Plato Cafe & Bistro (Mikiki)

喺新蒲崗想食西餐有咩選擇，Mikiki開咗間西餐plato cafe & bistro非常有性價比，值得大家去試吓。雖然我哋啱啱坐低咩都冇叫，以為上錯菜，點知原來係餐廳附送嘅薯條，薯條熱辣辣非常香脆。我哋今次就叫咗個二人套餐，包括餐湯，前菜，意粉，扒及甜品只需要$428非常有CP值。先嚟甘筍湯，將甘筍忌廉打爛，一個有誠意嘅餐湯。之後就係蒜片白酒煮蜆，蜆肉非常大隻配上白酒及蒜片忍唔住一口接一口。意粉就選擇左北海道帶子松露野菌意大利粉，味香濃配上新鮮帶子口感鮮嫩外表香脆。主菜方面就選擇在紐西蘭牛扒，油香十足份量非常足夠配上傳統焗薯，香港唔係好多地方可以食到，plato就滿足到你。最後就係甜品芝士蛋糕，雖然份量唔算好多，但非常滿足。