Season Plus

營業中

休息中

係Facebook見朋友post過幾次同一間店的食物相片，已經覺得吸引，心思思都想一試，咁啱今個月仔仔生日，就book呢間慶祝，環境唔錯，仲有多張戶外枱，先睇餐牌，服務員已經有禮地主動問我地要唔要先order生蠔，佢推介我地食每日精選，$9一隻來自南非，第一次穏陣d，所以先要半打，原本想要多4隻美國中碼生蠔試，服務員好好，話我地知今日美國蠔差少少，所以無試到，呢下對店加左分，亞仔本來話食一兩隻，結果半打落肚要再order多半打，就知質素如何啦，真心好抵食，一打都係$108，日本一口和牛粒，份量比想像多，牛油蒜蓉蜆肉意粉，乾身，每啖都夾雜淡淡牛油同蒜蓉味道，唔會太重味，剛剛好，美國特級安格斯西冷，仲有薯角同沙律菜伴碟，西冷大大件，重牛味，薯角比一般的更脆口，一讚，食飽飽見隔離枱d蠔好大隻，問服務員，原來係法國吉拉多，忍唔住再叫4隻試，真係大滿足，順帶一提，每日於指定時段只需$128 一位就可以任飲多款雞尾酒同指定紅，白酒，可惜我唔好酒，愛酒之人真係唔錯的選擇。

和另一半慶祝紀念日, 當然要找間特別的餐廳啦,此餐廳隱藏在山林道尾, 從酒店旁的小樓梯走下去,沿著樓梯再走上幾級就會看到,有點點探險的感覺呢 餐廳座位很多, 有部份座位在外邊,相信不下雨及涼點一定很舒服,座位之間空間感大, 很寬闊及舒服;食物方面, 生蠔當然是必點, 有 4 款可選擇; 特別一提是可以點一支酒, 再以換購價加配 1 打指定的生蠔,非常抵呢~不過我們喝不到太多, 所以還是選擇單點:精選生蠔  ($9 / 隻 -- 半打起)是日精選為加拿大生蠔 ,吃起來比較 creamy, 海水味相對沒那麼重,雖然是精選款, 但 size 也不細, 非常抵食美國中碼生蠔  ($18 / 隻)口感比較豐富及有質感,但相對沒那麼 creamy,  不過隻隻飽滿, 是不錯的選擇南非生蠔 NO.1  ($29 / 隻)海水比較重,  口感帶點爽,雖然不是很大隻, 但味道超正個人超喜歡這款生蠔法國 GILLARDEAU 生蠔 NO.0  ($39 / 隻)是四款生蠔之中最大隻, 而且海水味最重,雖然很大隻但又不會膩~超滿足 烤焗海鮮拼盤  ($298)分別有四款海鮮, 非常吸引~芝士焗原隻龍蝦龍蝦已

朋友介紹呢間野話生蠔好抵食但地點就好隱世，真係冇講錯值得一去！一坐低緊係叫生蠔啦😂真係正，佢每隻都有特色，睇你中意海水味定creamy，我就鍾情creamy嘅好新鮮之後我地又encore多一打😂仲叫左個烤焗海鮮拼盤🦞個魚好滑，連男朋友平時唔鍾意食魚都話正。仲有舊大啡菇真係估佢唔到，一咬落去竟然好多汁其他海鮮份量兩個人食啱啱好加埋芝士好香最後叫咗個沙律我鍾意佢個沙律醋，唔會太酸，好開胃醒神總括嚟講呢間野CP值都好高，價錢唔太貴但有一定嘅質素，推介！！

