PizzaExpress (將軍澳中心)

營業中

休息中

是日晚餐精選Pizza Express😻😻 焗芝士麵包球😽 肉丸蕃茄意粉😆 白汁新豬肉薄餅🥰 正🥰🥰芝士醬濃味，中意食芝士必食 素豬肉食落味口同真豬肉一樣🙀😎😏 意粉夠大碟😸😸Pizza Express員工服務方面: 他們經常問我們:食物味道OK嗎?? 食物岩食嗎?? 我認為員工服務太好了, 對客有極Nice 笑容, 值得比下LIKE!!!!Pizza Express 內在環境大, 好寬躺, 好舒服😂 座位闊落, 坐得好舒服😂 咁舒服環境極有胃口食多D野食😂Thank you very much, SEE YOU NEXT TIME !!!

次次食完商場食完饭，都有經過佢門口， 侍應生好有禮貌問我幾多位 ，當睇個餐牌後，都想試。再睇睇環境，真不错。今次终于去吃了個午餐前菜，Dough Ball 和 Soup Carrot 比想象中好主菜，Omipork Bianco 和Pollo Marsala 料道好，但分量較少餐飲，Ginger Ale 好一般一般。

遊遊蕩蕩見到了地下的pizza express有set lunch記得好耐之前食過一次佢地既焗麵包球好鬆軟同好好味餐廳環境夠大，舒適！仲有值得一提帶位個男待應真係好好禮貌！叫左個焗麵包球+卡邦尼意粉set ($78 未計加一)意粉味道淡左小小(個人口味問題)不過整體上都係絕對OK

見到某app下午茶時段半價🤣星期日大家又得閒就決定再黎PizzaExpress食野laPizzaExpress 雖然位置偏僻但仍然有唔少人黎食下午茶☕️首先 登場嘅係Soup of the day🥕Carrot ginger soup 附送一塊 flatbread $58味道唔錯🥕🥕🥕Ginger 味係有嘅，但唔會好重幾特別，值得推介焗麵包球 配以蒜蓉牛油及羅勒香草醬 $50麵包質感非常好🍞🥯🥐🥖點埋d令人回味無窮嘅Garlic butter同basil認真可以一個人食曬成碟呢個Dough balls不得了！大家一定要嗌芒果沙沙蟹肉薄脆包 $88有Tomato🍅 Mango🥭 Crab meat🦀Mayonnaise蛋黃醬🥚成個配撘好清淡 好Refreshing食得出芒果嘅香甜 同 蟹肉嘅鮮味Prawn & tomato🍅🦐 $58蝦烤得好香，幾大隻醃車厘茄有蒜容係面同火箭菜伴底烤焗雞翼配蜜糖芥茉醬 $73雞肉好嫩滑就唔使多講D肉汁爆出黎先係重點！四式芝士薄餅🧀🧀🧀🍕 $148分別用上蘇里拉芝士、意大利藍芝士、芳堤娜芝士、艾曼托芝士批底好薄好脆，芝士遍佈全個Pizza而每售出呢款Pizz

每個星期五都係小小豬嘅Happy Day，因為佢最愛嘅兩位姨姨都會嚟我地屋企食飯兼陪豬仔玩。不過今日我就唔舒服，所以都唔係好想煮，但小小豬又唔想見唔到姨姨們，就係咁我地就約左出街食好嘢~ 趁我地今日晚餐前去入將軍澳中心玩，咁就順下小小豬意思，去PizzaExpress食個大餐啦~ 先嚟一杯新推出嘅西瓜檸檬特飲，清甜嘅西瓜入口又帶點香茅、薄荷同檸檬再加上梳打水，感覺又真係幾清新呀~  先嚟西瓜菲達芝士沙律，將西瓜加上菲達芝士再配以羽衣甘藍，食落又幾清新哦~ 我個人就比較鐘意依個芒果莎莎蟹肉薄脆包，芒果莎莎再埋淡淡蟹肉同埋蛋黃醬一齊食，味道酸酸甜甜真係非常開胃~ 當然唔少得每次必叫嘅雞肉凱撒沙律，小小豬就最鐘意食佢嘅脆脆麵包粒，加埋啲雞肉粒粒一齊食，唔覺唔覺依隻豬仔食左大半碟呀~ Daddy就叫左一個意式凍肉拼盤，入面有火腿、辣肉腸、煙三文魚、蕃茄，單睇賣相都已經好吸引啦~ 新豬肉蒜香長通粉，依個豬肉其實係純素嚟，而佢嘅味道質感都係同真豬肉好相似，啱晒追求健康人仕。佢嘅味道其實都唔錯帶有蒜蓉同辣椒碎，所以食落都好醒胃~ 花語薄餅係一款素食PIZZA嚟，以烤茄子、蘆筍、車

