13
0
0
| 餐廳: | Restoran Indonesia Kampung Kita |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
以上資料只供參考, 請與餐廳確認詳情
朋友家中幫手係印尼姐姐，偶然到訪會食到印尼食物，傾談中佢介紹平時佢地去開嘅餐廳，近花園街，方便佢地血拼完開餐。面積唔算太大間，餐牌已放大掛係牆上未食過印尼湯粉類，主打牛丸類，呢碗就仲特別D，係牛骨牛丸湯粉 ($59)。一大舊牛骨，以剁碎牛肉再包返，類似越南蔗蝦，口感鬆軟，牛味幾出; 而粒牛丸口感札實。清甜湯底有生菜及芹菜粒，配合粉絲一齊食，黎得爽口。呢碗粉絶對有驚喜。去食東南亞菜式，飲品當然要配合返，呢度嘅飲品選擇同飯類一樣咁多，就叫柑桔冰 ($29)同椰青 ($39)，前者真係唔係好多地方有得飲，味道酸中帶甜，好開胃吓; 而椰青飲完可以食埋椰青肉，清甜。超級大碟就係佢………………………馬拉盞通菜 ($69)，真係食極都食唔完咁 (哈哈…)。以辣椒加上少少魚乾仔一齊炒，味道唔會過咸，多食菜有益的。燒鷄差唔多係每個國家都必有菜式，今晚就試下峇里燒鷄 ($90/半隻)有咩唔同。見到鷄皮上有層”令令”地，試下就咁食係食到甜甜地味道，似由細食到大嘅蜜糖燒鷄翼。另有醬汁又點下，味道帶點辣度同惹味，鷄皮燒完帶點焦香味，鷄肉無燒乾。出名嘅椰漿飯 ($25)梗要叫黎送鷄食，飯粒椰漿味唔算太出，內有魚乾仔及炸蒜。巴東牛肉 ($128)係印尼人招待貴賓的菜式，所以呢個價錢都算係”貴賓價”，哈哈…….以椰漿及多種特色香料煮成嘅牛腩肉，醬汁味道香濃，用黎配飯/飽都岩數; 牛肉煮得相多腍及入味，幾好味。無收加一，份量相當對眼，價錢相當貼地，姐姐好介紹。
繼續閱讀
朋友帶我嚟食印尼菜，呢間係佢家姐姐推介嘅餐廳，話啲嘢食正宗兼好味，價錢又貼地。七點幾嚟到全場滿座，我哋去咗張大枱度搭枱，雖然係樓梯底，但個位幾闊落幾好座，冷氣十足仲好舒服添😆⭐咖啡沙冰Es Kopi Vanilla Smoothie 餐牌嘅特色飲品好多，有幾款嘢都想試，睇嚟睇去就先試杯咖啡沙冰，雖然中文寫係沙冰，但我覺得飲落似奶昔多啲，質感咁好杰身，咖啡味就係平時飲開嘅三合一嗰隻味啦😎⭐椰青Kelapa Muda朋友一向鍾意飲椰青，所以佢今日都係揀咗椰青，冰冰凍凍都好好飲㗎👍⭐巴東牛肉飯Nasi Rendang港式巴東牛肉就成日食啦，今次試下印尼正宗嘅巴東牛肉，意外地原來係唔辣嘅，牛肉炆得好軟腍，個醬汁鹹鹹地帶啲香料香，送飯一流😋⭐燒牛仔骨飯Nasi Ika Bakar自己叫咗呢款燒牛仔骨飯，再轉左斑蘭飯，我見其他人個飯喺砌到一個塔咁，點解我呢款冇嘅🤔冇得靚靚打卡添。牛仔骨有四片，已剪開好易咬，朋友話個色水好似鎮江骨，食落酸酸甜甜其實都真係有啲似㗎，伴碟除咗蝦片，仲有一件炸茄子同埋一個雜豆糕，顏色靚靚之餘仲好豐富㗎🤤⭐沙嗲雞肉三串 & 沙嗲羊肉三串Sate Ayam 3 Tusuk & Sate Kambing 3 Tusuk本來想叫啲小食，但好似啲小食得下午茶先有得叫，最後我哋揀咗三串雞肉同埋三串羊肉串燒，燒得幾香口唔乾身，個沙嗲汁好好味，不過個羊肉完全冇羊騷味，都唔係好食得出佢係咪真係羊肉添，哈哈🤭⭐鹹魚通菜Sayur Kangkung Cha Ikan Asin本身叫蝦醬通菜，但店員話其實馬拉盞同蝦醬係一樣，個餐牌寫錯咗，呢款應該係鹹魚通菜，唔緊要呀，試下都好，碟菜好大碟，鹹鹹地都幾好味，食到有鹹魚味，但目測見唔到🤔咁神奇嘅。食完坐喺度一陣飲埋杯嘢，見店員開始大聲播歌，原來餐廳收8點40分，嘩，好早收門呀😳下次都係預早少少嚟食先，呵呵。