我和一班中學同學久不久就會約出嚟見吓面，今晚約食飯，地方有一位朋友揀，佢推介話好平好抵食。我望一望地址在山林道，心想有點覺得奇怪山林道有邊會有平嘢，仲要係食海鮮。覺得好奇之際，朋友話餐廳地點好難搵。山林道短短一條街，一目了然，有幾難搵呢。我這個想法原來很錯。幸好朋友提醒，原來餐廳喺山林道的後排位置，要轉過彎行一段路才見到，不是山林道那條正街。慶幸我們兩個女仔一齊行冇咁驚，唔會迷路。柳暗花明又一村，原來有間非常大的餐廳就在後邊。我們幾個女仔見到價錢非常平，就叫了很多蠔，剛剛做緊的加拿大蠔只是$9隻。另外吃了大隻的法國蠔，$30一隻，勁大勁好食。海鮮拼盤又有龍蝦又有蝦又有翡翠螺又有扇貝，味道也不錯也只是$300。另外朋友叫了個多士，忘記了是什麼名字，不過幾好食。還有其他熟食意粉等等都好不錯。一班女人，八個人都只是二百多，就可以享受海鮮，然後坐喺度飲兩杯談天說地，感覺不錯。唯一不好係餐廳比較難搵。

呢間西餐廳，之前食過佢嘅旺角店，原來尖沙咀都有，選址較為僻靜，同友人開心食飯傾計嘅好地方有室外同室內用餐區，今晚落雨都係坐室內穩陣D，仲見到成個放滿酒嘅酒櫃，好酒人士會好開心黎呢度食飯，佢嘅超值生蠔係亮點之一，有幾款生蠔選擇，最吸引莫過於是日生蠔 ($9隻/半打起)，今晚係黎自加拿大，賣相擺盤絶不馬虎口感爽口，蠔味都幾出，唔算太薄身，以$9隻黎講，絶對物有所值，呢半打好快被我地食晒落肚當侍應送上呢客挪威煙三文魚沙律 ($58)時，不禁發出"哇"一聲，估唔到都幾大堆頭，同埋賣相唔似一般沙律!煙三文魚香軟柔滑，再灑上少少黑椒碎增加香味，大量清爽沙律菜，配以黑醋汁，開胃之選!個人黎講好歡喜食翡翠螺，通常係食自助餐時嘅凍盤，呢度有熱食嘅，以蒜蓉牛油焗製嘅翡翠螺 ($68/10隻)，整齊排成兩行每隻都相當大隻，食起黎相當有爽口感，再加上蒜蓉牛油嘅惹味，正呀!主食選擇有意粉及肉扒呢客牛油蒜蓉蜆肉意粉 ($128)係餐牌上係有推介圖案，蜆肉之多差唔多蓋過左意粉意粉有口感，每條都沾滿蒜蓉及牛油香味; 而蜆內係真係有蜆肉，唔係得個殼，入口無沙，令人食得放心!肉仔出場啦..................

放工但又唔係好肚餓係OpenRice 搵搵下就搵到呢間餐廳，係山林道其實都有少少難搵，因為唔係係main road, 要係盡頭再轉入小巷先搵到就係因為咁所以環境幾清靜，好適合傾下計我地無訂位都好好彩有位買支酒加$50蚊就有一打生蠔好底食不過如果你唔飲酒最平都只係$9隻 都比出面平好多！ 我地叫左最平個支佢話清爽易入口 確實係既 普通都ok 既Cheers主菜黎啦，$50蚊一打既生蠔有肥有瘦隻隻都好甜！食多幾隻仲有啲太甜既感覺都算新鮮，食完無肚痛仲叫左個蜆，有啲海水味，但係個蜆有啲un唔係好推薦我地仲叫左份支豆送酒 好大份 原來唔記得影相埋單$356 走人 想食平平地又新鮮既生蠔可以一試，服務就一般，唔係話啲好專業既西餐廳，但清靜食餐飯傾下計都幾好

