影片
更多
2019-05-09
490 瀏覽
我同我男朋友都好中意食生蠔，平既貴既都會試，一直聽人講Season Plus有抵食生蠔好耐，終於搵到機會去試下喇-食生蠔點可以唔飲白酒呢～不過我對白酒就無咩研究，通常都係問下Staff，邊類既生蠔配邊隻白酒最好，由佢發辦。本身想飲返我比較中意既Sparkling Wine，但見Menu話澳洲Protege Riesling花香果甜，最岩配生蠔，就即刻揀左佢喇。-Protege Riesling $228雖然有酒桶，但一啲都唔凍，花香果甜乜都無，得個澀字，早知嗌Sparkling Wine有氣爽下仲好啦。-開支酒加50蚊就有一打平價生蠔，啲人講到咁抵食，本身諗住食完呢打就嗌幾隻Gillardeau滿足下，但食左第一隻之後，都係唔使啦。蠔就唔算細隻既，亦都無腥味，其實以咁平黎講就應該收貨架喇，可惜師傅開蠔殼個陣開爛左幾隻，啲肉碎碎地（睇相應該睇到），又有蠔殼。嗯，唯有同自己講一分錢一分貨啦-日本霜降西冷 $198西冷除左血水多之外都唔錯，牛味濃，油脂味好香食完浸味仲留左係口道好耐-呢碟意粉唔記得左叫咩，正正常常，不過個賣相都有啲頹。呢道既食物都偏細份，男朋友唔夠飽，之後再嗌左小食拼盤$16
平既貴既都會試，
一直聽人講Season Plus有抵食生蠔好耐，
終於搵到機會去試下喇
-
食生蠔點可以唔飲白酒呢～
不過我對白酒就無咩研究，
通常都係問下Staff，
邊類既生蠔配邊隻白酒最好，由佢發辦。
本身想飲返我比較中意既Sparkling Wine，
但見Menu話澳洲Protege Riesling花香果甜，
最岩配生蠔，就即刻揀左佢喇。
-
Protege Riesling $228
雖然有酒桶，但一啲都唔凍，
花香果甜乜都無，得個澀字，
早知嗌Sparkling Wine有氣爽下仲好啦。
-
開支酒加50蚊就有一打平價生蠔，
啲人講到咁抵食，
本身諗住食完呢打就嗌幾隻Gillardeau滿足下，但食左第一隻之後，都係唔使啦。
蠔就唔算細隻既，亦都無腥味，
其實以咁平黎講就應該收貨架喇，
可惜師傅開蠔殼個陣開爛左幾隻，
啲肉碎碎地（睇相應該睇到），又有蠔殼。
嗯，唯有同自己講一分錢一分貨啦
-
日本霜降西冷 $198
西冷除左血水多之外都唔錯，
牛味濃，油脂味好香
食完浸味仲留左係口道好耐
-
呢碟意粉唔記得左叫咩，正正常常，
不過個賣相都有啲頹。
呢道既食物都偏細份，男朋友唔夠飽，
之後再嗌左小食拼盤$168同炸薯條$68。
小食拼盤依稀記得有吉列炸蠔、
炸魚手指、炸魷魚同炸雞翼。
-
炸蠔食左一隻就唔敢再食，好腥
魷魚外面個炸粉炸到硬哂，硬到唔想食；
芝麻雞翼算係唔錯，熱辣辣好惹味；
炸魚手指都好食，
不過食得出係超市都有得賣個隻
薯條配黑松露醬，都幾大份，
黑松露醬好香濃，唔錯！
仲食到無哂醬，厚面皮咁要問店員再添
哎，最衰杯酒唔凍！
-
最後個幾樣食物都無乜心情影相，
因為食物質素同我預期既差太遠，
同埋一開始張枱得一隻叉，食生蠔又係用佢，食熟食又係用佢⋯ 感覺上Season Plus得個平字，未做到平靚正呢個Level，亦稱唔不上抵食。
張貼
