RIVA 灣 Bar & Grill

營業中

休息中

朋友話想去東岸公園行下，所以我就上網搵餐廳，搵到呢間覺得好吸引，環境舒適而且好適合傾計嘅餐廳，所以黎試一試。 呢度環境舒適，仲有大大塊落地玻璃望到出邊的風景，發現餐廳名倒映在出邊的橋上，非常靚。 黑松露雜菌湯 ($68.0)湯黑松露味很香，菇味濃郁，口感滑順，配上餅皮點來吃很美味。 牛油果蝦沙律 ($158.0)沙律的蔬菜很新鮮，而且有我很喜歡的牛油果，口感柔軟，蝦的份量很多，亦爽口彈牙，配上沙律醬食很開胃。 蘆筍蝦意粉 ($168.0)最近很喜歡吃蘆筍，因為原來它的益處有很多，而且爽脆亦很美味。意粉的口感彈牙，蝦很新鮮，意粉用橄欖油調配很香口，配上芝士片和蒜粒更加惹味。 海陸空串燒 ($338.0)這道串燒擺盤好吸引，全部都大大份，蝦很大隻，燒過更加蝦味濃郁，離殼很易進食。牛柳粒配搭洋蔥一齊食，大大粒都唔會韌，口感柔軟，雞肉燒得剛好不會老，搭配三款醬汁。 Pineapple Lemonade ($48.0)朋友點這杯飲品她說很清新，菠蘿的酸甜度適中。 Fruit Punch（$58）我點了的這杯飲品酸酸甜甜，很適合女仔飲。 上網睇原來馬灣都有分店，下次搵日放假去試下先。

餐廳嘅招牌倒影在東區走廊既橋上面，好特別呀⭐️🌟食左個牛油果蝦沙律🥗新鮮又健康有啲沙律醬完全唔覺得乾身啲牛油果又淋又甜🥰🍝跟住食左個羅勒青醬意粉配雞胸肉💚💚成碟意粉都排得好靚 側邊又有大大塊芝士碎青醬既馥郁香氣很獨特 醬汁多 令到每一條意粉都沾滿🧀中間係擺得整齊嘅雞胸 有口感🐟焗青口有啲似比利時嘅忌廉青口🥘配有Pita Bread，薄薄地熱辣辣嘅一塊，係要黎蘸取醬汁，充分體現奶油與海鮮融合既豐富口感🤍跟住再叫咗兩個燒烤分別係🍍BBQ 燒菠蘿，熟咗之後菠蘿天然甜味更加突出而且表面仲有少少變得微焦，加埋喜瑪拉雅山幼鹽，賦予了一種特殊的口感🐑 烤紐西蘭羊架都好多口感，而且多汁，配燒肉汁幾夾嗌多兩杯嘢Pink LemonadePineapples

由馬灣開到黎北角嘅Riva，坐擁無敵海景🌊，chill住過一晚都唔錯☺️🔸BBQ 烤魷魚 $148離遠已經聞到好香，烤魷魚彈牙又juicy，點泰式辣醬食夠晒惹味👏🔸小食拼盤 $108選擇困難必點！有齊不同炸物，炸魷魚圈、春卷、雞翼等，一齊share食最岩🤗.🔸肉宴薄餅 $168薄餅好出色！好鍾意食薄薄地嘅餅底，邊位微脆，餡料豐富🤩🔸Tequila Sunrise $58🔸Pineapple Lemonade $48酒類飲品幾抵飲，tequila 味道較剛烈，岩男仔飲～pineapple lemonade 微甜清新，冇酒精幾時都飲得😙🟡評分：8/10🟡人均消費：$290#北角美食 #北角必去 #海景 #海景餐廳 #香港夜景 #維多利亞港 #浪漫 #情調 #northpointeats #northpoint #新開 #新開張

落地大玻璃對住海岸景色非常適合情侶約會👩‍❤️‍👨朋友聚會慶祝嚟而且日常會有Lunch Set 同Tea Set選擇價錢都係好合理 👍🏻👍🏻👍🏻焗活青口呢個係店長推介我哋一定要試因為用活青口嘅餐廳真係好少煮出嚟味道真係平常食唔到嘅鮮甜肉質鮮嫰唔硬再配埋濃忌廉汁去煮好夾💯餐廳仲好細心配埋餅皮🫓可以沾忌廉汁去食呢個真心推介呀！！！自製菠菜汁雞胸肉意大利燴飯🥣芝士同菠菜味道好香濃而且好欣賞用到雞胸肉但好嫰好好味意大利飯煮得恰到好處仍然會有咬口💯餐廳另一主打係Barbecue and Grill 果然真係幾出色🤭🤭BBQ燒露荀（配喜馬拉雅鹽）🧂BBQ燒菠蘿🍍（配七味粉）BBQ烤魷魚🦑（廚師秘製調味汁配蒜蓉沙律醬）仲可以自選調味配搭不過蘆荀超鮮甜，原汁原味去食最好不過！！燒菠蘿我都係第一次點七味粉去食估唔到又幾夾 🥰烤魷魚配廚師嘅秘製調味香辣甜嘅味道混合又係好值得食！！！烤完嘅魷魚都仲好嫰口鮮甜係最估唔到 呢餐整體都相當滿意食飽飽仲可以落樓下散散步睇下海好舒服呀 🤩