我同我男朋友都好中意食生蠔，平既貴既都會試，一直聽人講Season Plus有抵食生蠔好耐，終於搵到機會去試下喇-食生蠔點可以唔飲白酒呢～不過我對白酒就無咩研究，通常都係問下Staff，邊類既生蠔配邊隻白酒最好，由佢發辦。本身想飲返我比較中意既Sparkling Wine，但見Menu話澳洲Protege Riesling花香果甜，最岩配生蠔，就即刻揀左佢喇。-Protege Riesling $228雖然有酒桶，但一啲都唔凍，花香果甜乜都無，得個澀字，早知嗌Sparkling Wine有氣爽下仲好啦。-開支酒加50蚊就有一打平價生蠔，啲人講到咁抵食，本身諗住食完呢打就嗌幾隻Gillardeau滿足下，但食左第一隻之後，都係唔使啦。蠔就唔算細隻既，亦都無腥味，其實以咁平黎講就應該收貨架喇，可惜師傅開蠔殼個陣開爛左幾隻，啲肉碎碎地（睇相應該睇到），又有蠔殼。嗯，唯有同自己講一分錢一分貨啦-日本霜降西冷 $198西冷除左血水多之外都唔錯，牛味濃，油脂味好香食完浸味仲留左係口道好耐-呢碟意粉唔記得左叫咩，正正常常，不過個賣相都有啲頹。呢道既食物都偏細份，男朋友唔夠飽，之後再嗌左小食拼盤$16

友人生日想食生蠔，於是上網搵到呢間位於尖沙咀山林道既餐廳😆😆餐廳雖然位於尖沙咀，但位置唔算方便，比較隱蔽，好彩友人去過附近所以識路😂餐廳十分寬闊，而且我地係平日去，唔算多人，店員仲好好，幫我地雪住個生日蛋糕，又唔收切餅費👍🏻👍🏻👍🏻食物方面，叫左一打生蠔配白酒，生蠔十分新鮮，而且唔貴，係必試之選❤️👍🏻另外點左個龍蝦牛扒大啡菇套餐，亦令人十分驚喜👍🏻👍🏻👍🏻牛扒十分嫩滑，惟套餐份量不多😆整體而言，餐廳令人驚喜👍🏻👍🏻推薦大家可以一試

有一陣子沒吃生蠔，突然蠔癮起，今次便試一試這間好評多的Oyster Plus。 餐廳有點隱蔽，不太好找，我們來來回回好幾次才找到。 (看到環海大廈的路牌轉右就是!)餐廳地方很大，可以容納很多人，我們晚上7時多walk in仍有座位。先來頭盤，叫一枝白酒便能以優惠價$50換取半打生蠔美國中碼生蠔，我們另外還要了半打精選生蠔。精選蠔 $9/隻美國中碼生蠔 $50/6當天的精選蠔是南非的小型生蠔，口感清甜爽脆，美國生蠔則肉質飽滿，口感Creamy, 生蠔非常新鮮，群邊會收縮! 能用如此優惠的價錢吃到超新鮮美味的生蠔，超 驚 喜!!😋😋烤焗海鮮拼盤 $298拼盤有芝士焗原隻龍蝦，蝦2隻，扇貝2隻，田翠螺4粒和黑松露大啡菇。 芝士和蒜容味特出，但不會蓋到海鮮味，海鮮烤得剛好，而且啖啖肉!日式醬煮魷魚筒 $98甜甜的醬汁跟魷魚味道很配，不過魷魚燒得略有點乾。南非生蠔 $29/隻最後我們以南非蠔做結尾，鮮甜Creamy卻帶輕微礦物質，大滿足😋😋Oyster plus是一間性價比超高的蠔吧! 生蠔主食都出色，很難得找到如此價廉物美的餐廳。 要稱讚一下店員的服務態度很好，很主動為我們介紹生蠔和白酒。

Season Plus成日都出不同生蠔優惠，除左$9精選蠔外，今次就指定餐酒+$50就有一打生蠔🥂性價比高，岩哂想慢慢品酒relax傾吓計😊😊😊。蠔size偏細但海水味重。。主菜叫左份肉眼扒🐮5成熟。火候岩岩好👍🏼肉汁多，連薯菜沙津份量正常。芝士黑松露焗大蘑菇。好普通，芝士係鋪滿但無乜味呢間餐廳真係好隱世😌由天文臺道行上樓梯去山林道會比較易發現到，好彩都有易拉架指示！環境都幾舒適又唔太嘈。服務一般都較為被動，廿幾度行到身水身汗都無杯水招呼😭埋單每人唔過$300，而且晚餐時間1930都唔駛等位，可再次光顧😆

