PLAYT 咖啡廳

營業中

休息中

有幸報到名參加由旅發局贊助嘅本地一天遊，呢個團嘅賣點就係佢嘅午餐係呢間餐廳嘅自助午餐，平日呢間餐廳都經常滿座，見佢網上評分都好唔錯。嘩！食物種類非常之多，凍海鮮就有凍蝦、藍青口、凍蜆、蟹鉗及翡翠螺，還有巴馬火腿、煙三文魚、日式刺身、 壽司 及幾款 cold cut，至於 熱盤類就多不勝數，有潮州鹵水、點心、燒味、印度咖喱，日式天婦羅，烤羊架等等，甜品都有好多選擇，至於雪糕最特別就係佢有茅台味雪糕，試完一 個球覺得幾好味，可惜想再食已經冇哂！幾款凍海鮮最好味係翡翠螺同蟹鉗，encore 咗兩次，煙三文魚都唔錯，刺身都好新鮮，點心就蝦餃最好味，蝦大大隻又爽，天婦羅都有水準！因為喜歡食海鮮，所以其他嘢都冇乜點食，唔能夠評論，不過整體都非常滿意！

是晚同老公慶祝生日🎂🎊🎉。呢間餐廳係睇到YouTuber介紹，見夜晚有生蠔、麵包蟹和龍蝦，似乎幾唔錯，於是就預早訂咗位。6：20去到餐廳，服務員安排我哋坐喺中間位置。雖然我訂座時request 咗窗口位，但係都安排唔到。服務員話係跟訂位先後次序安排的😅都冇所謂啦，反正冇乜靚景可睇😅好啦，自助餐又係準時6：30開始。眼見食客已磨拳擦掌，擺好作戰嘅姿態，令到我心情都有啲緊張😅出去巡視吓，食物款式都係大路嗰啲。有中式、日式、西式、印度同台式食物以供選擇。嗰晚只有法國同愛爾蘭生蠔，每人每次只能取兩隻，size偏細。等候條人龍好長，直到9點先冇咁長。驚住自己眼闊肚窄，只係想食嗰啲先攞。值得一提是，呢度有好正嘅燉湯，出面飲起碼要4--50蚊😅服務員收碟速度算快而且有禮。大滿足的一餐

話說去年聖誕節期間，行街入迪卡龍時，望到呢間自助餐既甜品corner ，個陣覺得好靚呀，好想食，結果聖誕節個日真係去左， 覺得勁開心🥰因為節日 甜品corner 佈置得好靚。但食物質素 當然好好（除左刺身）， 所以我地又黎食lunch

✨《Playt》Dinner Buffet好耐無去食Buffet了，呢排見多人評論呢間酒店的自助餐，就心郁郁約埋朋友去試，今期的主題係「台風來襲」入到去見未開始可以食就即刻手機食先📱🍽自助晚餐時間18:30-21:30星期一至四 大人$738/小童$468星期五六日 公眾假期 大人$788/小童$518 （另收加一）🌟P.s HSBC card有折，Accor Plus會員卡有買一送一優惠🌟入到去見到都多嘢ge，分開唔同區（即開生蠔/海鮮區/日式區/沙律、芝士區，港式&台式熟食區，甜品&飲品區）款式眾多，真係無辦法全部試哂，個人覺得海鮮係幾好ge，生蠔有2款（我唔食蠔，朋友話幾好，仲攞左幾轉），開邊龍蝦好多膏，肉就偏實，蝦&螺幾爽口，麵包蟹就一般般，個人偏愛長腳蟹。熟食令我有驚喜的竟然係巴東牛肉，個汁好食，牛肉唔鞋，再配埋個手抓餅吃~好野味~另外19:00開始特設鴨肝，一開始攞就好香油香味，都唔錯，好多人排隊攞，每次每人限2件，如果係鵝肝會更好😆 唸住encore再攞就越來越差，直頭干爭爭真係變左鴨「乾」🙈放棄了~甜品區相對嚟講唔算話好多款式，特色位喺d雪糕有茅台味，檸檬茶味，味道幾得

