影片
更多
2013-05-02
393 瀏覽
有台灣朋友嚟香港, 尖沙咀中環旺角銅鑼灣都係遊客自由行必到地點, 既然朋友唔係第一次嚟香港, 換下口味改去赤柱行下兼晚飯,因為我地都行到成九點先食, 所以唔使等位兼有二樓窗口位, 不過夜晚淨係影到美利樓, 無謂放出嚟啦!本身都好鐘意食PizzaExpress因為佢唔係厚底成舊勁多芝士劑到死, 中環尖沙咀同灣仔分店都有去, 呢間因為位置問題, 第一次嚟, 可能因為人少關係, 好舒服好悠閒. 我地得3個人, 唔可以叫太多嘢食, 結果只有四樣嘢食.第一個牛油果雞肉沙律, 其實沙律只要用料新鮮, 已經係成功嘅一半, 呢碟沙律無令我失望, 同埋佢地沙律醬唔係用雀巢卡夫嗰d, 整個入口就有清新感覺, 雞肉比例相對就少咗少少, 不過反正有其他嘢食, 我覺得呢個沙律好啱我, 重有佢啲麵包又係值得一讚, 次次都食到想encore. 第二樣意式肉丸蝴蝶粉, 平時成日都係食長通粉同闊條麵, 所以一有機會我通常都會叫其他, 呢一樣份量比較少, 其實味道就唔錯, 但就唔係驚喜, 畢竟食材都係主要影響味道嘅因素, 都唔會偏離得去邊. 第三樣帕爾馬薄餅, 我一直都唔欣賞大大舊芝士, 厚厚批底嘅港式pizza, 因為
本身都好鐘意食PizzaExpress因為佢唔係厚底成舊勁多芝士劑到死, 中環尖沙咀同灣仔分店都有去, 呢間因為位置問題, 第一次嚟, 可能因為人少關係, 好舒服好悠閒.
我地得3個人, 唔可以叫太多嘢食, 結果只有四樣嘢食.
第一個牛油果雞肉沙律, 其實沙律只要用料新鮮, 已經係成功嘅一半, 呢碟沙律無令我失望, 同埋佢地沙律醬唔係用雀巢卡夫嗰d, 整個入口就有清新感覺, 雞肉比例相對就少咗少少, 不過反正有其他嘢食, 我覺得呢個沙律好啱我, 重有佢啲麵包又係值得一讚, 次次都食到想encore.
第二樣意式肉丸蝴蝶粉, 平時成日都係食長通粉同闊條麵, 所以一有機會我通常都會叫其他, 呢一樣份量比較少, 其實味道就唔錯, 但就唔係驚喜, 畢竟食材都係主要影響味道嘅因素, 都唔會偏離得去邊.
第三樣帕爾馬薄餅, 我一直都唔欣賞大大舊芝士, 厚厚批底嘅港式pizza, 因為實在太劑太膩, 正常外國的都不會這樣, PizzaExpress都一樣以簿餅底配適量芝士, 食多兩件都唔會劑, 食開港式嗰D就會嬚唔夠多料唔夠芝士唔夠厚唔夠大, 各有所好, 不過我就Buy PizzaExpress呢隻, 帕爾馬火腿本身有辣味, 所以都唔使點再用tabasco, 小小辣啱啱好.
最後一樣係芝士菠菜麵卷, 賣相就好高分, 應該有唔少芝士, 所以送到嚟好熱, 不過好彩呢樣無咩肉, 以波菜為主, 我自己就覺得咁樣整菜就有d怪同埋好似晒咗d菜, 唔係好係我杯茶, 不過朋友好鐘意食番茄, 佢就勁讚呢樣.
整體嚟講我好滿意, 無失香港美食天堂稱號, 另外佢檸檬茶每位三十幾無限任飲, 啱晒我地勁吹水!
埋單3個人共六百三十幾, 唔算平, 但又唔屬於貴, 不過地點唔就我, 應該都係會去佢其他分店喇.
張貼
