Power Burger (黃竹街)

營業中

休息中

自從發現我之前burger go-to-place 唔去得之後極度失望又傷心( ･̆-･̆)我終於終於搵到替代品了！呢間新新地既 Power Burger @powerburgerhk 係我中意既style一啖咬得哂每樣料既burger先係架嘛果啲疊到幾層樓咁高 最後咪又係要拆開黎食試左佢招牌既焦脆burger我坐係counter 佢一路煎 香到傻佢無違反商品條例 真係焦脆既肉味夠 雖然薄 都唔乾仲有丁丁肉汁菜用左本地有機羽衣甘藍比生菜更加清爽唯一係我覺得佢可以比多小小汁其他小食就正常啦～佢個魚條唔係魚手指 質地少怪( ¯꒳ ¯ )✿✿✿✿✿✿✿✿✿✿✿Follow @lastbitematters for more

深水埗出名burger 小店! 中午已經大排長龍，店內只有3/4張小桌子供人在店內進食，所以都多人外賣!(Lunch Set)🔸️ Power cheese burger $88（+$28 Set A 配薯條同Coke zero）- 牛肉漢堡扒即點即煎，新鮮熱辣! 咬落去啖啖肉汁，如果塊扒再大少少會開心d! 入面夾有生菜、洋蔥、芝士，面包有塗牛油再烘脆，整體不錯! 薯條粗身，使用原個薯仔切條再炸，可配3種不同醬汁! 最鐘意配蛋白醬，好食!🔸️5星⭐評分好食指數:⭐⭐⭐⭐整體份量:⭐⭐⭐性價比:⭐⭐⭐打卡度:⭐⭐⭐⭐餐廳環境:⭐⭐⭐#food #foodie #foodporn #foodphotography #foodpics #foodstagram #foodblogger #foodstylist #foodart #foodlove #foodshare #foodphotos

相信好多人，尤其男仔，都好鍾意食burger，但係要揾間好食嘅burger店都唔易㗎，俾5秒你諗幾間整burger整得好食嘅餐廳，你又諗唔諗到呢？最近深水埗新開咗間據聞超足料，主打美式牛肉漢堡嘅小店，Fatfat去到試完味道又真係唔錯喎😍，lunchhour 都好多人排隊買，滿足到嘴刁嘅Fatfat ☺️👍🏻而上菜速度都okay，不過環境空間就細咗啲，可能係for附近返工人士買外賣上去食？大家呢樣就要考慮下。

深水埗越來越多新食店，由食物沙漠變咗食物綠洲。power burger開左幾個月，坐位大約十個，門口高枱位置最適合打卡，身為burger控一直想試power burger，今日就搵埋同事去試吓佢個smash burger。我哋叫咗power cheese burger 同 power smash burger，跟餐加$38有飲品同小食，飲品選擇比較少，得coke/Coke Zero、soda water、mineral water，我覺得可以有進步空間。 講返個burger，牛肉juicy有牛味，因為分別有2塊較薄身2安士牛，所以可以煎得更香脆。值得一讚係佢用咗羽衣甘藍，食落口感比生菜更爽脆，夠特別。 小食分別有甜薯條、炸魚手指、炸洋蔥圈。炸魚手指最有驚喜，佢唔係平時食開嗰啲魚柳，似係魚腐質地，炸完外脆內軟口感幾好。最後我希望佢哋嘅座位可以改變下，貼牆坐個身要轉90度食burger我覺得有啲麻煩，以上純粹個人意見。

排咗成個鐘先有得食，味道唔錯，美中不足嘅喺無醃青瓜，d肉未致於乾但唔夠juicy😂😂不過排一次就夠，下次唔洗排隊先再食過，價錢都有小小小小小貴😂Cheese BurgerUltimate SmashSweet Potato FriesFish Sticks

這家新開的漢堡包店，近日米紙及其他網上都有不少介紹，今日特意走來。點了限量黃金鰈魚堡。包放在開邊紙袋及木托盤上。 包熱辣辣，炸魚更不用說，食時小心熨口。 包的質感很好，菜非常新鮮，醬汁不會過多，魚肉質地很滑，可惜鮮味不足，令我失望。 如果下次再來，選牛肉漢堡好了。

深水埗大南街Cafe林立，估唔到附近都有Burger店進駐，咁岩想試嘅Cafe Full house，不如就試下Burger🍔啦！🌟芝士漢堡 Power Cheese BurgerPower Cheese Burger有1塊4oz 安格斯漢堡扒(CAB認證)、芝士、青瓜、洋蔥、羽衣甘藍🥬。麵包口感蓬鬆，烘後唔會太濕。漢堡扒煎至六至七成熟，內層仲有粉嫩顏色，外層煎至金黃色，充滿肉汁💦芝士已經熱溶變醬嘅口感，非常Creamy~🌟焦脆漢堡 Power SmashPower Smash 同Power Cheese Burger最大分別就係塊Patty，份量一樣，但就係用上2塊2oz嘅安格斯漢堡扒。即使漢堡扒變薄咗，生熟程度依然控制得好好👍🏻🌟薯條 French Fries 🍟食完咁高質嘅漢堡包，估唔到呢度嘅薯條同連鎖快餐店相若😢，早知就叫其他小食啦！

