Season Plus

營業中

休息中

收工同老婆喺尖沙咀食飯，朋友介紹吓去咗呢間season plus，喺山林道上邊，雖然行得遠少少，但係都值得，主要因為生蠔，黎到7點餐廳已經好忙了餐牌上有換購價，只要叫一支酒就得，但就揸車無叫先叫咗半打美國中碼生蠔，正，好鮮，食落好creamy，以呢個價錢喺尖沙咀食真係抵，忍唔住再叫多半打精選，價錢係再平一半，係冇咁大隻，但係都好新鮮，有海水味接着嚟係烤海鮮拼盤，大大盤，有蝦，龍蝦，螺，扇貝，菇，我喜歡佢全部都落夠芝士，令到烤完出嚟更香，呢盤我最鍾意係個烤菇，好juicy，另外螺都幾鮮甜再黎係意式蕃茄虎蝦意粉，個意粉煮得幾彈牙，個茄醬甜度剛好，醒胃，虎蝦大隻又彈牙，得不提呢個意粉仲會跟個大啡菇，好夾最後配埋個凍檸茶，兩位埋單免加一$600，喺尖沙咀食到呢個質素嘅西餐，重點有生蠔真係唔錯

我地係呢間餐廳預訂左食晚飯，地點唔算方便，出左地鐵站都要行一段路+上少少樓梯先搵到間餐廳。老實講，餐廳唔算話好有裝修，成間舖黑媽媽咁，好聽d叫有情調，唔好聽就以為停左電到我地落Order既時候...我地一早知道叫左紅/白酒先有換購價（換購價好似係$50半打）食生蠔。朋友同我都唔飲酒既，所以都打算用正價叫生蠔（$108半打）。但係個員工好似輸左馬咁，係到比說話我地聽，好大聲咁講「你地知個生蠔係正價黎架喎？」好似我地比唔起錢食咁之後我地問餐廳有冇Mocktail（因為餐廳既燈光太浪漫，我地真係冇心機睇Menu有冇），講一大堆野話太複雜既整唔到，恕本人目光短淺，唔係餐餐都食西餐，我真係唔識分咩叫簡單咩叫複雜既Mocktail直接講有定冇咪算囉冇我唔會怪餐廳，但一副狗眼看人低既態度真係令我地冇胃口前菜：巴馬火腿沙律一堆菜淋上黑醋汁既感覺。生蠔半打生蠔好凍，冇乜鮮味，用黎送酒呃到下人既，唔送酒就冇下次啦黑毛豬超級難切，冇練過手力都唔好叫，用鹽同黑胡椒醃，自己屋企用個氣炸鍋整都好食過佢薯條係全餐最好食既野三文魚明太子意粉份量好夠，但結到不得了，最尾都係食唔哂。如果餐廳既員工態度唔係咁衰，我都算啦唔

疫情下難得有飯聚，又點可以唔搵返d好野食呀，喜歡食海鮮嘅我，選擇左同朋友黎位於佐敦山林道嘅season plus。餐廳位置比較難搵，好彩朋友之前黎過可以帶路，否則真係唔易搵到。由於呢度主打海鮮同蠔，我地都叫左唔同嘅菜式。挪威煙三文魚沙律：沙律比想像中大份，煙三文魚都好多，沙律仲配左黑醋汁，酸酸地，配搭好清新，食落都幾開胃。白酒煮蜆 ：白酒加左蒜頭同車厘茄做湯底，再加入蜆去煮。湯底酒味濃，亦都唔鹹，全部蜆亦都開晒殻，非常新鮮。中碼生蠔：生蠔有分精選生蠔同埋中碼生蠔，我哋揀咗價錢稍為貴少少嘅中碼生蠔。一份生蠔有6隻，盛惠$108，假如配埋酒一齊叫仲有半價添呀。精選生蠔都算大隻，海水味唔算太重，肉質方面亦都厚實飽滿，蠔肉爽滑，係呢個價錢黎講算係唔錯。牛油蒜蓉焗虎蝦：一份虎蝦有5隻，虎蝦係背部破開，塗上蒜蓉牛油醬，蒜蓉味相當香濃，蝦肉彈牙，令到虎蝦鮮味相當突出。西班牙海鮮燴飯：上檯時熱辣辣，賣相都幾吸引，仲好大盤添，兩個女仔真係食唔晒。海鮮方面，份量都算多，有扇貝、蝦同蜆，望落真係好足料，驚喜十足! 底層嘅意大利飯吸晒海鮮湯同茄汁濃郁嘅味道同精華，軟綿綿，非常好吃又開胃，海鮮食落爽口彈牙又新鮮

