Ristorante Pizzeria Da Vincenzo

營業中

休息中

Was in the area and stumbled upon this little gem! 😋✨ My boyfriend and I ordered the pasta special (with pork sausage, aubergine and Gorgonzola cheese), and a half & half pizza (half pepperoni & half pork sausage with ricotta cheese). Both pasta and pizzas were divine 🤤🤌 High quality ingredients, generous portions, not too rich! The pizza was massive for 1 person, can actually be shared between 2-3p.To finish, we had the panna cotta with berry sauce. It was homemade since it wasn’t very sweet (w

這間意大利小店味道正宗，先講意粉，我們叫咗芝士肉醬千層麵，芝士很香肉醬用的肉亦很新鮮，焗一焗後味道更香濃，廚師煮得非常精彩。Pizza可以加錢揀兩個味道，我地揀咗半個意大利煙肉洋蔥山羊奶芝士同埋香菌兩個口味拼埋一齊。左邊的是意大利煙肉洋蔥山羊奶芝士Pizza而右邊則是香菌Pizza，兩個口味都好食，不過我地都覺得味道上右邊的香菌好食D，可能因為有D菇菌無咁滯啦。其實佢D山羊奶芝士都幾香，食得出有羊嘅香味。甜品試咗兩款，一款係Tiramisu意大利芝士餅同埋Panna Cotta意大利奶凍。兩款都好食，味道都好正宗。

呢一間意大利小店CP值極高，lunch time的set lunch款式多，一坐低就有一份麵包cube，免費贈送的，可以點橄欖油同黑醋，麵包有微溫。Set Lunch可以揀湯或者沙律，我地全部都揀咗沙律。以set lunch包嘅沙律黎講，呢個真係又大碟喲菜又新鮮，個沙律落咗黑醋，好開胃。我地三個人揀咗兩個意粉一個Pizza，呢個係我地覺得最好食嘅鮮羅勒松子汁長通粉，個汁真係做得好好，入口感覺好清新，好啱呢d咁熱嘅天氣食。呢個芝士肉醬千層闊麵滯就滯d，不過芝士嘅香真係不得了，值得一滯。呢個Pizza size大到不得了，真係要兩個人先勉強食得晒，呢個係意大利野豬辣肉腸雜菌Pizza，d材料夾得好好，辣肉腸配上雜菌後唔會咁heavy，同埋d材料真係好新鮮，似乎係即叫即製，新鮮就係好味道。

🇮🇹🇮🇹🇮🇹地區小店有時的確更驚喜，餐廳感覺好地道，有黑醋檻欖油點麵包，未必間間意大利餐廳會有提供，用心專注製作食物，值得推介👍🏻👍🏻👍🏻意大利辣肉腸薄餅+意大利香腸軟芝士薄餅($188)想試兩種口味，加左$20要雙拼口味👍🏻👍🏻👍🏻薄餅熱焫焫，唔算厚但個邊好脆，辣肉腸份量好多鋪滿薄餅，軟芝士超軟，同茄醬超配合，味道好好，好有驚喜香蒜檻欖油海鮮意大利粉配意大利辣椒($158)海鮮份量好多，有原粒帶子、蝦，魷魚圈，每款都大約有四至五件，絕對唔係用雜錦海鮮粒，真心有誠意，食材用料足令到成碟意粉鮮味十足👍🏻👍🏻👍🏻意大利薯仔粉糰($138)粉糰配合了蕃茄肉醬汁，都算入味，粉糰好有咬口，亦都很飽肚，如果食得太多應該會比較膩切片肉眼牛扒配黑醋火箭菜沙律($298)一般西式煎牛扒都好易凍左，今次反而有驚喜，一邊食都keep到溫度，有諗過佢個碟既石板有保溫作用，牛扒唔韌好有肉味，肉質唔錯亦都唔會過份調味👍🏻👍🏻👍🏻反而覺得旁邊既火箭菜沙律既黑醋同醬汁太多，令到菜腍哂同偏油

