RIVA 灣 Bar & Grill

營業中

休息中

同同事食LUNCH, 同事帶左我去食呢間係北角匯既 "RIVA 灣 Bar & Grill", 因為佢住馬灣, 佢話呢間餐廳係馬灣都好出名😝一坐底己經比佢個海景VIEW吸引, 餐廳仲好貼心，原來可以帶狗狗嚟，雖然要坐出面，但會提供外賣餐具，對寵物主人嚟講真係好加分😍SET LUNCH可以揀餐湯或Salad, 再配主菜同餐飲香煎三文魚意大利燴飯好出色，三文魚皮煎得脆卜卜，魚肉嫩滑，個燴飯creamy得嚟唔會太漏，整體配搭好balance😋同事嗌嘅烤美國穀飼牛側腹都唔錯，肉質軟淋得嚟有咬口，味道香濃，配埋啲香脆既薯條，好滿足👍有咁好既環境同食物質素，難怪同事話馬灣店都咁出名。下次想chill住食個靚lunch，一定會再嚟☺️

同朋友喺北角想搵個舒適嘅地方食飯聚下之前去馬灣都見到有呢間餐廳原來北角匯呢間分店．環境都有海景相伴坐位旁有落地天玻璃．好舒適夜晚嚟呢度仲有個打卡位．餐廳招牌倒影在橋上．真係好靚餐廳有外賣點餐比狗狗．門外有座位可以比狗狗喺度食野．好貼心呀Lunch 有美景佳餚相伴．價格大眾化✨烤豬排骨配薯條Ribs 肉質軟腍．不能缺少香甜醬汁配上香脆薯條✨白酒忌廉汁青口配薯條來自澳洲空運藍青口．每隻都新鮮飽滿沾上白酒忌廉汁．口感Creamy特飲都好有水準下次一定要試埋甜品同牛扒

星期六兩點嘅午餐，唔多人，慶幸坐到最後一張靠窗位，望住個海個人都開心啲。燒美國牛肩里背肉（10安） $298（前菜：南瓜湯、甜品：士多啤梨乳酪蛋糕、餐飲：凍檸茶）
南瓜湯濃郁又滑溜，唔錯牛肩里背肉雖然好似得幾塊，但好夠飽。肉燒得軟嫩，呢個部位根膜較多，但肉質juicy，牛味好香濃，配上燒汁幾惹味。不過配菜嘅鹽味不太平均，可以再調整下，size都大嚿爽口是日蛋糕正常發揮，最上一層好似有一篇薄薄白朱古力，然後蛋糕，中間再夾一層士多啤梨乳酪，味道唔酸/唔會超甜墨魚汁海鮮意粉 $188（前菜：沙律、甜品：士多啤梨乳酪蛋糕、餐飲：熱檸茶）沙律新鮮
墨魚汁意粉好出色，意粉彈牙，仲有滿滿嘅墨魚汁+蒜香味。海鮮有青口、蝦同花枝，好爽口！青口偏海水味重，較咸，但新鮮嘅咁岩餐廳做緊每星期special就係澳洲新鮮空運藍青口，店員話好多人見到就會order，我地下次再試有個特別位！呢間餐廳有提供一個分開嘅空間，俾狗主以外賣方式同狗仔坐係到食野，所以同狗仔散步時又多一個餐廳選擇啦！賣點🫰環境、食物、服務👍🏻好味度：8.6/10