今天去咗銅鑼灣 Playt 食Brunch ，都食過兩三次都幾好味，今次食就有少許不同，中式無問題，菜干湯 不太好味，周打魚 完全好稀 不是忌廉湯 只係好似有海鮮味嘅湯，胡椒餅好硬 ，羊扒第一輪好好味，第二輪添加 又燶 及少許硬 ，牛扒都係一樣，龍蝦不過不失，魚生 帶子幾好味，三文魚一般，漢堡包 只係牛肉好味，黑魚子 都唔錯，茅台雪糕同榴槤雪糕好好食，甜品不甜冇乜嘢好講食嘢個人口味不同 最好自己試吓

黎到第二日 package 包埋 4人breakfast有三個時段擇 每個時段只能食1小時客務員建議我地選第二輪時間(8:30am開始）最尾輪(9：30am）開始 但尤最多人嘅時間早餐種類唔係好多但質素都唔錯咁嘅價錢 CP值都唔差係一間平價酒店食物都中中-中上 level手沖咖啡 需叫服務員下單咖啡都幾香滑特別：粥🥣係綿滑 一定煮左好耐燒賣 唔係一般街市買到嘅急凍燒賣環境有種大自然feeling望出去環境 對向維多利亞港公園 幽綠環境包圍住真係舒服

聽聞這間柏寧酒店 buffet很多人也點了讚,但一試之下只有四隻字給予(名過於實)首先是十二點至兩點半lunch buffet一去到攞位已經非常之混亂,对了兩次也講錯電話number和客名，跟住入去開始正式buffet ，選擇不是想像那麼多！但……如果要收成差不多四百蚊一位我覺得這價錢也算貴的 ，另外最失敗之處就是餐飲不是一般buffet都有嘅任斟任飲，他只是只可以選擇咖啡奶茶一杯過，還要是圖片上的迷你size這個已經是大打折扣了，我諗這間唔會再去幫襯的，如果用這個價錢很多處也有，莫講話 午餐Buffet 啦，分分鐘夜晚都有機會食到啦

➖ 凍海鮮｜龍蝦·青口·翡翠螺·麵包蟹食波龍一向鍾意橙膏多啲好彩比我夾到唯一既橙膏(啲橙膏好搶手，出左幾次都係得返綠膏)，龍蝦膏香濃肉質彈牙不過朋友覺得呢啲係靭。青口比較細隻無咩肉。翡翠螺爽口無沙。麵包蟹鉗都仲食到小小鮮甜，但好難拆殼因為佢比左把大閘蟹既蟹剪我。呢到既凍海鮮整體都幾好，唔會凍到冰咁放出黎同埋個調味幾好幾入味，好多buffet既凍海鮮唔係淡而無味就係勁鹹➖ 生蠔·泰式生蝦呢到做即開蠔共兩款Fine De Bretagne同Irish Rock，兩款蠔都好細隻帶海水味，兩者食落分別不大係有一款口感較爽。生蝦無出面食泰國野果啲咁好食但都爽口彈牙，我覺得個差距在於個泰醬➖ 刺身｜三文魚·油甘魚·帶子刺身淨係試左呢三款其餘既仲有八爪魚、鯛魚同埋希靈魚。三文魚正常發揮都好難唔好食。油甘魚同平時出面食既，呢個好瘦肉質感覺好實好唔肥美，應該係部位既問題。帶子鮮甜都算大粒。刺身有個投訴位，拎第二轉既油甘魚未解凍中間個位仲係冰硬，切果個一定知但咁都照出比個客➖ 燒牛肋骨·燒羊仔髀·香煎鴨肝多士· 釀蟹蓋牛肋骨紅色果啲位好嫩幾好食，但全熟果啲邊位就有啲嚡。羊仔髀小小淋有啲咬口同埋唔太羶唔錯的

lunch buffet 一個人唔係平架，成400幾，但都長期fullbooking full house ,因為多野食同都有水準佢有自家製架ice cream ,會有幾special 同creative 架味，當日見有中國酒味雪糕，但我唔好酒就無試，食左chocolate coconut 都好濃好滑.甜品蛋糕就唔算特別，入口正常無驚喜熟食當日有鹹蛋黃主題，雞翼，mini 鹹蛋黃egg tart 都好食其他buffet 必有架刺身壽司，印度野，即整粉都有salad 款多味道水準以上，對好多人來說不是回本位，但一份salad 好多餐廳賣緊過百蚊了燒味都好食，叉燒咕嚕肉個汁好正

