Season Plus

營業中

休息中

第二次來到Season Plus，不過今次是去了尖沙咀分店，位置在山林道盡頭，因為不是在大街大巷所以都比較難找，必須經過一條向上行的樓梯，才能找得到。我和朋友相約在此餐廳，目的為了再次嘗試那個芝士海膽吐司，上次他在我的社交網站上看見十分吸引，建議我們再次相約到那裏吃。除了吃這個吐司我們還叫了精選生蠔，半打起，我們總共叫了一打，朋友都很愛吃生蠔，我也不例外，這裏的生蠔，海水味較重，味道十分濃郁，吃後在舌頭上翻滾及殘餘着。另外我們叫了虎蝦番茄意大利麵，賣相充滿紅色橙色，虎蝦有兩隻，還有小小的車厘茄，吃下去時酸甜剛好，配上麵條熱辣辣，頓時可以幫忙充飢下。我喜歡吃那個蜆，是這裏的推介項目，蒜蓉好香，連埋紅椒，個汁好美味。最後叫多杯凍的蘆薈蜂蜜，非常解渴。

前兩日食完銅鑼灣分店，朋仔睇我po完d story即刻就話要食😂 所以今次就去左試佢尖沙咀分店😝 尖沙咀分店喺山林道尾，原來個位都幾隱蔽， 行到街尾再轉入後街條巷仔上樓梯。佢係一個獨立嘅舖位黎，不過其實睇環境都唔錯😎而且同銅鑼灣分店一樣都好受歡迎，七點幾就已經坐滿人喎。今次得兩個細食人，所以根據經驗放棄二人餐，全部單點。當然要嗌支酒就可以攞換購價換咗生蠔。先黎我哋試咗精選$50/打，其實水準都好平均! 雖然蠔味唔算重，但係都非常新鮮。size比美國中size只係細少少， 性價比極高! 如果可以即刻想再食多打 lol 今日嘅法國生蠔0號都係好大隻(個殼好大😂) 不過肉就一隻大一隻相對就瘦啲。 但係依然新鮮!芝士黑松露焗大啡菇 🍄焗得啱啱好，芝士味濃但又唔會蓋過咗黑松露嘅味😋牛油蒜蓉蜆肉意粉， 炒得幾乾身，蜆肉多蒜蓉味夠，而且意粉軟硬度啱啱好。我最驚食到啲好淋嘅意粉😂比目魚扒厚身大件，肉質嫩滑。 略嫌有少少骨，要慢慢咀嚼唔好即刻吞。美國安格斯肉眼扒， 叫五成熟真係五成熟上碟。鎖住曬肉汁，肉質軟淋 。 加上炸得好香脆，勁好食!!!! 如果可以單點薯角我一定會再追加😂

今日屋企冇煮飯有冇人陪我食飯但突然好想食生蠔，亦都知道有一間生蠔餐廳嘅生蠔好平， 我一支公過咗嚟自己獨自快樂。呢間餐廳有啲隱蔽要行上山路一條樓梯先到嘅。餐廳亦都有室外嘅枱燈俾人坐，如果要食煙或者想喺室外飲酒食生蠔都可以。不過如果食生蠔嘆酒嘅話係一個氣氛幾好嘅地方。首先我就叫左$9/隻嘅生蠔但最少要叫半打就係下面果六隻細啲嘅，另外就叫左兩隻南非生蠔$26/隻，上面果兩隻大啲就係啦.精選生蠔雖然好平但係好新鮮，好夠生蠔味，海水味都好充足，好少地方有咁平。二南非生蠔就比較鮮甜同大隻。之後就叫左呢個蒜蓉焗虎蝦$78，總共有五隻，大細好似海蝦咁，肉質都算彈牙， 裏面加咗少少蒜頭喺度調味方面唔會過鹹恰到好處，焗到燶燶地有啲炭火味更加嘢味。之後就叫左呢個美國特級安格斯$228，真係成塊面咁大，而且塊扒唔薄，塊牛扒食落好柔嫩，油花應該都幾均勻，啲肥膏煎到竉窿地咁令到成塊牛扒好香，我叫咗七成熟剛剛好中間粉紅色，佢會有炸薯角同埋黑醋沙律兩樣都好好食。食咗咁多嘢都係$500左右，特別係生蠔真係好抵食。

