Poke Go (漆咸道南)

營業中

休息中

睇完戲就狗衝poke go食健康飯啦💛要繼續為降內臟脂肪努力呀🤣之前都係自選Bowl，今日就試下Signature Bowl啦，平時少食八爪魚🐙就揀咗NALU——八爪魚，壽司飯，櫻桃番茄，和式青蔥，甜粟米，皇帝蟹棒，辛味蛋黃醬，芝麻，辣椒碎，壽司飯我就改半飯半沙律菜，又加咗雞蛋絲同鮮蟹肉，醬汁另上，飲熱麥茶～上到黎果然又係一座美味山😍樣樣嘢都新鮮又足量😃最頂個蟹肉沙律好好味😋主角八爪魚又Q又有咬口，有一兩舊硬少少不過唔影響整體食感，辛味蛋黃醬只係小小辣不過好惹味，之前我自選有揀過配三文魚都好match，壽司飯口感比較軟糯，相比較我更鍾意之前自選Bowl食過嘅珍珠糙米🫣今日本身都想壽司飯改半糙米半沙律菜，但可能我沒講清楚所以得半壽司飯半沙律菜，不過重點係有沙律菜🥗麥茶都一樣好好飲，店員仲會幫refill熱水🫰Signature Bowl - NALU 7.0/9下次我要食吞拿魚Bowl啦😚P.S. 檯面上啲迷你公仔都幾得意😆

行經尖沙咀，見到Poke Go 係漆咸道南個邊開左，唔洗考慮太多直入～尖沙咀店都好闊落，裝修都明亮夏威夷風。今次無試到佢地個signature ，簡左兩份自選。魚肉材料可以簡一份我簡左吞拿魚，飯底簡左珍珠米拼沙律菜，另外Topping要左雞蛋絲、溫室青瓜、蟹籽。貪心既我Seasoning 有得任選當然全部都要！！ Bowls店員放得好整齊好有心思，一層層疊上去，🤩🤩🤩蟹籽俾得好重手好大方～吞拿魚圍住成個飯外圍，好新鮮～魚香味十足🐟朋友果份簡咗三文魚，醬汁要左辛味蛋黃醬，三文魚油脂比較重撈埋辣醬好惹味。食夏威夷飯當然要將所有配料撈埋一齊～飯粒入面配埋有果仁木魚絲辣椒片好有口感

🐹《大大碗 抵食 Poke Bowl!!》喺門口見到個霓虹燈招牌，原來係一間食夏威夷魚生飯嘅咖啡室！佢門口都有一張室外嘅座位，裝修簡約別緻。.🐟●「Shouyu ahi」($108)● .吞拿魚配壽司白飯，配料有青蔥粒、洋蔥、芝麻、鰹魚絲、同海帶。汁就係鰹魚醬油。吞拿魚厚切㗎，而且份量非常足，起碼有10舊以上，好抵食！海帶浸泡之後，好似有海水鮮味咁樣，食起嚟同魚生特別配搭，欣賞!.🐙●「DIY bowl」($108)●.Poke bowl嘅base可以揀壽司飯／珍珠糙飯／沙律菜，一半飯一半沙律菜also ok!揀咗珍珠糙米飯&沙律菜🥗～章魚、珍珠糙米飯&沙律菜🥗、溫室青瓜、雞蛋絲、海帶、鰹魚醬油醬、紫菜、鰹魚絲同埋辣椒碎。鰹魚醬油醬超開胃😋 章魚配呢款醬好fresh！雞蛋絲又健康又好食，次次食poke都係必叫😍啲章魚好似識喺碗生出嚟咁🤣食極都食唔完，下次再食可能問吓有冇得份量少啲，女仔真係食唔晒咁大碗～糙米飯幾好味，咬落去嘅時候特別煙un，食起嚟亦都更加健康！一啖過所有配料，鰹魚醬油汁去提升所有食材嘅鮮味同埋甜味。————💭💭💭————好味(9/⑩)抵食 (8/⑩)————💭💭💭———

