Route 83 (廣福道)

營業中

休息中

剛吃美味而豐富的下午茶如芒果、朱古力沙冰感到清涼可口。大大隻脆卜卜的雞翼配薯條還有 薄脆批都好滋味。跟著離開店舖不久發現遺失電話 。Route 83老闆路不拾遺， 無言感激。

Route 83環境：👣（本來3）食物：😋態度：😊😊😊性價比：👍👍香煎鯛魚配三色椒忌廉汁（飯/意粉/薯條）：558oz純牛肉煙肉漢堡配薯條：68凍飲：+3環境方面，店舖唔算大，二人至四人枱加埋十張左右啦，深色木系裝修配沙灘仿藤桌椅。點解扣剩一分？因為友人同我講返，一入去聞到既味，係冷氣槽吹出黎既死老鼠味🐁🐭食物方面：魚意粉：叫得三色椒，就要有好重椒味既準備，我接受到，只係汁5多，食5到忌廉味，d魚似用海鹽黑椒煎到over左咁，嚡嚡地。但我明白，煎得岩岩好係要技巧既。意粉就有少少香草，黑椒，茄醬煮到乾身咁，似我媽媽（地獄廚娘）煮既咁，好懷念☺️漢堡包🍔：薯條易講d，頭尾硬，中間冧，唔脆不過唔凍。牛肉：煎到燶，黑，入面就五成熟，除左係冰牛肉開始煎，我諗唔到點解咁。牛肉似柴皮，都係個句，煲完湯既瘦肉剁碎再煎成漢堡樣。煙肉：唔夠乾，唔脆，似鹹既五花腩片。最好食係漢堡包既包，輕輕煎脆佢，然後有d醬黐住左咁。湯？凍檸茶？唔講啦⋯⋯態度方面，不過不失，係手腳慢少少咁，然後是日餐牌無寫，侍應無提漢堡包要等20分鐘，後來自己係舖枱張紙見到，死死地氣要等咁囉。友人一路食，一路擊鼓🥁鳴冤，話下次可唔可以去返大

今晚係大埔搵食，求其行入一間西餐廳Route83，menu既選擇都幾多，重點係價錢平，份量多眼闊肚窄，最後食唔曬要打包榛子朱古力 $34好濃郁既朱古力味加淡淡既榛子味，上面有好多cream賣相唔錯大大杯幾抵飲白酒炒青口 $58酒味唔算太重，青口都幾鮮味size適中，份量都幾多83雜錦pizza $70見到隔離枱個pizza好吸引，我地又忍唔住叫咗份份量好多丫，材料都好豐富，超多芝士，仲有辣肉，菠蘿等等，薄餅皮唔算厚，夠香口，不過整體味道偏咸，適合中意濃味既朋友三文魚黑松露意粉 $68煙三文魚整到玫瑰花既形狀，而且都有好多片意粉味道唔算濃，而且有小小偏乾炸魚薯條 $68 有三大舊魚塊加薯條丫，魚肉幾新鮮夠厚，口感都幾嫩，朋友都大讚抵食夾大件，外層脆卜卜，而且炸到一粒粒凸起，更加脆又好味旁邊仲有沙律菜，不過唔算太fresh

嚟到廣福道搵嘢食，呢間好有格調嘅舖頭吸引咗我前面睇落細細，入面有好大嘅空間坐樓底幾高，上面嘅裝飾燈都一早亮著而且舖頭裝飾得好特別，仲有格調過一般樓上café滿天星星同牆身歐陸風嘅地圖真係惹來唔少遐想，如果可以快啲去旅行就好啦都係唔講無聊嘢，入返正題先呢度嘅menu都係西餐，有輕食，又有pasta,risotto,burger，小食，嘢食種類都幾多幾齊同朋友一樣叫咗個 朱古力沙冰，味道濃郁，朱古力味好真實又有層次，上面仲加上少少cream作裝飾，好靚小食叫咗炸魷魚圈，用牛油紙裝住，張紙仲設計到好似報紙咁，好似去咗外國街邊買嘅小食魷魚圈外國好脆，炸粉唔算厚，入面嘅魷魚好彈牙唔鞋，話咁快就俾我同朋友清哂burger就叫咗軟殼蟹煙肉漢堡，配薯條大大隻軟殼蟹新鮮炸好，粉漿唔厚，一口咬落去都食到蟹肉嘅鮮味同炸完殼嘅香脆配埋煙肉一齊食好邪惡飯類就叫咗個墨汁海鮮risotto，飯係好正宗嘅意大利飯，偏硬身，蝦同青口等海鮮味道都唔錯

