Ristorante Pizzeria Da Vincenzo

營業中

休息中

中秋節正日，同事黎呢度食西餐慶祝中秋節🥮環境氣氛好有小店feel, 坐位唔多，最好預先訂位。冷氣稍為唔夠凍。午餐包埋前菜可以揀湯或沙律菜。今日個西蘭花餐湯唔錯，唔會太杰撻撻。同事話呢度出名食pizza 🍕，果然有驚喜👍.新鮮出爐嘅pizza係唔同啲，叫咗個辣肉腸pizza，辣肉腸稍為辣咗啲，但係Pizza皮脆，芝士濃味。 個Pizza仲要好大個，份量十足。另外試咗個手工pasta 🍝，麵條彈口，不過醬汁不過不失。最後加埋個甜品Tiramisu，完美😂

真心覺得呢一間位於大角咀嘅意大利菜真係非常出色，而且價錢亦都係好相宜。呢一個流心水牛芝士火箭菜pizza係一個味道非常清新嘅pizza，水牛芝士配火箭菜就好似食沙律咁樣，而佢嘅pizza係薄批，所以好香脆，如果唔鍾意好滯嘅感覺就推介可以試下呢一個pizza。呢個雜錦芝士拼盤作為頭盤嚟講絕對係非常豐富，佢有四種芝士，cold cut就有Parma Ham同Salami腸，真係應該要飲紅酒。我哋冇飲紅酒反而飲咗呢隻礦泉水，個樽好靚。

$108一個set lunch，對於大角咀呢個區黎講，如果就咁睇價錢係偏高嘅，不過如果以一個正宗嘅意大利餐廳去睇，其實真係物超所值，佢呢度lunch嘅價錢係畀晚市價錢差唔多平一半，但係份量同質素都一樣冇減。沙律同埋餐湯之間我選擇咗沙律，因為今日嘅餐湯係南瓜湯，唔係好啱我胃口，如果沙律一到嘅時候真係有驚喜喎，一來好大碟，二來啲沙律菜好新鮮，溝埋黑醋同埋橄欖油好正。主菜就試咗一個名為番茄醬扭扭粉配意大利豬肉腸、青豆、牛肝菌同埋雜菌嘅意粉。佢個扭扭粉好有彈性，而佢落咗個番茄醬令到個意大利豬肉腸唔會好滯好漏，另外佢個牛肝菌同埋雜菌都好香。另外碟面嘅芝士粉都好正，啱晒我呢D Cheese Lover。之後我加咗$15要咗個tiramisu，呢度個tiramisu做得幾好幾滑，有tiramisu做甜品就梗係要飲返杯咖啡啦，杯咖啡仲係免費嘅餐飲。

羅勒醬長通粉，意大利文叫做Penne Al Pesto，係一個口味非常清新嘅意大利粉。佢嘅羅勒醬加入咗橄欖油所以唔會好杰好滯，仲有松籽伴碟。佢嘅芝士粉鋪滿碟邊，好似落雪咁樣好靚，個芝士粉好香，估計係用新鮮芝士刨出嚟，而唔係用一啲現成嘅芝士粉沈落去。佢個長通粉都做得出色，少少煙韌兼且好有彈性，唔會煮到淋pat pat。set lunch價$98再加一，包埋麵包、前菜可以揀沙律或者餐湯，仲有杯餐飲跟埋畀你，真係又抵食又好食。

今日食晏去咗一間好正嘅意大利餐廳，店面雖然細得幾張枱但係味道真係好正宗而且份量大到嚇死人，性價比極高。我哋其中一個餐就係叫咗呢一個特色薄餅包Floded Pizza，名副其實佢就係一個Pizza然後將佢對接。成隻巨型餃子咁樣，我見侍應攞出嚟嘅時候隔離枱嗰啲人都望住，因為佢個size真係好浮誇。入面嘅餡料已平時pizza嗰啲為主，即係有芝士同ham在家其他配料，我個人認為起碼要三個人以上先食得曬呢一個一人餐，不過真係好正。佢呢度嘅set lunch仲包餐湯或者沙律、餐包同埋餐飲，真係好抵食。

