Plato Cafe & Bistro (Mikiki)

呢間Cafe有幾間分店，今次喺新蒲崗MIKIKI商場一樓，裝修簡約得嚟幾有格調，坐得舒服唔會太逼，好適合同朋友傾偈或者情侶撐枱腳。服務都幾好，店員有禮貌，上菜速度掌握得啱啱好，可以將甜品同主菜分開上（落單時可以mark「叫起」），唔會擺到凍晒先食，抵讚！ 二人套餐👥1. 是日餐湯今日係南瓜湯飲落好creamy，微微甜加埋少少奶香，飲完成個胃暖笠笠~2. 蒜片白酒煮蜆蜆肉鮮甜大隻，蒜片爆得香脆，白酒汁好香，不過得幾隻真係唔夠喉啊⋯⋯ 3. 北海道帶子松露野菌意大利粉呢個真心正！帶子煎到外脆內嫩，松露醬超香但唔會膩，意粉煮得al dente，菇菌吸晒啲汁，食到lam lam脷～ 4. 炭燒紅西蘭肉眼牛扒（7成熟）牛扒生熟度剛剛好，切開粉紅色又多汁，炭燒味好香，配埋紅酒汁好夾，好大塊好滿足😌5. 牛角窩夫伴雪糕(+$18)窩夫熱辣辣外脆內軟，夾住凍冰冰嘅雲呢拿雪糕，一冷一熱口感好正！Oreo碎碎增加咗層次，甜度適中，大推！ 6. 是日精選甜品今日係芝士蛋糕，食完大餐之後用呢個完美作結~7. Oreo奶昔對我嚟講甜咗少少，不過口感豐富~評分4.5/5會唔會再嚟？：會！特別係紀念日想食餐

今日去咗新蒲崗Mikiki一間叫「Plato Cafe & Bistro」嘅餐廳食晚餐，我哋嗌咗精選二人套餐，只需$428就包晒餐湯、前菜、兩個主食同甜品，而且食物質素都幾高，絕對係性價比之選！餐廳採用簡約嘅裝修風格，座位闊落坐得舒服。🍊 是日餐湯今日嘅餐湯係南瓜湯，飲落去口感順滑，帶有少量嘅南瓜蓉；唔想飲湯嘅朋友可以另外選擇田園沙律🍊 白酒忌廉汁煮青口青口嘅份量唔少，每一粒嘅青口肉都飽滿鮮甜，配料有蘑菇片、蘆筍、青椒、黃椒、辣椒花、洋蔥同蒜片，唔同嘅材料同調味料令到青口下面嘅忌廉汁特別惹味，忌廉白汁有好重嘅奶油味，同青口係絕配🍊 龍蝦汁波士頓龍蝦意大利飯半隻波士頓龍蝦開邊煎香，加上一隻好大嘅龍蝦鉗，龍蝦膏非常重鮮味同鹹香，意大利燴飯吸收晒龍蝦汁同龍蝦膏嘅鮮味，燴飯中間有蕃茄仔、蘿蔔片、辣椒花等配料，為味道濃郁嘅燴飯解去油膩感🍊 炭燒紐西蘭肉眼牛扒非常驚喜嘅肉眼牛扒，尺寸好大，而且好厚身，用炭燒嘅方式去煮到牛扒充滿炭香味，入面充滿肉汁 ，口感鬆軟而牛味濃郁；配上蘑菇汁可以更加突顯肉味，配菜有焗西蘭花同焗原個薯仔 🍊 甜品是日精選甜品係芝士蛋糕，食落去芝士嘅味道超級濃郁，口感幼滑，旁邊配

交通：搭mtr去到啟德站，再經airside去到mikiki，同一層地產鋪斜對面就係，時間上就大約都係10分鐘路程左右。平日晚上8點左右都有大約一半入座率，可想而知食物及服務態度應該都ok。 入座後，店員會主動溫馨提示是日餐湯，提示可以用qr code落單及倒水，終於有種比人serve的感覺🙂‍↕️精選二人套餐，有前菜，Carbos，Main及甜品，簡單方便😋是日餐湯-蕃茄湯飲落不是茄膏的味道，可以飲到原生唔酸微甜的蕃茄味，開胃👍田園沙律新鮮的沙律菜，配有小蕃茄數粒風乾火腿伴哈蜜瓜沙律重點絕對是包住哈蜜瓜的火腿，火腿如相片所見，唔會有肥膏，朱古力醬、火腿及哈蜜瓜三者加埋的chemistry係幾正😆波士頓龍蝦龍蝦汁意大利飯堅有龍蝦，廚師處理得幾好，仲有埋個夾，食完蝦身食蝦爪都無問題。意大利飯不會過濕，有功架🫡西班牙黑毛豬胺有煎過豬胺都知道好難整熟得黎又唔燶，一口淡清香豬胺一口沙律醬薯蓉，portion也是剛好。開心果白朱古力心太軟配雪糕上次食好似無呢款，所以加少少錢試下而家大熱的開心果味產品。個心太軟即叫即焗，內裡濃濃的綠色開心果白朱古力一切就會流出來，配上已解凍的雪糕，暖暖的與冷冷的口感