見到網上評價幾好，諗住慶祝生日就一試。點知食得好唔開心，首先，完全被網上嘅餐牌呃左，優惠價可以有半打生蠔，點知只限叫酒先有。就算本身有特價生蠔，但真係比較求其同細隻。但至於其他食物味道還好，抵唔抵食就見仁見智了。其次，當天晚上有訂枱，但職員好求其就點我哋坐係一張枱就算。重點黎喇，個晚有一枱10人以上嘅人客全程勁嘈炒，講嘢大聲之餘，周不時大叫，餐廳都有不少食客望住，但個10幾人完全無視成間餐廳嘅人，繼續大叫大聲講嘢成餐飯食得好唔舒服，座位又比較逼，比較失望。

朋友鍾意食蠔， OpenRice見到呢間有蠔Promotion, 就去一試估唔到個位置幾隱世，係個屋苑下面，唔係突登揾，都唔會發現有間咁神秘的餐廳，因為位置比較偏僻，所以環境都比較清幽，有室外亦有室外，室內可以食煙室內都幾多位置，我哋去嗰日，餐廳基本上的booking 都full 了，好彩有一張近門口的枱🤩如果唔係就白行一趟🙈我哋叫咗一個二人餐，已經好豐富仲有一支白酒😂平時都係一人一杯，飲曬成枝，我驚會醉，枝白酒都幾易入口，唔澀🤪二人餐好多野食，先來四隻生蠔，蠔新鮮👍🏼跟住係挪威煙三文魚沙律同埋芝士黑松露焗大菇，個沙律好多三文魚，個菇即叫即焗，好夠熱😍仲有四個小食🤩焗扇貝，白酒煮蜆，枝豆同埋海膽芝士多士（四件），全部都好味😋來到都係熱的，即叫即做主食係大蝦意大利粉，蕃茄醬酸味味，好開胃👍🏼西冷都味道都不錯😁😁大滿足的一餐😋😋份量真的很足，相信三個女仔都夠食😂680好抵食👍🏼

🇭🇰#香港捐窿捐罅記 instagram:foodkiller_dk西餐一直係香港人至愛 生日 拍拖 慶祝 等等活動🙋🏻‍♂️ 今日就去咗一間海鮮餐廳去食飯 價格都比較親民👍 以生蠔為例 $9已經有一隻 已經比好多其他地方平👍-🐷生蠔🐷（$9/一隻）食落有淡淡咸海水味 不過最緊要係夠新鮮蠔如果唔新鮮 真係會臭 之後就會肚痛😭之前都食過d 唔新鮮既 就痛足成個星期好似呢家唔會 物超所值🙋🏻‍♂️.🐄美國特級安格斯西冷🐄（$198）我地叫咗5成熟 但嚟到切開似3成 厨師對生熟控制得麻麻😗 不過好在塊肉唔差 食落都重肉味同多汁 不過唔知佢個USA Prime 同usda Prime 有咩分別😗 不過都抵叫🙋🏻‍♂️.🍄牛肝菌意大利飯🍄（$128）意大利飯煮得夠 Al dento 👍 有咬口 欣賞廚師冇因為要就香港人口味而整淋個risotto 👍👍👍 牛肝菌炒得夠香 好食 好食🌝