📍RIVA 灣 Bar & Grill 😍北角高質素海景餐廳👍～餐廳環境靚😍食物質素高🥳店員服務態度好👍～烤排骨（大）😍好耐冇食過咁正嘅烤排骨😍肉質嫩滑🥰面層有勁多芝士😗調味都做得好好👍～BBQ烤魷魚🥰魷魚非常新鮮😍爽口彈牙🥰仲要原條上❤️🤤～卡邦尼意粉😘忌廉白汁調配得非常之好😍仲要勁香👍麵條質素亦都好高🥳～烤雞肉凱撒沙律😍勁大份嘅沙律😂蔬菜新鮮雞肉嫩滑😘～烤菠蘿烤蘆筍😘菠蘿清甜😍蘆筍非常脆口👍👍～Pink Lemonade 非常高質素嘅無酒精飲品😍清甜得來非常解膩👍～順帶一提 餐廳原來馬灣都有分店😍下次去嗰邊試吓先🥰📍RIVA 灣 Bar & Grill (北角)北角北角邨里1號北角匯一期1樓111號舖

今晚男朋搵咗個環境好chill嘅地方食飯，望住個海景超放鬆😛 睇返原來馬灣都有分店，已經bookmark左下次入去試🤭流心水牛芝士蕃茄沙律：水牛芝士creamy🧀滑順，配上新鮮蕃茄🍅同少少橄欖油，清爽得來又有層次🤩，加上成碟色彩鮮艷，視覺同味覺都係享受🫶🏻墨西哥燒全雞：一上枱已經香氣撲鼻😋，雞皮烤得金黃香脆，帶點微辣嘅墨西哥風味，啖啖肉好正🙌🏻羅勒青醬意粉：青醬唔會太膩，意粉煮得彈牙，簡單但好有質感，食落清新又開胃🤤另外見到有串燒，口痕又叫左d食😝BBQ烤菠蘿🍍，烤過嘅菠蘿甜味更濃😋BBQ燒蘆筍蘆筍🥬烤得外脆內嫩，配上淡淡喜馬拉雅山幼鹽簡單調味，清新健康又不失風味😗BBQ烤牛柳粒串🍖，e個真推介，牛柳粒烤得啱啱好，肉質嫩滑，每粒之間仲有蒜片，再點埋燒肉汁食超惹味😍男朋友突然想飲啤酒，叫左🍺 Stella Artois，冰涼入口 🙌🏻 我就叫🍋Pink Lemonade，好靚又打下卡🤭，兩杯飲品配BBQ同燒雞真係一流，飲完即刻refresh晒👍🏻

東岸板道終於開左 行完去到北角匯有d肚餓 入去睇下有冇野食 見到呢間餐廳又可以望到海景食飯 即刻入去食下先 坐低環境非常舒適 伴隨著海風輕輕吹 我地食左 焗青口打頭陣 其鮮嫩多汁嘅口感 與焗香嘅醇厚味道完美結合 令人一試難忘自製菠菜汁配雞胸肉意大利飯健康又好食 特別係個risotto 配埋濃濃既菠菜汁 加埋雞胸肉 一流牛油果蝦沙律沙律既清新口感 蝦又好鮮甜BBQ燒蘆筍撲鼻而嚟 輕輕灑上喜馬拉雅山幼鹽 更帶出呢款蘆筍既味BBQ烤牛柳粒串 配以燒肉汁口口肉香四溢 質感鮮嫩可口飲品方面Pineapple Lemonade Pink Lemonade 望落去都好靚 好清新 飲完成個人心情都好好🥰不得不提就係呢間餐廳係馬灣都有分店 又係睇靚景食好野既地方🥰

