Season Plus

營業中

休息中

出完一個business trip, 真係攰到痴左線，今晚點都要去食餐好d，就約左2個老友出黎gathering。有人提議去食西餐，近近地就去山林道啦。上網睇呢間唔錯，一於就食呢間。冇book枱，好彩早去都有位。雖然最近局勢緊張，但都冇阻大家食飯既心情，都7成滿人。我地3個人，見生蠔幾抵食，order左1打細size, 半打中size, 叫枝酒就可以$50優惠價order，不過我地唔飲酒，就原價$108。都好抵！之後仲再叫多2隻gillardeau no.0。大滿足！再叫左安格斯肉眼、烤焗海鮮拼盤、芝士黑松露焗大蘑菇、炸魷魚圈、蒜蓉蜆肉意粉，真係超級大滿足！ 個黑松露大蘑菇幾好味，所以再encore 多個添

呢日係8月11日，香港人唔會忘記的一日。當日我到了season plus 食晚餐。店內甚有格調，氣氛極佳。呢度嘅菜式選擇亦好多元化，好多選擇。而season plus 最聞名的一定是蠔，鮮甜，肉嫩，極品。一口牛肉粒，香濃嘅牛肉味，油脂豐富，水準一流。牛排配薯塊，牛排係難以形容嘅，肉質一流，烹調嘅技巧一流，味道一流。炸物拼盤，雞翼，薯條，墨魚圈，蠔，每一樣都係獨當一面。烚蜆，好鮮甜，又肥美，食到大海嘅感覺。最後仲有一個雜菌意粉，醬汁與意粉結合，味道出色，非常好味。黑夜到臨，警惕小心，還加注意，眼光堅定。

一行五人有老有少到這店，之前曾來過，但卻滿座而未能光顧，所以今次早已訂位，懷著寄望。孩子們愛脆炸之物，故點了炸魚柳及炸尤魚。炸魚柳其實是魚手指，份量不少，但沒什麼特別，最後滯銷。炸尤魚就較受歡迎。我們點了一口牛，但感覺一般，很一般的牛粒，而且靭。食評都推生蠔，故我們也揀了生蠔配標註No.1的紅酒。蠔，只感鹹，卻不鮮味，而且很小。那紅酒🍷太辣而不香，不易入口，我們平時能自飲一支，但今次一支兩人都飲剩半支😔。我們多給一次機會，叫了半打較貴那款生蠔（已不是中碼），但來的仍叫人失望，一點鮮味和肥美都沒有。另外，點了羊架，這算正常，大家都覺不錯。但牛扒呢？！已叫五成，來的又靭又鞋。已不想再試海鮮台其他了😆⋯⋯反而，最好的就是意粉，茄汁虎蝦意粉和蒜蓉蜆肉意粉味道香，質感好，大家都讚。除了價錢，我不會推介這店。

同朋友聚舊，果然係穏密地帶。Weekday 平日都有幾台客，大部分都有叫生蠔，但我們並非蠔友，點咗牛扒，意粉及三文魚沙律。起菜速度快，沙律及意粉係有驚喜，特別係意粉，熱辣辣炒起，味道適中，又有好多蜆肉。推介！至於牛扒，買相好好，由於前兩碟都出色，所以好期待，可以一下刀就知出事，超超超韌。原來真係係食海鮮地方就唔好食牛。或者應該食海鮮好D.