同朋友一齊嚟咗呢間喺北角滙裏邊嘅西餐餐廳🍽️食午餐🤣餐廳感覺休閒坐得幾舒服🤣，餐廳仲有一個專區俾帶寵物嘅顧客🤣呢間餐廳🍽️喺馬灣都有一間分店仲應該係對住個沙灘🤣餐廳有幾款午市套餐可以選擇，午市套餐包含「是日餐湯 或 沙律 以及 熱/凍檸檬茶 或 汽水」🤣「是日餐湯」：係南瓜湯，幾 creamy 有淡淡嘅南瓜香味🤣「沙律」：有一小兜簡單新鮮嘅沙律菜🤣$168「白酒忌廉煮澳洲新鮮青口 Austrailian Fresh Mussels Pot with Creamy White Wine Sauce (0.5KG)」：青口幾鮮味，用白酒忌廉一齊煮又好味啲啲🤣；仲有炸得好香口嘅薯條可以食🤣$158「香煎三文魚意大利燴飯 Pan-Seared Salmon Risotto」：三文魚煎香咗外皮脆脆哋，意大利飯煮得軟腍腍口味大眾化🤣跟餐加 $25「熱泡沫咖啡☕️」：要咗兩杯，幾香幾滑🤣

屋企附近開咗間新餐廳, 上網睇佢有另一間店喺馬灣🤣雖然天陰陰, 但係可以好chill望住個海食飯, 心情都好好🙃諗住影吓街景嘅時候, 見到餐廳招牌倒影喺天橋上面, 幾得意, 夜晚影應該會再岀啲走嗰陣見到餐廳外面整緊啲座位, 原來係俾帶寵物嘅客人可以食外賣食物, 咁都幾好喎, 因為呢度真係好多人放狗🐶 白酒忌廉汁青口配薯條店員話青口係由澳洲空運嘅藍青口, 唔怪得咁滑, 味道咁新鮮啦, 仲特別大隻啲㖭😋燒澳洲M5和牛肉眼扒牛扒叫咗七成熟, 覺得非常juicy, 肉質非常好, 個汁味偏淡, 我自己覺得ok, 食落原汁原味, 鍾意濃味嘅可以加少少海鹽調味😉另外, 薯條加咗脆漿, 所以特別鬆脆

今日嚟咗北角匯，原來都有幾多餐廳架😊 喺一期嗰度有間西餐廳仲可以望住海旁，環境都坐得幾舒適👍 佢嘅午餐都幾吸引，是日餐湯係椰菜花湯，或者可以揀沙律都得 🥗 鮮墨魚汁海鮮意粉 🍝 好特別嘅墨魚汁意粉，唔係好多餐廳都有㗎😆 配埋大大隻嘅青口同大蝦 🦪香烤美國穀飼牛側腹配時令蔬菜 🥩 自己都幾推介呢個牛側腹，叫咗喺medium整得啱啱好😍 仲有啲粗鹽醬汁點添😌 好彩就有翠玉瓜同埋粟米，係比較健康嘅選擇 🌽是日甜品 - 草莓蛋糕 🍰食完正餐之後當然要食飯後甜品啦，今日個甜品係草莓蛋糕 🍓 蛋糕好鬆軟，唔會太甜😉Pineapple Lemonade 🍹最近天氣咁熱當然要飲番杯凍飲啦，菠蘿檸檬呢個配搭冇得輸，清甜解渴 🍍 Sparkling Cranberry 🍸呢杯紅莓汁都唔錯，佢係配埋橙汁同埋薑汁汽水🥤

好彩今日準時收工，去到呢間有海景嘅餐廳仲可以見到個靚靚日落  同好友一路傾計，一路望住個紅霞，成件事感覺好浪漫~ 咁啱今日坐呢個位影相果陣會喺條橋上面反射到間餐廳嘅招牌，又幾特別，打卡位一流，所以影咗好多相 😂Order 咗兩個 special set，有南瓜湯同沙律~😋 墨魚汁海鮮意粉 ~ 澳洲空運藍青口同蝦都好新鮮，意粉好彈牙同入味，加上墨魚汁嘅獨特鮮味爲意粉帶來更豐富嘅味道，十分推薦！😋 香烤美國穀飼牛側腹 ~ 一上枱已經見到塊牛烤得剛剛好 ❤ 入口果下有好香濃嘅牛肉味，油花分佈均勻，肉質嫩滑有口感！🍹 Curacao Blue Ginger Beer & Lychee Paradise ~ 兩杯 mocktail 都沖得好好飲 ❤🍰 是日精選甜品係士多啤梨蛋糕，估唔到咁大件 🙈🙈 不過中間果層士多啤梨好香甜，話飽都食晒成件 😂原來馬灣果邊有分店，仲要對住無敵大海景 + 青馬大橋，下次要過去打下卡先！

