Route 83 (廣福道)

營業中

休息中

除左可以入大埔踩單車, 呢度仲有好多好野食👅今次又有平靚正好介紹喇🤗芝士怪黎到Route83, 我即刻order一份熔岩芝士醬牛肉漢堡🍔勁多芝士醬, 見到已經好開心🤤🤤🤤 牛肉食落夠juicy, 配上濃郁嘅芝士, 勁正~ $88好抵食不過芝士怪又點會滿足呢😏再order多個蜜糖芥茉焗薯條, d芝士拉絲㗎😋 勁邪惡呀, 仲可以影相呃下like😂我地仲order脆皮德國鹹豬手🐷跟餐只係$168!! 繼續係大大份呀~呢個真係好好味, d皮脆卜卜, 豬手肉亦都好香口, 下次可以encore配啤酒🍻

今日又去咗大埔行山啦 經過廣福道呢間route 83美國餐廳 見到好多人排隊 亦都有外國人等緊幫襯 感覺好正宗 不如就排埋一份 等咗半個鐘左右就有得入去 叫咗10安士肉眼扒五成熟 配芝士煙肉焗薯 個肉眼扒 大大塊接近一吋厚 一切開入面啲肉汁爆曬出嚟 好淋 而且入口超重牛肉味 芝士煙肉焗薯原隻上 用咗美國焗薯去做 上面有酸忌廉可以拉絲嘅芝士同埋煙肉 煙肉好香配埋芝士一齊食超夾 焗薯焗得好透 個皮都好脆口 可以食埋落肚哈哈 呢個焗薯好驚喜我同男朋友都超愛 包糠茄汁焗豬鞍配芝士煙肉焗薯 豬鞍扒好厚身接近一寸厚 上面鋪上滿滿嘅麵包糠 同炸蒜粒 食落蒜頭味好重 而且麵包糠都超級脆卜卜 加埋肉汁豐富嘅豬鞍扒一齊食 好夾 茄汁偏酸 但係用咗新鮮蕃茄去整 因為好多蕃茄肉 有誠意 個汁可以令豬鞍扒冇咁油膩 聰明嘅做法 傳統牛肉芝士漢堡 配炸薯條 個漢堡超高身一啖肯定咬唔曬 入面有芝士生菜番茄好多嘅醬汁 同埋超厚嘅牛肉漢堡扒 一大塊麵包超級鬆軟 同好厚 應該係自家製 牛肉漢堡扒超厚而且肉汁豐富 入邊係七成熟 煮得啱啱好 牛肉味都好濃 炸薯條炸得好脆夠乾身 擺一陣都唔會淋兩個人食咗四百蚊 晚餐嚟講唔算貴 唔

按摩完諗住食個下午茶，本身無諗住嚟呢間，見到有玫瑰咖啡就入咗嚟，落單時多口講咗要玫瑰味重d, 杯咖啡嚟到，一望點解有包黃糖？咖啡又淡色，拉花hea, 聞到好重玫瑰味，再飲甜死🤣🤣之後叫佢換，佢話要重玫瑰味就係甜啊，少咖啡味! 當我第一次飲Rose latte? 無咖啡味，死甜/咖啡/玫瑰 各有各嘅味道第2杯嚟到飲咗啖都係決定擺飲!

剛好回程巴士站正正在這餐廳外面每次經過都會多望一下 價格不貴，這晚決定試試看 餐廳沒有華麗格局 但算座得舒適白酒藍青口 $58份量足，青口不算大隻，白酒味較淡過過口癮不錯溫泉蛋黑松露卡邦尼意粉 $88黑松露忌廉汁味恰道到好處無敵濃郁，意粉黏在一起好稠密份量足，兩個人分來食剛剛好12oz 美國安格斯肉眼扒 $208燒肉眼扒，甘香而肉味濃輕刀一切，已感牛牛肉質軟腍個人更愛旁邊的芝士煙肉焗薯如多點沙律醬風味更佳 大埔廣福道83號地舖

今次入到黎大埔搵好嘢食，相信大家對83號公路一啲都唔陌生。而我就係第一次食。雖然店內環境唔算太寬躺，但勝在裝修搭救。以黑色為主題牆上掛有唔同種類嘅汽水蓋。以西餐為主題，例如漢堡包薯條意粉等等。啱晒年輕一族嘅口味。前菜方面，選擇咗沙律開一開胃先。主菜分別就點左BBQ趣脆芝士流心純牛肉漢堡及焗大菇意大利燴飯。先講講牛肉漢堡，表皮包上一層煙肉內裏夾住芝士及牛肉感覺10分新穎而且味仲唔錯添。芝士控要注意⚠依個飯10分重芝士及忌廉，而且味道係會令人食過返尋味。值得推介一下。而喺飲品方面就揀咗藍莓沙冰味道都唔錯㗎。如果經開大埔不妨試吓。

C餐 脆皮德國鹹豬手配酸菜薯蓉$168，大部份客人都有點，而且係「巨」大份，仲要配薯蓉。表皮烤到好脆，脆卜卜。肉色紅嫩軟腍。難得酸菜都有三款，中間紅菜頭酸菜最好食，酸中帶甜。另外兩款就有啲過酸。

