Poke Go (漆咸道南)

營業中

休息中

每次經過呢度都見到勁多人喺度食緊，門面裝修感覺很舒適很chill! 今日終於有機會可以去試下啦，呢度嘅食客女性為主，主打健康，營養，美味，天然的食物。佢本身有設定好的套餐亦可以自由配搭我選擇了自由配搭，主菜我選擇了三文魚，跟住可以選擇配搭壽司飯，珍珠米飯或者沙律，我比較大食，擔心吃不飽於是選擇了珍珠米飯，跟住可以選擇三種配菜，我選擇了酸蘿蔔（好開胃），溫室青瓜（好爽口）和蟹籺（好大份），Top up 加左牛油果，配料方面可以自由選擇，不用額外加錢，我選擇了全部，因為喜歡夾雜住不同配料的口感，最後醬料方面，我選擇了辛辣蛋黃醬。整碗下來，食材勁新鮮，配菜十分入味，健康之餘美味十足，難怪柑多女性顧客。特別推薦一定要加牛油果，即叫即切，十分配其他食材，而且有抗癌抗衰老！小食方面，叫了炸雞，炸雞十分脆口，炸出來金黃色的加上配了十分惹味。

Poke bowl 一直係健康好味之選，有時喺街食飯，想健康啲又飽肚，就會去食Poke bowl 。ONO呢度可以自己去切鍾意嘅Poke bowl，又可以揀佢預訂好嘅選擇。今次揀咗佢嘅ONO，佢入面有三文魚, 溫室青瓜, 雞蛋絲,皇帝蟹棒，果仁芝麻醬等。三文魚份量都幾多，舊舊三文魚都大大粒，而佢用嘅壽司飯都好食，軟硬適中，加上芝麻醬好下飯呢。梅凍蕃茄呢個係個人推介嘅小食，成個蕃茄充滿酸梅嘅味道，酸酸甜甜，加上雪到冰冰凍凍，開胃可口。和風炸雞有啲朋友仔係食肉獸，佢呢度都有炸雞。再加上面滿滿嘅木魚絲，炸雞都做得唔錯啊，脆得黎裏面都保留嫩滑嘅肉質。

巨蟹太宅🤫識啲雙子座朋友🥸 🤟🏻🤟🏻成日同我四圍食好西😌呢間幾好食開post介紹下佢好多餸揀仲可以一半飯一半菜建議揀全菜🥙唔夠先再嗌小食🍤因為勁大碗🥗我成日冇食野食左一半菜，加餸，已經食唔落飯食落仲好驚喜🤩因為每一羹都唔知𢳂到咩野食😝粒青檸仔細細粒但好檸味🍋食完好飽但飽得舒服飲品我最鍾意佢冇另外加糖😙🍍🥑要book位記得ig book

放假晏左少少出去食野，係尖沙咀唔知食咩好，咁岩搵到呢間仲有lunch食 去到5點都仲有🤣 岩哂 記得之前係深水埗食過外賣都好食 NALU - 🌕🌕🌕🌕🌗 八爪魚+皇帝蟹柳+櫻桃蕃茄+ 粟米 + 辛味蛋黃醬揀呢款係因為個醬 少少辣 好惹味主食都唔差，八爪魚最怕好似擦膠咁，但呢到既係好爽口，而且份量超多，起碼有成2X粒，仲大大粒櫻桃蕃茄都有驚喜 好juice 有啲似食提子，甜甜地幾好味ONO - 🌕🌕🌕🌕🌘三文魚 + 皇帝蟹柳 + 雞蛋絲 + 青瓜+ 果仁芝麻醬個芝麻醬搭沙律菜好夾 食哂成碗都唔漏冷壓果汁 - 🌕🌕🌕🌗🌑set lunch跟野飲，果汁好fresh 都幾開胃最欣賞係用左雙層玻璃杯 食完飯杯果汁keep到凍👍P.S. Set可以轉沙律菜/糙米飯/壽司飯 (1 or 2), 不過餸同醬就fix左

