Plato Cafe & Bistro (裕民坊YM²)

Plato Cafe & Bistro觀塘協和街33號裕民坊YM² 3樓309號舖喺裕民坊YM² 3樓呢個平台花園周圍有餐廳其實幾有feel因為餐廳望出去園林景色的確幾舒服西檸汁龍脷柳配菜沙律除咗飯 意粉薯菜 可以揀菜沙律 相對上健康啲輕盈飲食柑橘 檸檬汁有著酸甜味 龍脷柳煮到軟嫩冇其他肉類咁油膩 凍焙茶鮮奶 香濃焙茶澀澀地 而且都幾大杯 日式天婦羅魷魚鬍＋ BBQ醬雞翼呢兩款小食跟餐價會比較便宜 朱古力心太軟配雪糕經典甜點組合 溫暖朱古力心太軟蛋糕和清涼雪糕心太軟外層酥脆 內部濃郁朱古力熔岩 切開後 熔岩順著切口流出視覺效果一流 旁邊有啲果仁配上朱古力醬點綴

🌟Plato Cafe & Bistro🌟開到去觀塘喇，🆕新分店選址YM²，餐廳外望空中花園⛲️，感覺更寫意🌿！🌟精選二人套餐 $428晚市套餐包括前菜、餐湯、pasta、main、甜品同埋飲品，份量豐富！🥗煙三文魚凱撒沙律醬汁濃郁，菜葉新鮮！🍲是日餐湯是日餐湯為南瓜湯！🍝北海道帶子松露野菌扁意粉大大粒帶子好鮮甜！扁意粉充滿菇香！🥩澳洲肉眼牛扒肉質軟嫩，五成熟啱啱好，牛味濃郁，燒汁惹味，水準之作！🍰日式芝士餅口感綿密，芝士味香郁，唔錯！🍵抹茶鮮奶 +$16🍋凍檸茶 +$6套餐包熱咖啡，亦可補差額轉其他飲品！

我地好快就選擇左精選二人套餐，見到個餐包左好多野好似低食D咁。 之後就黎左個是日餐湯，係英式薯仔湯飲到薯仔蓉，個湯好開胃都幾好飲既。 酸忌廉凐肉薯條，薯條每條都好脆口，條條都金黃色新鮮炸起但又唔會好油淋淋咁。同外面M記比較後薯條質素有明顯分別，覺得比較香口。上面配有鹹香煙肉，鹹鹹香香配忌廉一齊食無咁油膩外仲好配合。 北海道帶子松露野菌意粉，三粒香煎帶子好香口軟滑。松露野菌意粉好Creamy意粉爽口分明唔會太油膩。 澳州肉眼牛肉質扒 (3成熟) ，牛扒黎到都幾大同幾厚。食落有肉味同容易切開。芝士蛋糕，唔會太甜但有濃濃芝士味，芝士蛋糕唔會硬應該都係新鮮製造。分別叫左蜂蜜柚子茶同英式奶茶，正正常常，食野有杯飲品飲下清清口腔。

觀塘裕民坊商場都有唔少餐廳，呢晚發掘咗位於三樓平台花園嘅餐廳。餐廳除咗有室內，亦有戶口座位，望住個花園食飯都幾chill。餐牌除咗有dinner set（價錢由$98- $238)，種類十分之多，包括沙律、意粉、意大利飯、漢堡包、甚至乎扒類亦有提供。套餐包埋餐湯（甘荀湯）同$32以下嘅飲品，點咗杯冰果茶，味道唔會好甜，清新解渴。鮮菠蘿牛肉漢堡配薯條及沙律（$158）- 牛肉非常juicy，配酸酸甜甜嘅菠蘿，仲有蕃茄同生菜，味道非常有層次，薯條亦炸得香脆好味。龍蝦全日早餐（$168）- 呢個係單點餐牌入邊揀嘅，除咗有龍蝦之外，仲有炒蛋、腸、薯餅、蕃茄、窩夫及沙律菜等。龍蝦整得好香，味道唔錯。炒蛋亦炒得十分之香滑，薯餅好脆好乾身，好豐富好味嘅全日早餐。香蕉朱古力牛角窩夫配雪糕（$78）- 呢個要推介比朱古力控，香蕉配上朱古力醬，再配埋朱古力雪糕，非常之咁濃郁好味，窩夫亦做得香脆。留意呢個份量都唔少，兩至三人share都冇問題。