又開始入冬🌬️， 即係代表食🦪生蠔🦪嘅季節又來臨啦， 呢間餐廳嘅生蠔如果叫wine嘅話會有大優惠，$50就有一打新鮮即開嘅精選生蠔， 小編唔覺意一個人都食咗差唔多一打🙈， 真係隻隻fresh, 中度海水味， 裙邊爽口，after taste回甘幾秒。烤焗海鮮都好正🦞， 一碟就有唔同種類嘅海鮮🦐， 唔使諗到頭都痕。 小編超鍾意食龍蝦， 呢隻烤焗波士頓龍蝦肉質結實， 肥美又多膏😋， 下次會再encall😎~~~~~~~~😋味道: 8/10📸賣相: 8/10🛋️環境：8/10💁‍♂️服務: 8/10💎性價比: 8/10💲人均：$300⏪回頭率：80%~~~~~📍Season Plus尖沙咀山林道52號環海大廈一期地下A及E舖~~~~~

之前同媽媽食過一次銅鑼灣既oyster & wine bar 覺得啲海鮮同生蠔都唔錯🥰今次就同帶朋友仔去尖沙咀既Season Plus 到試下啦! Season Plus 除左最受歡迎既生蠔同海鮮拼盤 仲有好多好野食🤩朋友仔最鐘意食蜆 所以叫左一份白酒煮蜆試下🐾白酒煮蜆 🐾份量非常足充, 用黎做下酒菜都唔錯!係一道唔錯既開胃菜蜆肉好新鮮! 都稱得上肥美😍 而且店主有用心去處理 基本上都食唔到有沙加埋白酒就更加滋味 🍸我地仲食到有蒜蓉同牛油既味道 令到口感更加細滑仲落左啲車厘茄 令到個感覺更Fresh! 其實店主非常之細心😍我地想一次過落曬啲main course佢反而建議幫我地落左前菜同飲品先食到一半先落埋main course咁我地可以食到即叫即整既野食之餘 又唔洗等太耐亦都因為咁樣😂救左我地一命😂因為我地叫左一份秘製醬汁焗豬肋骨配薯菜...無諗到$168竟然係咁大份😱😱😱🐾秘製醬汁焗豬肋骨🐾有成十一條骨.. 可想言之係幾咁大份😱唔洗大用力就己經可以將骨同肉分離😏而且已經處理好肥肉! 但又唔會乾爭爭 我估應詃係用左低火烘焗既方法🧐因為食落口非常柔軟同彈牙秘製醬除左滲透豬肋骨之外 仲令

星期日去chill chill 行到去李家附近 雖然好想食炸雞😂 但食唔曬半隻 所以放棄開openrice見到附近有間好評咁多既西餐就黎試下不過真係好穩世 🥕菠蘿梳打 $28一坐底要降温 叫杯梳打飲🍹 其實cocktails free flow 先$98/位 仲要有白酒任飲 座位都幾寬敞 真係好岩幾個friends黎吹水慢慢飲🥕烤焗海鮮拼盤 $298呢個海鮮拼盤都係大熱推介 一定要試下啦🥰簡直係芝士控既天地🍄芝士黑松露焗大磨菇焗到芝士變金黃色同個磨菇變得軟身菇味香濃~而且個磨菇超級juicy😆🦐牛油蒜蓉焗虎蝦虎蝦既肉質都彈牙 少少韌食落仲幾鮮甜 虎蝦開邊焗配埋牛油蒜蓉既香味令到個口感更加豐富 🧀巴馬臣芝士焗扇貝巴馬臣芝士比較硬身 口感比較濃郁同香醇但都掩蓋唔到扇貝既鮮味🐚蒜蓉翡翠螺螺味重之餘 仲好彈牙!! 勁鮮味仲要好大隻🤩 非常肥厚🦞龍蝦有成隻手板咁大! 配埋豐富既芝士🧀🧀🧀食口爽口彈牙 仲要有好多膏💓一個海鮮拼盤己經咁多野~ 叫多一份主食都OK了!🥕美國特級安格斯肉眼扒 $248叫左五成熟一上枱比佢嚇親 大過塊面😂 因為係肉眼位置所以油脂分怖多啲啲煎左會更加香口 而且有少少肥肉令到