尖沙咀一向都好多野食，但係最近食得太多燒肉、放題，就覺得要食返啲健康野🥗上網睇呢間Poke Go好似好出名，所以就同朋友試下❤️一入餐廳環境好舒服，有好多植物，坐位唔太多，但空間感都好足夠🌴🌱呢度有5款Signature Bowl唔洗自己揀，可以唔洗煩，另外仲可以自己自由配搭添，多心既我地就梗係自選啦第一碗揀咗三文魚配珍珠糙飯、配料揀咗麻醬豆腐、櫻桃番茄、蟹籽，最後調味加咗木魚絲、脆蒜、紫菜絲，醬汁揀蜜糖芥末醬第二碗揀三文魚配壽司飯及沙律菜、配料揀咗酸蘿蔔、紫洋蔥、芝麻海帶，最後調味加咗木魚絲、果仁、紫菜絲，醬汁揀果仁芝麻醬估唔到咁大碗，份量好豐富，三文魚又粒粒都大大粒，仲食得出所有配料都好新鮮每碗有塊蓮藕脆脆，勁脆卜卜，好好味，我同朋友都話如果有得追加就好最後仲有叫杯飲品-夏威夷賓治 Hawaiian Fruit punch🍍飲落去似係百香果味，酸酸甜甜，好清新，飲品上面仲有塊菠蘿果乾，職員好貼心叫我地方心食用添真係好滿足又健康既一餐，真係要介紹多啲FD試下

呢排實行緊低碳飲食同朋友做完瑜伽，嚟咗Poke go食個健康好味又飽肚嘅poke bowl!首先主要分咗一係揀已經幫你安排晒所有食材Signature Bowl 或者自選食材嘅Build Your Own Bowl我同朋友都根據自己喜好而選擇配料-我就揀咗三文魚＋沙律菜＋蟹籽+芝麻海帶+甜粟米＋牛油果©/＋蜜糖芥末醬＋ 木魚絲+紫菜絲+果仁份量比想像中大好多，不但每樣配料，連三文魚嘅量都唔少。每粒三文魚都沾上蜜糖芥末醬，估唔到都幾夾。每食一口都有唔同口感同香味，好推薦一定要加蟹籽，提升咗成碗Bowl嘅層次雖然我揀咗沙律菜，但食完都超級飽，相信男仔食都會夠飽。而我朋友揀嘅配料完全唔同，佢揀咗吞拿魚＋壽司飯＋枝仁豆+蟹籽+溫室青瓜＋鮮蟹肉＋鰹魚醬油＋ 紫菜絲朋友話吞拿魚同蟹肉食材新鮮，青瓜都好爽脆，醬汁亦都唔會過鹹，反而可以突出咗食材嘅鮮味。壽司飯朋友最後食唔晒，如果女仔我覺得可以揀半份壽司飯半份沙律菜咁會更加好。lunch 時段某一啲特定Bowl 有免費飲品，性價比好高！

📍記得以前返工 Lunch成日同朋友食Poke Bowl🙆🏻‍♀️自從轉咗工之後 就食少咗呢個健康夏威夷飯～行經尖東 見到Poke Go竟然開咗分店 即刻決定健康下!🌀 Build Your Own Bowl除咗餐廳已經配搭好-Signature Bowl 仲可以自選組合 根據自己喜好而選擇配料! 望住顏色鮮豔嘅toppings 心情都好d🙈我就揀咗八爪魚🐙+ 壽司飯/沙律菜各半+ 麻醬豆腐/雞蛋絲/溫室青瓜+ 牛油果🥑+蜜糖芥末醬+ 木魚絲/紫菜絲 用木碗盛載嘅夏威夷飯份量十足✔️ 女仔一定食唔曬🤣 建議半份轉為沙律菜～ 食材相當新鮮 青瓜相當爽脆 而麻醬豆腐滑溜惹味 不同口感嘅食材放埋一齊 令到食慾大增 多咗重層次 🙆🏻‍♀️蜜糖芥末醬食到後期會有少許甜膩 反而幾推薦朋友揀嘅生葵乳酪醬🙋🏻‍♀️ 有淡淡的Wasabi嗆勁 但酸酸甜甜好開胃! 無論食材定醬汁都係我喜愛的味道 係我心目中排名頗高食落好清新無負擔 而且好飽肚 性價比高 值得再訪❤️

