RuRu Tapas Restaurant (已結業)

放咗工同同事去搵野食，大家都重視食物嘅quality多過quantity ，今晚經過呢間小店，樓底好高，外觀好有格調，就被佢吸引咗入去。🌶️西班牙辣椒仔($88)西班牙經典小食，唔好俾佢外表嚇親，以為好辣，其實係唔辣㗎！🤣🤣🍝白酒辣蜆肉意大利麵($168)蜆肉份量都幾多同肥美，加埋啲肉碎、紅椒、蕃茄，酸中帶啲微辣，好惹味！🐠保雲酥比目魚柳（$198）比目魚柳煎得啱啱好，外脆內嫩，仲有蕃茄碎粒等舖喺魚柳上，酸酸甜甜，囗感豐富。

約咗個舊朋友食飯，咁啱佢有好消息宣佈，所以即刻轉場去咗RuRu Tapas Restaurant慶祝一番。我哋首先揀咗西班牙蛋餅作為我哋嘅前菜。西班牙蛋餅可以選擇辣肉腸或露荀，而我哋就選擇咗比較惹味嘅辣肉腸。辣肉腸鋪滿喺蛋餅之上，而蛋餅入面嘅餡料都相當豐富，再有一大片生菜，夾住嚟食可以減卻油膩感。金槍魚他他嘅造型都相當吸引，金槍魚與入面嘅他他製作成一個他他塔，旁邊再伴以脆多士同火箭菜。金槍魚他他混入特色嘅西班牙調味，鹹鹹酸酸相當惹味，而且份量相當多，鋪滿整塊多士都仍然有剩，所以最後我哋仲混入之後嘅意粉一齊食。白酒辣蜆肉意大利麵有好多蜆肉，而且隻隻飽滿。意粉雖然不是自家製，但都彈牙有口感，而味道只係微辣，啱晒我呢啲鍾意食辣又唔食得辣嘅朋友。 既然係同朋友慶祝，當然要嗌返兩杯嘢飲賀賀佢。Earl Grey Cooler係帶有蘋果同菠蘿味嘅伯爵茶，果汁味同伯爵茶味同樣出色，非常清新。 朋友話有好消息，當然要叫番杯Happy Ending，帶有熱情果、青檸同菠蘿味道嘅Soda，飲完真係好醒神。最後以一個西班牙傳統甜品作結，西班牙脆條配朱古力汁係即叫即整，上枱時脆條熱辣辣，再配以暖笠笠嘅朱古力醬

大角咀真係越嚟越多好野食！🥰上次上完yoga之後，見到有間西餐廳🍴—「RuRu Tapas Restaurant 」係附近，睇落幾好，就入去試下啦，果然唔錯喎！😎⭐️推薦❗金槍魚他他Tuna Tarter（$168）平時啲他他就只係切粒，然後一層層疊上去，不過呢度嘅金槍魚他他比較特別，金槍魚切粒，用青瓜粒、自家製微辣惹味嘅醬汁預先拌勻和調味，面頭再用油浸鯷魚圍住，賣相更精美，味道更豐富！金槍魚肉嫩無筋，鮮甜味美，配上火箭菜、法包🥖一齊食，好開胃！西班牙辣椒仔 Padrón Peppers （$88）雖然叫做辣椒仔，其實係唔辣嘅！😂辣椒仔係西班牙嘅經典小食，只係用上海鹽簡單嘅調味，襯托出辣椒仔嘅鮮甜，佐酒一流！⭐️推薦❗紅蝦意大利麵 Red Prawn Pasta（$188）每條意粉掛滿紅蝦汁，加上籚筍、蕃茄仔、彩椒等，更添口感。紅蝦鮮香軟嫩。⭐️推薦❗西班牙燒乳豬 Spanish Roast Suckling Pig (Cochinillo Asado) （$288/Reg）Regular份量兩三個人share都夠食，乳豬幾厚肉，肉質嫩滑多汁，肉香味美，西班牙乳豬，配上蘋果蓉，味道更清香！☺️