呢度嘅menu除咗有lunch set同drink menu之外，仲係檯面嘅餐墊印好，好多選擇又方便客人睇因為好肚餓，所以叫咗個小食食住先芝士蜜糖芥末醬薯條焗得熱辣辣，啲薯條全部滋滋聲，舖滿哂芝士同蜜糖芥末，蜜糖甜絲絲，芥末味道唔重，整體食落有點鹹同甜朋友叫咗呢個煙三文魚松露忌廉意粉上面嘅煙三文魚滿滿嘅，下面意粉嘅份量都好足，松露忌廉醬汁好多，食落都幾香我叫咗個芝士熔岩漢堡，同張相一樣，啲熔岩芝士多到瀉哂出嚟而且每啖芝士都好濃郁，點埋薯條都夠食入面嘅patty好厚身，切開啲肉汁流哂出嚟漢堡用料真心好豐富，有生菜，蕃茄，蜜糖芥末醬，食嘅時候都幾messy但係好正，滿口都係邪惡嘅burger朋友叫咗個雜莓沙冰我就叫咗個士多啤梨梳打特飲呢個飲品當雪糕融化咗之後更好飲，好似strawberry milkshake咁唔講仲以為自己飲緊mocktail

OpenRice上所寫的開放時間是上午八時，結果上午11時去到的時候竟然未開門，我以為是餐廳的手誤，結果還是等到餐廳11點半開門的時候才進去。點了他們的招牌推介「熔岩芝士醬牛肉漢堡」，送來的時候我吃了一口發現不對勁，就是芝士份量根本和宣傳照片上的完全完全不一樣。詢問店員，店員竟然說：「沒有芝士了。」剛開舖就容縣他們招牌推介的材料芝士醬，為什麼不告訴我？大家比較一下圖片就知道,這完全是欺騙吧。是一次不愉快的經驗。

元宵佳節更係想同老公過，食下野簡簡單單便是。放工老公黎沙田接我去大埔，佢話大埔友介紹過佢地德國豬手好抵食。入到大埔約7 點半到順利拍好車行到餐廳，見到門口已經有人等位，好彩老公打去book定位，晚上招牌較喑淡。晚餐之選，包是日餐湯或者迷你凱撒沙律我地揀左是日雜菜湯茄味濃多雜菜 脆皮德國鹹豬手配薯蓉 $168賣相滿分，豬手皮脆扑扑還大大舊肉夠晒鹹香同濕潤，保留到原汁原味，再配上薯蓉，酸黃瓜絲，椰菜絲同酸菜絲，好正宗德國豬手做法。還細心地切件送上方便客人食。 Route 83 雜錦Pizza $70我同老公都鐘意薄批，但薄得黎唔可以過硬，今次餅底做得剛剛好，Topic簡單只有辣肉腸，波蘿，雞肉同甜椒當然還要芝士等等，好滋味。炸魚薯仔 $68好吸引見到隔離個男人，一杯Beer+ 一籃炸魚薯仔食得好滿意。我老公話要食喎，真係無失望，炸魚脆漿薄，魚柳夠厚身少少鹹味味道調得唔錯，點埋專用醬汁好好味，薯條又粗身！ 朱古力脆脆沙冰超好飲，每啜一口都飲到濃濃朱古力味同粒粒朱古力碎，質地香滑！芒果沙冰 一般芒果味無乜特別，味道尚可。兩公婆呢餐每人平均$200 非常超值，性價比高！

週日親子日，應邀到鳳園出席植樹活動。忙了一個上午，活動完畢後驅車到大埔吃午飯。小編對大埔的食肆亳無頭緖，完全依賴開飯網作搜尋，最後選定「Route 83」這間西式小店。「初到貴境」才知「搵食艱難」，同街食肆大部份也坐得滿滿，「Route 83」也不例外，需取籌排隊輪候。待了十五分鐘終能入座，店內呈 L 形，座位不算多，舒適度普通。 午市套餐有十款，主要供應一般意粉漢堡薄餅等西菜。「南瓜湯」屬是日餐湯，瓜香較淡，可考慮放輕食鹽投放量以突顯南瓜自然的甜味。「夏威夷薄餅」即叫即製熱辣送上。雖然食材選料相對簡單，但正好提供一個簡約的平台供食客專注享受芝士的美味及餅底的薄脆。小編喜愛吃菠蘿，當然支持增加菠蘿的投放量。「8 oz 純牛肉菠蘿漢堡配炸薯條」賣相脹卜卜，食感溫熱。面層麵包外脆內軟，菠蘿美味，只可惜厚厚的漢堡扒製作乾硬，大大失分。 「香煎豬扒配洋蔥忌廉燒汁意粉」份量充足，豬扒水準普通，口味略鹹。醬汁份量多，評價兩極。 以一杯「熱咖啡」作結，忌廉奶量相對豐足，甚合小編口味，讚！ 整體來說，「Route 83」的菜餚普遍大碟量足，性價比合理。