呢排好想食生蠔，朋友就帶咗我黎尖沙咀食飯，Season Plus 地點好隱世，如果喺佐敦站落車，可以喺山林道行到最尾再上幾級樓梯就到啦！不過我地今日就喺尖沙咀行完街，就諾士佛台嗰邊行過去。⭐️呢間餐廳嘅賣點係啲生蠔🦪😍最抵食係叫一支酒，最平一支$148🍾，再用優惠價$50要一打生蠔！食生蠔最好就梗係配美酒啦🥂好可惜今晚食完飯我仲要返工🤧所以決定散叫，我地揀左精選生蠔🦪$9一隻唔好以為平嘢冇好嘢，質素都唔差呀，肉質清爽柔軟，淡淡嘅海水味🤤每人食四隻過吓口癮☺️⭐️清酒煮蜆$88平時啲餐廳通常細細碟，呢到一上菜，嘩咁大碟既，份量比想像中多好多😳啲蜆都幾大隻，無沙，幾鮮甜，不過個汁既味道幾濃，蓋過左酒既味道。⭐️芝士焗原隻龍蝦$168🦞🦞🦞🤤🤤用叉一撩左成舊龍蝦肉出左嚟，啖啖肉，龍蝦肉爽口彈牙，面頭嘅芝士好香濃，仲有勁多紅色嘅應該係龍蝦籽😋😋⭐️秘製醬汁焗豬肋骨168上菜又令我呆左，好大件😆😆有兩大排豬肋骨，每人分到六條🤣望落好似番茄醬，但其實係餐廳嘅秘製醬汁，有少少香草，食落酸酸甜甜，越食越開胃！肉質都幾腍，唔會食到痴牙😛最估唔到係啲薯角熱辣辣好好食，勁香脆！伴碟嘅沙律菜加咗啲黑醋，一啲都唔馬虎！總

前日同朋友食咗一次！今日又同老公再去，紅白酒大約$100起就可以加$50叫一打生蠔，你冇睇錯係$50一打仲要堅食得，本人玻璃肚只要唔衞生嘅食物即痾，連續兩次都冇出事！牛扒二百幾蚊大件抵食👍🏻意粉唔會林曬但咸咗小小小份量十足👍🏻係位置真係入咗D但係價錢平就行多步

平日同朋友去到8點坐低 叫左2杯野飲 10分鐘到 突然黑哂 一開始無職員過嚟解釋 仲以為其他食客生日surprise個d 過左10分鐘 先有職員過嚟話停電 30-45分鐘會搞掂 廚房亦都煮唔到野 咁途中仲有其他食客埋單走 而我地唔趕時間就諗住等 過左50分鐘 我再話職員大約要幾耐 究竟搞唔搞到 佢話15分鐘會搞掂 最尾過多20分鐘 有職員過嚟話 個環境搞唔掂 叫我地一係可以繼續stay 一係埋單走 重點係 野飲一開始已經出錯比錯左 職員一度confirm我地會搞得掂 冷氣又無 最尾停左個幾鐘先過嚟話搞唔到

疫情下難得外出聚餐網上搜尋🔍下 見到$1龍蝦及無開瓶費早一日打去訂位 問清楚推廣優惠後決定於4/28日到訪位置有點像隱世餐廳，但店面開揚 感覺不錯到步後等待另一位友人後便開始點餐因為推廣優惠包括一支白酒可order一打生蠔所以決定今晚舉杯暢飲一番但當下單時 詢問職員關於$1龍蝦🦞優惠回應是推廣優惠已完結接線的應是清潔姐姐 所以不知道公司政策（但明明昨天訂位時職員說仍是有此推廣）再詢問關於開瓶費事宜 職員回應現在已回復有收取開瓶費政策算了 我們還是決定繼續點餐焗海鮮拼盤豬肋骨羊仔架推廣生蠔一打意大利白酒原本餐牌上價錢最相宜的$148其他白酒全都缺貨，無可選擇下只可選擇這支上菜速度還挺快的先上的是精選生蠔拼盤鮮甜 新鮮 配白酒味道不錯之後是海鮮拼盤包括龍蝦🦞帶子 螺 蝦🦐但不太新鮮豬肋骨 味道中上 應是先白烚再塗抹醬汁再焗焗羊架 味道正常由抱著期待的心情到品嘗完畢結帳時真心非常不愉快Happy hour 應該是不錯的但認真晚餐想品嘗美食就不了