上星期去大角咀朋友家傾計講開去西班牙既趣事朋友又知nana鍾意食青口就介紹左喺佢家對面既西班牙餐廳 朋友發板叫左幾樣佢食過覺得好食既菜《36月Iberian Ham》Iberian ham油香好重 一啖接一啖好快清哂下次我會點有芝士既 淨係ham唔夠喉包偏硬 朋友叫我留嚟點青口個汁先係神配《四重芝士煮青口》青口係bb藍青口記得喺西班牙都係呢隻size個汁好惹味 鍾意食芝士或重口味一定喜歡朋友食到Susu聲 忘我狀態之下都叫我一定要浸晒啲包落去個汁度食到尾聲嘅時候再食埋浸透芝士汁嘅麵包果然係神配❤️好正好好味《黑松露雜菌意大利麵》食完嗰重味芝士再食個麵都重食到好濃黑松露味份量都幾多 食咗一半已經好飽如果個意粉可以再硬返少少咁就完美喇Nana支持小店

估唔到大角咀啲橫街小巷都有好多好嘢食，呢間西班牙餐廳嘅裝修好吸精，樓底好高，座位舒適，平日夜晚都好多人幫襯。西班牙炸薯仔Patatas Braves ($88)上面係自家製嘅杏仁沙律醬同蒜蓉沙律醬，兩個張配埋薯仔一齊食味道好夾，而且唔會好膩。薯仔肉身好淋，外皮脆脆的，係一個好香口嘅小食紅酒辣肉腸配麵包粒Red Wine Chorizo ($98)辣肉腸味道好濃郁，要配麵包粒一齊食剛剛好，好啱如果黎飲酒嘅人食意大利雲吞Tortellini ($168)芝士同雜菌味好香，份量好多，一個人食包你飽飽😚另外呢度嘅侍應好Nice，食得特別開心😚

RuRu Tapas Restaurant大角咀杉樹街11號德安樓地下1號舖這間餐廳位於大角咀奧朗.御峯同一條街， 附近有高尚住宅，因為餐廳營業時間： Mon - Fri  4 : 00pm - 2 : 00amSat               1: 00pm - 2 : 00amSun & Public Holiday  :  1: 00pm - 10 : 00am去之前一定要睇實時間， 餐廳嘅音樂好柔和， 有台投影機，好適合一班睇波飲酒夜生活的朋友相聚一刻。餐廳裝修時尚高貴， 座椅舒適，空間感十足，開放式廚房， 有興趣嘅朋友可以同廚師交流心得～Red Wine Chorizo $98腸仔咸香十足，配上紅酒烹調，酸種包帶上微酸，烘得十分香脆。Mussels  $138這個size的青口烹調時，工序繁複，很需要心機，食嘅時候一定要沾埋煮青口嘅白汁，真的好吃很多，另外白汁也很百搭，配很多東西也很好吃。Seafood Paella Rice  $298西班牙燴飯，有幾款海鮮， 青口， 蜆， 魷魚， 大蝦，西班牙米較大粒，可以好完美地沾滿醬汁，粒粒分明有咬口，魷魚又爽又彈牙煙韌好味，海鮮很

Weekend chill place好少嚟大角咀小街，但估唔到都有幾多小店係呢啲橫街中間。今次嚟到一間西班牙小店，鋪面雖細但係樓底好高，入邊嘅裝修亦都好型格，適合同朋友過嚟chill。小食推薦辣味蒜片蝦，蝦🦐同蒜片炒過之後好爽口同香，隔離仲有少少麵包粒可以點嚟食呢！至於慢煮豬鞍，除咗豬鞍之外，千祈唔好忽視旁邊嘅配菜，有露筍同埋薯仔都好好食😋꧁☬小編食左咩☬꧂✅金槍魚他他✅辣味蒜片蝦✅慢煮豬鞍配燒汁 人均傷害💰： $250♥

近年西班牙餐廳喺香港開到成行成市，但有質素的真心不多，是日喺奧海城同朋友睇完戲行番出大角咀揾食，本身都冇乜心水，喺杉樹街行行下見到間西班牙餐廳，裝修四正，氣氛都唔錯。就入咗去，食西班牙餐又點可以冇杯Sangria，上到枱差啲相都未影就一啖飲落去，wah 冇加7up ga ，飲得出喺浸出黎，好驚喜西班牙特色飲食文化食下 Tapas 我地叫咗兩個： 蒜片蝦香口夠味，配脆脆面包粒，好快清晒龍蝦牛油果他他， 比起配蟹肉更鮮甜，加埋小小魚子醬味道層次更突出主菜係香煎油封鴨腿,因為西餐通常食猪牛雞魚，呢個比較小見，最大驚喜原來喺後面，鴨腿香酥軟腍，連配菜嘅甜椒都去埋皮，做得好有誠意！呢間會再來Ru Ru Tapas Restaurant

