PURADAK CHICKEN (將軍澳中心)

營業中

休息中

新開張韓國炸雞店話響高麗好出名，於是慕名而至，點知中伏。叫咗兩款雞，上枱其中一款竟然唔熱，咬落去乾爭爭一啲汁都冇，另一款稍好，都係拜粟米粉所賜，最伏係杯梳打，賣相差味道仲差，似飲咳水！可能怕我熱氣卦！埋單三舊幾水唔知食咗乜，比較上嚟，反而同係韓國，G字頭炸雞好食好多！

將軍澳新開的炸雞店，聽講係炸雞界P字頭名牌，開張初期，每次經過都見好多人排隊，有一日四五點經過見冇乜人喎，諗住入去食啦，原來貼住炸雞巳全部售罄，嘩咁早賣晒，真係咁好食嗎？今日6點左右，見有位即刻入去，點咗 Best seller 嘅兩款組合，而且佢係可以揀有骨同埋冇骨嘅，雖然她們推薦話無骨啖啖肉，但係我梗係揀有骨啦，因為有骨先至會有雞髀同雞翼呀嘛。如果怕肥嘅你哋就揀冇骨啦，因為應該會係雞胸肉。粟米濃湯味：灑上一啲粟米濃湯味嘅粉，有燒粟米，同埋炸薯片。味道帶少少甜，啲雞肉唔乾身，好味，味道都少見。青陽辣椒美奶滋口味：雖然係得一隻辣椒，但係食落都幾辣，味道幾特別。另外每台都有一碟醃蘿蔔，我另外叫咗一個牛肉飯卷，味道偏淡，可以唔試。飲品選擇就比較少，紙包嘅飲品，或者係呢一啲梳打水，感覺係用糖精溝出嚟。整體啲炸雞口味都幾特別，雞肉都幾好，唔乾身，好食。價錢就少少偏貴，我呢個組合食咗400多元。

如果有睇過蠟筆小新，知道妮妮有個鍾意打兔仔嘅媽媽，就知道佢每次煮嘢，小新都會話係「難纏嘅味道」：可能就係呢間嘢炸雞嘅味道。-佢賣相okay，你唔會直覺佢難食，但等你放入口，咀嚼完，吞埋，就有種難纏的味道出嚟：-似醃咗一個月調味料嘅雞件，-4度雪出雪味，再-18度保存，再溶雪，高溫焗完再炸，確保雞嘅肉汁減少，再攤凍放喺保溫箱，再喺你order後撈入一pat 杰杰的你選取的暖暖醬料，再俾你食。-我由佢裝修，宣傳出稿，試業數十人排隊逼爆商場走道，我病完好返，調理好身體，買嚟食⋯唧⋯⋯早知食其他韓國炸雞啦！真心大家都覺KxC好食好多囉。-我食過多年前出名嘅李x、附近嘅Goxxx、唔記得咩名嘅各間炸雞、全部都無韓國橋x咁好食，但全部我都可以食晒嘅，都幾好嘅。-但今日我真係食唔晒，好失望、好唔開心。

係puradak炸雞，超級好吃!!😍😍😍之前看韓國youtuber對他們好評如潮，已經超想試😍所以見他們來香港開分店，馬上跟朋友來試試看😝一共點了三種口味🤤🤤🍗首先炸雞的外皮很香脆，厚薄適中，完全不會皮肉分離，雞肉每一口都很juicy嫩滑，原本已有適量的調味，所以我覺得原味應該都會很好吃🥺❤️❤️青陽辣椒mayo炸雞真是必點!!!🌶️炸雞裹上了蛋黃醬， 帶有青陽辣椒的微辣，口味新鮮，吃了很多隻都完全不膩🥹🥹🍗蒜香炸雞的醬油和蒜香味完美混合，咸味跟甜味互相平衡，不會過於重口味，同樣十分好吃💯栗米粉那一款有點像粟米脆果零食的味道🌽調味粉偏甜，雖然這一款用的調味是粉狀，但咬下去依然是肉汁豐富🤓.一直都覺得很多韓國炸雞店開到HK都有點變質，沒有韓國當地做得那麼好吃，但這一家炸雞真的很驚豔，超好吃，絕對會encore!!😍😍😍

又細、服務－般、露天、座位窄、味道麻麻、水都冇、又要加－、埋單都要你等、唔明點解叫貴族、普通過唔普通、座位又窄、鷄又麻麻、浪費quota. 蛋卷又唔好食、附近Red Chicken好好多，無下次。