2019年8月11日。晴。尖沙咀。呢間餐廳朋友之前食過銅鑼灣分店，見尖沙咀都有，咁就約埋一齊食喇～但餐廳位置真係相當隱蔽，行山林道到盡頭搵極都搵唔到間餐廳正當我哋以為間餐廳係咪執咗嘅時候，就見到呢個柳暗花明又一村嘅路牌～沿路一直行見到佢真係有啲世外桃源嘅感覺～坐低就慢慢睇餐牌～一睇就知餐廳出名食蠔喇～精選生蠔，$9@見啲蠔$9一隻咁平，嗌咗半打試試先～上枱即刻嘩一聲～啲蠔比想像中大隻好多～食落更不得了呀！超級鮮甜！大推！！日本一口和牛粒，$88和牛鮮嫩多汁，碟嘅另一邊就有鹽同胡椒，方便自己調味～餐廳裝修、燈光都好有情調，適合情侶慶祝、拍拖～炸物拼盤，$168非常豐富～有炸蠔、魷魚圈、雞翼同埋薯條仲會提供埋茄汁同蛋黃醬～雖然係炸物，但係都仲係食得出啲食材新鮮，好味～黑松露蘑菇意粉，$128意粉質地軟硬適中，黑松露味濃郁所有嘢味道都好夾～白酒煮馬尼拉蜆，$78酒味香濃，蜆又係大大隻！鮮味無窮～美國安格斯西冷，$198除咗美國牛扒，仲可以揀日本牛扒～我哋嗌咗日本一口牛，所以牛扒就揀美國西冷呢塊大塊牛扒肉質嫩滑，配菜嘅沙律同薯條，都唔錯～

Season plus 位置唔算容易搵， 一去到就彷如進入咗個遠離城市嘅後花園咁， 呢度最出名嘅係嗌任何一支白酒，可以加50蚊有一打生蠔， 但因為今日男朋友揸車， 所以我哋嗌其他嘢食！Pama ham 火腿盤Pama ham仲配搭左沙律， d菜都新鮮嫩綠，食落去口感好爽脆，pama ham有油香，質素唔錯👍🏻燒海膽芝士多士用海膽放上麵包，加上芝士再燒～2多士夠脆身，芝士味好香又唔會搶左海膽嘅鮮甜！骨付腸 燒得剛剛好，外皮香脆，入要有d粒粒既軟骨好有口感， 味道都好足夠~ 日本嘅熊本霜降西冷 肉汁濃郁，入口即滿口牛香，口感唔會韌，煮得啱啱好！

呢間野唔係朋友推薦我去，都真係搵唔到。但一入去，估唔到咁多人幫襯。西式bar chill風格叫支酒，生蠔仲有折，50蚊有半打♥️不過同場朋友唔愛食生蠔，所以唯有叫炸廣島蠔，48蚊有6粒大大粒，抵到爛，送酒一流。新鮮炸起，炸粉唔算多，但蠔肉多汁鮮美，熱到有少少辣親咀，好味！熊本霜降西冷係必點（$198）忍唔住叫左兩碟，牛味重，食落似慢煮咁軟熟，配埋新鮮炸起薯角同黑醋沙律菜，完美配搭。豬肪骨都好正，大大份，鐘意大大啖食肉朋友至愛，一樣煮得軟滑，十分惹味！係近佐敦至尖沙咀，食得咁靚的西餐質素起碼要3-4百蚊多點地點隱世，仲要唔收加一，所以每人埋單都係大概2百幾蚊，但行5分鐘多d就去返佐敦地鐵站!!

閨蜜結婚要慶祝一下！朋友鍾意食 seafood 西餐所以選了這家位於山林道既 season plus，位置夠方便！座底order了兩柸 sangria🍸Sangria 有汽葡萄疏，甜甜地夏天岩曬！🔸芝士焗海鮮🦞拼盤店員香噴噴端出來😋 材料都幾豐富！芝士焗龍蝦、巴馬臣芝士焗扇貝、蒜蓉翡翠螺、芝士黑松露焗大蘑菇及牛油蒜蓉焗虎蝦。🔸芝士龍蝦🦞，幾大隻啖啖肉夠鮮甜，餐廳巳準備好灑用具給我們刷黎食，good!🔸翡翠螺，幾大粒同厚肉，夠鮮味！🔸牛油蒜蓉焗虎蝦牛油蒜蓉香口野味，虎蝦肉質爽口，唔會太腍，啖啖蒜香。🔸巴馬臣芝士焗扇貝芝士味好濃好香，帶子肉夠厚入味😋🔸芝士焗大蘑菇蘑菇JUICY，黑松露味好香濃，口感腍身，配合芝士既香味，好食！🔸鵝肝脆脆鵝肝份量夠多，鵝肝味濃口感像吞拿魚洱般，唔會太鹹但夠野味加落脆脆疏打餅到，不錯。🔸煙三文魚沙律煙三文魚份量多，香口又帶有小小香草味，沙律菜夠新鮮加入了黑醋，味道不錯！餐廳食物幾有水準，位置方便會再幫襯！