今日和朋友行完山, 往route 83食午餐, 我們點了美國安格斯肉眼扒配燒汁, 墨汁大蝦藍青口意大利飯、葡萄牙汁烤雞扒飯配沙律、凍焦糖咖啡和雪糕咖啡。美國安格斯肉眼扒配燒汁賣相一流,份量方面肉眼扒足足佔了整個碟面一半左右,份量十足。廚師好有心思把燒汁用細小膠匙載著, 令食客可以按自己的口味調整牛扒的味道,切開我點了8成熟略的肉眼扒質均均勻, 內質鮮嫩, 入口即熔, 配菜薯蓉是原隻薯仔切開一半,由錫紙包著剛剛從焗爐取出來薯仔, 食落熱辣辣, 口感十足, 焗薯有芝士及煙肉, 芝士味道香濃, 煙肉味道十足, 食落十分好味,燒汁味道剛剛好, 配上肉眼食落惹味, 而沙津蔬菜用料新鮮配上凱薩沙津醬, 食落好開胃, 整份美國安格斯肉眼扒份量十足, 味道一流；葡萄牙汁烤雞扒飯配沙律, 雞扒烤得香脆, 肉質鮮嫩, 配上葡萄牙汁食落美味, 飯食落軟綿, 沙律食落新鮮開胃, 整份葡萄牙汁烤雞扒飯口感豐富, 食落醒胃；最後凍焦糖咖啡焦糖味甜度剛剛好, 忌廉很香滑, 咖啡味香濃。餐廳座位舒適, 餐廳有很多啤酒蓋擺設, 很有特色, 而且食物美味, 份量十足,價錢合理, 值得再來的西餐廳。

幾個女仔想響大埔食下飯傾下計，呢到都唔錯㗎，食物好食之餘，價錢又唔會太貴。黎之前最好book位喎，因為店員話星期五六日多啲人，唔想walk-in 等就book定位啦！呢到推介德國豬手，晚餐有set的($168)包湯/沙律 + 飲品，豬手較膩，建議叫沙律。隻豬手超大，三個女仔食就啱啱好，佢好細心咁切到細細舊，唔洗我地同隻豬手搏鬥個皮脆卜卜，啲肉好嫩，好似食緊燒豬咁啊！唔好睇漏個薯蓉，唔係白洽薯仔蓉黎㗎，食一啖你就知啦。另外有酸菜比你配豬手食，等你唔會食到好漏，食多幾舊都得啊！套餐可以加15蚊要薯條，新鮮炸薯條用黎配豬手好夾另外有叫墨汁大蝦青口燴意大利飯（＄68）意大利飯好香啊，佢個飯係較軟的，真材實料㗎因為食到個咀同啲牙都黑哂當然唔少得飲品Apple Cider啦！好細心咁比個杯我地，可以斯文啲咁飲

今次去到大埔墟，大馬路近巴士站一間西餐廳叫做《Route 83》，招牌好似一個襟章標誌，好有特色，好容易就認到。入面幾乎全場滿座，近門口位置有個水吧位，最入面就係餐廳嘅座位位置。餐牌就係自己座位嘅餐紙，另外仲有一本飲品嘅Menu。首先叫咗幾杯飲品，朋友叫咗啤酒Hoogarden，佢都大讚啤酒凍冰冰、好有氣，可以爽爽喉嚨。我哋仲叫咗凍檸茶同埋冬天滋潤嘅蘆薈柚子味道嘅潤蜜茶。見到晚市套餐咁抵食，我哋叫咗三個一齊share食。包括係10安士肉眼牛扒燒汁配芝士煙肉薯蓉、脆皮德國鹹豬手配薯蓉同埋秘製BBQ汁豬仔骨配炸薯條🍟。唔使10分鐘啲嘢食就逐漸來到了。首先就係套餐中嘅餐湯南瓜湯，飲落去軟綿綿嘅質感，有好多南瓜蓉，而且味道非常鮮甜。迷你凱撒沙律菜非常新鮮，蔬菜啖啖爽口。我最欣賞晚市套餐中嘅10安士肉眼牛扒燒汁配芝士煙肉薯蓉，份量好大碟，牛扒非常大塊，切落去中間粉紅色，而且半肥瘦的，正好符合我嘅要求，食落去非常濃郁嘅牛肉味道，好新鮮。除此之外，芝士煙肉薯蓉同樣地好有份量，芝士醬汁鋪滿喺薯蓉嘅上面，好Creamy，食完真係好飽啊。最後再叫多一個辣肉腸手作薄餅，就為呢一餐咁豐富嘅西餐畫上句號。