係觀塘市中心居然會有少量座位係outdoor直望內園景都舒服～如果怕熱既可以坐indoor晚市有2人餐比單點/set dinner抵食南瓜餐湯x2個曰湯好smooth稠度岩岩好前菜（三揀一）揀左酸忌廉煙肉薯條薯條係幼身剛炸起好香脆而且夠乾身同酸忌廉好夾飯/意粉揀左龍蝦汁虎蝦意大利飯個飯超入味蝦味突出虎蝦有2隻肉質唔錯呢主菜3揀1揀左5成熟澳洲肉眼牛扒🥩牛扒比想像中厚身好多中間超粉嫩熟度岩岩好😍甜品X2揀左日式芝士餅擺碟有心思cheesecake香滑但唔膩

「Plato Cafe」喺觀塘開咗新分店呀👍🏻 今次去食晚飯❤️ 餐廳環境舒適，氣氛輕鬆，適合與朋友或家人共享美食，晚餐套餐真係物超所值，包括餐湯同飲品，真係一次過滿足晚餐嘅需要。松子仁欖油蒜片意大利粉，帶有松子香味同橄欖油嘅滑順口感，再加上蒜片嘅香氣，每一口都令人回味無窮。卡邦尼煙肉意大利粉，以煙肉同奶油製成濃郁嘅醬汁，鹹香又滑溜，絕對係味蕾享受！鮮茄煙肉水牛芝士蝦意大利雲吞，雲吞包裹著鮮美嘅蝦肉同水牛芝士，配上鮮茄煙肉醬汁，口感豐富多層次，絕對令人驚喜！🍽️🍝🍨香蕉朱古力牛角窩夫配雪糕，牛角窩夫外脆內軟，配上香蕉朱古力同雪糕，絕對係一個完美嘅結束。🍽️🍝🍨💯💫

由於同朋友返工嘅地點都係喺觀塘區為主，所以呢日收咗工之後我哋就約咗過嚟裕民坊YM²覓食，見到呢間餐廳好似新開咁，而且價錢又唔算好貴，環境望落幾舒服，所以就決定喺呢間餐廳解決我哋嘅晚餐。我同朋友分別每人叫咗一個晚市套餐，套餐包括餐湯、主菜和一杯飲品，餐湯就係西蘭花忌廉湯，當日天氣有啲寒冷，所以飲到呢碗湯嘅時候真係覺得好溫暖，而且除咗有濃郁嘅西蘭花味仲伴隨着淡淡的奶味👍🏻主菜方面，我哋就叫咗炸軟殼蟹忌廉意大利飯同炭燒BBQ豬肋骨伴薯條及沙律。首先講咗炸軟殼蟹忌廉意大利飯，軟殼蟹外皮酥脆，內裡的蟹肉嫩滑。忌廉意大利飯帶有濃郁的奶油味道。兩者的組合為這道菜帶來了豐富的口感和味道。至於炭燒BBQ豬肋骨伴薯條及沙律就更加出色，因為豬肋骨經過烤炭燒烤後，醬汁融合了炭燒的獨特風味，帶有深邃的燒烤香氣。炭燒燒烤醬的甜味和微辣的辣椒粉平衡得恰到好處，帶來一種濃郁而令人垂涎的滋味。豬肉本身的鮮嫩和多汁也能進一步提升整體的味覺體驗。

今次黎到觀塘同朋友食中午，經過見到呢間lunch set幾吸引，而且門面望落好chill，所以決定入去一試🥰🥰入面裝修幾靚，打卡唔錯👍🏻👍🏻👍🏻燈光柔和，有大自然風氣，十分休閑，同朋友黎好適合~🧡澳洲肉限牛扒配紅酒燒汁 $148牛扒好大塊😍我哋叫咗七成熟，配意粉🤤🤤牛扒煎得啱啱好，外層煎到好香，切開入面肉質好嫩口👍🏻意粉加咗蒜去炒，比預計中香口好食😋🧡香煎雞扒配明太子柚子乳酪 $98推薦！！雞扒好大塊之餘，雞皮煎得好香脆，雞肉又嫩又多汁，點配柚子乳酪食酸酸甜甜好有驚喜😋😋😋沙律菜都好新鮮~🧡日式芝士餅 加$28賣相好靚🥰芝士餅甜而不膩，份量啱啱好，做飯後甜品十分合適🧡檸檬茶🧡洋甘菊茶 加$26🧡是日餐湯幾好飲👍🏻👍🏻好creamy同時飲到薯仔沙粒，又唔會太重味道