今日去深水埗買模型，順路經過呢間好多人推薦架漢堡包店，一於試吓係咪咁好食。由於疫情下，只能外賣自取返屋企同老婆小朋友分享，試吓係咪真係咁正。。。買咗兩個包、薯條、蕃薯條同雞粒。先溝漢堡包，個牛肉真係。。。正到無朋友，堅唔識點形容，試過就知。薯條就正正常常啦蕃薯條同雞粒。。。無機會試，小朋友一食，就成份攞走晒，以一個從來對食飯都好麻煩架小朋友嚟講，會自己攞晒嚟食，下次我會自私試囉。整體上真心唔錯，但建議堂食，始終熱辣辣食漢堡包，係最正！

Power burger 深水埗 @powerburgerhk 呢間位於深水埗黃竹街新開咗唔係好耐既Power burger，佢地目前既menu比較簡單，有7款burger 同6款小食。burger係單點價錢，亦都可以加錢轉套餐會有埋小食同飲品。。🌟至尊焦脆漢堡 $138至尊漢堡材料好豐富，有4 x 2oz 安格斯漢堡扒（CAB認證)、3 x 芝士、小黃瓜、洋葱、本地有機菜、自家秘製醬汁。漢堡係即叫即整，可以見到佢地即時烘麵包同煎漢堡扒。2oz 安格斯漢堡扒係將原本4oz既漢堡扒分兩份，再壓扁煎至焦香，漢堡扒會更香脆同充滿肉汁。每層中間仲夾住咗芝士，賣相同味道都好好。食咗幾啖可以會有啲膩，好彩仲有啲小黃瓜、洋葱同生菜。佢地好有心，選用咗本地有機菜。個burger 真係好大份，一啖係咬唔晒成個包，我食咗半個已經飽，細食既可以揀輕量版。。🌟甜香蕃薯條 $38啱啱炸起個時係熱辣辣，好香脆。比起普通薯條，蕃薯條會帶啲甜味，唔起點茄汁都好食。。🌟Bio Sicilia Organic Drink- Blood Orange呢款係意利進口既有機飲品，酸酸甜甜，最啱食完burger之後refresh

One of the best burger joints in Kowloon side, and I guess Is the only one doing smash burger in ssp? Ordered their signature max smash burger, fish fingers and fries.. the smash burger was superb, absolutely scrumptious! I personally prefer smash burger than thick beef patty burger. stacking up 2-3 slices thin smash beef patty (2oz each) with layers of cheese to build a smash burger, I love the crispiness of each patty, yet still very juicy! If u like thick burger patty more, then u should go f

由於係新鮮即叫即整，等候時間較長，食物亦可以保持溫度同水準。焦脆漢堡 $88至尊焦脆漢堡 $138Burger款式唔多，重質不重量。有安格斯漢堡扒同smash漢堡包，比較少係出面見到有smash burger. 漢堡扒扁扁地，至尊有4層漢堡扒，雙層同4層就咁睇分別唔大，食落就一定係4層滿足啲，啖啖都係肉，芝士都好正，芝士熔漿同牛肉混埋一齊，包亦香脆軟熟，菜就比較特別，用左營養豐富嘅羽衣甘藍，減低少少食burger罪惡感番薯條 跟餐+$38薯條 跟餐+$28番薯條好好食，比較飽滿，都幾大條，甜甜地脆口，唔會炸到好油膩。

深水埗新開美式Burger店，由幾位年輕人好有Heart❤️經營嘅小店🍔芝士漢堡 💰8️⃣8️⃣漢堡即叫即整，店員即場搓成肉球，4oz安格斯漢堡扒煎到岩岩好，肉汁夠Juicy餐廳採用本地農場直送嘅有機菜，食落特別Fresh🥬🍔焦脆漢堡 💰8️⃣8️⃣有2 x 2oz安格斯漢堡扒（CAB認證）、芝士、小黃瓜、洋葱、本地有機菜配自家秘製醬汁焦脆版做法將兩份漢堡扒壓扁，兩邊煎至焦香另加 💰3️⃣8️⃣可配汽水加任何一款小食🔹金黃炸魚條手指魚條炸到外脆內嫩，口感有啲似魚腐🔹佐酒炸雞粒炸雞粒炸到金黃色，炸粉夠薄雞粉炸完仲好嫩，唔洗再落其他調味都好正🎈Power Burger🎈深水埗黃竹街2K號地舖

