PizzaExpress (赤柱大街) (已結業)

這幾天的心情總是提不起勁，皆因在工作上與同事有衝突，自問年資尚淺，處未夠成熟，在職場上看到不合理之情況，就火燒心似的挺身而出指證錯誤，但結果還被批評要扮作隻眼開，隻眼閉？原來這就是工作職場上的一道遊戲，自己也不應投入太多，結果只會成為輸家。我想過多幾年，我會是明白的，看化的！幸好，這天可以到赤柱散散心，游水游到筋疲力盡，就把鬱悶通通全消，繼而來個食餐勁的，實在大快人心！六點鐘來的時候，客人不多，我倆被女店員安排上一樓雅座的向海區，樓上的座位全以四人座為主，所以我倆便可坐四人枱，空間感大，自然格外舒適。是日天色漸漸昏暗，太陽下山的橙黃光線緩緩照射入室內，陣陣迎面吹來的自然風，室內每張枱都燃點了蠟燭，昏暗的環境，倍覺寫意和溫暖！這裡全不乏幼兒所需要用的寶寶高椅，左一堆右一堆的。全木架製成的高椅,，中間卻有兩個由黃、紅組成的波波球，簡約中帶點不平凡。若果硬要幼兒坐在冷冰冰的座椅上，他們都未必受落，必定來個嘩嘩大喊；但有了兩個色彩鮮艷的波波球，小朋友實會一看就愛上，自然便會乖乖地坐下高椅上玩個不停，家長便更加安心用餐吧！另外，這裡更提供自家填色紙和蠟筆可以讓小孩畫個不停真，是對一家大細照顧有加

個日去Stanley 做site visit, lunch 就同阿sir 及10多位students 係PizzaExpress 食la !呢個海鮮意粉有蝦肉, 蜆肉, 青口, 魷魚, 配白酒蕃茄醬汁 ~賣相係超掂, 個塊葉令到個意粉睇起黎更高級,個意粉已經係有少少紅色, 即係d 蕃茄醬汁已經滲入左係個意粉入面;食落去, 個意粉夠晒熱, 蕃茄味好濃, 係晒d 意粉度, 好醒胃, 白酒我就唔係好食得出la;蝦肉, 蜆肉, 青口, 魷魚, 令到成個意粉都好有鮮味, 特別係d 蝦, 大大隻, 食落好爽口, d 蕃茄醬汁又係隻蝦個面, 鮮得黎又有少少蕃茄醬汁的味道,Very delicious ~~ 個煙三文魚薄餅有煙三文魚, 刁草, 忌廉芝士, fior di latte 芝士同檸檬 ~賣相又係超掂, 個薄餅夠晒熱, 又薄又鬆脆; d 煙三文魚好大塊, 入口即溶, 證明煙的時間係調教得剛剛好; 配埋d cheese, cheese 的味十分濃郁, 因為有忌廉芝士及fior di latte 芝士雙重的cheese, 好滑好芳香, 一食難忘! 要d 檸檬汁ge, 就可以用個片檸檬放d 檸檬汁落

由於D要划龍舟的緣故，所以去了久違了的赤柱。也由於C想試試薄餅，所以揀 了到Pizza Express。小時候在香港食薄餅，通常都是一家大細去Pizza Hut。現在越來越多薄餅店開張，多是主打外賣派對，也有一些是走高檔路線的連鎖餐廳。 Pizza Express就是其中之一間了。雖然一向都不是薄餅的粉絲，也認為Pizza Express比較overpriced，像Outback一樣，但是看到它Menu 有一款北京填鴨的薄餅，覺得很有趣，所以想試一下味道如何。下午大概三點半到，訂了檯在二樓靠窗位置，能欣賞赤柱海邊優美景色，又能享受冷氣，十分清靜舒服。馬上點了一客北京填鴨薄餅 ($140)。一直對這種融入東方風味的意式菜 (fusion)都沒有甚麼特別感覺，但是那個薄餅一來，香噴噴的，胃口馬上大開。烤鴨肉塊不是很厚，薄薄的一片，稍嫌乾了點，肉質沒有想像中那麼軟。但是那甜甜鹹鹹的醬汁，真是一大驚喜！跟那個芝士薄餅配合得天衣無縫，加上葱花，有少少辣味，真的非常好食！連平日不吃薄餅的D也連忙吃了幾塊才去划龍舟。飲品點了一個可以Refill的凍檸茶($35)。好像檸檬冰水，很難飲。在週末下午，陽