今日夜晚約咗朋友係尖沙咀做gym，晚餐想食得健康啲，最後揀左新開嘅Poke Go。健康飲食係香港真係越嚟越流行，即使係閒日，餐廳已經滿座。最後我同朋友等咗15分鐘先入座。餐廳有五款signature bowl，除此之外，客人可以自由選擇。另外飲品方面都係一啲健康選擇，包括果汁、奶昔等等。- ONO材料主要有三文魚、青瓜、雞蛋絲、皇帝蟹棒。三文魚好大粒，多種材料加埋一齊，口感豐富。果仁芝麻醬既健康又惹味，醬汁份量剛剛好，連蓮藕炸片都好好味😋- 808 同ONO相比，topping同base都好大分別。808有齊沙律菜同壽司飯。Topping種類亦好豐富，包括吞拿魚、三文魚籽、雜菌香菇等等。但最特別莫過於山葵乳酪醬，我朋友唔知山葵係wasabi，結果一食辣到佢冒冷汗🤣我同朋友分別叫咗冷壓蘋果汁同紅火龍果汁，飲品上面不約而同都有乾果，原來係餐廳自己製造👍🏻整體而言，雖然價錢有少少貴，但佢哋用嘅材料的確幾新鮮，而且都坐得幾舒服，以後逢星期三同朋友去做gym之前都食Poke Go!

去完科學館睇恐龍, 大熱天時又唔係好想食茶餐廳，咁啱見到對面有呢間poke go,主要係食夏威夷式魚生飯之前食過深水埗嗰間已經覺得好正,見佢尖沙咀又再開,緣分到就可以再,食真係好開心今次都係同上次一樣我食返ONO,朋友又去食返佢嗰個SHOYU AHIONO 係配合曬所有我鍾意食嘅嘢有三文魚、芝麻醬、 皇帝蟹棒、 青瓜， 最正係嗰啲皇帝蟹棒可以撈埋啲飯一齊食，咁成個飯雖然唔係好多汁，但係好夠味朋友又係食佢嗰個shoyu ahi, 朋友鍾意食吞拿魚同洋蔥呢個啱曬佢午餐好正仲有配嘢飲， 我就飲椰青水， 朋友飲冷壓榨橙汁枱面仲有啲公仔可以玩下上次同今次都係食呢個，水準一樣咁高下次經過再食過

💚𝐑𝐚𝐭𝐢𝐧𝐠: 𝟏𝟎/𝟏𝟎•NALU(octopus,cherry tomatoes,green onion,corn,carb sticks,spicy mayo)•ONO(salmon,cucumber,egg,carb sticks,nutty sesame sauce)唔係講笑！我一個禮拜食咗兩次😆超好食好🈵️足！！成個搭配令到整個口感好夾，食材可refreshing!!係健康並好食嘅味道👍🏻💛💛大推ono🤤

首次到訪這間人氣Poke，堂食座位算多，週末下午到都不用等位～🐟吞拿魚沙律菜 Tuna with Green Salad ($108)吞拿魚味道不腥，好味！配料選擇了蟹籽、海帶及豆腐；蟹籽份量十足！豆腐配以麻醬，味道清新，極度推介！海帶味道則一般～ 額外同時追加了牛油果 (+$12)，份量約1/4個，熟成度剛剛好🤤🐙八爪魚沙律菜 Octopus with Green Salad ($98)八爪魚口感爽脆並不煙韌🙌🏻 山葵乳酪醬比較稀，味道不算突出；另外追加新鮮蟹肉 (+$12)，味道極鮮甜，值得一試！🍟炸番薯條 Fried Sweet Potato Fries ($48)新鮮即炸，較落十分香脆！不似番薯條，更似厚身的普通薯條😂 但醬汁好好味，有酸酸甜甜的味道，很特別！🍗火山炸雞 Volcano Fried Chicken ($68)同樣是新鮮即炸，熱辣辣🔥 外層是微辣的調味醬，有韓國炸雞的感覺～✨整體感覺：價錢合理，食物新鮮美味，份量十足！絕對會再回訪～

