PLAYT 咖啡廳

營業中

休息中

📍PLAYT 咖啡廳銅鑼灣告士打道310號柏寧酒店1樓近日食過幾間酒店餐廳自助餐，一直都無試呢間，原來種類豐富，味道又好。非常值得推薦嘅一間餐廳，比起一些聲名高的酒店更好😋餐廳大，座位多又闊落，好有空間感。食物種類繁多，包括有海鮮如生蠔🦪、龍蝦🦞、長腳蟹🦀、青口等。熟食又有西式同中式如燒牛肉、炒飯、鴨掌、意粉🍝、Pizza🍕、焗雜菜、中式燉湯等。另外亦有日本菜色如壽司🍣、壽喜燒、冷麵、天婦羅🍤沙律bar款式亦多，同埋亦有火腿芝士🧀等。若果想食魚蛋碗粉麵亦有提供，中式點心嘅蝦餃、燒買、小籠包、叉燒包都不錯。甜品🍩🍮糕點🍪雪糕🧁🍨生果🍈🍉當然亦有啦。跟餐當然有冷熱咖啡茶☕️🥤。總知呢間餐廳自助餐係近日一間喜出望外嘅餐廳。😍

今個Christmas冇特別出去book到餐廳食聖誕大餐，同另一半決定搵個地方一齊stay下就算啦。睇左唔同嘅package之後，發現銅鑼灣柏寧酒店嘅staycation package - “Simply Escape” 都幾抵！即使係24－25號呢啲平安夜同聖誕正日，佢地個pakcage連埋二人早餐都係1599！其實都真係幾抵架今次就同大家分享下Park Lane Hotel嘅breakfast buffet有咩好食啦之前有試過佢地嘅lunch buffet，一比較之下，早餐就真係遜色不少啦。首先係選擇方面啦，比起lunch同dinner已經開少左兩至三個區域。而有開放嘅食物區域選擇都唔算太多麵包區域已經算係比較多選擇架啦，隔離就有兩款Jam同埋有一個Cheese platter比大家搭配麵包一齊食。而佢地隔離就仲有一啲冷盤，例如Salami同Ham比大家選擇，夾埋同麵包一齊食都ok ge，自制一個sandwich食。再行過少少就有比較輕盈嘅選擇比大家：牛奶﹑cereal﹑果汁等等。所以大家即使on diet都可以輕鬆揀到比較低卡路里嘅食物。中餐方面都有個area嘅，不過食物方面嘅

因為好耐無食自助餐，趁着聖誕氣氛幾好，加上係網上見價錢都算ok就買咗先。話曬都聖誕節日子，3000幾4個人，應該算係咁LU~餐廳d職員都幾nice架，拎野食嘅時候仲介紹邊d好食，如果有得睇埋佢地整pizza我會仲開心。其實我無影好多食物，自助餐拎完就食，掛住食同影自己多d😹

好多年前試過一次PLAYT 咖啡廳自助午餐，食物唔錯不過價錢都貴。尋晚係柏寧酒店住左一晚，今日一早就試試呢度既自助早餐。一晚Deluxe房間包兩位自助早餐，星期六入住價錢都要$1199加一。早餐時間為6點至10點半。呢度早餐係自助形式，一齊睇下有咩食啦！呢度個場都大，野食分開幾區，8點半前人流唔多。西式食物有炸薯餅，茄汁豆，扒番茄，粟米，豬柳漢堡扒，雞肉腸，煙肉，麥樂雞，熱香餅，係咪麥當勞個廚過咗黎？炸薯餅好好味，豬柳漢堡扒就麻麻地。奄列熱辣辣煮起好好食，我叫左雙份，不過太熟就唔好食。配料有芝士，煙肉，番茄，蔥花，洋蔥，蘑菇。亦可以叫炒雞蛋。烚雞蛋同煎雞蛋就唔洗等。粉麵檔有3款麵，得瑤柱上湯。配料有牛丸，韭菜水餃，豆卜，炸魚角，芽菜，金菇，冬菇，生菜。牛丸同韭菜水餃都麻麻，蔬菜就唔錯。凍盤有芝士拼盤配杏浦乾車厘茄合桃提子餅乾。芝士得硬芝士。合桃就唔錯。麵包糕點有多款，不過個樣唔似好食。沙律有車厘茄，青瓜片，粟米，沙律雜菜，選擇唔多。水果有西瓜，菠蘿，哈密瓜，蜜瓜，原隻水果如香蕉，橙，蘋果。凍肉有3款火腿。穀物早餐4款，一款雜莓脆片有名貴少少雜莓乾，配有果乾同杏仁片。果汁奶類有番茄汁，西