嚟到北角匯試咗馬灣人氣餐廳嘅分店，餐廳保留咗超開揚海景同落地玻璃設計，環境好舒服，仲有鮮花佈置，每張枱都有花樽，感覺特別寫意！😍 呢度主打多國美食，悠閒氛圍好啱朋友聚會🦑 BBQ 烤魷魚（秘制泰式辣醬）原只非常大條烤魷魚，外皮香脆，肉質彈牙，配埋廚師秘制泰式辣醬，酸辣得嚟帶點甜味，食落去好開胃🍕 肉宴薄餅薄餅餅底香脆，上面鋪滿咗各種肉類同芝士同埋Parma Ham，每一啖都充滿濃郁咸香同芝士香🦪 焗青口店員介紹，試用新鮮青口即制。肉質真系比平時食到嗰啲更嫩滑～ 食落去鮮味十足🍚 自制菠菜汁雞胸肉意大利燴飯燴飯用咗自制菠菜汁，鮮艷清新綠色 ❤️ 望落非常吸引。雞胸肉算系ok唔太柴。飯粒吸收曬菠菜汁精華，味道唔錯🥙 鷹嘴豆泥醬配皮塔餅鷹嘴豆泥醬口感幼滑，配埋皮塔餅一齊食，清新又健康🍷 ROSÉ玫瑰酒香氣撲鼻，帶點花果香，好啱女仔飲🥒 特調青瓜MocktailMocktail 用咗青瓜調制，入口非常refreshing，非常特別

今次去咗一間餐廳試佢哋嘅平日午市套餐，簡單得嚟價錢又合理，環境都唔錯！一坐低就加咗兩個蘑菇湯，湯底濃郁，蘑菇香味撲鼻，飲落好暖胃！主菜試咗香煎銀鱈魚燴飯，銀鱈魚煎得啱啱好，外皮香脆，肉質嫩滑，燴飯煮得啱啱好！朋友試咗烤牛扒配薯條，牛扒夠肥，薯條炸得脆卜卜！加$18可加配小食一款，我哋加咗炸雞翼兩隻同炸芝士蘑菇兩粒，炸雞翼香脆，芝士蘑菇外脆內軟，芝士流心，食落好惹味！午市套餐份量非常足夠，可以享受一個悠閒午餐！

RIVA 灣 Bar & Grill今次要介紹一間喺北角嘅北角匯一期商場入面有一間西餐廳叫「RIVA 灣 Bar & Grill」，入到呢間西餐廳好舒服，每張枱都會放鮮花插在花瓶上，餐廳上面掛滿了銀色嘅雀仔外形裝飾物同綠色植物，呢間西餐廳其中一間分店一直開喺馬灣，入去馬灣嘅巴士其實都唔係好方便輪椅人士，今次開多一間分店喺北角匯一期商場就超方便輪椅人士入去食，依家新開張一個月仲有cocktail優惠，全日都係收happy hour價錢，鍾意飲cocktail嘅你不妨嚟呢間西餐廳望住海景，飲住cocktail，非常寫意，好有情調，最啱週年紀念或一齊拍拖Chill住食！1.烤肉眼扒薯條（6 OZ)+熱檸水$168+是日餐湯$18(9/10)我叫咗烤肉眼扒薯條呢個set lunch，肉眼扒叫咗五成熟，呢塊肉眼扒比較薄身，咬落有多咗少少筋位，肉眼扒夠肥身，唔會韌，肉眼扒隔離有超脆身嘅薯條，份量都唔少，最估唔到就係肉眼扒下面仲有西蘭花，整體呢個set lunch算ok！是日餐湯係蘑菇湯，蘑菇味香濃，湯非常濃稠，好飲！熱檸水唔洗加錢，套餐包埋，入面有兩片檸檬！2.香煎銀鱈魚燴飯$148+Long I

週日中午走到家附近新開的酒吧來一客悠閑中午餐落地大玻璃光線充足，盡覧維多利亞海港美景裝修設計優雅，天花飾以銀色加綠葉，配吊燈及雲石枱用餐環境寬敞舒適，主打多國西餐、海鮮及燒烤料理前菜西班牙香辣蒜片蝦新鮮彈牙，辣度適中，令人胃口大開主菜烤排骨份量十足，肉質不肥不瘦，軟嫩可口自製菠菜汁雞胸肉意大利燴飯色澤翠綠，口感滑順清新而不膩烤菠蘿配喜馬拉雅山幼鹽肉色金黄，味道清甜又多汁烤蘆筍配七味粉鮮嫩無渣，含有不同的維生素和礦物質