今日同老公去左北角，揀左一間好浪漫望住海景嘅餐廳，好有feel🌸餐湯+沙律🌸香煎三文魚意大利燴飯香煎三文魚油脂豐富 ，外表煎至焦香，一啲腥味都無，配埋意大利燴飯，飯粒粒粒分明，味道好夾，都幾creamy！🌸烤豬排骨配薯條，烤豬排骨肉質軟腍，充滿肉汁！配有兩款唔同嘅特製醬汁，好入味！而且薯條炸至香脆可口，好惹味🌸凍檸檬茶🎀餐廳舒適寬敞，環境清幽，可以望到海景，好舒服！適合同家人朋友傾計食飯嘅好地方！店員同我地講原來馬灣都有一間分店，而且仲有一個好靚嘅打卡位，就係可以影到餐廳招牌喺橋上嘅倒影，第一次同朋友去食飯影下先

📍Shop 111, 1/F, Harbour North Phase 1,1 North Point Estate Lane, North Point 北角北角邨里1號北角匯一期1樓111號舖---🧡 StarterBegin with velvety Pumpkin Soup 南瓜湯 that warms the soul, paired with a crisp Seasonal Salad 沙律 that refreshes the palate.🥩 EntréeThe Roasted New Zealand Lamb Chop 香烤紐西蘭法式羊架 🍖 is the undisputed highlight—tender, juicy, and flame-kissed perfection. Seafood Pasta with Squid Ink Sauce 墨汁海鮮意粉 🦑 — Richly umami with ocean-fresh seafood and jet-black squid ink pasta that packs a flavorful punch🍰

餐廳明亮環境舒適，仲有180度無敵大海景望住個維港，無論情侶約會定朋友聚餐都啱晒。呢次我哋試咗佢哋嘅套餐，整體感覺幾滿意，性價比都唔錯。頭盤嚟講，南瓜湯入口香滑，南瓜味都幾濃郁，唔會過甜。沙律菜葉夠新鮮，配搭嘅醬汁酸酸甜甜，開胃之餘又唔會太搶味。香烤美國殼飼牛側腹，肉質嫩滑，油脂分佈得宜，配埋廚師秘製調味汁，鹹香中帶少少甜，幾出色嘅一道菜。黑松露雜菌意大利燴飯，黑松露香氣十足，飯粒煮得啱啱好，唔會過腍。甜品檸檬法式撻好清新，酸酸甜甜，食完唔會覺得膩。飲品方面，Pineapple Lemonade同Fruit Punch味道平衡得唔錯，而且非常打卡able。

這次在讚西餐食店的用餐體驗好好。服務人員態度親切且細心，從點餐到上菜的每個環節，都能感受到他們的專業與熱情，令整個過程十分順暢。餐廳環境整潔優雅，空間寬敞，還能欣賞到美麗的海景，非常適合朋友聚會或慶祝生日約會。座位安排舒適，讓人感覺放鬆自在。食物方面，品質十分出色。我點了牛扒和羊扒，兩者都煎得恰到好處，肉質鮮嫩多汁，味道濃郁。整體性價比非常高，價格合理，份量充足。員工的服務質素也令人滿意，態度友善且反應迅速。整體來說，讚西餐食店無論在食物質素、服務還是環境上都表現優異，絕對值得再次光臨。