聖誕節期間，經過一間大埔墟嘅西餐廳，我哋四個就入去試吓晚餐。餐廳環境以黑色為主，而且入面佈置成充滿聖誕節氣氛，牆上面還有色彩繽紛嘅聖誕吊飾。餐牌嘅食物種類特別多，隨即叫咗小食炸雞翼同埋炸薯條🍟。薯條每一條都好大條，而且香脆可口，非常滋味。晚市套餐有八款選擇，每一個套餐配以迷你凱撒沙律或者是日餐湯，另外仲有飲品送，非常抵食。最後我哋分別叫咗A、B同埋D餐。其中一個套餐就係呢度最出名嘅脆皮德國鹹豬手配薯蓉，豬手份量好多、好大件，而且已經切好咗，食落去外皮非常香脆，每一啖都充滿骨膠原，肉質好鬆軟。套餐可以另外加＄15要一個意粉/飯/薯條。意粉就係番茄醬意粉，食落去意粉好入味。最後仲叫咗一個辣肉腸手作薄餅，薄餅底非常薄，而且好香脆，一個分成八件，厚厚嘅芝士鋪滿Pizza上，配以一塊塊辣肉腸，好Juicy。飲品仲有多款選擇，樣樣都想試吓。最後我揀咗潤蜜茶系列中嘅蘆薈加柚子，味道清甜，非常滋潤。食咗咁多嘢，最後埋單＄800有找，每一款食物都各有特色，值回票價。

這天山長水遠來到大埔，一個冇大型商場或郊外景點的社區，如果不是要辦理一些私務，應該很低可能性到此。始終要醫肚，本來想去幫襯人氣相當高的大埔墟街市熟食中心，但小公主對於街市熟食中心的環境，到現在為止仍然有一些恐懼症，去到門口、未行入去已經喊著要走；只好放棄、並沿路向大埔市中心過去。實在唔熟悉大埔環境，加上實在沒有太多餐廳可供選擇，全部都是親民街坊格局；最重就揀了這間最多人幫襯的「Route 83」。見到餐廳名字及標誌，即時想起美國那些穿州過省的高速公路編號，但餐廳的裝修風格卻完全與公路拉不上半點關係；甚至沒有什麼主題風格可言，唯一特色之處就是牆壁上掛滿了很多模仿啤酒樽蓋的大型掛飾。另一堵牆卻掛上一幅用仿咖啡豆砌成的世界地圖，但左右兩邊卻又完全不協調地貼上一幅對聯。加上擺放了很多餐枱，環境相當擠迫 ⋯⋯ 明明只是一間街坊小餐廳，但又想刻意增添一些特色風格，整體感覺有點怪怪的。午餐時段，就簡單地叫了兩個午市套餐。是日餐湯為羅宋湯，賣相一般；典型港式餐廳羅宋湯口味，雖然並不算很酸，但只能品嚐到番茄酸甜、欠缺其他蔬菜配料的清甜，更加沒有牛肉牛骨的香濃肉味。只不過湯底算是有一點厚身，並不是稀如水，

睇完人地話豬手好正，脆哂皮咁就仆去食啦！由於好多食評講到豬手皮脆到乜咁，對於愛脆皮嘅我黎講係滿有期望㗎（笑）但係塊皮我係有點失望嘅，唔脆而且有點靭，但以呢個價錢確實唔能夠要求太多，個皮就唔講啦，豬手啲肉唔死咸，仲幾滑幾juicy嘅，伴碟薯蓉俾我k.o.左，酸菜一般冇特別出色。12吋長芝士熱狗賣相真係好。。。長 （笑）條腸都係一般熱狗腸咁啦！但個芝士醬係唔錯，味夠濃又唔膩，幫熱狗加分👍洋蔥圈唔講啦～普通野而且都幾油膩下，粉漿偏厚，食左2件已經好漏，個人覺得阿囡整得好味好多（笑）

一起身睇吓大埔墟有乜嘢餐廳食下午茶，就去到大埔墟巴士站附近嘅地舖叫做《Route 83》，門面招牌非常當眼，而且泊車也方便。餐廳位置都幾大，一條巷仔入去就有好多座位坐，裝修設計以黑色為主。餐牌上嘅食物多款式多選擇，隨即叫咗一份小食炸雞翼，雞翼炸得好香脆可口，而且肉質滑嫩，非常滋味。碎蛋沙律牛角包係我至愛，香脆嘅牛角包外皮，配以蛋白混合蛋汁嘅碎單沙律，味道非常新鮮爽口。主菜方面，叫咗12安士安格斯肉眼扒，牛肉味道非常香濃，切落去中間呈現粉紅色，半生熟嘅口感零舍唔同。餐飲跟套餐可以加錢以優惠價換取，我哋各自叫咗芒果水果紅茶同埋洛神花紅莓茶，非常滋潤喉嚨。最後埋單都只係＄400有找，每人消費＄150左右，下午茶來說算是非常便宜、合理嘅價錢，而且食物質素高，值得再次光臨。