平時偶爾都會幫襯pizza express, 因為好鍾意佢啲pizza 夠香，口感亦好! 但係今次第一次黎將軍澳分店就有少少失望... 首先晚飯時間都未見人龍，入座先發覺入座率得六七成... 叫左個four cheese pizza, 其實唔太差，但竟然冇好好食嘅感覺，唔香口，薄餅底亦唔煙un... 另外蜆肉意粉個味好淡，食完仲有陣油益味喺口腔, 係今餐較為差嘅一碟... 最好食反而係肉丸，肉質彈牙，蕃茄醬又夠香! 雖然今晚用餐經驗唔算太好，但希望只係一次半次失手 (因為之前每次食親其他分店都係好好食!) 有機會都會再試!

自問唔係pizza fan，但早前一試Pizza Express 便愛上，輕鬆Friday night唔諗咁多啦，一於再去食多次！坐低就叫個二人餐啦$298前菜番茄肉丸伴麵包球Pizza Express 既麵包不嬲都好出色，呢款麵包球細細粒兩啖食晒，口感煙煙韌韌，仲可以點啲蕃茄醬汁一齊食，作為前菜開胃又輕盈，相當唔錯4.5/5主菜雞肉凱撒沙律沙律菜新鮮爽脆，雞胸肉又滑又多汁，係我食過最啱我口味嘅雞胸肉，煙肉香口，清新又健康，係稍嫌醬汁多左少少4.5/5主菜蜜糖雞肉披薩 +$15又係雞，黎到先發覺叫左兩樣都係雞haha！不過唔緊要，車厘茄加上蜜糖雞原來好夾好好食，酸酸甜甜好好味呀～～所以食到一半先記得要影相5/5飲品本身想叫Pizza Express獨家研製既檸檬小麥啤，可惜跟餐冇得轉呢款啤酒，唯有下次再試啦～今次叫左Ginger Ale，附送青檸加冰～* * *總括黎講，今餐好滿意，價錢唔係貴，環境又舒適，仲食得好飽添～Love it!

意大利菜係我其中一樣好中意食既菜式，本身比較中意食麵既我，其實任何Pasta款式都好岩我心水 將軍澳連鎖Pizza店都有5-6間，個人認爲Pizza Express係誠意之作。之前去過APM分店、美麗華分店、新城市分店都keep到個水準今次得2個女仔，所以只係叫左一份Pasta加一份Pizza。原來我想叫四式芝士薄餅，可惜個friend怕會太漏> < 事實都係既...因爲我地叫左另一款仲要係食唔曬 HAHA我地分別叫左美國薄餅 - 辣肉腸 $143，同埋意式野菌蝴蝶粉 $128。辣肉腸、芝士又係我既最愛，平時食Pizza 比較中意叫Pepperoni、Salami，真係唔肥唔食 反而海鮮、雞肉，或者特別口味既Pizza就不太是我杯茶。講返個Pizza係薄批，Crust烘到好脆好香口，就算隔左一陣先食，仍然可以保持到脆口！另外，蝴蝶粉係我比較少點既款式，不過呢個有白汁、野菌，再加埋松露油，成個粉食落好香！會keep住幫襯！！