🇰🇷韓國NO.1 高級烤焗炸雞韓國過江龍 PURADARK CHICKEN 雞肉嫩滑，用先焗後炸方式製作，再用210度火喉高溫焗製，能夠鎖住肉汁同時可減少油膩感，所以等候時間大約30分鐘倒， 建議番係平日下就食，會比較少人🤤半半炸雞🍗$198 (可選兩種口味) 2人份量🍽青陽辣椒MAYO炸雞🌶 (另外加$30)❤️推介 唔同普通死辣嘅炸雞 有韓國青椒既配搭 辣得來好開胃 再加上蛋黃醬 中和左青椒既辣味🍽CORN-SO AMAZING炸雞🌽(另外加$30)❤️極推介 有濃郁嘅粟米粉 粟米粉同雞既比例剛好 配上烤粟米 有粟米既配搭食完都吾會覺得太滯 🤤半半炸雞🍗$198 (可選兩種口味) 2人份量🍽秘製黑炸雞🧂(另外加$20)黑炸雞味道出奇好食，甜甜地又唔鹹，外脆內軟，加埋蒜片真係好好食🤤🍽辣卡邦尼年糕炸雞🌶 (另外加$30)食呢個可以同時食曬兩款食物，唔想單一食年糕或者炸雞既可以叫呢個！ 👀

話曬都被稱呼“炸雞界的Prada,點都要去朝聖下。夜晚去要注意多人，要排最少半小時。⏱⏱⏱啲雞好嫩滑 🍗🍗🍗青椒有啲辣辣地 佢係嗰啲泡菜青椒 係酸酸地辣辣地好開胃 😋😋😋 仲有粟米芝士粉🌽🌽🌽，入面有啲類似杏仁粒、定係花生粒嘅嘢所以就好有咬口，佢連前菜嗰個泡菜蘿蔔都係酸酸甜甜好好味～ 個醬呢啱啱好唔會太稀，唔會太濃。唔會張住個口，炸雞又炸得好脆，其實兩個人叫一碟雞都夠飽。梅汁就唔好飲，好似藥水🤢🤢🤢。因為太飽所以叫唔到咁多，但見到隔離枱叫咗啲炒年糕、墨魚圈，聽見啲人話好好食 炸得好脆。👂🏻👂🏻👂🏻

2023新一年就同朋友試新嘢，今舖試將軍澳新開嘅Puradak chicken。下晝1點幾到達，等位大概半個鐘。餐廳位於商場中庭位置，等位嘅時候人來人往，有啲無所適從。縱然餐廳有安排欄杆被人排隊，但係唔會有人排的。一個open area， 如果排隊的話就會直接企喺用餐人士隔離，我估無人會想被人望住用餐的。同朋友 order 兩食 - CHILI & MAYONNAISE CHICKEN 同CORN-SO AMAZING CHICKEN。可以選擇有骨或無骨，無得雙拼，即係只可以揀all 有骨或者all 無骨。飲品的話有汽水，Qoo 或者各樣水果soda選擇。其實觀察下好多檯都叫雙拼，亦都係最合理嘅選擇，因爲一次可以試兩個口味。最奇怪嘅係我地嗰檯係分開兩碟上，眼見其他檯叫雙拼係一碟上。分開上其實無所謂，全部都係雞，不用分那麼細。最最最最大嘅敗筆係啲雞係暖的。感覺似一早炸好然後等你落order 再加醬料落去，真係好amazing。或者係我見識少，因爲麥X勞同KXC 啲雞，就算一早炸起，都係會保全到一定溫度，堂食的話一定係熱的。韓式炸雞我真係唔識。CHILI & MAYONNAISE CHIC

元旦日午的午餐，發覺中伏了，我見佢成日排長龍，以為食物應該都好食啦，而阿囡又話想試，今日終於食左lunch,味道真係好一般，我老公覺得唔掂，每個人接受的味道都不樣，但是服務差及慢，下次唔會再食呢間炸雞，埋單收$500。🤮 (特别備註，之前試過想在這間買外賣，職員話要等一個鐘，所以放棄了）

上網話哩間炸雞店，係韓國炸雞點嘅名牌，所以特登去試下。打算book位，電話一路都唔通，打咗十幾二十次。特登遠道而來，18:15攞飛等位，等到約19:30，就囉左個牌出嚟話SOLD OUT，等左個幾鐘，真係嬲㗎。我都明白假期會多人去食，但係可唔可以做得好啲，預計左個量，知道唔夠，早啲唔好比人攞飛排隊，佢哋外賣一條龍，堂食一條龍。我曾經去過一間店，人哋公司嘅做法，計完人數食物就唔比人攞票等位，攞到票嘅一定食得到。咁樣做法比較人性化。希望貴公司會改善等位安排