其中一間好喜歡嘅餐廳去之前最好book位，因為都幾full架尤其是精選生蠔好抵食$9/隻！好好味，好新鮮，又唔會太細隻冇肉食必嗌！另外嗌咗煙三文魚沙律，好大份，味道正常下次要試埋佢其他海鮮先，都好吸引

餐廳地址比較隱蔽，朋友介紹下先知道呢間餐廳，性價比非常高-美國特級安格斯肉眼扒🥩份量十足，配有炸薯角，肉汁好juicy 燒海膽芝士多士✨田園沙律✨牛油蒜蓉焗翡翠螺✨配有炸蒜蓉粒，好入味白酒煮馬尼拉蜆✨蜆肉好大粒，但味道我認為偏鹹芝士黑松露焗大蘑菇✨ 啖啖芝士 不錯，賣相好令黑松露雜菌意大利飯✨我最愛，足料 ，有好多菇粒日本一口和牛粒✨ 細細粒 煎得好香 肉質淋La Catrina Moscato 呢枝白酒好適合女仔，帶有甜甜果香 好易入口 依嫁凡選購白/紅酒 🍷就可以優惠價享用生豪 $50/1打 生豪🦪新鮮 呢個價錢真係好抵

這是位於尖沙咀山林道的一間西餐廳，雖然選址在於不顯眼的地方，但還是很易找到的。白酒配生蠔 (HK$198)餐廳最大的優惠就是order一支白酒，就可以以優惠價加$50，換購一打生蠔。白酒HK$148 - HK$368不等，order 了一支最便宜的，配一打生蠔。生蠔肉質較薄，不夠肥美，有少許鮮味，但以價錢來說，也不要求多。煙三文魚沙律 (HK$58)沙律份量大大碟，煙三文魚給得非常慷慨，有多片三文魚，而且沙律菜十分新鮮。以價錢來說，很值得order 。蒜蓉牛油焗翡翠螺 (HK$68)一碟十隻，在出面餐廳食，呢個價，一點也不貴。 因蒜蓉牛油太重口味，翡翠螺只能吃得出口感，沒什麼味道，只吃到蒜蓉加薯蓉的味道。食物說不上高質，但正常，以價錢來說，性價比頗高的。

朋友之前介紹我試Season Plus話佢地既蠔又平又好食今日就跟佢黎試下Season Plus既位置比較難搵係佐敦地鐵站行去大約7-10分鐘要上一段仔樓梯去到住宅附近先會搵到精選生蠔好味指數 😋😋😋😋😋我地前後叫左兩打 ($9/隻)如果你叫一支紅酒或白酒加$50就有一打生蠔似係南非生蠔 size比較細但佢差唔多每一隻都好肥好新鮮入口有陣海水味 好creamy 好甜$9絕對係CP值超高威爾斯羊仔架好味指數 😋😋😋😋羊仔架好厚好大件 配菜份量亦多雖然佢比較生 但相對亦會比較嫩價錢黎講都係CP值好高如果你鐘意飲下酒食下生蠔 我十分推薦呢間

 同朋友在尖沙咀分店吃飯，環境不錯，但向職員取餐紙時對方竟破口大鬧指無提供，仲話「而家周圍都無廁紙、無就無架啦」態度其差，作為一間餐廳主管以此態度待客，以後唔會再打算光顧，如果一間餐廳連尊重客人都未識，可以不用推薦，再好食都係假，無理由食飯要受氣掛？ 同朋友在尖沙咀分店吃飯，環境不錯，但向職員取餐紙時對方竟破口大鬧指無提供，仲話「而家周圍都無廁紙、無就無架啦」態度其差，作為一間餐廳主管以此態度待客，以後唔會再打算光顧，如果一間餐廳連尊重客人都未識，可以不用推薦，再好食都係假，無理由食飯要受氣掛？