一間位於大角咀的一間隱世意大利菜，裝修極有西式風格情懷，食物質素更是令人驚喜，除了歐式Pizza選擇之外，更有多款意粉選擇。價錢亦非常貼地，絕對是你假日歐陸午餐之選！___Pizza con prosciutto scamorza HKD$108（Lunch set）呢個Pizza絕對係誠意之作，每一枱枱面上一定會見到佢嘅蹤影！Pizza即叫即做，熱辣辣送上到你面前，批邊非常脆身，如果你係批邊控，你絕對會愛上佢。批底亦相當有口感，配上煙燻芝士簡直是人間美食，令你有一種相見恨晚嘅感覺！午餐配有香草麵包、餐湯或沙律，仲附送一杯飲品，呢個價錢真係超值之選！GNOCCHI HKD$98（Lunch set）呢個薯仔粉糰係佢地自家製HANDMADE粉糰！先講佢嘅蕃茄肉醬汁，味道比我相像中清新，食得出蕃茄嘅甜香，唔會完全比肉汁搶走蕃茄香味，味道平均，食落唔會有膩感，欣賞！薯仔粉糰亦都相當特別，相信唔係度度地方都可以食到，粉糰帶有薯仔泥嘅質感，同時保留咗麵粉嘅口感，非常特別嘅組合，絕對值得你一試！___評價： 🍽️ 正宗意大利菜 🍕 美食推介💯 CP值極高 ❤️ 治療系美食推介指數：❤️❤️❤️

今日經過大角咀嘅一間小店，門口見到佢嘅餐牌都覺得已經好平好吸引，裏面裝修又充滿了意大利風情，於是一於入去試吓。佢食物嘅選擇都唔算少，如果今次就叫咗巴馬火腿薄餅，以及芝士肉醬焗千層麵。佢本身仲有跟餐嘅前菜，當中包括了可以點橄欖油加醋嘅餐包，同埋沙律及西蘭花湯二選一，我就揀咗西蘭花湯，佢都幾大碗，西蘭花味亦都好濃厚。講吓佢嘅芝士焗肉醬千層麵非常大，亦都感覺到佢用咗好多千層麵配搭，芝士香味亦都好重，肉醬亦都非常之多， $108食到咁嘅質素，真係唔係周圍搵度。另一方面，佢個$108巴馬火腿Pizza非常之大份，如果一個普通女仔嚟食呢個餐一定食唔晒，完全冇預計過佢嘅Pizza可以咁大舊，而且亦都非常之好味，配埋佢跟餐嘅熱咖啡，好耐冇試過晏晝食得咁滿足咁飽啦！下次一定會再嚟幫襯！

雖然未去過意大利🇮🇹，但小店內裝修感覺幾有風味。一入門口店員立即熱情招待🫶🏻店舖面積雖少，但餐牌款式都唔少頭盤🥗、主菜🥩、pasta🍝、pizza🍕，樣樣都想試頭盤點咗水牛芝士火箭菜沙律、蕃茄煮青口沙律菜都好新鮮，青口亦好鮮味😋主食點咗蕃茄醬扭扭粉配意大利豬肉腸青豆牛肝菌雜菌🍝。另外仲點咗Pizza Margherita🍕最後甜品叫咗Tiramisu 👍🏻餐廳整體來講都👍🏻👍🏻👍🏻👍🏻

年初五開工要食餐好嘅開個靚年，於是幫襯咗呢一間意大利餐廳，我哋一行三人每人叫一樣野share，佢d set lunch份量足食到好飽好滿足，我哋叫咗兩個意粉一個Pizza。先叫了Still Water皆因個樽真係好靚。第一款pasta就揀咗芝士茄子意大利豬肉腸配特大長通粉，個特大通粉咬口唔錯幾大牙，配埋佢個白汁真係唔錯，難得係唔會食咗感覺好滯，拌碟嘅芝士粉似乎係真係用芝士磨出嚟而唔係現成化學芝士粉，所以芝士味特別香。第二款pasta就揀咗青豆雜菌牛肝菌意大利豬肉腸d牛肝菌同埋雜菌又真係幾好食幾新鮮，配佢嘅蕃茄汁啲鮮味特別出。Pizza就揀咗意大利野豬辣肉腸雜菌薄餅，d野豬辣肉腸幾惹味，呢個Pizza真係好抵食，$108，仲包埋餐前小麵包、湯或沙律，再連埋杯餐飲，果然係豐富的午餐。餐前小麵包，仲有橄欖油同醋可以點。個跟餐沙律精彩到一個點，仲要好新鮮。包埋餐飲真係抵到無朋友。

熟火腿煙燻芝士薄餅Tomato, Lasagna With Mozarella Cheese And Beef Sauce烤羊扒配薯仔Lamb Rack With Salad Tiramisu個Pizza相當有驚喜，薄皮軟熟唔會乾硬，個口感似食麵包咁，加埋d汁水，真喺啖啖都十分滋味，啖啖juice。烤羊扒就可圈可點，羊肉煮得好幼嫩，唔會煮得太乾身，又有羊肉味。不過表面有加咗d粉層，個你覺得有小小影感個Juice程度。店內空間雖然細，但氣氛同布置都相當唔錯，值得再嚟食多次，要free flow時間嚟享受下個氣氛😂😂😂。