呢間season plus 唔係朋友介紹都唔識來，因為都幾隱蔽，喺山林道盡頭嘅轉角位再上。我同朋友好耐無見，今日決定食好d，先叫左支白酒，因為加$50有一打精選生蠔! 呢個真係必點! 我地初時都擔心$50俾一打你唔知會唔會麻麻地，所以都有叫多幾隻正價嘅南非生蠔$29、美國中碼生蠔$18 、及Gillardeau No.0 $39(手掌咁大!!!)，最後食完以性價比來計，都係$50 1打最抵食!✌✌✌芝士黑松露焗大啡菇$58: 一來到松露味香噴噴，好jucy, 一d 都唔乾香草焗比目魚扒$68: 呢個比平時出面食嘅淡味，魚肉好嫩滑牛油蒜蓉蜆肉意粉$128: 牛油味好重好香，蜆肉夠多美國安格斯肉眼$228: 我地叫5成熟剛剛好，牛肉味好濃，另外薯角都好惹味

今晚同女友到尖沙咀山林道食飯。因為她愛飲酒，所以就同佢試下呢間西餐。呢度生蠔都幾抵食，精選生蠔$9咋！cocktails 有$128任飲優惠，另外都有提供少量無酒精飲品。小食平均$68-$88左右。因為天氣熱關係，我地就寧願食烤焗海鮮拼盤。霜降西冷都好吸引。凍柚子蜜$28 ，紅酒$50一杯。精選生蠔$9最少要叫半打，$9性價比都算幾高。日本一口豚肉$88配少許胡椒鹽調味已經不錯。烤焗海鮮拼盤$ 298 有龍蝦，扇貝，蝦，螺，大啡菇。蒜蓉芝士焗龍蝦非常惹味，帶子都幾大隻。日本熊本霜降西冷$198叫左七成熟，牛味好濃，油脂都好夠好香。

尖沙咀山林道行到最篤篤 有間超抵又高質嘅美國生蠔‼️餐廳好隱蔽 但去到就好似置身一角咁🌴得閒去飲返兩杯🥂 嘆隻生蠔.#美國中碼生蠔 $50/6隻另外有款精選生蠔 $50/12隻我同寶寶👫兩個人 叫咗中碼生蠔生蠔都算幾大隻 厚肉而且肥美🥳應該係浸過檸檬水🍋 一啲都唔腥另外有得節檸檬汁或者點茄汁 沾茄汁🥫好少見.#烤焗海鮮拼盤 $298二人份量👫重點推介‼️包括有原隻龍蝦🦞、燒香草大蝦、芝士焗帆立貝、香草蒜蓉花螺、芝士黑松露焗大啡菇😍👉🏻每人一隻原隻龍蝦🦞 蝦肉好厚 好香蒜蓉味👉🏻🦐大蝦好香 香草🌿蒜蓉味 就算搣殻後 蝦肉都係好入味👉🏻帆立貝好滑😌 中型size 成粒都有好香嘅芝士味🤤一啲都唔慳皮 成個殼都係芝士😳 但呢款芝士又唔算流喎👉🏻花螺都幾厚肉而且大粒 真心好香蒜蓉香草味🌿 唔知點解肉粒係入邊都會吸晒🤭👉🏻大啡菇超juicy😍 一切開啲汁流晒出嚟好香濃嘅野菌味 芝士分量剛剛好 唔會搶咗黑松露嘅味道🤤.#日本一口和牛粒 $88見着廚師即刻整 啲火🔥勁高 穿過晒啲和牛粒好有火候 😼上枱嘅時候keep住牛肉粒係Juice有汁嘅🥰口感比較有咬口 唔算太淋 但肉味就好突出 即使唔使沾胡椒都好食

朋友話好想食蠔就話要去試吓呢間餐廳!坐低叫左支白酒 再叫半打南非生蠔試下先～南非生蠔仲有個優惠價,生蠔都幾大隻同新鮮,除左蠔之外其他野食都唔錯～肉眼扒夠晒大份 好juicy, 可以再黎食過