之前去過銅鑼灣的「Season Oyster & Wine Bar」，是一間海鮮專門店，尤其主打生蠔，我這個海鮮迷覺得很不錯，印象深刻。Season Oyster & Wine Bar原來是有分店的，在山林道的「Season Plus」在山林道一個很隱蔽的位置，不算易發現。生蠔也有數款，$50/一打，中碼的則適合二人享用，$50就有半打！另外可以散點數款生蠔，大小應該會比$50的大。除了生蠔外，這間餐廳亦以海鮮為主，譬如是元貝、蜆肉、翡翠螺等等，其中最注目的必然是烤焗海鮮拼盤了。先點了一份煙三文魚沙律，煙三文魚十分新鮮，沒有腥味，份量也多。上次去 Season Oyster & Wine Bar，並沒有點這道菜式，味道出乎意料的令我覺得很不錯。牛油覆蓋整個意粉和大量的蜆肉，蜆肉新鮮，沒有什麼海水味意粉有嚼勁，和牛油、蒜蓉混合後，更為香口。南非生蠔 $29/隻生蠔在這裡的選擇有不少，$50/ 6隻或是$50/ 1打的應該沒那麼好吃，所以散點了6隻南非生蠔。生蠔真的很好吃，沒有很重的海水味，不然會好難入口的，生蠔每一隻也很大隻，清甜肥美烤焗海鮮拼盤是這裡的招牌菜，有龍蝦、大啡菇、元貝、虎蝦

都有一排冇食生蠔，出去同朋友突然間想食生蠔，就去咗山林道附近嘅Season Plus。呢間餐廳個位置唔容易搵，雖然位於尖沙咀區，但係幾特別，餐廳坐落去都幾闊落，而且仲有好多選擇。都好多人都食蠔同飲酒。我哋都叫咗啲蠔食，價錢唔算好貴，正正常常，而且黎到都幾新鮮。因為我哋都好鍾意食海鮮，所以就叫咗海鮮拼盤，海鮮拼盤有我最鍾意食嘅龍蝦，龍蝦熱辣辣，雖然唔算好大隻，但係面上有好多芝士加埋啲龍蝦肉一齊食，都相當唔錯；而且配菜仲有啲沙律菜、海鮮拼盤仲有焗螺、帶子、蝦及大啡菇，質素都算不錯。而且價錢唔貴，尖沙咀區嚟講真係算抵食 。通常都會叫返個沙律就唔會好似咁飽，沙律叫咗煙三文魚沙律，比想像中大份，而且三文魚一啲都唔腥，沙律菜多。

餐廳位於尖沙嘴，但位置比較隱蔽，入到去餐廳環境都算好大，坐得非常寬敞。有著唔同嘅食物，有主打嘅生蠔及海鮮。餐廳有四款生蠔可選擇，冇叫最平嗰隻，其餘三款每樣叫嗰兩隻。蠔有大有細品種，食落都creamy同有海水味，食少少就夠了。另外叫咗煙三文魚沙律，三文魚都有幾多，而且沙律菜都好新鮮。蜆反而唔算好鮮甜，味道相對地普通，但份量都多，抵食。最鍾意食係鵝肝配餅乾，勁多鵝肝醬，非常之抵；而且配餅乾脆脆哋，當小食咁食好好食。我叫咗個豐富嘅海鮮拼盤，有龍蝦，龍蝦面上有芝士，焗起非常香；而且肉質都算不錯。帶子面上都充滿芝士，調味還可以，帶子唔算大粒，但味道ok。 焗大啡菇咬落去都幾juicy、面上有少少黑松露。仲有螺，都唔錯！