今日和太太去將軍澳站附近買東西，累了想找一間未去過的餐館下午茶。 我們通常去 Popcorn的餐館，今次特別「行多幾步」去將軍澳中心找找，在地層發現此館。之前，我們曾在它們在中環及銅鑼灣的分店光顧過，口碑不錯，不知在比較住宅區的將軍澳的餐館會否保持水準呢？我們選了菠菜芝士意大利雲吞和磨菇火腿薄餅。雲吞菠菜汁做得很不錯，用它配合雲吞吃實在太適合。 薄餅稍為一點乾，但算做得好，有地道意大利風味。 我覺得薄餅一定要盡量做得地道，不能「自作主張」，為迎合潮流胡亂創新薄餅。我們對食物尚滿意，但我更欣賞是他們的服務。說實話，很久也未遇到那麼有水準的服務。我們曾光顧很多貴價餐館，很多時食物水準不達應有水平，更可惜是，店員服務往往很刻板，有時更表現出不禮貌的口舌回應。今日，我們逗在餐館兩小時，一邊閒談，一邊觀察店員的服務表現。我們發覺幾位店員對客人維持專業，常笑容可掬，表現積極。主菜吃完，店員還會向每枱客人詢問他們對食物是否滿意。服務態度好是留客的重要資產，希望下次光顧能保持水準 （而不是鏡花水月）。晞月藍 HestonBlue

同朋友原本打算係 popcorn 食 California pizza kitchen, 但一望見人龍就即刻打退堂鼓。 但又真係想食 pizza, 所以決定行多兩步去 park central 睇下，果然人流少好多，等左五分鐘已經有位。good. 點左個二人餐，四百幾，包一個 started, 兩個 main courses, 兩杯飲品。朋友想食清淡啲，唔想食咁多肉，所以叫素菜為主。starter 係包點牛油果醬，幾清新。牛油果又夠香軟。芝士流心 pizza 配 basil , 水牛芝士，蕃茄仔。又係素。都幾好，雖然其實見唔到流心芝士，不過都幾香，尤其係 basil, 又大片又香。蝴蝶粉終於有肉碎了，白汁都做得算香濃，合格。朋友點左杯熱朱古力。唔知好唔好味，不過賣相就 good good. 我點的 mango ginger ale. 係有 mint 的，所以都清新，不過有少少偏甜。

忽然不用預備晚餐，皆因老伴同事急求救，須為明日的晉升面試補補課，於是一班同伙浩浩蕩蕩地來到將軍澳中心新商場尋吃去。 小的本來好想吃和風，卻收到指令不能享用刺身生品。七時多來臨商場找位子，過了新廁所的階段，加上閒日不會有太多食客，大部份餐廳食肆都毋須等位輪候。唯獨就是小的至愛的「漁釧」與另一家中菜「美中鴨子」其門如市。 不能吃生唯有捨棄前者，小的先到「美中鴨子」取票。4-6人座只輪到3 號飛，小的所取號碼卻是35號。反正大伙兒仍未到達，小的便邊等邊再逛逛。 一家吃意粉比薩的The Pawn座落商場的盡頭，這是老伴指定的一家，卻因餐廳未有接受信用卡付款，不能享用商場嚴格規定的電子消費泊車優惠，於是小的唯有繼續搜羅。 半句鐘以後老伴一伙終於到達，可惜「美中鴨子」仍有10張枱，小的別無他選只能到地面的Pizza Express去。 餐廳的四人餐五百元有找，咱們五個人，點一客四人餐再另加美食便可。 前菜蒜蓉包並不是咱們以為的法包烤，卻是奇怪的一餅麵粉團。小的為眾人分配，其中一人竟說她不能吃熱氣食物？甚麼？這個麵包也熱氣？那比薩更是不屑一顧了！不過小的向來也不好麵包，故而也沒有品嚐。 意