今日去尖沙咀食健康夏威夷蓋飯，Poke Go。餐廳位於漆咸道南，都算近地鐵站，想食健康美味蓋飯，行幾步路實在不為過。-ONO花多眼亂，有選擇困難症，不如就擇佢既招牌蓋飯。材料非常豐富，包括有，三文魚，壽司飯，溫室青瓜，雞蛋絲，皇帝蟹棒，果仁芝麻醬，芝麻。滿滿的一碗蓋飯，所有材料完全覆蓋整碗飯，果仁芝麻醬味道夠特別，三文魚新鮮，青瓜青新，一口三文一口青瓜，平衡了過膩的口感。皇帝蟹棒切得細細粒，伴飯實在一流。-808另一款蓋飯材料有，呑拿魚，壽司飯，沙律菜，和式青蔥，枝仁豆，三文魚籽，雜菌香菇，山葵乳酪醬，芝麻，木魚絲。竟然會有三文魚籽咁高級食材，非常驚喜，三文魚籽鮮味濃郁，原來配上木魚絲一齊食，額外增添一份煙燻味，呑拿魚魚油豐富，加左青檸汁，十分清新，雜菌香菇煮得夠入味軟身，出色的配菜-評分 : 8/10

想食得健康,呢間真係不二之選,平靚正,選擇多,可選不同配料。因我唔太食生野,所以個BASE就叫左MUSHROOM,壽司飯同沙律,配料跟蟹子、蟹肉、麻醬豆腐,每樣既份量都好多,跟埋鰹魚豉油。醬汁令我食落唔會太清淡,但又好健康。壽司飯同沙律各佔一半,咁就唔會太飽。TOPPINGS我仲選了紫菜,木魚碎等惹味之選,唔洗100蚊就可以係度CHILL一CHILL,真係唔錯!環境好舒服,岩見朋友,亦岩一人獨自快樂。

Lunch time 想食清啲又唔想食咁肥膩嘅朋友，除左食三文治之外，Bowl亦都係一個唔錯嘅選擇。Menu有已配搭好嘅 signature bowl，亦都有自己配搭嘅build your own bowl。Build your own bowl可以喺topping 到全選三款，但想選三文魚籽，牛油果等等就要加錢，所以最後係選擇咗 Signature bowl。Signature bowl要留意嘅係，入面有全壽司飯，半飯半菜同埋全沙律菜底。SHOYU AHI $108 壽司飯，吞拿魚，紫洋蔥，芝麻海帶，木魚絲，芝麻，鰹魚醬油808 $118 壽司飯+沙律菜底，吞拿魚，三文魚籽，雜菌香菇，枝仁豆，芝麻，木魚絲，山葵乳酪醬兩款食完都好夠飽，推介菜飯底各一半，吞拿魚切得大大粒不孤寒，三文籽都份量夠，好好食，808有枝仁豆同沙律菜，咬落夠爽又有咬口，而且兩款Bowl都有足夠汁，食落更開胃。 推薦

今日cheat day 但諗唔到食咩 又唔想食澱粉 友人介紹一間沙律店 就去試下 黎到2大碗沙律 感覺自己好似大胃王 大碗到不敢想像 食極都仲有！真材實料 吞拿魚 同八爪魚d料仲多過飯同沙律菜 絕對對得起價錢！仲要好食！d飯仲要好食，有口感，炸雞熱辣辣！皮脆肉滑，拍得住韓國店炸雞！仲要店員好好，送上自製水果乾，有蘋果乾、火龍果乾、同菠蘿乾！服務 食物一流！終於明白點解沙律店點解會排隊！每個月2個cheat day唔洗再憂食咩呢間一定係減肥人士之選！希望可以繼續開分店！開到香港島就好了