同事介紹話北角有一間氛圍感拉滿嘅西餐廳，於是專登約星期五晚過嚟試下！聽講仲有間分店喺馬灣嗰邊，北角呢邊個景都好無敵，面向北角海濱公園。～烤紐西蘭法式羊架（套餐）講下佢個烤羊架先，火候啱啱好，骨肉唔黐，賣相滿分，外皮有少少焦香，咬落去外脆裏嫩，而且冇乜羊騷味，一份有四隻，配菜同炸蒜都好有特色！～低溫煮原隻法國黃油春雞（套餐）低溫煮原隻雞平時好少食，睇落同燒雞差唔多，一樣都係外皮酥脆，不過唔同嘅係，佢食起身完全冇嗰種好乾身嘅感覺，低溫令油脂仲留喺曬肉入邊，份量都好大隻。～焗青口青口焗得好入味，湯汁鮮甜，店長推薦將脆多士索啲湯食！果然好正，份量好夠，所以都好容易飽下。～黑松露雜菌意大利燴飯西餐常見燴飯，配有洋蔥雜菌，入口味道濃郁，黑松露作點綴啱啱好。～燒藤茄&炸雞中翼（加配小食）另外加咗兩個小食，藤茄好大粒而且唔乾身，甜甜地適合做開胃菜，雞中翼就酥脆香口！呢度環境舒服而且景色好靚，食完落去海濱散步或者行街都適合！

RIVA 灣 Bar & Grill - 北角海景餐廳今日介紹一間位於北角區嘅西餐廳，坐落於北角匯，可以飽覽維多利亞港嘅夜景，有情調又有氣氛非常舒適。溫泉蛋卡邦尼意粉 $158濃郁嘅溫泉蛋汁配上香濃忌廉醬汁同埋芝士，配上煙肉條同埋蘑菇。香烤美國穀飼牛側腹 $288足足有12安士夠晒份量，五成熟度，唔會好似肉眼、西冷偏向重油脂嘅部位，啖啖肉，牛味濃郁，口感亦都軟腍，配上廚師特製嘅燒汁。炸洋蔥圈 $38即叫即炸脆卜卜熱辣辣配上沙律醬嘅洋蔥圈。套餐仲包咗餐湯或者沙律，是日甜品同埋餐飲添，今日嘅甜品係芝士蛋糕同埋香橙椰子餅。

琴日去開北角奇趣掃貨係附近北角匯食埋晚飯餐廳環境幾靚 坐係窗邊望住個海 仲隱約見到餐廳個名reflect係橋上面仲有啲路人散下步 好chill好舒服見有個Special Set🤲🏻是日餐湯 - 椰菜花湯🥣好smooth 湯又滑 又清甜 喝完暖笠笠加左燒藤茄/ 炒BB菠菜 - $48@🍅一咬「爆汁」 外皮烤到微焦 酸酸甜甜spanich嫩到不得了 炒得啱啱好 調味好輕 係食菠菜本身既味道12oz香烤美國殼飼牛側腹 - $288一大盤咁上 係全晚既重點主角！Medium火候烤得啱啱好 肉質嫩 咬落去都有肉汁on side仲有烤茄子、粟米芯、車厘茄etc配埋廚師秘製醬汁👍🏻黑松露雜菌意大利燴飯 - $158燴飯飯粒軟硬啱啱好 菌味超香但唔會太重 每啖都好滿足 滲出淡淡黑松露香氣Lemon Tart/ Blueberry Cheesecake - $32@甜品加$32 upgrade 兩款都好輕身 唔會太甜太膩🫶🏻不錯套餐仲包兩杯drinks除左iced lemon tea仲點左杯iced mocha +$25埋單$700有找full set 好完滿🫶🏻 飽飽🤰🏻原來馬灣都有間分店 下次可去

北角𠥔最近新開了一間海景西餐廳RIVA 灣 Bar & Grill原來馬灣早有分店的。餐廳環境浪漫舒適，適合一家大小或朋友聚餐🍷黑松露雜菌意大利燴飯：這道飯味道香濃，黑松露的香氣很明顯🤤，雜菌增添了口感，吃起來很滿足😋烤原條牛仔骨：牛仔骨烤得剛好🥩，肉質嫩滑，燒菠蘿的甜味🍍平衡了肉的味道，搭配得很好👍🏻烤雞肉凱撒沙律🥗：沙律清新，雞肉烤得香脆，醬料也不會太膩，挺適合當餐前小吃😍飲品方面：Fruit Punch🍹：水果味道清新，喝起來很解