位於迪卡儂隔離嘅一間自助餐廳係柏寧酒店嘅自助餐去廁所嘅話要行出去商場嗰度啫佢哋嘅時卡味道食物都算正常啲嘢都夠熱奄列都正常味道最好食嘅竟然係麥樂雞正常食物都夠熱唔難食牛肉燒賣就唔係好啱我口味粉麵都正常唯一要咗河粉就可能擺耐咗有啲碎。食物選擇唔係好多不過都可以一戰

這個午餐多麻甩 坐滿三枱真驚人嗓大聲粗似慶祝 麒麟雙臂盧安臣小妹獨愛坐窗邊 景色怡人過良辰先吃點心六大籠 蝦餃造出最認真燒賣牛肉珍珠雞 吃個半飽酒未巡西湯甘筍溝忌廉 又香又滑安歌頻蟹箝差到冇人信 食完兩隻好傷身惟有海螺合我意 灼蝦水平嚇來賓牛舌厚切確不俗 我愛燒肉第二輪甜品蛋糕衰到極 無味芝士真要呻布丁死甜口感差 誰來救我小市民標榜雪糕自己造 椰子風味夠清新水果味道很參差 菠蘿最甜啱阿珍臨尾刺身有睇頭 魚腩豐腴嘴巴貧太多要求攞嚟𤷪 入錯荒廟拜錯神

My husband and I had a dinner buffet. You need to book a table to guarantee a seat but when we came there the restaurant is not full. The food is just okay nothing fancy about it and the choices are not many but not less at thesame time. They have chinese section, japanese hot food and tempura station, sushi and sashimi area, seafood station, carving station, noodle station and dessert station. Among the stations the one I like is the Japanese and carving station not because of the steak 🥩 but b

人均價格－$7xx評分－🌟🌟🌟諗住有生蠔，所以一早預訂，full pay，等去食呢一餐buffet,可以7：30入場，無分2場，呢個幾好，唔駛食到趕頭趕命。入到餐廳，覺得有啲迫，有啲位好近路口，好易撞到，好彩我地張枱唔近路口。沙律區我無試，家人拎左刺身（三文魚，希靈魚，帶子等），泰國生蝦俾我食，都幾鮮甜。跟住排生蠔，有愛爾蘭和法國生蠔，好細隻，職員沖水洗走晒生蠔嘅海水味，口感麻麻。熟食有中式：粉麵、點心、燉湯、燒味、乳鴿、蒜子浸菠菜、川香辣雞、沙律蝦球、炒飯韓式：炸雞、薄餅、炸芝士年糕，西式：意粉、pizza、蟹蓋、燴魚、芝士焗西蘭花日式：天婦羅仲有鴨肝多士，燒薄牛肉壽司等等。講到尾聲要講下甜品，好多款，好似好正😍😍先食左茅台味雪糕、檸檬茶味雪糕、海鹽芝士味雪糕、榴槤味雪糕，4款都好失望，係好有創意，但味道突出唔到再夾晒佢所有cake，仲失望。。。得3件比較好味，其他都偏淡，唔太出色。香蕉心太軟仲差，除左香蕉好唔夾，入產無流心，佢應該放左啲酒係入邊，令到個朱古力味道好複雜。整體甜品細件唔太甜，但唔突出軟雪糕已經無拎，因為怕失望家人有食生果，佢地話都唔差，大大塊呢一餐價錢都唔平，但質素就