呢個品牌2022 12月先開佢圍緊版嘅時候已經想食喺聖誕節當日一早去排已經有人龍 😂😂😂大約六點前去排都等咗半個鐘買完店員話要等大約一個鐘餐廳分咗兩邊 堂食同外賣當日見外賣人龍明顯較多堂食反而冇咩人排隊如果唔想等咁耐可能堂食仲快有部份店員係韓國人所以未必聽得明廣東話落單要留意 當日試咗半半炸雞即係可以揀兩隻口味揀咗🇰🇵韓式甜醬炸雞🌽Corn So Amazing 炸雞有得揀有骨或者無骨揀咗兩個都無骨韓式甜醬炸雞味道就有啲似糖醋肉咁但係唔酸嘅 會有少少胡椒味但唔食得辣嘅都可以食到冇骨嘅雞都唔會好鞋亦都食唔到任何雪藏味佢用咗先焗後炸嘅方法所以相對會鎖住啲肉汁但就算佢係炸嘅 都冇油膩感醬汁嘅份量都算幾多如果半半炸雞 可兩至三人share🌽Corn So Amazing Chicken除咗雞仲有粟米 呢個就落咗🌽調味粉🌽味甜甜地 但佢唔係零食嘅粟米濃湯味冇咩鹹味嘅 呢隻調味出邊比較少見另外粟米都有另外調味有啲牛油香 呢款幾特別小朋友應該會鍾意另外見到仲有好多其他口味例如秘製黑炸雞 青陽辣椒Mayo炸雞🌶惡魔炸雞重口味仲可以+25或者$30可另加多款醬汁選擇外賣嘅袋係布袋 可以重用驚排隊建議堂食

【 🔥新開人氣名牌炸雞店🐔 】---【 🌶 Chili & MayonnaiseChicken ( Bone-in )🍗 】---💰價錢：$208～～～📍評分：9.5/10～～～⏩ Wanna give a surprise to my best Mom on the Christmas day😼！一於買返盒超人氣炸雞給媽媽😛！知佢最鍾意食炸雞😈！～～～哇哇哇，排隊排到癲🤣🤣🤣！！！不愧是名牌炸雞店🫡！香港人真係好鍾意排隊😹，睇黎都好鍾意食炸🐔！外賣我都等左40分鐘到先有得攞‼️～～～✅ For the ones you love, queuing worths it 💕 Waiting only for your smile 🥰！～～～性價比：4/5回頭度：5/5賣相：4.5/5環境衛生：4/5服務態度：4/5 ～～～

夜晚晚市將軍澳不嬲都多人，所以18:15就喺GULU App攞定飛，當時要等12張一路等堂食都見到唔少人排外賣，都預咗要等話哂Prada界炸雞，去到20:20店員無啦啦痴咗張notice話無哂雞all sold out，好失望完全安排得好混亂，有啲店員又唔係好知發生咩事咁，其實知道就無雞就應該截龍，而唔係無哂先叫人走，你叫人等咗兩個鐘先話無哂炸雞會唔會太差。。喺度奉勸世人食之前諗清楚 (一係再早啲攞飛..)

Puradak Chicken有著韓國「炸雞界Prada」之稱，最近係將軍澳中心開了新店，即刻同屋企人試食！我地買外賣，等左差唔多1個鐘先有。店員都係外國人，所以要用英文下單。我地叫左餐牌寫Best嘅青陽辣椒Mayo炸雞，係清陽辣椒配蛋黃醬。依個醬嘅炸雞都係第一次食，全家都覺得好食，辣辣地又唔"利"，可以再encore!介紹話佢所有炸雞都採用「先焗後炸」方式炮製，會先用210度火喉高溫焗製，這個方法不但可以鎖住肉汁，而且更可減少油膩感。烤焗完後，會再油炸至酥脆，最後再配上相應醬汁！試過的確好好食，酥脆有肉汁！下次要試埋其他味先得！

晚上6時嗌咗外賣，當時話要等50-60分鐘，然後等到8點都未有，次次問佢地都話出緊出緊😟但最後又漏單，又要再等過🥲好失望啲員工執野又慢，成日淨係話出緊餐但明明都未整，後過我張飛嘅都有但我就等左兩個鐘🥲幾好食都唔會再黎7點都未夠就停咗堂食，大部分人都等外賣等咗兩個幾鐘，員工溝通極度差，好似大家都唔知大家做緊咩咁😟好混亂所有野都，希望佢可以做好啲溝通先再整野食在場唔少人都好不滿要等咁耐，真係唔再去