呢日去開啟德行街 就行埋Mikiki 順便去揾下食今次嗌咗個二人餐 包咗是日餐湯 雜菜湯 前菜就揀咗西班牙風乾火腿伴哈密瓜沙律 哈密瓜加火腿幾時都係我既all-time favourite 甜甜鹹鹹加埋個加咗黑醋汁既沙律 就即刻打開咗個胃口Main Course 揀咗龍蝦汁波士頓龍蝦意大利飯 意大利飯加上龍蝦汁烹調後特別濃郁🤤而且飯粒軟硬度控制得十分好 唔會過硬 龍蝦肉係燒過但唔會乾 肉質都唔錯另外仲有炭燒紐西蘭肉眼牛扒(碟上）medium上枱就比佢賣相吸引住 切開見肉質依然非常tender 保留到肉汁 肉味濃郁 油脂都尚算豐富 整體滿意！  甜品方面其中一份升級咗自家製麻糬提拉米蘇 自家製麻糬十分有誠意 而且海绵蛋糕加入既咖啡同可可粉分量比例恰到好處 味道唔係一味死甜 值得升級 ⭐️ 另外冇升級既是日甜品係New York Cheese Cake 十分有驚喜 芝士味濃而不膩 食一件絕對唔夠喉去開呢邊行街或者幫啟德體育園睇show 都可以考慮行遠少少黎呢邊揾食 坐得舒服 整體來講係食得滿意既一餐

又喺新蒲崗揾野食~今次呢間西餐廳環境簡約舒適，採光幾好，帶啲美式休閒風，坐低好chill，岩晒同朋友食個悠閒晚餐✌️二人餐 $428起前菜是日餐湯：雜菜湯 
材料幾足，正常田園沙律 
沙律新鮮爽脆，蔬菜有羅馬生菜、車厘茄同青瓜，配上橄欖油同醋汁，幾開胃~風乾火腿伴哈密瓜沙律 
火腿鹹香薄切，配上甜甜嘅哈密瓜，冇得輸☺️仲要有好多沙律菜，完美！建議如果嗌哈密瓜沙律嘅話，前菜可以嗌湯，因為哈密瓜沙律嘅菜份量都唔少👍🏻👍🏻波士頓龍蝦汁意大利飯 
龍蝦好大隻又多肉，仲好貼心準備咗個夾俾我哋拆蟹鉗☺️ 意大利飯又香又好食！本身都冇諗住叫二人餐，但其實一入到餐廳已經聞到好香嘅龍蝦味，估到係佢，於是乎就叫咗二人餐😍 飯粒煮得軟硬適中，唔嚡唔硬👏飯粒吸滿濃郁嘅波士頓龍蝦汁，帶陣海鮮甜味同芝士香，食落超滿足！☺️炭燒澳洲肉眼牛扒七成熟 
牛扒煎得外焦內嫩，同埋好香！牛肉又好濃郁嘅牛味，配上簡單嘅燒汁更惹味。旁邊仲有成個薯仔同雜菜，薯仔只係靠沙律醬調味，清清地，整體好平衡👏是日精選甜品：芝士蛋糕（走忌廉） 
芝士蛋糕唔使加錢🙊 芝士味香濃，質地綿密，唔會好乾，有得揀要唔要忌廉，唔錯。朱古力心太軟配雪糕(多忌廉)