有台灣朋友嚟香港, 尖沙咀中環旺角銅鑼灣都係遊客自由行必到地點, 既然朋友唔係第一次嚟香港, 換下口味改去赤柱行下兼晚飯,因為我地都行到成九點先食, 所以唔使等位兼有二樓窗口位, 不過夜晚淨係影到美利樓, 無謂放出嚟啦!本身都好鐘意食PizzaExpress因為佢唔係厚底成舊勁多芝士劑到死, 中環尖沙咀同灣仔分店都有去, 呢間因為位置問題, 第一次嚟, 可能因為人少關係, 好舒服好悠閒. 我地得3個人, 唔可以叫太多嘢食, 結果只有四樣嘢食.第一個牛油果雞肉沙律, 其實沙律只要用料新鮮, 已經係成功嘅一半, 呢碟沙律無令我失望, 同埋佢地沙律醬唔係用雀巢卡夫嗰d, 整個入口就有清新感覺, 雞肉比例相對就少咗少少, 不過反正有其他嘢食, 我覺得呢個沙律好啱我, 重有佢啲麵包又係值得一讚, 次次都食到想encore. 第二樣意式肉丸蝴蝶粉, 平時成日都係食長通粉同闊條麵, 所以一有機會我通常都會叫其他, 呢一樣份量比較少, 其實味道就唔錯, 但就唔係驚喜, 畢竟食材都係主要影響味道嘅因素, 都唔會偏離得去邊. 第三樣帕爾馬薄餅, 我一直都唔欣賞大大舊芝士, 厚厚批底嘅港式pizza, 因為

Nestled on the ground floor perched adjacent to the beautiful night sea view, Pizza Express is a great dining place for friends gathering or a romantic date. It’s my second visit, and it’s worth my 3rd and 4th return visits. Dining with 4 friends, we ordered 2 starters, a salad, a pizza, 2 pastas plus a bottle of white wine. We start off with Baked Mushrooms which deserves a special mention. Pairing with few dough sticks, 6 button mushrooms fully filled with mozzarella and goat cheese, rich and

今日系赤柱行左游完水…晚餐都吾知乜好之際…行過大街見到pizzaexpress…又無乜人吾洗等位…唯一一間無甘酒吧feel…所以入去試下啦…睇左好耐…order左個廚師沙律…焗麵包球…美國薄餅同卡邦尼意粉…個沙律好西式好多料…吾系平日會食到既沙律…d料幾新鮮…吾錯!個焗麵包球既麵包球其實真系好普通…系因為熱呼呼既包會比較軟身…但有三個醬一齊上…蒜容牛油…乾番茄醬…同埋香草汁…前邊兩個都好普通…個香草汁…好好味好香…好特別…其實e個菜式系好普通…但配搭很好…我喜歡!個美國薄餅就吾系幾岩我…好咸…皆因佢真系得辣肉腸…太濃味…平時我同男朋友一齊食pizzahut一個大厚都食得晒…但嗰個美國真系…too mush食吾晒個卡邦尼個味道同賣相都好似shake's pizza嗰個卡邦…但e個既蛋味無甘重…nice!仲有叫左個蘋果汁…同我預計既有d吾同但還可以啦…下次試埋甜品