全部都幾好食，算係好多款式，最好食反而係蝦餃，燒牛肉正👍。壽司同火腿都好多款式，尤其欣賞壽司🍣一啲都唔馬虎，好有心機整。坐位都幾好嘅，坐喺窗邊度寬躺舒適。飲品只包一杯，咖啡奶茶檸茶檸水，咖啡☕️唔係幾好飲。😩平日自助午餐都好多人，服務員雖然忙碌，但仍然好有禮貌，收碟都好快。夾食物鉗分咗已消毒和已使用，有啲酒店都冇咁做。甜品真係幾好、好精緻，款式都多，味道唔錯，雪糕有榴槤味，茅台味雪糕試吓都覺得好得意😎

上網訂咗酒店然後book埋自助早餐食～呢個時間係朝頭早七點到10點款式種類來講算係正常～都自己整到個All day breakfast出黎👀佢個粟米超級甜！同埋薯餅都好好食！仲有個炒麵勁似出邊買到嗰啲都好好食！不過個煙肉就硬得滯😂另外佢個炸饅頭加煉奶都好好食～佢另外會有師傅可以整奄列同埋有個負責煮麵奄列整得啱啱好唔算好多調味不過個面個湯底就完全超級似清湯有啲失望🥲最後佢個早餐係包一杯餐飲，另外仲可以出去斟果汁依個係比較少見～通常都係要加錢不過我想講我哋坐左差唔多最入嘅窗口位然後食食吓見到有隻蚊飛咗落我杯橙汁度游水以為係咁啱然後叫咗個侍應幫我抌咗佢之後都發現有蚊喺附近飛來飛去…衛生環境有啲差😅😅😅

襯住屋企人食自助餐有會員優惠，所以就食左好耐都無食過既自助餐喇食自助餐魚生係必食既😋 好新鮮好鮮甜壽司花多眼亂 每樣食一件都好飽喇😵我本身唔食生蠔既 因為怕腥 但今次都係試吓 但今次食落居然覺得唔腥 仲反而食左好多隻添🤣必食鵝肝 見到好多人都排左好耐隊先拎到 大大塊 入口即溶

酒店位於銅鑼灣嘅中心位置！地點好方便好容易就搵到啦！Book咗6:30晚餐自助餐佢有即開生蠔，排隊又唔算耐，生蠔都好新鮮肥美！海鮮有龍蝦，翡翠螺，凍蝦之類，其實海鮮一般來講都算唔錯。熟食嘅嘢，都有好多選擇，例如啦有燒鵝叉燒油雞，咖喱，意粉及特色嘅小食！三文魚刺身同埋油甘魚真係要試吓，因為是鮮味！佢哋嘅壽司都唔錯，尤其是花之戀壽司🍣鵝肝配多士，呢個有驚喜因為鵝肝配多士，一般來講好肥膩，但係佢間餐廳整得好好👍🏻完全唔會有呢啲感覺仲可以食多幾件！其實真係返咗本😆甜品其實有好多選擇！但係我最鍾意都係佢嘅榴槤雪糕同埋心太軟😋😋今晚真係好開心食得好飽好滿足🥳

同朋友星期六去食lunch buffet，要求坐窗邊位，面向維多莉亞公園好舒服。食物種類好多，包括開邊龍蝦、田螺、龍蝦（龍蝦仲有好多膏）、大十隻蟹鉗、魚生（包括三文魚、帶子（都几大隻）、希靈魚、印度薄餅、當然唔少得各種甜品, 綠茶蛋糕 ， 芝士流心蛋撻，仲有自家製榴槤雪糕、五浪液雪糕。整體食物好多種類，味道不錯，環境乾淨。