Plato Cafe & Bistro位於觀塘裕民坊,環境舒適又優雅,特別係鋪頭外有個戶外花園,望出去嘅風景食得特別寫意!呢次我哋點咗佢哋嘅套餐,包時日餐湯或田園沙律、主菜同飲品。我揀咗「西西里牛脷意大利飯」,牛脷好嫩滑香濃,飯底好濃番茄同芝士嘅清香甜味,好有層次感! 而我同事點嘅「澳洲肉眼牛扒配紅酒燒汁」,肉質鮮嫩,5成熟度剛剛好! 餐湯係南瓜忌廉湯，一點都唔會膩。至於飲品方面,我哋各自點咗一杯凍檸檬茶同意大利即磨咖啡,既清涼又提神,真係幫助我哋消化! 最後甜品當然唔可以錯過佢哋出品嘅「麻糬千層酥盒子」簡直是絕配, 千層酥脆，加上麻糬同雪糕軟綿彈牙既口感，食唔停口!

今日放假唔想煮，無意中發現左裕民坊有間新開既西餐廳，環境幾乾淨，亦都幾闊落，估唔到呢到都有間咁高汁既餐廳，一入到去，員工好有禮貌地安排我地入座，打開餐牌，見到個set dinner已經心大心細，基本上每樣野都好想食，於是我地決定揀d烹調技考比較高既菜式，因為平時唔識煮啊嘛！西班牙海鮮飯份量十足，每一粒飯都好龍蝦汁味，加上個飯上面既海鮮全部都大大隻，食落去好有口感好新鮮，面頭加上左鮮魚圈，非常彈牙；亦都有大大隻既蜆肉同青口，重有我最愛既蝦同帶子，呢個飯真係非常豐富材料，睇得出廚師花左好多心思去整。澳洲肉眼牛扒我地叫左5成熟，就咁睇個外表黑黑地以為佢熟得濟，點知切開都真係keep到5成熟，自己好怕煎牛扒，永遠都控制唔到個火喉，但今次又真係整得幾出色，而且配菜有薯容，口感層次非常豐富。酸忌廉煙肉薯條小食我地叫左呢個薯條，佢可以放一個鐘都重係keep住脆架，而且酸忌廉煙肉非常爽，加埋個薯條簡直係最佳拍檔。

餐湯餐湯嘅味道幾好，飲得出係用新鮮嘅蔬菜打溶而成，再問一下侍應，原來係紅菜頭湯，啱晒我呢個比較着重健康嘅人。西班牙海鮮飯海鮮嘅種類有好多，有青口、魷魚、大蝦、帶子同埋大蜆。全部海鮮都好新鮮，入口唔似係雪藏嗰啲，特別個人喜歡隻帶子煎得好香。啲飯粒粒都俾啲龍蝦汁包住，幾好味。西班牙黑毛豬鞍豬鞍好厚身，煎得啱啱好，唔會好乾，入面都有好Juicy嘅肉汁，係唔錯嘅。有薯蓉同蕃茄仔蘆筍做配菜，份量都夠飽。晚市套餐仲可以有兩杯餐飲，我哋叫咗熱檸水同熱蜂蜜柚子茶，都抵食嘅。

放假仔梗係帶寶寶🐾嘆下世界先~今日去咗觀塘裕民坊空中花園新開嘅餐廳， 食飽飽可以散下步🐾放假瞓到自然醒再歎個抵食Brunch食Brunch 當然唔少得全日早餐all day breakfast Parma ham breakfast好豐富,巴馬火腿 / 炒蛋 / 薯餅 / 德國香腸 / 蕃茄 / 火龍果 / 牛角窩夫🧇日式天婦羅魷魚鬚❤️香噴噴的天婦羅加上誘人的咸鮮味，令人忍不住食完一條又一條,即使凍左之後, 都好食番茄湯酸酸甜甜的，也是夏天開胃的不錯選擇香煎挪威三文魚配水瓜柳忌廉汁🍝三文魚有陣香烤過嘅味道煎得啱啱好食到魚香肉嫩，水瓜柳忌廉汁比我想像中好味，味道香濃幼滑的Creamy