睇戲前再嚟這餐廳食晚飯，因佢座住超闊落舒適，方便談天聚會。叫了個「精選二人套餐」。法式蟹肉龍蝦湯湯底超香濃，飲落有啲creamy同海鮮味，但又唔會覺得膩，幾暖胃。煙三文魚凱撒沙律沙律新鮮，煙三文魚帶少少鹹香，配埋爽脆嘅沙律菜，幾開胃。波士頓龍蝦龍蝦汁意大利飯意大利飯煮得入味，用咗龍蝦汁煮到飯粒都有海鮮香，份量超足！西班牙黑毛豬鞍架黑毛豬炸到外脆內嫩，肉味香濃又好大份，食落有啲驚喜，唔會乾柴。甜品甜品選擇幾多，但因我吾食得凍野，唯有叫了cheese cake ，味道不錯。整體嚟講，食物同價錢都幾對辦，商場餐廳來說性價比高，服務態度也幾好，有機會會再去試其他款式！

自從airside開咗，就少咗過嚟mikiki呢邊食飯。今日過嚟行一田，順便食埋晚餐返去。呢間cafe之前喺佐敦都有食過，估唔到喺呢度開咗分店，晚餐二人套餐好抵食，$428有齊小食主菜甜品是日餐湯喺甘筍湯，老公聽到皺晒眉頭好彩有沙律俾佢揀🤣不知幾好飲，好清甜嘅甘筍味餐飲老公揀咗iced caramel latte，我就揀咗白牛。估唔到西餐都會有黑白黃牛飲，有得食雪糕又有得飲汽水，簡直係另類甜品😛前菜揀咗風乾火腿伴哈密瓜沙律，好細心咁已經roll好曬唔洗自己夾埋食，好大碟沙律啱曬我😍哈密瓜好甜，點埋黑醋汁好開胃北海道帶子松露忌廉意粉賣相唔錯，大大粒輕煎過既帶子加埋海量既蘑菇🍄‍🟫，意粉份量都好多，好有驚喜脆皮鹹豬手已經切好上碟🥰唔洗自己切咁麻煩，同埋份量真係好多！！脆皮係真係脆口果種，唔係硬脆，夾埋酸菜同黃芥辣食簡直一流😚甜品我地加錢叫咗一份tiramisu，入邊竟然加咗最鍾意嘅麻糬！！造型係一個玻璃甖，儀式感up⬆️面頭嘅脆米穀物好有口感，加埋麻糬，雖然食到好飽但都覺得好好味！跟餐甜品喺芝士蛋糕，但都present得好靚好有心思🥹前菜食到落甜品都好豐富，埋單$556，環境舒服，最重要係服

最近喺MIKIKI發現咗間西餐廳，見佢晚市有二人套餐幾抵食，就同屋企人去試吓。裝修簡約帶少少文青feel，坐得舒服。 我哋叫咗個精選二人套餐，包齊湯、前菜、主菜同甜品，份量夠晒兩個人食。首先上枱嘅係是日餐湯，當日係甘筍湯，一飲就知真材實料，湯身打得幼滑，甘筍嘅天然甜味好突出，幾有誠意。跟住個風乾火腿伴哈密蜜瓜沙律有驚喜！火腿鹹香適中，蜜瓜超甜又多汁，兩樣夾埋食好開胃，仲有啲火箭菜墊底，清新解膩。 主菜方面，北海道帶子松露野蔥意大利粉好足料，帶子煎到外脆內嫩，意粉掛滿松露醬汁，每啖都聞到濃郁松露香。好味到唔夠喉😆另一道露絲瑪莉香草燒羊架叫咗五成熟，上枱粉嫩冇血水，羊架醃得入味，羶味唔重，配埋醬汁同焗薯，水準唔錯👍🏻甜品一個轉左牛角窩夫伴雪糕同是日精選甜品（當日係芝士蛋糕）。牛角窩夫外脆內鬆化，夾住雲呢拿雪糕一冷一熱好過癮；芝士蛋糕質地夠實淨又creamy，餅底牛油香十足，相當出色。

每個努力生活嘅香港職業女性，都值得喺放工之後，俾自己一頓溫柔、有質感嘅晚餐。唔洗山長水遠，喺新蒲崗 Mikiki 商場入面，就有一間靚得嚟又親民嘅小西餐廳——Plato Café & Bistro，係我最近同同事姊妹相約小聚時，發現嘅小驚喜！---✨ 環境｜歐式宮廷感 × 都市綠意光影行過門口，Plato 已經好搶眼：木框拱形窗、優雅低調嘅金色招牌，加埋門外陳列住豐富餐牌，絕對唔係嗰啲得個樣冇內涵嘅café。入到去，裝潢更係重頭戲！高樓底水晶燈、大片鏡牆配搭落地玻璃窗，自然光+燈光倒影出一種巴黎宮廷X都市綠洲嘅和諧感。座位寬敞，枱距離夠闊，啱晒想輕鬆食飯+傾心事嘅職場姊妹。---🥂 精選二人晚餐 $428｜全晚驚喜連連我哋點咗佢哋人氣精選二人套餐，加咗幾款升級，共約$491，平均每人唔使$250，以質素計，絕對係性價比之王！🦞 湯｜升級法式龍蝦肉濃湯 (+$38/位)好濃郁、夠熱，入口帶龍蝦鮮甜香氣，完全冇腥味，滑得嚟又唔膩。唔係得個色，係真材實料。呢個升級我覺得好值得。🐚 前菜｜香蒜白酒煮蜆意外驚喜！唔係行貨餐湯配沙律嗰種前菜，而係認真煮過嘅煮蜆。蜆肉厚實無沙，湯底香而唔嗆，啲彩椒、