店舖位置方便，鄰近北角站，只不過北角匯一期未必咁多人留意。店內裝修雅緻有情調，大部份座位有海景。店員友善好笑容，非常好嘅用餐體驗。想抵食啲有set lunch/set tea/set dinner, 但今日lunch食太飽，散嗌啲小食享受吓。 ✦ 牛油果蝦沙律大大盤，擺盤精美。蔬菜fresh。牛油果甜、奶感重，而且量多。大蝦已經去殼、隻隻橙紅色，非常新鮮。 ✦ BBQ烤大虎蝦大虎蝦大大隻，成隻碟咁長。蝦新鮮，肉味鮮甜、有肉汁，肉質爽彈。配喜馬拉雅鹽食更加吊出鮮美。 ✦ BBQ烤雞肉粒串肉質嫩滑，夾住洋葱，烤到幾香口，配酸辣醬食更為惹味。 ✦ BBQ烤牛柳粒串牛肉味濃郁、有肉汁。 ✦ 焗青口配pita bread 青口同樣大大盤，肉質飽滿，味道鮮美、淡淡海洋味道，好satisfying。醬汁重奶油味，聞落食落都好香、略有酒感，可以用pita bread點。 飲品叫咗lime soda同pineapple lemonade, 同樣賣相精美，亦濃郁、唔會加太多水。星期五想獎勵自己，不妨嚟試試佢，或者馬灣分店。

北角匯新靚view西餐廳✨環境舒適格調優雅🌟主打西式多國菜美食😋串燒品種相當豐富，而且有多種醬汁選擇😆今次我哋揀咗 喜馬拉雅山幼鹽、泰式辣醬、燒肉汁 😋BBQ 烤菠蘿🍍烤雞肉粒串🐔 烤牛柳粒串🍗烤菠蘿的外皮微微焦香，甜中帶鹹好juicy👍🏻雞肉鮮嫩多汁，肉質燒得乾好唔會太鞋身🥰配搭辣醬微辣恰到好處🤩牛柳粒串的肉質鮮嫩😋配上燒肉汁味道濃郁👍🏻烤排骨（大）🐷份量足夠兩人share食😍肉質外焦內嫩易入口，調味都十分惹味👍🏻 而且輕輕一扯就可以將骨同肉分開，火候掌握得剛剛好～希臘沙律🥗搭配的蔬菜非常新鮮有番茄、黃瓜、紅洋蔥、橄欖同cheese🥙口感清新，淋上的橄欖油和檸檬汁調味適中，既不過於油膩🌟

今日中午，我決定試試北角匯一期新開的西餐廳。她是馬灣Riva餐廳的新分店，環境清新舒服，裝潢簡約時尚，紫色座椅為空間添上一點優雅感。最吸引我的，是那大片落地大玻璃，讓人可以邊享受美食，邊望住東區走廊的車流，別有一番風味。 午市套餐選擇不少，最後我點了🏅黑松露蘑菇意大利燴飯，朋友則選了🏅烤肉眼扒配蘑菇汁薯條。我們還加錢點了炸雞翼和芝士蘑菇作小食，一齊分享。餐湯是香濃的蘑菇湯，入口順滑，味道不錯。主菜方面，我的燴飯松露味濃郁，飯粒軟硬適中，十分滿意。朋友的肉眼扒也烤得剛剛好，配上蘑菇汁和薯條，非常惹味。最後來杯咖啡和「粉色佳人」特飲，為這頓午餐畫上完美句號。

移民友人回港探親，約佢食飯就搵間近佢酒店，上網搵發現係北角匯一期一樓有呢間望到海景嘅西餐廳，馬灣都有間分店。有Happy Hour，開埋餐都仲得。坐窗口位可以與海景一同進餐，無限用餐時間(個別節日除外)，可以享受一下。想開下胃口先開餐，可以試吓呢客BBQ烤菠蘿 ($38)配喜馬拉雅山幼鹽。成串拎去燒，表面有少少焦位。加少少喜馬拉雅山幼鹽，就好似食西瓜加鹽能增加甜度。咬落爆汁，確係幾香甜，有趣有趣。呢客BBQ烤魷魚 ($118)，將魷魚搽上廚師秘製調味汁再燒烤。用刀叉可以輕鬆切成件，點埋個泰式辣醬，口感柔軟唔係食緊香口膠，滲出少少香烤味，正呀。有烤魷魚，就叫杯House Wine白酒 ($48)襯一襯，冰凍舒爽。友人唔酒，呢杯Pineapple Lemonade ($48)甜中帶微酸，幾岩呢D天氣飲。水牛芝士與蕃茄從來都係好拍檔，就似呢客流心水牛芝士蕃茄沙律 ($168)。以黑醋汁調味，酸甜度適中，將多汁蕃茄與綿滑水牛芝士一齊食，永無出錯。今餐主菜出場，有呢客墨西哥燒全鷄 ($198)，配以辣椒，牛油果及沙律菜，陣容幾勁咁。應該用咗墨西哥香料黎醃製隻鷄，燒完出黎好香，入口微辣，係惹味嘅辣