ᴀꜰᴛᴇʀɴᴏᴏɴ ᴛᴇᴀ ʙᴜꜰꜰᴇᴛ3:15-5:15ᴘᴍ (ꜱᴀᴛ, ꜱᴜɴ ᴀɴᴅ ᴘʜ)$318/𝗽𝗲𝗿𝘀𝗼𝗻 + 𝟭𝟬% 𝘀𝗲𝗿𝘃𝗶𝗰𝗲 𝗰𝗵𝗮𝗿𝗴𝗲 (𝘉𝘶𝘺 1 𝘨𝘦𝘵 1 𝘧𝘳𝘦𝘦 𝘧𝘰𝘳 𝘈𝘤𝘤𝘰𝘳 𝘗𝘭𝘶𝘴 𝘮𝘦𝘮𝘣𝘦𝘳)𝙏𝙝𝙚 𝙗𝙪𝙛𝙛𝙚𝙩 𝙞𝙨 𝙥𝙧𝙚𝙨𝙚𝙣𝙩𝙚𝙙 𝙬𝙞𝙩𝙝 𝙖𝙣 𝙪𝙧𝙗𝙖𝙣 𝙨𝙩𝙧𝙚𝙚𝙩 𝙨𝙩𝙮𝙡𝙚 𝙖𝙣𝙙 𝙞𝙣𝙙𝙪𝙨𝙩𝙧𝙞𝙖𝙡 𝙘𝙝𝙞𝙘🗿. 𝙏𝙝𝙚𝙧𝙚 𝙞𝙨 𝙖 𝙬𝙞𝙙𝙚 𝙫𝙖𝙧𝙞𝙚𝙩𝙮 𝙤𝙛 𝙨𝙖𝙡𝙖𝙙, 𝙨𝙖𝙨𝙝𝙞𝙢𝙞, 𝙝𝙤𝙩 𝙙𝙞𝙨𝙝𝙚𝙨 𝙖𝙣𝙙 𝙙𝙚𝙨𝙨𝙚𝙧𝙩. 𝙊𝙫𝙚𝙧𝙖𝙡𝙡 𝙨𝙖𝙩𝙞𝙨𝙛𝙖𝙘𝙩𝙤𝙧𝙮 𝙛𝙤𝙤𝙙 𝙖𝙣𝙙 𝙞𝙢𝙥𝙚𝙘𝙘𝙖𝙗𝙡𝙚 𝙨𝙚𝙧𝙫𝙞𝙘𝙚. 𝙏𝙝𝙚 𝙨𝙩𝙖𝙛𝙛 𝙖𝙧𝙚 𝙝𝙚𝙡𝙥𝙛𝙪𝙡 𝙖𝙣𝙙 𝙛𝙧𝙞𝙚𝙣𝙙𝙡𝙮.𝗙𝗼𝗼𝗱 🌟𝟴/𝟭𝟬𝗔𝗺𝗯𝗶𝗲𝗻𝗰𝗲 🌟𝟳.𝟱/𝟭𝟬𝗦𝗲𝗿𝘃𝗶𝗰𝗲 🌟𝟴.𝟱/𝟭𝟬𝑺𝒐𝒎𝒆 𝑹𝒆𝒄𝒐𝒎𝒎𝒆𝒏𝒅𝒂𝒕𝒊𝒐𝒏𝒔✨𝗦𝗮𝘀𝗵𝗶𝗺𝗶🍣 - 𝗦𝗮𝗹𝗺𝗼𝗻 𝗮𝗻𝗱 𝗛𝗲𝗿𝗿𝗶𝗻𝗴 三文魚, 希靈魚 (𝗼𝘃𝗲𝗿𝗮𝗹𝗹 𝗳𝗿𝗲𝘀𝗵, 𝗿𝗶𝗰𝗵 𝗮𝗻𝗱 𝗹𝘂𝘀𝗰𝗶𝗼𝘂𝘀)𝗚𝗿𝗶𝗹𝗹𝗲𝗱 𝗦𝗮𝗹𝗺𝗼𝗻 𝗛𝗲𝗮

朋友有會籍，食自助午餐折后每位＄290。好多種類嘢食、中式點心熱食，沙律，印色，泰式，日式，西式，海鮮，很多種類，比較平民化。冇金鐘嗰兩間咁悶。我覺得最好食係海鮮，魚生，天婦羅，雪糕🍦，最特別係有茅台，榴槤及椰子味）。12點去到差唔多坐滿。呢個價錢真係幾抵食，值得再去多幾次.！