呢間餐廳真係唔易搵，全靠朋友介紹我呢度嘅生蠔超級抵食，先知道尖沙咀有呢間高質既隱世餐廳。飲品主打都係紅酒同白酒，但係我哋就揀咗啤酒同普通飲料。少爺啤 ($58)蜂蜜柚子蜜 ($28) 都幾好飲👍🏻餐廳嘅大賣點之一就係有$9一隻生蠔！$9真係超級超級抵食！生蠔大隻得來好鮮甜，調味料都可以唔使加，食完半打唔夠再叫多半打😎烤焗海鮮拼盤 ($298) 呢個拼盤性價比極高，單單一隻爆膏既龍蝦就已經覺得值回票價。龍蝦係好新鮮好甜，而且好彈牙。其他海鮮都唔差，但係我自己就好鍾意食呢個芝士焗大啡菇，好juicy 好入味！另外加咗牛油焗比目魚扒 ($68)魚塊好滑好甜好正！除咗海鮮我哋都想試吓呢度嘅牛扒，叫咗美國特級安格斯肉眼 ($228) 肉眼扒煎得好香，而且肉質比較冧同較juicy, 味道唔錯。另加一個牛油蒜蓉蜆肉意粉 ($128)，蒜蓉炒意粉炒得幾香，而且蜆肉份量好多好新鮮。話咁快已經清晒成碟意粉😆雖然呢度係比較難搵，但係性價比絕對高！

今天同幾個朋友經開尖沙咀山林道,其中一人介紹說山林道有一間隱世美食，現著山林道一路行到盡頭，再轉過彎拾級而上終於發現了所謂㗎隱世美食餐廳。果然名不虛傳⋯⋯首先上來一打生蠔（9元一隻）肥美又清甜，帶上輕輕的海水味，不夠！再來一打！接下來是美國特級安格斯肉眼 ($228)，大大塊肉質鮮嫩，入口又冧又入味。送酒絕對是perfect match!再上的是烤焗海鮮拼盤 ($298)，大大隻帶糕的龍蝦🦞，和清甜的海螺，帶子和大蘑菇加上淡淡的芝士香味，味道適中而不膩，尤其是芝土焗大蘑菇，香怡可口。接下來少不了牛油焗比目魚扒 ($68)牛油適中，魚肉超嫩，非常值得一試！邊吃邊聊，自然更不會少牛油蒜蓉蜆肉意粉 ($128)，雖然已飽飽哋，但是也一樣沒有讓人失望，下次一定會再黎試其它！😋

今次係第二次來這間店晚餐，上次是去旺角分店食生蠔的。這間餐廳的紅白酒都非常抵飲，可以點一支酒再用優惠價配生蠔，不過我今次試下西餐熟食。尖沙咀分店地方比較大D。巴馬火腿沙律沙律菜加巴馬火腿，作為開胃小菜不俗骨付腸本身好鍾意食腸仔，呢個餸六十幾蚊有五條，好食夾大件。燒海膽芝士多士芝士味比較濃，食到小小海膽味，多士香脆，幾好食。美國安格斯肉眼牛扒牛扒夠大件，肉質都幾林同肉味濃郁，二百頭嘅價錢，去餐廳食呢個質素，性價比算高。

話說呢一間西餐廳嘅同系列嘅餐廳我都光顧過，呢一間同其他同系列嘅餐廳一樣，都係保持一貫高水平嘅水準，今次小編同女朋友照舊order左生蠔、峴肉意粉，同埋海鮮拼盤，另外再Order多一兩個小食。啲嘢食一嚟到嘅時候，第一個嘅感覺真係好正，啲食物亦都好新鮮，味道調校得10分好，小編亦都要喺度讚一讚佢哋呢一間西餐廳同埋佢哋同系列嘅西餐廳嘅侍應服務水準10分高，可以話係用招呼黎形容呢度嘅服務水準，令人有一種色香味俱全嘅感覺。