平時真係好少會係赤柱食飯....昨晚上完堂就走左入去食晚飯.平日既赤柱又點需要book位...唔算太多人我地被安排二樓window seat.位置真係幸運. .不過出面黑麻麻其實都無咩野可以睇. 我同友人選左一客salad及pizza share來食 個salad既用料都新鮮, 至愛係火箭菜唔苦帶點清甜再配上sundried tomota我喜歡,至於旁邊既麵包粒同樣做得出色, 上枱時仲有少少微暖鬆軟唔錯.pizza同樣已經唔記得名字, 同樣做得出色, 配料好平均唔會食到一件過多料一件就無, 薄底亦唔會做得過薄適中 不過成晚我最喜歡就係個甜品, ..此店d雪糕應該係自家製..唔太甜好好味..配埋佢地d朱古力蛋糕一暖一凍太perfect.

天朗氣清，趁郊遊前醫好一下肚子再出發朋友仔見圖畫有d 得意就要左呢個做我地既前菜有9粒細小麵包，好別緻一口一粒配埋三款佐料更為有趣，分別係牛油、香草橄欖同埋另一款唔知係咩既紅色醬汁但絕不害怕，紅色醬汁並不是辣!! 但應該不是蕃茄醬喔味道並不濃，所以食左兩次都食唔出係咩平平無奇的一個意粉食落去只似是橄欖油炒意粉比較特別的一款，有別於平時其他正統的意式風情那種北京填鴨是中式菜，這是一個cross-over意想不到的效果，小妹甚為喜愛填鴨嫩口，又juicy 又啖啖肉配埋類似甜醬的醬汁好正個餅底是脆薄的，如果分開黎食味道都無走散到係海邊食PIZZA 的外國情懷好不寫意~

我們3:00PM左右到達我地叫左3樣野食，一人一杯飲品。1) 雞肉凱薩沙律(Side salad) - 菜新鮮，魚超鹹，但好好味2) Baked mushroom - Mushroom 好味，麵包都好味3) American Pizza - 不太好，超咸4) 英式奶茶 - 水唔夠熱，茶包唔太溶...5) Iced lemon tea (Refill) - OK

復活節想避開人流，駕車到赤柱用餐。我們11：30到達，餐廳剛開門，沒有訂座也有位。我們被安排坐在一樓近窗位置，遠眺海景。當天天氣風和日麗，有陣陣涼風，環境十分舒適。大部分侍應均說英語，而menu則有中英對照。我們order了：雞肉凱薩沙律-- 沙律菜新鮮，雞胸肉嫩滑，但鰣魚超鹹。最好吃的是伴碟的麵包仔，一試難忘芝士菠菜意大利雲吞 -- 很大碟，配上番茄汁很惹味，雲吞內的芝士不多，所以不會感覺膩濟白汁雞肉長通粉 -- 味道像Carbonara ，長通粉稍硬意大利咖啡雪糕-- 雲呢那雪糕配上咖啡，頗特別，味道不錯建議訂座，因1：30後已座無虛席。值得一提，侍應會不停refill Iced tea，在香港很少見

為慶祝男朋友生日，上網找了很久見這間餐廳氣氛好價錢又不太貴就選擇了這間，預先book了窗邊因為預先book台的關係不用等就可以坐了位置也不差很多外國人呢幸好和男朋友的英文程度都不算差點了幾樣其中一賣點 無限添飲檸檬茶我一共飲了4杯男朋友2杯parma pizza總括而言，印象挺好的waitress們態度極好叫了她們很多次都沒有black面下次會再吃的