有咩正得過食burger 飲可樂！呢間burger 除左好食，個包仲好靚仔！Very 打卡able. Power Cheese 🍔都係4oz 嘅肉餅，傳統方法煎，大概7成熟，入面肉仲有少少粉紅同流哂肉汁！老細話佢每日番工就係整肉餅，保證所有肉餅都係新鮮嘅，所以先咁juicy！由於我走左洋蔥同埋酸瓜，比起朋友食果個power smash 就淡左啲，但都係好食嘅。Power Smash 🍔4oz 嘅牛肉分成2塊壓扁佢黎煎，比起一般厚身嘅肉餅，更加香口，更多焦香！老細強調生菜同羽衣甘藍係有機同超新鮮，所以先會咁爽脆！個包，酸瓜佢地都係試左幾百款先搵到佢地認為最正嘅supplier，所以佢地啲burger真係每一樣食材都有detail。Sweet Potato Fries你又估佢唔到，呢兜炸番薯咁鬼好食！番薯條啱啱炸起，個面好脆好香口，入面就香甜而且勁重番薯味，口感係… 入口即化！(真係無誇張架！！) 一個簡單嘅食物，食嘅就係食物嘅品質！呢舊係一個靚番薯😂 凍咗之後都仲係好好食！Fish Sticks又係即叫即炸，上枱嘅時候熱辣辣！咬落去嘅時候，我問自己，咩黎架😂😂 佢話自己係炸魚條，我覺得佢

最近喺IG見到一間burger小店嘅相覺得佢哋嘅三層肉嘅Burger好大好吸引，店舖嘅image都好鮮明好吸睛，就吸引咗我特登去試吓！呢間舖頭位於深水埗附近，附近都係啲傳統嘅布行或者茶餐廳，所以離遠望到已經見到呢間舖頭嘅存在，店舖主要售賣牛肉漢堡，另外都有其他期間限定嘅漢堡例如魚肉，而且小食方面都好多種類，仲可以用套餐價街頭小食同埋飲品我覺得性價比都唔錯。一入舖頭當然就問吓佢哋有乜嘢好推介啦，佢哋推介我試吓佢哋自己研發嘅Smash Burger焦脆漢堡，店舖人員好好客，介紹咗原來佢哋嘅smash burger原來係將兩舊牛肉球喺燒板上面壓至外面焦香入面多汁嘅口感，而且仲特登俾我睇佢哋嘅原材料，透過佢哋開放式嘅廚房，全程望住佢哋製作絕對係貨真價實！Smash Burger除咗有普通嘅兩層牛肉之外，仲可以選擇三層嘅升級版甚至四層嘅至尊版，大家可以因應自己嘅胃口去選擇唔同嘅漢堡呢一點都好貼心。我自己今次選擇左普通嘅兩層牛肉，估唔到上枱都超級大份！一入口估唔到麵包都好鬆軟，就算我食咗一段時間都唔會淋；牛肉嘅味道好重好濃郁，而且一啲都唔油膩；配合返佢爽脆嘅本地水耕蔬菜同埋帶有一點辛辣嘅紫洋蔥，感

世上最有力量就是夢想💪🏻這間位於深水埗新開的美式手工漢堡店🍔 ，由四位充滿夢想的男生開設，憑著一份熱誠、一份毅力、一份堅持，為自己的夢想打拼。由食物選材、採購、烹調，每一個細節都堅持要做到💯分，希望可以做出令客人吃完再回訪的優質手工漢堡🍔。肉汁豐富又富嚼勁的漢堡扒，背後其實一點都不簡單，牛肉一定要用肉汁豐富的鮮牛肉🥩，因為雪藏牛肉水分不足，而且要用牛肩肉及牛腩互相配合。 牛肩肉脂肪較少，肉質軟腍且含豐富纖維；而牛腩質感彈牙且不會太韌，還提供充足油脂，小店則不計成本，堅持採用牛肩及牛腩的黃金比例7比3，一口咬落去，非常juicy且牛肉味香濃，令人一試愛上。小編選了最有特色的 𝕋ℍ𝔼 𝕌𝕃𝕋𝕀𝕄𝔸𝕋𝔼 𝕊𝕄𝔸𝕊ℍ 至尊焦脆漢堡 $138，裡面足足有4️⃣塊壓平了的 2oz 安格斯漢堡扒🤩，每一塊都煎至焦香脆口不乾身，加埋新鮮有機蔬菜🥬、洋蔥🧅、芝士🧀，足足差不多有12cm 高，每一口吃盡殫精竭慮的美味，洋溢著滿口幸福感。還有令人驚喜的必吃推介小食 - 炸魚手指，由馬來西亞的魚漿打造成，香脆可口之餘，口感帶彈牙，質感有點像魚蛋，非一般的美味。配上新推出的血橙有機汽水，大大滿足。