雖然最近已搬離大埔，但由於親人仲住喺大埔，所以都會成日返黎～今次就約喺大埔墟食晚飯，貪佢由火車站行過黎夠方便，唔洗轉車。呢條街主要係傢私店同老店為主，當中發現到有呢間比較新嘅西餐廳。晚飯時間，叫左兩個set dinner12安士安格斯肉眼牛扒配芝士煙肉焗薯$208牛扒油脂分佈平均，牛味香濃，肉質嫩滑，其實唔洗點燒汁都已經夠香夠味。芝士煙肉焗薯超級有驚喜，薯皮焗得金黃，芝士有長長嘅拉絲，醬汁好味，平時對焗薯一般嘅我，都食左好多！熱柚子蘆薈加$8蘆薈粒非常多！餐湯係粒粒粟米湯忌廉湯、沙律招牌脆皮德國咸豬手配薯蓉$168份量之多令我同屋企人為之驚訝！豬手好大隻，豬皮香脆多肉！最方便係已經切好左一件件，慳返唔少力呀，不愧為招牌菜。再一次比薯蓉驚艷左！極滑同埋薯味濃，絕對唔係用粉開嘅，因為仲保留左薯仔粒粒。屋企人邊食邊讚點解薯蓉都可以咁好味！仲有伴菜嘅3色酸菜，解膩一流呀！呢間餐廳可以加入成為我地家庭飯堂喇！

呢日放假黎到大埔搵舊同學見面，而佢就帶左我黎呢度坐低食野一入到去就見到有好多巨型既玻璃樽蓋掛喺牆上面做裝飾，咁樣佈置又幾特别啵餐牌上既食物種類都唔少，飲品方面仲有唔少特飲同手工啤添我地揀左一陣，我地決定每人一個set lunch再加個沙律同炸雞翼一齊食先黎既係跟餐既餐湯，個日既湯係南瓜湯，味道天然都唔錯跟住係我地額外再叫既“凱撒沙律”HKd$48，為食既我地仲加左錢配上煙三文魚同巴馬火腿之後就到我嗌既set“雜菌黑松露意粉”HKd$58意粉軟硬適中，有好多雜菌之餘仲好香松露味而朋友嗌既set就係“8安士菠蘿牛肉漢堡”HKd$68，佢仲加錢要埋烤大菇同煎蛋，份量好大之餘而賣相仲好吸引呀偷食左朋友啲粗薯條，係即炸架，好香脆呀而個“炸雞翼”HKd$48都係炸到熱辣辣香噴噴，食落外脆内嫩，好食得黎仲好抵食，因為48蚊已經有六大隻啦朋友就跟餐加左HKd$3飲解膩既“凍檸茶”而我就跟餐加左HKd$15要左杯“雪碧雪糕特飲”夠爽夠解渴之餘仲有雪糕食，正！！！呢度既食物味道唔差，原來晚市都唔洗加一架，所以朋友話下次我再黎同佢食晚餐既話就要試下呢度既招牌脆皮咸豬手，到時一定要陪佢食住豬手咁啤啤佢

帶爸爸媽媽黎到朋友介紹嘅呢間Route 83食晚飯～至在想食爸爸最鍾意嘅豬手！.脆皮德國咸豬手配酸菜薯蓉 ($168)嗜豬手如命嘅爸爸都話呢個炸得皮脆肉香～😂真係超級大份量 夠2-3個人食外皮炸得好夠脆身 勝在不帶油膩感覺入面豬肉呈嫩粉色 肉質結實香口💕濃濃豬味 如果鍾意豬手嘅一定會好鍾意😂配上兩款嘅酸菜 酸甜味超開胃～令到食極唔膩而薯蓉本人實在好鍾意佢個texture 濕軟而且有陣陣牛油香very nice呢😏估唔到係大埔都搵到咁高質嘅脆皮豬手🐽.夏威夷手作薄餅 ($70)鍾意呢種薄身嘅pizza 咬落會香脆啲🤤唔會感覺成口麵粉～～媽咪點名要叫最經典嘅夏威夷口味！簡單係底部抹上酸甜蕃茄醬 上面舖上火腿同菠蘿 好滋味😍.芝士蜜糖芥末焗薯條 ($43)大推呢款😳😳😳😳😳個蜜糖芥末好味到一啖接一啖啊！💕不過真係要襯熱食啊！薯條比較粗身 所以好易會腍～.BBQ趣脆芝士流心牛肉漢堡 ($88)好鍾意個燒脆左嘅麵包 香氣完全逼哂出黎～而個牛肉漢堡扒切開會有芝士醬流出🙌牛肉相對結實啊 如果可以煮得鬆軟啲再配埋個芝士醬應該係無敵😂🙈