係OpenRice 見到呢間嘢d comment 好似幾好，咁就膽粗粗走去試啦！叫咗個精選生蠔， d蠔細隻到阿媽都唔認得，又冇乜海水味，真係一分錢一分貨。再另叫咗佢話特價個款咩鬼龍蝦西冷，呢個真係把鬼。我點完菜到佢送嚟足足用咗8個字,嚟到塊西冷係全熟，邊有人食扒叫熟，茶餐廳都好食過佢啦！另外個龍蝦又係over cook,勁乾囉！呢間嘢冇下次😡服務又係好似去咗茶記咁，收呢個價，咁嘅服務真係冇下次囉😡😡😡😡

友人歡聚! 寧靜的後花園, 超隱閉的一個地方, 之前已經喺 Google map 搵定, 但係去到都係搵唔到, 要打電話去舖頭問!選生蠔 $9/pc ~ 細細隻, 入口鮮甜! 美國生蠔 $18/pc ~ 比精選蠔大隻少少, 味道同口感我覺得同精選蠔差唔多! 烤焗海鮮盤 $298 ~ 好抵食! 有一隻焗龍蝦 (肉比較少, 不過好多膏), 扇貝2隻 (新鮮, 洗得好乾淨), 翡翠螺4粒 (唔會靭, 有咬口), 大菇菇1隻 (水份仍然好充足, 所以味唔濃) & 比目魚扒 (嫩滑, 不過無乜牛油味)羊仔架 $168/4件 ~ 件件大小不一, 煎到2面焦香, 生熟度掌握得幾好! 最欣賞係無乜羊羶味! 註: 地方比旺角舖大, 坐得亦比旺角舒服! 上次去旺角店聽到隔離枱話尖沙咀好食 d 又坐得好 d, 可見所言非虛! 

去到7點半，不是太多人，地方闊落唔錯，環境舒適，朋友聚腳點推介。食物質素都唔算，價錢抵食，我地叫咗支白酒($148)加50就已經有一打生蠔，雖然細隻D,但性價比高，海水味濃，入口鮮甜滑溜。另叫咗龍蝦套餐，龍蝦可以，但個和牛扒就overcook了，食落有啲Un。焗大菇味道都唔錯。$128叫咗set火腿送下酒 。田園沙律($48)，菜都幾新鮮。海膽多士, 唔好期望咁高 ，都係芝士多，海膽少，但 入口都幾香同鬆化.。 整體嚟講呢間餐廳其實性價比都幾高， 食物質素都唔錯， 唔鍾意坐室內嘅可以坐室外嘅後花園， 但佢哋人手多唔夠， 令到服務差咗， 如果係service方面改善下，可以做得更好。 Basic嘅set枱，斟下酒都冇， 起碼要有返食西餐嘅服務。

今晚諗住去食蠔 Search下search下就見到呢一間之前喺旺角食過一次覺得都幾好食就諗住試吓尖沙咀呢一間點知大失所望 上菜上得慢之餘啲嘢食都唔夠旺角嗰間好食我哋叫咗半打$9生蠔 三隻美國生蠔三隻法國生蠔生蠔來講呢都係幾新鮮嘅 但九蚊果啲竟然好食過三十九蚊果啲雖然三十九蚊果啲大到好似手板咁枝豆OK 其實都好難煮得難食嘅仲叫左波士頓龍蝦同埋日本霜降西冷龍蝦唔係特別好食個西冷係嚴重overcooked 硬到好似豬扒咁咬唔開食左一半就無再食啦上菜真係特別慢 見到周圍啲枱都不停咁催單有個男人仲嬲到去左廚房出面睇如果真係貪佢夠平嘅應該去旺角果間食

話說生日女朋友專登搵左間蠔巴。預約左去到立即有位坐,感覺還好麻？坐下之後己經感覺到無人招呼的。1）沒人主動拿menu來。2）職員好似好趕，落單行開幾次。又唔寫低，全憑記憶？3）上菜速度真的超級慢，趕時間的不要去了。 ------------------------------食物還可以啦，Okay既。。。。。。。。。。。。龍蝦牛扒大菇拼盤298198支白酒加$50一打生蠔仔。------------------------------講下好處啦 有時間既話 去食 傾住計都唔錯因為佢上菜慢 更不會限時間吧 哈------------------------------