今日去咗尖沙咀行街，無意中比我發現到呢間餐廳原來開咗分店去尖沙咀，平時喺深水埗都好鍾意食㗎，所以今日即刻入去幫襯下。Poke go 餐廳主打食材非常健康，而且全部食物都可以自由配搭，一定搵到自己心水食物。主菜有四款可以選擇，三文魚，吞拿魚，八爪魚，雜菌香菇。之前我喺深水埗食過八爪魚非常好食，今次就試吓佢嘅吞拿魚，吞拿魚份量非常多，而且每一件都好新鮮，入口味道鮮甜，加上吞拿魚口感清新，完全唔使加醬汁已經食到魚嘅鮮味。另外可以選擇壽司飯，珍珠糙飯，沙律菜。我選擇左壽司飯，因為平時鍾意食壽司，喜歡佢粒粒分明。另外配菜我選擇左紫洋蔥，和式青蔥，蟹籽。洋蔥同青蒽味道非常清新，入口爽甜，另外蟹籽份量都好多，每一口都食到鮮甜味道。我上次食枝仁豆好有口感都好好味。跟住嘅配菜我就選擇咗三文魚子，三文魚子味道鮮甜咬落去卜卜聲好有口感。醬汁都有五個選擇，最後調味有果仁，辣椒碎，岩鹽，木魚絲，脆蒜，紫菜絲。可能我比較貪心，全部調味料都要晒。呢間餐廳食材出名新鮮，而且份量重好多，平時已經好鍾意幫襯，估唔到去尖沙咀都可以再遇到佢開張。所以一定會支持下。

-🦄POKE GO @poke.go_hk -BYOPB Hkd158Rating🌕🌕🌕🌕🌘-還記得在這一天 天空中突然間下起滂沱大雨即使是撐著雨傘 身體都濕透了完全沒有用處此時此刻很狼狽 卻無阻我去吃波奇碗的決心-我也曾經沉迷過 這些夏威夷風味的波奇丼飯記住是夏威夷風 不是什麼日式魚生飯喇好嗎所以我走遍香港 誓要吃遍所有波奇丼飯的店-相隔一段日子後 我再次被這間新開的店吸引大家都是丼飯店 但其實配料選擇是決勝關鍵只能說這間餐廳 不論是配料跟醬料我都喜愛-🖤🤍🖤🤍🖤🤍🖤🤍🖤🤍🖤🤍🖤🔥有得自選就會破產系列🔥-⚡️Main Protein⚡️〰️雜菌香菇 Hkd78👍🏻〰️另加 三文魚 80克 Hkd48👍🏻-雜菌香菇超級正 它說是雜菌就真的是雜菌呀菇菇的種類繁多 而且其醬汁就是靈魂之存在每顆菇都很爽口 特別驚歎竟然會有草菇在內而且口感都很好 其實菇菇本來特別容易出水但這些菇卻沒有 水份是恰到好處且惹味鮮甜三文魚更是瘋了 我吃波奇碗從不選擇三文魚因為怕三文魚胖 但原來我是大錯特錯得離譜三文魚是超好吃 每顆都在閃閃發光就像寶石每一顆都很大顆 所以吃起來就感到幸福實在每一顆都很肥美 充滿著魚油且肉質鮮

平時出街食飯多都好少食到蔬菜同埋水果通常都係食好多煎炸嘢，今日喺尖沙咀做完嘢就上網搵吓有邊啲健康餐廳可以選擇今日就過咗嚟試吓，果然非常健康大部份都係用新鮮蔬菜去做，仲以為唔夠飽，食完都可以飽飽咁離開餐廳環境好舒服，適合打卡，由於我去嘅時候係午餐時間人流都非常多我等咗大約15分鐘就有位牛油果奶昔$38，奶味非常重唔會太甜，飲落重非常重嘅牛油果香味，夠Fresh 又清甜,夏天必備今日叫咗自選嘅bowl ,$108 ，碗嘢多到爆🤭我揀咗三文魚加沙律菜，三文魚粒粒都好大粒又夠新鮮肥美，味道夠晒清新，足料又抵食啲三文魚多到滿晒出嚟幾乎每一啖都可以食到豐富嘅醬汁同三文魚，豆腐好夠味，唔會覺得淡入邊啲配料非常多份量又夠充足啖啖肉嘅三文魚加埋個麻醬，真係非常吸引，撈埋其他嘢一齊食口感仲要勁爽😜toppings 有三款選擇我揀咗蟹子，麻將豆腐，和式青蔥，我加咗$16揀咗三文魚子，每一粒都非常爽，連埋沙律菜一齊食非常好味，豐富嘅蛋白質，真係健康之選揀沙律菜當然最重要係個醬汁我本身就好鍾意食芝麻醬所以今日我揀咗果仁芝麻醬食落甜甜的又有芝麻香味好香口注重健康嘅你就最適合不過，唔夠喉可以叫其他小食✌🏻揀飲擇食嘅

