覺, 打卡一流,  個粉紅咖喱一入口唔辣的, 但落到喉嚨就有辣味衝上黎,  視覺同味覺好衝激。

sensory ZERO 位於太古城既誠品書店內 📖以日式料理為主 🇯🇵而當中最出名既係朱古力特飲♨️***\ 🍫 痴_線朱古力 ($50) / 呢杯痴_線朱古力係餐廳名物🌟🌟面層鋪滿三款朱古力碎 🍫🍫🍫分別有牛奶朱古力 黑朱古力 白朱古力碎～而下層係香濃既熱朱古力～非常有層次!!果然無改錯名～一次過可以享受朱古力四重奏!!本身怕咁多朱古力會甜得滯 但因為面層混入左黑朱古力碎 中和返味道 令成杯朱古力甜而不膩推薦所有朱古力愛好者必須點呢杯黎試!! 👍\ 🐮 澳洲M5+和牛溫泉蛋飯 ($168) /賣相好吸引 丼飯上面鋪滿厚切和牛 和牛中間肉質呈粉紅色 熟度煮得岩岩好採用日本米 中間放左溫泉蛋加埋燒汁伴飯食一流 😋\ 🍱 蒲燒三層鰻魚滑蛋飯 ($138) /滑蛋用牛奶去炒 配上三大塊鰻魚鰻魚肉質肥美 加入蒲燒醬汁 上面灑滿海苔又係送飯一流 輕輕鬆鬆就可以食哂成碗 🤭***sensory ZERO 仲有售貓樣吐司 🐱見隔離台有點 超級可愛 💕下次有機會要叫黎打卡先得!!

📍Sensory Zero (Taikoo)同同事係附近食飯，見天陰陰就留返係商場附近食，廢事落大雨行到濕晒上次試左太古誠品嘅另外一間Cafe今次就食Sensory Zero1,2年前係灣仔都食過Lunch Set，有Lunch set (一杯野飲再加個main咁樣)今次黎就已經轉左menu，價錢平左啲但就無左Set。加10蚊沙律/湯，加25蚊先有野飲。食物質素okay，但所有野都要加錢就唔叫lunch set 🤣坐到入去自己係QR code自助落單~❣️咖哩吉列豬扒滑蛋飯 $86❣️澳洲M5+和牛溫泉蛋飯 $168

今日同同事食lunch，一行七人，因為預先book咗位，所以唔使等，可以即刻入！呢間餐廳係喺誠品書店入邊，唔難搵！一坐低，侍應已經幫我哋斟水！睇睇餐牌，用QR code落單！我揀咗半隻美國燒野雞拼薯條$98，無餐湯或者餐飲！所謂嘅set lunch ，原來每樣嘢都要加錢！真係嘥氣！食物好快送上，賣相係幾靚！但係隻雞真係又鞋又乾！仲要好細隻！KFB真心好食好多!!好心佢就寫春雞！唔好寫野雞喇！薯條又係唔好食！又唔脆又林！m字頭餐廳仲好過佢！唯一可以讚係沙律配有柚子醋，幾新鮮，幾好食！整體嚟講，真係吾值$98 ！仲要+1！總共$108。寧願食兩餸飯冇谷氣，價錢完全比唔上質素！😞自己俾錢嘅話，真係唔洗再有下一次！

sensory ZERO不嬲啲嘢都好好食，所以今日嘅晚餐見到冇人排隊又再次嚟到晚餐嘅話會有晚餐嘅Menu咁你就可以用$10加沙律或者湯，$25加嘢飲咁就叫咗一個紐西蘭肉眼扒配薯條，肉眼扒可以揀幾多成熟，牛扒都幾大塊，冇經過調味嘅所以加埋嗰啲汁就幾好食，薯條都係即叫即整熱辣辣，仲有幾條菜可以清新下另外叫咗一個澳洲和牛嘅藜麥沙律，可以揀全熟，我就冇揀到啦，咁牛就有調味，鹹鹹地好林，好有牛味，沙律亦都有一堆嘅柚子橙嘅水果，佢都有啲黑醋嘅汁，撈埋一齊啲藜麥呀紅菜頭呀味道都唔錯仲嗌咗一個芝麻雞翼即叫即炸，四隻脆卜卜，好好食調味啱啱好cappuccino 都好飲,咖啡同奶配搭得好好,個拉花飲到最尾都仲喺度總結價錢唔算特別平，但係食物係高質咖啡係好飲，值得嚟

每次到Sensory Zero 也會嘆番杯Crazy Chocolate🍫☕ 痴線朱古力😆雖然今次☕沒有以往這麼澎湃，但也不失濃濃的朱古力味😋Latte☕以簡單心心拉花圖案😍迷你丼套餐🍱×2照燒雞扒迷你丼🐔和蒲燒雙層鰻魚🐟迷你丼配上香甜綿滑的南瓜湯和沙律，除了好味，營養價值高👍巨午餐肉芝士雙份日本滑蛋牛油果芥末醬牛角包🧀🥐餡料十分豐富😋

Crazy chocolate🍫呢間最出名就係呢杯痴_線朱古力，試完之後真係返唔到轉頭，每次去必點既飲品，上面充滿牛奶朱古力碎，黑朱古力碎，白朱古力碎，但由於底下係必較濃郁既朱古力，飲落唔會太甜或苦，中和返蒲燒三層鰻魚滑蛋飯🐟🍚有三大舊厚身鰻魚，鰻魚厚身食落有口感，調味啱啱好，唔會太咸，配埋飯啱啱好澳洲M5和牛藜麥沙律🐮🥗牛大概6－7成熟，食落好有牛味，有少少咬口又唔會話咬唔開，而沙律既調味似係醋，酸酸地幾開胃

今早幫襯呢間Sensory Zero 嘅太古誠品分店，食物質素冇問題係貴咗少少。埋單時我忘記咗提自己係誠品金卡會員享受唔到九折，想叫對方void 單。有個叫Tony 嘅職員話公司規矩冇得void單。咁我諗住問多次啦，佢就話「望咩呀望」，我話就算唔得都唔駛咁嘅態度，佢答「係咁架啦，躝！」😡😡😡想問下點解要咁誇張去回應，大家有咩十冤九仇？大家千萬不要幫襯呢間嘢，我唔需要你態度好好，但至少唔駛口出惡言吧？

第一次認識ZERO係黃竹坑，今次係太古城再相遇🤡 好似講到識女仔咁🤣以cafe黎講，佢嘅野食算多元化，而且味道都好食！all day breakfast，溫泉蛋飯，冷面，意粉，沙律，基本上都唔會令你失望！😏咖啡相對就一般啦，個人推薦手沖多過奶啡！最後以環境黎講，個人推薦去黃竹坑試吓，會chill好多！食物：⭐️⭐️⭐️⭐️⭐️咖啡：⭐️⭐️⭐️⭐️服務：⭐️⭐️⭐️⭐️環境：⭐️⭐️⭐️⭐️番叮：⭐️⭐️⭐️⭐️#aus_cafe