數環境最佳的一家Pizza Express這裡實在當之無愧!天氣睛朗的日子坐在室外享受陽光望著海景,吃甚麼也大大加分!惜這天室外氣溫只得單位數,不想冷病還是坐回二樓的室內為妙.出奇地這裡多是一家大小的法國家庭為主要顧客,環顧店內似乎只有我們一檯是"本地外國人"!雞肉凱薩沙律----是少數有加入銀魚柳做這個沙律的餐廳之一.羅馬生菜新鮮爽口,巴馬芝士下得夠大方麵包粒脆加上獨家麵包球,雖然有死敵雞胸肉出現!但試了一點也不算太柴皮.這個沙律絕對比大部份所謂高級餐廳出色!大蝦海鮮意粉----材料內的蝦爽口彈牙,魷魚、蜆肉及青口也軟淋沒有腥味,每樣也處理得不錯!意粉硬度可再高一點而帶點辣味的蕃茄汁醬非常開胃.磨菇烤雞肉薄餅----是少數不用蕃茄醬底的薄餅,換上了濃濃的粒粒磨菇忌廉汁及吃起來頗嫩滑的雞肉粒,比常吃的辣肉腸加蕃茄來得有點新意.凍檸檬茶----賣點當然是無限添飲.侍應有禮反應極快,杯中水從來不缺.雖然上菜速度比正常是慢了一點,但在這心情輕鬆環境之下耐性也似乎增加了不少,等待也變得沒甚所謂.

一路都有食開呢間餐廳, TST 同又一城果間都有去過d 野食都keep 都水準~今日同朋友慶祝生日, 因為之前去o左飲野, 只叫o左4樣野:黑松露pizza: 味道清清地, 幾好味馬莎拉雞肉長通粉: 唔夠一陣已經俾朋友食晒, 佢地話好好味帕爾馬薄餅; 正, 塊火腿又夠厚, 每次都會食卡邦尼忌廉意粉: 簡直係我既最愛, 食呢間都係因為佢, 因為暫時都未有一間整得好食過佢 今次個汁仲比之前兩間更香同濃~除o左d 野食之外, 今日仲有個驚喜: 本來我地自己同個朋友慶祝生日, 只係諗住食餐飯就算, 但係o係我地埋完單之後, 幾個staff 竟然拎住件cake, 唱住生日歌咁走埋黎, warm 到爆..........p.s. 果件cake 都好好味

每逢經過中環擺花街的 pizza express，都嗅到陣陣的薄餅香，令我起勢索多幾下早前看見 ubuy ibuy 有半價優惠，便想著與老公 weekend 去赤柱一日遊順道去埋 pizza express分地下、一樓和二樓二樓格調不錯，不失浪漫又適合一家大細的溫馨聚餐，窗口位向海先來 mushroom soup -濃郁菇味，三個小麵包暖暖的都唔錯Ravioli - 新鮮濃厚的蕃茄醬蓋面，雲吞皮有麵粉香夠咬口，芝士餡料較少Gustosa Pizza -parma ham 好味，但份量太少，八塊 pizza 得五塊超薄 ham，點分?餅底不脆，是硬，即使很多鮮茄醬亦覺得太乾身，最大問題是不夠熱，完全唔辣手還稍欠芝士與磨菇，又唔夠 ham，結果我地鋪左塊芝士雲吞係 pizza 上面中和返酸咪咪的鮮茄醬，好味左原本薄餅中間空出一個圓洞用來裝火箭菜，但我們想完整一個 pizza 上碟 (怕不夠飽)，所以火箭菜另上，新鮮，特別要讚淋上去秘製的啡色酸汁叫了一杯無限添加的凍檸茶 (unlimited refill)較特別的是其糖漿與坊間的不同，好似熊仔橡皮糖那朕甜味沖到第三次杯檸茶已經冇乜味，又冇哂

今次同老公去赤柱relax下,係赤柱搵個價錢適中既地方又唔係外面有得食既都唔係咁易,,好多地方既價錢都嚇親我,但我比pizza express既外觀吸引左入去入到去第一層已經好靚,二樓冇咁靚,但望景又二樓靚D,不過都冇咩位,我地就坐BAR枱,好得意可能玻璃既關係,其實入到去係好熱d野食好貴,個pizza份量好少,但兩舊水架都....不過幾好食,幾香,超薄底,好脆,杯野飲好似30蚊,無限添飲,但係道食真係食個景架喇...最特別既就係呢道既waitress係唔識中文,haha*好彩老公英文叻所以真係好似去左外國咁