成日行開將軍澳見到Pizza Express，已經想試好耐。咁啱見到有個訂枱App可以提供到低至半價嘅優惠，於是就的起心肝訂枱試下。我同fd子今次就點左一個肉醬長通粉同蜜糖烤雞pizza。肉醬長通粉🥫不過不失，肉醬唔太鹹，亦唔會好油膩，長通粉al dente，份量適中。蜜糖烤雞pizza🍕作為依一餐嘅主角，亦都無令我失望。批邊微脆，蜜糖嘅甜味同蕃茄醬嘅酸味啱啱好balance左，食落去唔膩。加分位係pizza上面嗰啲香葉，食落去令到成個pizza都有好fresh嘅感覺，成件事昇華左。作為一個合格嘅肥仔，緊係要試下甜品啦，我地今次試左焗蘋果酥同brownie。焗蘋果酥🍎焗得唔係好熱，味道尚可，不是我杯茶😂Brownie一直都係賣飛佛，見到佢用jar上嘅時候已經掩蓋唔到我嘅興奮。一隻匙羹「畢」落去，一啖食曬cream+雪糕+暖笠笠嘅brownie，太幸福啦🤦🏼‍♂️

忽然不用預備晚餐，皆因老伴同事急求救，須為明日的晉升面試補補課，於是一班同伙浩浩蕩蕩地來到將軍澳中心新商場尋吃去。 小的本來好想吃和風，卻收到指令不能享用刺身生品。七時多來臨商場找位子，過了新廁所的階段，加上閒日不會有太多食客，大部份餐廳食肆都毋須等位輪候。唯獨就是小的至愛的「漁釧」與另一家中菜「美中鴨子」其門如市。 不能吃生唯有捨棄前者，小的先到「美中鴨子」取票。4-6人座只輪到3 號飛，小的所取號碼卻是35號。反正大伙兒仍未到達，小的便邊等邊再逛逛。 一家吃意粉比薩的The Pawn座落商場的盡頭，這是老伴指定的一家，卻因餐廳未有接受信用卡付款，不能享用商場嚴格規定的電子消費泊車優惠，於是小的唯有繼續搜羅。 半句鐘以後老伴一伙終於到達，可惜「美中鴨子」仍有10張枱，小的別無他選只能到地面的Pizza Express去。 餐廳的四人餐五百元有找，咱們五個人，點一客四人餐再另加美食便可。 前菜蒜蓉包並不是咱們以為的法包烤，卻是奇怪的一餅麵粉團。小的為眾人分配，其中一人竟說她不能吃熱氣食物？甚麼？這個麵包也熱氣？那比薩更是不屑一顧了！不過小的向來也不好麵包，故而也沒有品嚐。 意

呢間開左一段日子的 pizza 店, 之前食過一次幾好, 今次專程約了媽咪再來, 但卻大失所望。服務是不錯的, 一見到我話用 app 訂左枱, 立即招呼我們坐下, 送上 3 杯水及 menu!飲品味道不錯!頭盤青瓜三文魚沾醬, 跟幾片薄餅, 超好味。夏威夷薄餅, 皮薄餡靚, 菠蘿香甜!北京填鴨薄餅, 原本鴨肉都 ok, 不過 D 醬偏咸, 咬左兩啖大家都投降了。最後埋單同 waitress 講, 佢話都廚師是外藉東南亞人, 味道較重口味, 也曾有食客投訴的! 她有 say sorry, 但我媽媽已經大失所望, 看來會有一段時間不會再來幫襯了 。。。

同屋企人已經第二次幫襯，上一次黎係散叫，當時覺得價錢咁貴，今日黎到，見到餐牌有4人套餐，今次就試下啦。4人套餐可揀2個頭盤，一個沙律，2個Pizza，一個意份同4杯飲品。頭盤我地點左意色肉丸同蒜蓉包，肉丸連面包球一齊食，好味，但另一個頭盤蒜蓉包，就比較失色。沙律叫左廚師沙律，比想像中好食。到Pizza啦，我地叫左辣肉腸pizza，女兒鍾意，但我覺得不過不失，而另一款北京烤鴨pizza，就好啱我同老公嘅好味啦。意粉我地揀左最common嘅 Carbonara，芝士味好重，好香，但已太飽，所以沒有太大感覺。整體而言，4人套餐非常抵食，而食物質素亦很好，係一間會回頭再幫襯嘅餐廳。