想食龍蝦、麵包蟹、任飲有汽酒？呢到幫到你、幫到你☺️呢間評語都吾差，食物款式多，早午餐時間由1145-1430，正價$588+10 %。如有會員咭買一送一，平均$355。凍盤：龍蝦、螺、蜆、麵包蟹、青口、蝦、雜肉拼盆、壽司、六款刺身、沙律、煙三文魚、風乾火腿、溫泉蛋、冷麵、生菜包。兩款湯：中式湯、忌廉湯。熱盤：咖喱檔、湯麵、炸天婦羅、燒牛肉、羊架、幾款蒸點心、滷水食物、燒味、蔬菜、青口、魚、漢堡包、通粉、Pizza。甜品：甜品約二十多款左右、生果、芝士、葡撻、乳酪、自家製六款雪糕、*榴連雪糕最正。*好少麵包布甸會熱到燙嘴，讚。*食物種類多、質素合格、坐滿8-9成客。*任飲烏龍茶、檸檬梳打、橙汁、Sparkling Wine、Bellini。

餐廳空間唔大，枱與枱之間都幾逼，唔似得其他酒店咁闊落。地下黏黏地，冇理由咁快有人倒瀉野掛😑🦞海鮮得龍蝦鉗,蜆,青口,蝦,螺，龍蝦鉗冇味，其他唔食所以評論唔到。不過每次行出去都唔見有人拎，咁你地都估到如何啦🙈🍣刺身幾ok，有三文魚,鯛魚,醋鯖魚,希靈魚,八爪魚，淨係食左頭3款，唔腥之餘仲有啲鮮味，絕對贏哂其他酒店自助餐😛🥗沙律選擇多，岩哂鍾意食沙律頭盤嘅人，多之餘仲要調味岩岩好，唔會太濃或太淡🥰 對比上次食YAMM得兩三款沙律真係勁失望🥺 🥘熱食選擇少，主要分為中西印。中式小菜有酒樓風味; 印度咖哩香，個蕃茄牛油雞encore左兩次; 西式一般，特別在有pork ribs，不過偏乾😔🍰甜品質素差，選擇少之餘仲要唔吸引+唔好食😵‍💫 雪糕冇寫明係m字頭雪糕#️⃣📈🤏😂仲要筆勁細球比人，我冇見過一間係咁姑寒😂又冇即製熱甜品，姐係窩夫/薄pancake之類。🍉生果竟然有火龍果，仲有西瓜菠蘿蜜瓜，全部都大大件，太飽食唔落就冇試🙈總結: kkday加埋一3百幾一個人，冇任添飲料只得餐茶+冇蟹腳生蠔唔算好值。如果冇乜quota唔建議試。

今次主要講既係銅鑼灣buffet- PLAYT佢位於銅鑼灣正中地帶，地理位置方便，價錢合適，同佢係5星級酒店park lane Pullman 既附屬餐廳，品質有保證當中成個餐單最具代表性既一定係五糧液雪葩首先依支酒一d 都唔平，佢竟然直接做甜品，佢無點溝稀，味道仲好出，愛酒之人，一定唔可以放過佢，佢仲要任食中國白酒好處，第二朝一定唔會宿醉，所以食多幾杯都無問題配埋buffet 既刺身同生蠔任食，真係不醉無歸

久違  buffet  😋🫶🏻🫶🏻好耐冇食 buffet，加上最近啲 buffet 加曬價，揀左好耐先揀中呢間環境唔錯，好似去左外國 Marketplace！食物質素都唔錯，好多種類揀 🦐🥳唯獨是冇任飲野飲，buffet 黎講唔常見，淨係最後食飽包一杯茶/啡，不過飲左好多燉湯🤫

家姐生日邀請我同老公一齊去酒店食自助餐慶祝，好耐冇食過酒店自助餐啦，唔知而家啲自助餐會有乜嘢食呢………生蠔有愛爾蘭同法國，生蠔keep住好多人排，生蠔唔算大，食落鮮甜有海水味，不過之後出嗰啲好鹹冷盤海鮮有龍蝦、青口、麵包蟹、海螺、凍蝦牛肋骨唔會太熟，肉質夠嫩，好食👍🏻焗蟹蓋藥膳雞腳夠火候，好飲，我飲咗幾碗👍🏻雪糕味道夠特別，茅台雪糕試過未？😆食物種類都算多，只係冇蒸魚，而味道方面都好好，值得再嚟

PlayT好耐無食過buffet朋友就帶左我去食呢間一入去覺得野食種類都幾多下！有我最中意食嘅生蠔仲有刺生！啲海鮮望落幾生鮮 同埋refill都幾快下而甜品種類都好多下岩曬女仔朋友食而其他粉麵都算正正常常但價錢有啲貴貴地 下次有錢再食