繼續閱讀
在香港打工的印尼姐姐應該有很多吧，所以，總覺得印尼餐廳應該有一定的客路，而今晚來到位於旺角地鐵站附近的「Restoran Indonesia Kampung Kita」，主打就是賣正宗印尼美食。踏入餐廳內，地方不大，目測所見看上去大部分都是印尼同鄉，稱得上是印尼人的食堂，故對店家的印尼菜更具信心。本身對印尼菜不太熟悉，看過餐牌之後，食材都多元化，不過烹煮技巧都已燒、炸為主調，屬於脆口、重口味的菜式。此外，一看上去就知戈待應都是印尼人，不用擔心溝通不來，因為招待我們的姐姐說得一口流利廣東話，彼此溝通絕無問題。印尼也十分流行吃串燒，而這裡的串燒也是即點即做，實需耐心等候。點了一客「沙爹羊肉串配飯團」（$89），沙嗲羊肉吃來羶香十足，沾上沙爹醬更是美味極了。飯糰有別我們想像的日式飯糰，其實是米糕多一點，還配有香脆的蝦片、清爽的青瓜和酸香的番茄。另一主食就選了「燒䱽魚飯」（$99），大大條䱽魚燒得焦香，加上濃郁的醬汁，肉質嫩滑，食味真不俗，飯粒又軟綿綿。此外，伴碟的還有炸茄子、炸豆腐及炸天貝，令整道菜式變得更豐富。除兩道主食，當然要多有一道蔬菜「馬拉盞通菜」（$69），通菜質感十分之爽脆，而馬拉盞醬很惹味，令通菜變得錦上添花，好吃。飲品方面，較 好奇這「牛油果沙冰」（$39）是怎麼樣，一身翠綠色，喝來口感很綿密細滑，但較像奶昔多一點，因偏重奶香味，整體還是不錯的。初次品嚐印尼菜感覺確是很特別，領略一下異國風味，蠻不錯的體驗！
繼續閱讀
去旺角諗唔到食咩，同朋友試吓印尼菜🤩 第一次食覺得好唔錯！！值得推薦俾大家👍SATE KOMPLIT 1 PORSI 沙嗲串一份（十串） ($159)必點！非常受歡迎的印尼美食，有五串雞肉及五串牛肉，肉嫩彈口，具有豐富的口感和獨特的香料風味，配上沙嗲醬好正😍MIE GEPCEK KEJU LELEH CHEESE FRIED BROKEN CHICKEN NOODLES 芝士炸碎雞撈麵 ($82)香港人最愛印尼撈麵😍😍 大大份炸雞加上芝士撈麵，好邪惡🤤 撈麵香口惹味，偏辣，覺得唔夠辣仲可以加埋秘製辣醬AYAM HAINAN 1/2 EKOR 海南雞半隻 ($80)好正！嫩滑雞肉加濃郁醬汁，這道菜品通常搭配蒸飯和醬料一起食用，配飯食一流🤗SAYUR TOGE CHA BAWANG 蒜蓉芽菜 ($69)簡單美味的蔬菜菜品。芽菜經過炒煮，搭配上蒜蓉的香氣，帶來清爽的口感和蒜香的風味TAMBAH LONTONG 淨飯團 ($25)椰青 ($39)夏天必飲，消暑解渴青檸梳打 ($29)清新的口感和酸甜的味道，好開胃
繼續閱讀
👩🏻其實幾鐘意食印尼菜，平時都要去銅鑼灣食，估唔到而家喺旺角都食到！✨印尼炒飯$79炒飯質地濕潤，鹹鹹香香，感覺大人細路都鐘意🤣。最正係有埋蝦片同串燒，齊晒香港人嘅印尼comfort food。雞肉串燒肉質彈牙又多肉汁，好食過大多數串燒鋪🫨。下次會想試埋牛肉、羊肉串。提提大家，佢哋嘅sambal勁辣🥵。✨椰汁雜菜$69椰汁、蝦膏煮成嘅湯汁以鹹香為主，略帶椰汁香味。豆角煮到好腍同冇青味。印尼菜成日有嘅臭豆甜甜哋幾好味。✨燒牛仔骨$138 牛肉骨燒到好香，肉汁mix埋醬油嘅香甜。肉質易咬，筋膜位唔會硬唔會韌。佢哋嘅grill真係好高質！✨香茅椰糖薑蜜$29✨珍多冰$29兩款都好重椰糖香！同埋薑蜜味道超辣🫨。因為佢哋有啲嘢食都幾辣，建議叫凍飲🤫。
繼續閱讀