尋晚同老公去Mikiki買嘢，見到依間餐廳，好似幾多嘢食咁，仲有個二人餐，睇落價錢都還可以，就叫咗嚟試吓。原本冇諗過有啲咩期望，諗住好多餐都有二人餐，頭盤、小食及甜品等，要太大期望，見到主菜係紐西蘭牛扒，其實最初都覺得：依個價錢，唔通想食和牛咩？點知一試個湯的時候，就感覺到個蕃茄湯唔係Hea做，真心好飲。然後上前菜—paraham密瓜沙律,一啲都唔細份。而且啲melon好好味.😋第三樣上嘅係牛扒，冇諗過咁大塊…..但令我最驚喜嘅，係龍蝦汁龍蝦意大利飯，有誠意！面頭有紅花，龍蝦肉質爽口，龍蝦汁亦夠濃，正！原本以為已經好滿足，點知一上甜品嘅時候，我先發覺：一樣比一樣正！兩個甜品除咗外觀美麗之外，仲要好好食！跟餐加咗$28和$18 ，升級甜品，我覺得超抵及超值！因為性價比實在太高，所以必定會再食😆

BBQ汁雞翼經過精心醃製，外皮酥脆 食唔出油份BBQ醬的香甜和微微的煙熏味完美融合一碟整得好出色嘅雞翼晚市套餐 澳洲肉限牛扒+ 法式蟹肉龍蝦湯 $38+ 北海道帶子沙律+一開心果白朱古力心太軟配雪糕澳洲肉限牛扒煎至中等熟度，外焦內嫩，肉汁豐富搭配簡單的海鹽和黑胡椒 牛味極之濃郁肉眼油脂分布幾好 食落去唔會好柴又可以食到啖啖肉嘅質感開心果白朱古力心太軟配雪糕這道甜品令人驚喜 心太軟外脆內軟 冇諗過裏面係巨量開心果醬白朱古力香甜配上開心果的獨特風味 開心果醬一定要撈埋雪糕一齊食如果唔係會覺得好滯 呢款開心果心太軟值得推介

最近喺新蒲崗Mikiki附近行街，經過見到呢間Plato Cafe & Bistro，主打平民價錢嘅西餐，餐單睇落幾抵，於是叫咗個精選二人套餐（$428）試試。成餐食完覺得份量足夠，味道有驚喜，性價比真係唔錯。1️⃣ 是日餐湯 - 蕃茄濃湯🍅飲落幾順口，唔會太濃太膩，酸酸甜甜啱啱好，開胃一流！湯裏面仲有少少蕃茄碎，口感幾好，作為開場菜幾舒服。2️⃣ 前菜 - 白酒忌廉汁煮青口青口嘅份量比想像中多，隻隻都夠大隻，肉質鮮甜，冇腥味。個白酒忌廉汁味道濃郁但唔會過重，奶香味同酒香融合得幾好，如果有得配埋麵包就更好喇。3️⃣ 主菜1 - 波士頓龍蝦龍蝦汁意大利飯🦞呢個意大利飯係成餐入面最滿意嘅一個菜式！龍蝦汁真係好香濃，每粒飯都吸收晒啲汁嘅精華，味道好足。龍蝦嘅肉質新鮮，唔會太乾，份量都好多，兩個人都食唔曬。食到呢度，整體滿意度都好高。4️⃣ 主菜2 - 炭燒澳洲肉眼牛扒（5成熟）🥩牛扒嘅火候掌握得幾準，5成熟嘅肉心仲係粉紅色，肉質嫩滑多汁，表面有少少焦香味。配埋黑椒汁，味道幾正，牛味特別濃郁，整體都算係穩陣嘅出品。5️⃣ 甜品1 - 自家製開心果麻糬提拉米蘇呢個甜品幾特別！提拉米蘇嘅咖啡味唔算太重，層次偏清新啲，