今日試了一個很精彩的意大利芝士拼盤，4款芝士都唔錯，份量亦非常滿意。如果無認錯，4款芝士應該分別係Mozzarella莫薩里拉芝士、Parmigiano-Reggiano巴馬臣芝士、Pecorino意大利羊芝士同埋Provolone普羅沃洛內芝士，我自己就最鍾意隻羊芝士，又香又軟。除咗芝士之外，佢D Cold Cut都幾好食，少少鹹香味但係又唔會好鹹，另外值得一讚係佢嘅份量，真係好足，唔似好多地方咁款式唔多又每樣得兩三片都要百幾蚊，呢度只係$150左右，真心抵食。我地無飲wine反而好健康咁叫咗支意大利Sparkling Water黎飲，成件事就好似去咗意大利食Tea咁樣。

Dinner. A modest-sized neighborhood Italian eatery with 6-7 tables. Heard good things about the pizza, hence eager to visit.Wine list wasn’t bad. Ordered a glass of Montepulciano. Grumpy ordered a beer. Here’s what we had. Focaccia: crisp on the outside and fluffy on the inside.Italian Cheeses and Cold Cuts platter, showcasing a carefully curated selection of artisanal cheeses and cured meats.Sliced Eggplant layered with Tomato Beef Sauce and topped with crunchy umami-rich Parmesan.We picked the

呢一間意大利餐廳除咗味道非常正宗之後外，佢嘅食材都非常新鮮，今日Lunch Time點了一個海鮮意粉，真係做得好出色好好食。呢個Set Lunch包括有一件小麵包，上面仲有一片車厘茄，可以點橄欖油同黑醋黎食。仲有得跟沙律或者餐湯，我選擇了沙律，d沙律菜好新鮮，而且份量都算大。主角來了，海鮮意大利粉，海鮮有帶子、蝦同埋墨魚，d海鮮真係好鮮味，特別係佢嘅墨魚粒，係墨魚鬚位黎嘅，煙韌兼有彈性。佢個餐仲包埋餐飲，真係好高質素。

呢個Set Lunch特色薄餅包Folded Pizza話就話係一人餐，份量絕對夠三個人食，浮誇到一個點，如果鍾意好漏好滯感覺嘅朋友不容錯過。好多時圖片只供參考都係幅相入面件食物好大好靚仔但實物就細好多同無咁靚，不過呢個特色薄餅包就相反，實物比幅相大好多，度一度就知道。佢有兩個口味配料可以揀，分別係蘑菇熟火腿，或者風乾火腿加煙燻芝士，佢兩款都有水牛芝士喺入面嘅，切開就係咁樣樣。入面勁多芝士，一邊食一邊係咁拉絲，搞到成個蜘蛛俠咁，Best Choice for Cheese Lover。

今日介紹一間隱世小店，其實已經去咗好多好多次，希望佢繼續做落去千祈唔好執笠這家餐廳是一間意大利餐廳，雖然地方不大，座位有點擁擠，但是卻給人一種溫馨的感覺。這裡的食物質素非常高，尤其是他們的手掣pizza和意大利麵，真的是讓人驚艷。首先談談手掣pizza：這裡的手掣pizza非常好吃，餅皮薄脆，口感恰到好處。而且他們提供多種不同口味的選擇，從經典的瑪格麗特披薩到創意十足的特色口味，讓人難以抉擇，不過某幾款可以雙拼～一口都能感受到新鮮的材料和美味的配料，絕對是一個pizza愛好者的天堂。另外呢度意大利麵也是一絕；他們提供多種不同種類的意大利麵，從經典的義大利肉醬麵到海鮮麵，真的是讓人垂涎欲滴。麵條煮得剛剛好，彈牙有嚼勁，搭配上濃郁的醬料，每一口都能感受到意大利麵的獨特風味。另外仲叫咗個青口非常入味，好多湯汁可以點麵包～重點是，這家餐廳的價格非常實惠，他們的餐酒價格亦都相當合理，不會讓人覺得被宰。無論是品嚐美食還是享受美酒，都能在這裡找到滿足。