上個月去左澳洲，食左好多生蠔，今日好鬼掛住，所以約左同朋友去食，依間餐廳係我住佐敦既朋友介紹，佢話比較少人知依度，但係就好推介我去，咁就試下啦。去到，二話不說，即睇生蠔，做優惠，叫支酒就可以加錢換生蠔，咁我地三個女人一個男人，唔q理個男，叫左支女人酒Moscato，叫支酒原來可以再加$50換左半打美國生蠔，本身想另外叫4隻法國吉拉多生蠔，點知得返3隻…GG…只好叫3隻吉拉多生蠔加一隻南非生蠔，我試左南非生蠔，原來都好好味，我朋友見到之後又話想試，咁我地又再叫4隻南非生蠔，全部都好好味呀！除左生蠔，我地仲叫左意大利巴馬火腿盤、芝士黑松露焗大磨菇、挪威煙三文魚沙津、牛油蒜蓉蜆肉意粉同美國安格斯肉眼，埋單都係大約一千，真係好好好好抵呀！實再encore！

每種生蠔都好新鮮，侍應好專業咁介紹每一種生蠔嘅產地，同埋進食嘅先後次序，非常貼心。推介既啤酒係市面上未必買到，唔只有本地啤，仲有唔同地方既，我試既係法國啤，有驚喜地唔會得個苦字，香味撲鼻。火腿拼盤好似唔洗錢甘俾勁多，食極都食唔完，仲有3款唔同既火腿，唔同既咸香味，唔係平價貨仔。沙律嘅調味醋係廚師調嘅，味道好好，令到三文魚既鮮味有提升。肉眼扒柔嫩口感，味道控制恰到好處，入口即溶，油份肥美，差D想再叫多一份自私食，呢一個係我今餐嘅最愛！

位置有啲難搵既隱世餐廳尖沙咀諾士佛台附近一向都好多野食 今次搵到依間 又有生蠔食又有酒飲開支酒仲可以優惠價換生蠔食 超抵我就叫個中碼生蠔 二人份糧啱啱好真係爽甜厚肉 $50蚊6隻 當然緊係唔會食咁少野啦再黎一個焗海鮮拼盤入面都好多唔同種類既野首先有一隻龍蝦🦞巴馬臣芝士焗扇貝 蒜蓉翡翠螺 芝士黑松露大蘑菇 兩隻海蝦之後仲叫左個黑松露磨菇意粉 好香仲有威爾斯羊仔架 4支骨 真係好似叫得太多 不過食哂全部後傾咗好耐計 又再叫多個蒜蓉翡翠螺因為真係好好食 夠晒入味同煙韌依個位置 傾計談心 真係夠哂feel

#尖沙咀美食❇season plus💓同好姊妹係附近行行下街吹下水，誤打誤撞行入山林道長梯望下發現到😊先會發掘到呢間 #隱世西式餐廳烤焗海鮮拼盤👏 $2982x秋刀魚燒得岩岩好突然發覺秋刀魚原來幾好味(之前我對魚一般般😂)再加埋仙貝大大粒 好鮮味。Ps！！$198 每日新鮮生蠔12隻加白酒 🙈談情一流🙈

Season Plus雖然是在尖沙咀山林道，但如果沒有朋友帶路，相信自己不可能找到。來到Season Plus感覺是另一個天地，環境跟印象裏的尖沙嘴完全不一樣，這裏非常寧靜，非常舒適。叫了二人套餐，首先上來的是三文魚沙律，沙律菜脆口配上三文魚和醋汁，很開胃。再來就是白酒和生蠔，真心推介生蠔，中號美國蠓，新鮮，有淡淡海水鹹味，而且很creamy。再來就是巴馬臣芝士焗扇貝， 扇貝鮮甜彈牙配上芝士的香濃，超好吃。燒海膽芝士多士， 海膽和芝士加起來濃鬱有幸福感，配上多士的香脆，無敵白酒煮馬尼拉蜆，白酒把蜆的鮮甜帶到另一個層次。芝士黑松露焗大蘑菇， 大蘑菇焗後釋放出汁液配上半溶的芝士，又一次幸福感覺。主菜就有二式番茄虎蝦意粉和美國特級安格斯西冷扒。 意大利粉煮的剛剛好彈牙有嚼勁， 牛排5成熟，可口軟林有嚼勁，一丁點渣也沒有。