之前食過佐敦嘅總店❤️ 覺得好有特色又多甜品選擇😋 最近知道餐廳係觀塘裕民square 開咗分店🥰 即刻約埋🐧🐧 buddy 去幫襯😋 餐廳裝修依舊風格獨特，型格十足，簡約得黎又帶點文青嘅味道🥴 餐廳仲特設室外座🤩 打卡影相就啱曬🤭 黎食下午茶，梗係要㨂返佢地嘅精選特色甜品😚 首先當然唔少得餐廳推薦嘅竹炭麻糬千層酥盒子😍❤️ 千層酥新鮮焗起，食落勁鬆化勁香🤤 裡面嘅麻糬煙煙韌韌，Q 彈又有嚼感😚 配埋雪糕食真係絕配👍 唔食走寶😚 之後㨂咗個香蕉朱古力牛角窩夫😋 牛角窩夫熱辣辣好酥脆🤩 牛油味好香好吸引😚 加埋淋滿面嘅朱古力醬真係味道超夾😘 未夠喉決定同🐧🐧 buddy 叫多兩款甜品😈 加點咗自家製麻糬提拉米蘇，同埋日式芝士餅🫶 提拉米蘇好滑好醇，唔會太漏，裡面有煙韌軟糯嘅麻糬餡，口感都幾令人有驚喜😍 值得一試👍 日式芝士餅好軟滑細膩，芝士味濃厚不膩，唔會太甜👍 飲品我地㨂咗Oreo 奶昔同埋玫瑰鮮奶咖啡🫶 奶昔好滑溜順口，奶味好重好正❤️ 咖啡充滿迷人嘅玫瑰香😘 超級高質❤️

觀塘重建咗咁耐都好少喺呢度食晚飯，一路都唔知原來凱匯樓下嗰個裕民坊商場有西餐食，以為全部都係日本嘢同中菜同女朋友行過，咁啱想食西餐又見到呢間，於是乎就入咗去試吓今日早咗食，所以仲未坐滿，侍應好好態度帶我哋去窗口位，見到出邊靚景，餐廳入邊環境都舒服坐低見到有set dinner食，仲有二人餐，不過二人餐冇我哋想食嘅嘢，所以我哋兩個都決定食set dinnerOrder完，首先上個南瓜湯，本身唔係咁鍾意飲湯但都覺得好好飲。佢唔係嗰啲好濃味嘅湯，食到南瓜蓉，個人覺得幾好如果太濃味嘅話會影響到一陣食主菜嘅味道。飲品叫咗蜂蜜柚子茶同檸檬茶跟住到主菜我叫嘅係澳洲肉眼扒，好有肉味，我叫五成熟火候控制得幾好，加埋秘製黑椒汁我覺得好夾。另外仲叫咗西班牙海鮮飯，成個飯好有鮮味，證明佢啲用料全部好新鮮，絕對唔係是但搵啲平嘅海鮮掉落去煮，個飯嘅火候亦都控制得唔錯埋單四百幾蚊，個人嚟講覺得西餐差唔多，唔使次次嚟到呢個商場都係食日本嘢或者中餐，多個選擇都幾好。

餐廳位於裕民坊平台位置，平時真係好少上嚟，原來呢一個位都有幾間餐廳。同埋出邊仲有啲戶外座位，應該係可以帶埋寵物一齊。我覺得嘢食嘅定位似係街坊西餐，價錢中等。一二百就可以食到個set dinner。餐湯，質地偏水狀澳洲肉眼牛扒大大塊好飽，配菜簡單，主要係食塊排卡邦尼煙肉意大利粉佢嘅醬汁相對較流質，味道都會淡少少，唔鍾意食澀嘅朋友就可以選擇呢一間。Oreo奶昔 &香蕉朱古力奶昔呢度奶昔就冇出邊飲嘅咁雪糕狀，都係有少少沙冰嘅感覺，味道比較分離