特大長通粉配意大利豬肉腸加茄子及芝士，長通粉很厚身，口感很好，煙煙韌韌很有彈力，和其他餐廳食到的很不同，感覺很正宗。碟邊鋪滿了芝士粉，食後覺得應該是用真芝士刨粉而不是買現成的科學芝士粉。意大利野豬辣肉腸雜菌薄餅長方形切成8件，份量很大，整體味道很好，一啖咬落去食到晒辣肉腸、芝士同其他配料嘅味道。薄餅邊有少少燶，令到個餅皮夠晒香，我自己覺得呢啲Pizza特別好食。我哋仲入鄉隨俗叫咗sparkling water飲，個樽好靚。

星期五去冇book位🥲之後侍應話佢哋有同隔離酒吧合作可以係佢地到order 佢哋野食咁還掂黎到又想試下 就去左間bar一坐低就黎左兜花生 ($30)Pizza Prosciutto Crudo ($158)好大個pizza! 正方形 分左8件每件上面都有一大塊prosciutto咸咸地都幾夾 適量嘅芝士個crust都幾脆 正常味道👌🏼菠菜軟芝士意大利雲吞配藍芝士核桃汁 ($138)呢個太重芝士 漏到不得了好重blue cheese味 入面雲吞餡好filling唔係好食到菠菜 只係芝士芝士同芝士😂芝士愛好者應該會好鐘意😂Pina Colada ($75)因為坐左入bar 都要叫一杯飲品本身唔係好飲酒 呢杯甜甜地易入口都幾好飲 有d菠蘿、椰子味不過一杯都幾貴🫣整體唔算好好食 pizza ok可以其他pasta會更好食😌

正宗意大利「小」餐廳因為呢間餐廳真係好細，不過D野食就好好味，特別係佢嘅Set Lunch，價錢比晚市平30%至40%，但係老闆又唔會將個份量減少，所以性價比好高。Set Lunch送餐包，個包面頭有一塊車厘茄，點黑醋同橄欖油，好有意大利嘅感覺。另外佢嗰支黑醋加橄欖油混合體嘅玻璃樽都好有型。Set Lunch的前菜可以揀意大利黑醋沙律或者餐湯，我揀咗沙律，份量比想像中多，而且好新鮮好有誠意。因為驚如果叫Pizza會食唔晒，所以揀了意粉，呢個係香蒜橄欖油海鮮意大利粉現意大利辣椒，好香蒜頭味，D海鮮亦夠新鮮，配埋佢上面D香草，撈勻佢，好好食。佢仲有杯餐飲跟埋，咁先係$108再加一，真係又抵食又好食。

試了一家口味好正宗嘅意大利菜，叫餐要用英文，好彩個餐牌有中英對照，一於好似This This Rice咁樣叫野食。自家製意大利薯仔粉檲Gnocchi煙煙韌韌幾好食，雖然啲粉檲數量睇落唔係好多，不過都幾飽肚，揀咗番茄醬汁底，入面仲有真番茄，食落無咁滯，配海鮮，啲帶子同墨魚都幾鮮味。食完主菜心思思想食埋個甜品，揀了Tiramisu ，咖啡味好香，Tiramisu嘅糕底好滑。食Tiramisu梗係要配埋杯咖啡先至得啦。

今日Lunch食咗呢間意大利餐廳，抵食好食。先來麵包點橄欖油同醋，麵包好食，可惜唔記得影相，唯有影吓支橄欖油同醋嘅二合一玻璃樽啦。叫咗支意大利礦泉水飲因為見佢個樽好靚。Set Lunch可以揀餐湯或者沙律，我地兩個都揀沙律，而呢個沙律又真係好出色，D菜好新鮮，而且好大碟。呢碟意粉叫做特大長通粉配意大利豬肉腸加茄子及芝士，D芝士真係好香，佢連碟邊都鋪滿芝士粉嗰吓超正。個特大長通粉煙煙韌韌，配埋D食材仲有個汁真係好味道。呢碟係自家製意大利薯仔粉糰，個薯仔粉糰粉粉地得黎又有D彈性，個口感質感幾好，佢個番茄加肉醬嘅汁真係唔錯，好香新鮮番茄味，加上芝士粉真係正，佢D芝士粉仲要係用真芝士刨出黎嘅，唔係化學芝士粉，味道特別香。我地仲追加了Tiramisu，好好食，咖啡朱古力同埋芝士混和得好好，加$15真係超抵。個餐仲包餐飲，我地要了熱檸茶同熱咖啡。