大角咀真係一個旺中帶靜既好地方靜靜地街裡面搵間餐廳CHILL下飲番杯再食少少野送酒.都幾寫意今日去到大角咀杉機街既RuRu餐廳就係奧柏。御峯斜對面,唔算難搵餐廳門口係落地既玻璃, 空間感幾大光線偏暗,牆身偏白再打左少少燈咁,氣氛唔錯坐位唔算多係一間小店今日叫左兩個TAPAS, 一個MAIN佐下酒同朋友傾下計又一晚魚子醬龍蝦蟹肉牛油果他他他他下面有D羽衣甘藍送完麵包食可以當沙律咁送他他黎食龍蝦肉都幾多,而且好彈牙紅酒辣肉腸配麵包粒辣肉腸有D似中式既臘腸咁, 不過就無內臟味既用紅酒煮完鹹鹹甜甜咁, 佐酒就最好仲可以用麵包粒吸埋D汁黎食慢煮豬鞍配燒汁擺盤幾靚, 連柄既蕃茄仲有南瓜做既SAUCE豬鞍肥美嫩滑尤其近骨位置既脂肪勁香, 配燒汁定配南瓜汁都好食

係酒吧臨立既大角咀 都可以搵到好有質素既餐廳🤫門面同內裡樓底都好高 雖然店舖細小但都唔會有壓迫焗促既感覺 反而份外有種舒適感😌灰色高牆同燈光帶出一種低調既型格🤟🏼見到Tapas呢個字 就已經好明顯知道餐廳以西班牙菜為主食物選擇方面絕對可以滿足到為食既大家😋➷🪐 西班牙芝士拼盤第一次嘗試食芝士拼盤🧀一黎驚好腬 二黎會驚好伏🤣的確今次係可以令我改觀 亦都係俾自己一個好好既體驗👍🏼▸ 𝙋𝙖𝙧𝙢𝙞𝙜𝙞𝙖𝙣𝙖 𝙍𝙚𝙜𝙜𝙞𝙖𝙣𝙤▸ 𝙋𝙚𝙘𝙤𝙧𝙞𝙣𝙤 𝙬𝙞𝙩𝙝 𝙩𝙧𝙪𝙛𝙛𝙡𝙚▸ 𝙂𝙤𝙧𝙜𝙤𝙣𝙯𝙤𝙡𝙖三款唔同口味既芝士 帶出唔同既三種感覺去刺激味蕾😆有意大利芝士王之稱既Parmigiana Reggiano個人認為係三款口味入面羶味係最重既🫢味道停留最長久最喜歡食既就係Pecorino with truffle 羊奶松露芝士🧀微微帶出咗松露既滋味 亦都係相對較輕身既一款呢個拼盤同時間會配有Ham同麵包🥖麵包烘到乾脆變成多士質感 再加上咸香味十足既火腿🥓口內會出現好多唔同味道既層次 要慢慢品嘗先食得真😂-🪐 辣味蒜片蝦呢一個菜式亦都係西班牙菜入面經常會見到🦐傳出黎既蒜味好香 蒜片已經變到脆卜卜🧄蝦身爽口

生日月有福了🤭 又係一個借機放肆嘅月份。多謝老闆帶我去飲飲食食，今次試嘅係第一次試西班牙菜🇪🇸胃口唔算好大嘅我地，就叫左兩款前菜同一款main course 。🍴魚子醬龍蝦蟹肉牛油果他他 $188他他裡面👉🏻面層係龍蝦肉夾層係蟹肉，底層係牛油果，啖啖龍蝦蟹肉配上有淡淡蒜香嘅脆片麵包食，他他加上魚子同魚子醬點綴，外型更加靚之餘，魚子本身有嘅鹹香配以龍蝦同蟹肉嘅口感層次鮮味大爆發啊💣🍴辣味蒜片蝦 $108- 蝦用炸過蒜片同辣椒嘅橄欖油炒熟，大蝦爽口，份量大約係6隻左右。另外配上麵包脆粒要用黎沾上剩低最精華嘅蒜油食，好惹味！🍴西班牙黃油雞 $228- 黃油雞由法國空運到港，拆骨後用炒香左嘅洋蔥 蘿白 翠玉瓜等等蔬菜填滿左春雞嘅身體，變成返脹卜卜咁🐥整體雞皮薄而唔多油脂，焗到微微脆皮，雖然唔多油份但肉質保持到鮮嫩，重點要講講伴碟嘅薯蓉，質感極細滑且帶有濃濃嘅邪惡牛油味，推薦！另外我地都分別order左杯cocktail, 整體都幾有心思，係坊間比較少飲到呢種味道，但酒精濃道相對就唔算好高，好易入口！🍴Apple Flower $88🍴White Sangria $78