去大埔揾食，同朋友去呢間試試，有驚喜！晚餐可以要餐湯或者沙律，晚餐沙律，一d都唔hea，菜新鮮，上面有芝士片加香口煙肉碎餐湯係羅宋湯 脆皮德國咸豬手配酸菜薯蓉 餐 $168必食推薦！！！ 好貼心！豬手已經幫你起肉皮燒到好脆，肉唔會太鹹，而且好 juicy，性價比超高！ 我會為咗佢返黎！安格斯肉眼扒配芝士煙肉焗薯 餐 $208外面香，裡面嫩芝士煙肉焗薯，半溶芝士～～～ 切開有拉絲～～～正呀！熱蜂蜜蘋果蜜夠晒滋潤！ 芒果紅茶甜度剛剛好

今日去左食朋友推薦既Route 83~入到去服務員嘅服務態度很好，安排左我同朋友坐左係一個雙人位後，佢地好快遞上menu俾我地。而餐廳嘅佈置有特色同格調，環境舒服。食物方面，我哋叫左一個dinner set， 頭盤迷你凱撒沙律，菜幾新鮮，不錯~5成熟12oz安格斯，一見到既反應就係「好大塊阿！」味道唔錯，但略嫌少少熟得滯。熔岩芝士醬牛肉漢堡，賣相幾靚，拼盤薯條熱辣辣，好好食，漢堡亦都好大個，牛肉好厚!另外加15跟set可以叫一杯特色飲品，我叫左一杯士多啤梨紅茶，裏面有士多啤梨果肉架😍好飲~2個人食，叫得唔算多野，但全部野都好大件，所以食到都好飽~下次會再黎試下其他招牌菜💕

雖然住大埔，但甚少到大埔墟食晚餐。在OpenRice search到呢間餐廳，見價錢ok就訂位試下。未夠7點到，已有一半入座率。點了溫泉蛋卡邦尼意粉，份量唔少，麵條口感正。德國咸豬手是餐廳推薦菜，本身唔喜歡食豬手但朋友喜歡吃，一吃就好驚喜，外面非常脆，皮薄肉嫩，真係好好味，一定要點。Pizza是手作皮薄又脆好味，多吃也不怕太飽。肉眼扒點七成熟，我唔喜歡肉有血水流出，但呢個七成比較熟，下次可以試下五成熟。炸魚薯條，炸魚大件肉厚，但魚有點腥及有雪味，炸漿較厚。整體食物質素好滿意，會再光顧！😋😋PS 服務質素好👍🏻

今日同朋友踩完單車 踩完肚仔餓想食大餐經過呢間route 83 望到個餐牌幾吸引又平平地就入左去～我地被安排坐係餐廳中間 環境都幾舒服架一入到去就已經望到隔離枱嗌個豬手好吸引差不多每抬都有叫一份 所以我地都趁墟叫左！豬手燒得岩岩好 皮脆肉嫩 豬毛甚少 份量都唔少架！啱曬同朋友share仲有超抵讚既係師傅一早幫我地喺廚房切好哂再砌返好！方便我地又食又影相！個carbonara都整得好好 一上菜就好香！又足料喎！真心正～芝士薯條方面就冧身少少 不過勝在勁濃味！最後我地每人一壺花茶 解下膩

好日都吾出大埔一趟，難得今日出一出大埔，就去了香港鐡路博物館。去完就搵食醫肚。搵了廣福道的Route 83。這間都算是大埔別樹一格的cafe,而且食物好抵食。有set dinner,亦可以散叫。你睇餐牌就知。一個意粉＄58就有。出面其他餐廳都幾難找到。秘製BBQ汁燒豬仔骨配薯條set $148豬仔骨夠份量。亦好腍。薯條亦很好多兼很脆。跟set 有凱撒沙律很爽脆蒜香白酒鮮蜆意粉set $98很香蒜香味。蜆亦新鮮，意粉軟硬適中。加＄18有是日甜品芝士蛋糕我最喜歡這個士多啤梨梳打特飲，跟set,加＄15就有。甜甜酸酸，有士多啤梨果肉，仲有雲呢嗱雪糕。好正

今晚嚟到大埔行街，行經廣福道見到有間食漢堡包嘅餐廳就走左入去食啦！我同老公叫咗洋蔥煙肉焗大菇牛肉芝士漢堡，脆皮德國鹹豬手拼酸菜薯蓉和12安士美國安格斯肉眼扒配芝士煙肉焗薯，仲有沙津，南瓜湯和凍檸茶。洋蔥煙肉焗大菇牛肉芝士漢堡有個好大嘅大啡菇上面有濃濃地嘅芝士，牛肉好juice，個包仲係熱熱地，我一大啖咬入口，好有層次，口感好豐富，超級好食，薯條大大條好脆好食。👍🏻脆皮德國鹹豬手拼酸菜薯蓉真係好有驚喜，豬手塊皮勁脆，肉質好嫩滑咸香，餐廳好細心將豬手切成細件，方便易入口，真係超級好食😋12安士美國安格斯肉眼扒配芝士煙肉焗薯都好大塊，我哋叫咗5成熟，牛扒好有牛味，芝士焗薯好好食👍🏻我哋叫咗兩個set Dinner，一個飲湯一個要沙津同埋飲凍檸茶，沙津好新鮮。😻環境都坐得好舒適，晚餐時段都坐爆曬，証明大埔的街坊都好鐘意嚟呢到食嘢