喺新蒲崗想食西餐有咩選擇，Mikiki開咗間西餐plato cafe & bistro非常有性價比，值得大家去試吓。雖然我哋啱啱坐低咩都冇叫，以為上錯菜，點知原來係餐廳附送嘅薯條，薯條熱辣辣非常香脆。我哋今次就叫咗個二人套餐，包括餐湯，前菜，意粉，扒及甜品只需要$428非常有CP值。先嚟甘筍湯，將甘筍忌廉打爛，一個有誠意嘅餐湯。之後就係蒜片白酒煮蜆，蜆肉非常大隻配上白酒及蒜片忍唔住一口接一口。意粉就選擇左北海道帶子松露野菌意大利粉，味香濃配上新鮮帶子口感鮮嫩外表香脆。主菜方面就選擇在紐西蘭牛扒，油香十足份量非常足夠配上傳統焗薯，香港唔係好多地方可以食到，plato就滿足到你。最後就係甜品芝士蛋糕，雖然份量唔算好多，但非常滿足。

📍      Plato Bistro Cafe🌍      香港新蒲崗錦榮街29號地舖📝整體評分：７ ／１０Plato Bistro Cafe主打休閒西餐及咖啡店風格，以簡約木系設計為主，氛圍輕鬆，適合悠閒聚會✿  紐西蘭肉眼扒• 肉眼扒七成熟，外層微焦帶香，內裡呈淡粉紅色，牛味濃，肉汁較少但仍嫩滑，黑椒汁微辣香濃，不過無撒上海鹽突出牛肉香氣。薯仔軟綿綿，沙律醬多啲就更好。

✿  西班牙海鮮飯• 海鮮有帶子、蝦、青口同魷魚圈，帶子鮮甜，蝦仁爽彈，青口肥美，魷魚略有嚼勁，，加入番茄醬和藏紅花調味，帶微酸甜和香料味，米飯索飽湯汁。
✿  千島夏威夷薄餅• 薄餅皮屬薄脆型，烤至邊緣微焦，中心軟韌，餅底脆口，唔會太厚，菠蘿和火腿搭配經典，加埋無得輸嘅千島醬，酸甜開胃，菠蘿帶來清新果香，甜鹹平衡。

✿  BBQ醬雞翼• 雞翼外脆內嫩，肉汁鎖得好，BBQ醬甜中帶微辣，帶濃郁煙燻香。

小妹今日同豬去咗「Mikiki商場」行街，竟然見到Plato Cafe & Bistro 😍梗係去食啦～餐廳環境很大，坐得舒服😌裝修已簡約設計，最推薦係呢度既二人餐😙當中包前菜、飯/意粉、主菜，當然唔少等有甜品🍰啦～加配價仲可以有埋飲品🍹😆頭盤︰蒜片白酒煮蜆🍶🧄呢個頭盤蒜香味🧄超濃郁，每粒蜆都食到淡淡白酒味🔥好正是日餐湯：甘筍湯🥕呢個甘荀湯熱辣辣🥣 飲完好暖心🥰湯底濃郁，除咗甘荀外，仲有薯仔🥔粒，味道好夾😝龍蝦汁波士頓龍蝦意大利飯有2隻大大龍蝦🦞而且肥美多肉，仲有不少蝦膏🤩而意大利飯較為濕潤，但吸收哂🧽龍蝦汁味道👅超惹味，口感好豐富😚露絲瑪莉香草燒羊架🐏擺盤好靚，有三塊大大既羊架，而家且有大大嚿薯蓉🤭今次叫咗全熟羊架，肥瘦均勻，羊味幾突出，加埋燒汁一齊食，仲好味🤤而忌廉薯蓉Creamy，仲食到不少薯仔粒🥔🤗是日甜品：芝士蛋糕🧀 🍰呢個芝士蛋糕配上朱古力醬，食落唔會太甜，蛋糕鬆軟，口感輕盈😌開心果白朱古力心太軟🍫🍰哇😧估唔到做到流心效果🥹🥹🥹仲有不少開心果碎粒。心太軟既外層烘焙至綠色酥脆，而流心餡料質地柔滑，香甜濃郁，絕對為甜品增添層次感😆呢間餐廳🍴讓人有種舒閒感覺，岩哂情侶或聚會的好地