呢日嚟到大角咀做gym 經過呢一間外表好高檔精緻嘅西班牙餐廳 見到價錢幾親民環境幾好 所以決定一試見到佢除咗平時有brunch menu 同埋全日都有嘅menu價錢合理 選擇都頗多 另外佢有一個期間限定menu 選擇吸引Spanish Cheese Platter $198 有blue cheese truffle cheese 之外 仲有比較少食既Pacino 仲有啲萬越莓果乾 擺盤精美之餘 口感豐富 果乾嘅甜味襯托出芝士嘅鹹味Red Wine Chorizo 紅酒辣肉腸配麵包粒辣肉腸一粒粒易入口 味道算幾惹味 紅酒味偏淡 不過整體算係好食 配埋烘咗嘅麵包粒 中和返辣肉腸嘅鹹味 Crumbled Halibut Fillet 保雲酥比目魚柳是日最豐富嘅一道餸 比目魚樓外脆內嫩 魚皮上面都有啲麵包糠脆脆 美味難忘 加上佢用Salsa 醬汁 層次豐富 份量唔算大 不過係一道精緻嘅菜式 感受到廚師嘅用心 加上有兩隻西班牙入口既青口 配搭新鮮好食Conclusion: 價錢性比較高 食物較為精緻 感受到廚師用心 下次如果經過會再嚟

今次又嚟食西班牙菜🤭平時好少去大角咀 同個frd行完奧海城附近行下行下就咗過嚟🧀西班牙芝士拼盤 $198頭盤要咗個芝士拼盤 有齊Pecino、松露Manchego 同Gorgonzola大愛松露嘅我 當然唔少得夾埋toast一齊食 滲出淡淡嘅松露香😍仲有提子乾增加口感🍤辣味蒜片蝦 $108辣度輕微啱我呢d唔食辣嘅 配合埋個蒜片 香味十足🥩慢煮豬柳配雜菜 $268嚟到見到個賣相已經覺得好吸引即刻切開嚟食 一切出嚟就feel到啲肉質好juicy 果然係慢煮 慢工出細貨😌2個女仔食埋單500幾 啱啱好夠飽

住大角咀既朋友介紹過呢間西班牙菜，星期日lunch time就同屋企人過黎試，順便去奥海城行下街。😁環境係幾有感覺，員工都好有禮貌，而且解釋食物都解釋得好清楚。👍🏻食物質素都唔錯，價錢合理，係西班牙菜唔錯既選擇。西班牙炸薯仔 ($88)餐廳用左自家制醬汁，分别係杏仁沙律醬同蒜蓉沙律醬，醬汁味道好特別，非常好味，而且係非常夾。😆佢既炸薯仔個皮都好香口，佢唔係果隻炸到好乾既薯仔，保持到薯仔本身既味道，亦都好爽口😋西班牙蛋餅 辣肉腸 ($98)入面係滿滿嘅洋蔥，洋蔥控一定好鍾意，而且有好濃郁既蛋香，超級好食。😍再配正香既辣肉腸，簡直一流！西班牙黃油雞 ($228)雞都好好食，雞入面放左一d雜菜，好入味，我第一次食到雞肉入面放雜菜，感覺幾新鮮幾唔錯。😆而且雞肉夠滑，個皮燒得夠香。😋

整個十月都很忙，今天終於可以休息一下，和朋友到大角咀這個小區吃下午茶，清靜一點份外愜意。舒適的椅子最適合慢慢聊天我們點了兩個小吃和一個意粉西班牙芝士拼盤芝士拼盤包括有三款芝士：Manchego with truffle, Gorgonzola及Pecino，伴多士一起吃。多士烘得非常香脆，松露Manchego 和Pecino 較硬身一點，而Gorgonzola 較軟身而且味道最濃烈，用來塗多士吃一流。黑松露雜菌意大利麵松露和雜菌是無敵的組合，他們就像永遠的好朋友，不會搶對方風頭之餘還會互相提升對方的味道，意粉有咬口而且非常掛汁。肉醬煮青口有兩款芝士（白汁）的菜式便想吃吃紅汁的食物，這個青口的肉醬汁非常惹味，令人一隻接一隻地吃，非常有衝動再點個薯條蘸這個肉醬汁，可惜已經很飽了，還是節制一下自己吧😂