估唔到可以在香港吃到意大利的味道。他們的Pizza皮是用人手搓出來! 皮邊非常薄而且非常脆口！一點也不會吃膩！而它的意大利餃子的肉餡和醬汁都調校得非常好！吃完這餐意大利菜，很想飛歐洲一轉而且價錢非常平民！絕對值得一試！不過記得一定要訂位，因為地方不是很大經常滿座。

今日朋友介紹呢一間意大利餐廳食Lunch，味道真係幾好，唔怪得Full House爆晒場，好彩book咗位。前菜可以揀沙律或者湯，我同我個Friend都揀沙律，因為見隔離枱碟沙律好似好正。佢D沙律菜好新鮮，尤其是D車厘茄，配橄欖油加黑醋又開胃又好味。Main Course就揀咗意大利小雲吞，個汁係用藍芝士整嘅，好Creamy好香芝士味，加埋D合桃碎好好味。第二個Main Course就揀咗意大利辣肉腸Pizza，真係好大個，兩個人食一個都真係食唔晒，但係味道好正宗。雖然好飽但係都加錢叫甜品食，佢個甜品係Tiramisu，味道都唔錯。餐飲我就要咖啡，合共$240，物超所值。

highly recommend the combination of salad, steak and pasta. their wine selection is superb. great overall.

由我發現呢間餐廳嘅第一日起，已經好想試😍。雖然食評唔多，但評價唔差，而且身為芝士控嘅我，見到咁多芝士食物嘅靚相，真係每睇一次都心動一次🤤。餐廳大概有22個座位，之前週未lunch time行過，當時全場爆滿，大部分都係外藉食客。今次平日lunch嚟，都擔心會full。當然到最後係唔駛等位，直接入座😏。每個Lunch set都有餐包、餐湯或沙律、熱飲，價格唔高，最貴都只係$108咋!! 😚餐包 – 正正常常，無特別。是日蘑菇餐湯 – 好多菇蓉，不過比較稀，我中意杰少少嘅菇湯。沙律 – 菜好乾身、新鮮，配上黑醋好好味。咖啡+凍檸茶 – 咖啡係齋啡，味道較淡，易入口；檸茶茶底唔香，所以飲落麻麻。Pepperoni Pizza(意大利辣肉腸薄餅) $98其實最多人推介嘅係雜菌Pizza，但男友唔食菇，費事佢咁麻煩剔出嚟，結果點左辣肉腸Pizza，其實有少少後悔….😅個PIZZA好大，兩塊加埋仲大過我隻手!!😯 最中意佢個批底，好乾身、批邊好脆、一啲都唔油😋。另外，呢度嘅辣肉腸係我食過最有豬味😲，而且最厚，厚度相等於PIZZA HUT果啲3-5塊；不過整體偏鹹，味道單調，4個人Share會好啲，

Da Vincenzo位於大角咀博文街。餐廳面積細細，室內設計都充滿意大利小鎮風情。紅色嘅磚牆身，各式各樣嘅酒樽，有一面意大利國旗同一個不斷播放當地風景嘅電視。原來老闆/主廚係意大利人，佢想將自己家鄕嘅情懷帶到嚟香港。朋友想飲白酒。店員介紹咗兩枝俾我哋。我哋心大心細唔知揀邊枝好，店員服務好周到，倒晒兩杯俾我哋試飲！結果我哋揀咗一枝比較Dry嘅Soave $288。薄餅方面，選擇頗多，配料以經典組合為主，例如蕃茄醬、水牛芝士、巴馬臣芝士、新鮮羅勒再加一款、兩款其他材料。薄餅長方形，屬於薄批。批邊卜卜脆，餅底中心柔軟，富小麥香。份量頗大，足夠二人份。如果+$20，仲可以half and half，一次過試晒兩種口味。我哋選擇咗一半Pizza Alla Diavola 同一半Pizza Con Salame Di Cinghiale e Funghi; 即係辣肉腸同野豬辣肉腸配什菌。兩款薄餅都好味，不過可能食慣咗多配料，我比較鍾意後者多啲。意大利粉就點咗Tagliatelle Alla Boscaiola蕃茄醬扭扭粉配意大利豬肉腸，青豆，牛肝菌和雜菌（$148）意粉係自家製，有蛋香，而且煙靭

The service is very bad that forced me to write my very first restaurant review here.We made a reservation for table for two in advance, and we were told that the table is reserved for 1.5 hours for dinnertime, which is acceptable.However, ever since we sat down, the waiter kept on pressurizing us on ordering.  We ordered 2 dishes at first, and he said ' Eat these first, and see if they are enough for you' in a mean way.And the second we finished the food on the plate, he would rush over and col