健健康康, 你到尖沙咀 找嘢食 想食得健健康康 我會推介呢間夏威夷 餐廳店內裝修 別具特色 輕鬆和諧 有好多年青人都嚟呢度食 午餐。呢度餐牌簡單 也有特別為素食者設計的Chana. 好貼心窩心的選擇我自己就比較肚餓叫咗一個Ono, 配上一杯蜂蜜綠茶。 OnO裏面有 蟹柳, 三文魚 青瓜 青檸 雞蛋絲 仲有我最鍾意的 蓮藕乾。蓮藕乾 脆卜卜 咬樂蓮藕味 豐富。 蟹柳 非常之 好味。 仲有 雞蛋 絲 咬落醒胃。底層有 索咗 各種精華的飯粒 配上酸酸地的 檸檬汁 入口好鬼 醒胃。

點解要歧視一個人嚟食！！！一個人諗唔到食咩，諗住呢間新野試下！拎住兩袋重物，入到去好開心有卡位。自己劃圈圈揀食咩既時候，揀揀下個店員講：因為一陣有兩個訂位，麻煩你一陣轉坐吧枱。其實如果一早話要坐吧枱，我會揀唔食， 點解要呃人入黎座呢。之後入左3個人，入黎一個人既又係坐吧枱，後來先上岸的二人就可以輕輕鬆坐卡位！ 我兩個袋問店員會唔會有位放，佢話枱下面有鈎🙄咁重，鈎完個袋都爛啦！

今日做完gym就熟門熟路？狗衝尖沙咀店啦💛做完重訓又行咗500卡我真係已經飢腸轆轆🤣到店已經兩點幾所以可以隨便坐😃今日就繼續走自選路線，揀咗三文魚/沙律/珍珠糙飯/溫室青瓜/紫洋蔥/蟹籽/溫泉蛋/鰹魚醬油/辣椒碎/脆蒜，飲蜂蜜綠茶🍵坐枱果然比較舒服😌飯都好快上，今次冇嗌紫菜碎個飯就更IGable🤣依然請店員汁另上（減肥人士嘅自覺），已經好小心撈勻都會有菜跌咗出黎因為真係太多料😂第一眼沒見到個溫泉蛋，原來完美隱藏係中心C位🙈冇嗌醬嗌咗醬油所以今日係走清爽路線，紫洋蔥辣椒碎同三文魚都好搭，食落有少少～辣味都幾唔錯，每一啖都食到夠新鮮嘅菜同三文魚粒，加埋軟硬適中嘅糙米飯，感覺真係健康到喊🥹蜂蜜綠茶都夠大杯，綠茶味中帶有少少蜂蜜嘅爽甜，唔錯飲😋三文魚/沙律/珍珠糙飯/溫室青瓜/紫洋蔥/蟹籽/溫泉蛋/鰹魚醬油/辣椒碎/脆蒜 7.5/9蜂蜜綠茶 7.0/9OVERALL 7.5/9可以讓我一週之內食兩次嘅地方真係屈指可數😋可能都係因為咁所以今次雖然只係第二次黎但老闆已經認得我😂買單時仲比多我一個印花tim🙈下次我要試下吞拿魚啦💛

地點有點偏遠 距離地鐵站行大概10分鐘下午時段很多人排隊 建議可以打電話book枱十分多選擇 食物新鮮Wasabi乳酪醬好好味好特別員工很友善不斷加水好滿足好大兜 三文魚好新鮮

同朋友食飯，佢食齋又想就番我地所以佢揀左呢間餐廳，因為呢度個飯全部既配料都可以自己揀。但應該因為呢間餐廳新開，去到門口有好多人排緊隊~ 我地Book左枱不過佢都係要等齊人先入得。但佢地好好呀，我地有3個人，人齊之後佢有張2人枱，佢俾我地入去坐住先，唔駛我地企喺出面熱，等隔離張2人枱食完就幫我地combine~佢有幾款飯係設定好，但係我地都各自揀自己既野，因為所有餸同醬汁都係揀自己鍾意既, 所以個飯好好食，不過因為佢碗飯好滿，一開始食係有少少困難，只可以食左面頭某部分或者食左其中一邊既野先有位撈哂啲野一齊食~ 我地另外叫左個炸蕃薯條同3杯野飲。個炸蕃薯條好好食，外面好脆，入面好腍，個Honey mustard source有啲稀身，應該係佢地自己較過~ 至於野飲我地叫左冷壓蘋果汁、紅火龍果汁同椰青水~ 店長好好，行過2次都溫馨提示我地上面既水果乾可以食~