成日聽朋友講尼間野好好食，又大兜又健康，岩哂啲女仔食🤣聽到我心郁郁 難得放假緊係出去試吓啦😬如果有困難選擇性既朋友可以揀Signature Bowl唔洗煩，我就緊係想揀返自己想食既野啦😆✨吞拿魚、糙米+沙律菜🥗、雞蛋絲+甜粟米、蟹棒沙律（另外要加$12）、配蜜糖芥末醬.一上到枱望都真係幾大兜，好彩我揀左珍珠糙米+沙律菜，如果淨飯應該會太多食唔哂😂因為吞拿魚都幾多而且幾大粒，同普通日本餐廳比較，尼間性價比都算高👍🏻而且魚生都幾新鮮。配埋粟米、蟹棒沙律同蜜糖芥末醬食 甜甜地非常開胃😋✨三文魚、糙米+沙律菜🥗、櫻桃蕃茄+麻醬豆腐+蟹籽、配蜜糖芥末醬、而配料除辣椒碎全部都有要。食落去比上一碗味道甜中帶鹹，因為落左岩鹽周脆蒜，我個人就覺得還好，但男朋友就好鐘意😂 不過三魚文值得一讚，比起吞拿魚更新鮮好食👍🏻整體Poke Bowl 真係好開胃又健康，想減肥唔想食飯既可以食沙侓菜配埋魚生一定夠飽唔洗捱餓😎

依家興起食poke bowl , 佢係夏威夷既魚生飯，貪佢多款式得來又健康。呢間係深水埗已經聞名既poke go 終於尖沙咀都開左分店，之後唔洗去咁遠喇。剛開業無耐，夜晚來都已經大排長龍，號召力驚人。大約等咗10分鐘終於入得，新店嘅裝修環境都近深水埗店大同小異，都係走夏威夷風格。佢嘅款式選擇非常多，真係花多眼亂。有得自己DIY做不同嘅配搭又或者揀佢已經set好嘅Menu就唔需要煩。我就鍾意自己揀要咗個八爪魚同糙米飯做base 另一款要左三文魚。一上枱，真係嘩一聲，佢堆到成座山咁高，份量絕不吝嗇，人均都係$100一碗左右，絕對物超所值。食晒成碗都冇罪惡感零負擔。下次再回來

Poke Bowl 並非一般的日本魚生飯，而是夏威夷蓋飯，是夏威夷人一種料理生魚的方法，將生魚切塊，然後用醬汁醃漬後蓋於米飯上。 今日行過尖東，見到開左間Poke Bowl嘅新店，試一試！有set亦有自選配料，2個人叫左兩碗自選嘅一碗係三文魚、蟹籽、溫室青瓜、雞蛋絲、蜜糖芥末醬、紫菜絲，配普通壽司飯 $108D料多到滿瀉，一唔小心跌左d蟹籽落枱🙈三文魚粒夠大夠厚又夠多，將配料撈勻食，夠晒滋味另一碗就係呑拿魚、青瓜、枝豆、麻醬豆腐、辛味蛋黃醬、紫菜絲，配珍珠糙飯 $108朋友的，就咁試左幾啖。辛味蛋黃醬！好夾同好惹味，下次再選，我一定會選佢！份量一樣大大碗，滿瀉咁濟。勁多枝豆，但朋友麻麻地太粉。豆腐嘅質感好特別，比平日嘅豆腐硬，帶麻香。埋單免加一，份量夠，值得一試

原來魚生飯都可以同健康融合在一起😛😛大大碗一定夠飽😚-Shoyu ahi 有吞拿魚 芝麻海帶 木魚絲 呢個就會似食緊壽司丼飯🤣吞拿魚一D都唔孤寒 切到大大粒😳食完好滿足同埋加左蟹肉🦀口感好豐富😋😋-Nalu 呢個有八爪魚番茄🍅蟹柳 仲有辣辣地既辛味🌶蛋黃醬 即刻味道提升食食緊沙律😆不過就會有少少辣啊🥵-仲有天然椰皇（呢度叫100%🥥🥥椰青水)唔洗係屋企自己開 即刻勁fresh~ cool❄️😌地點｜尖沙咀 Poke Go