Pizza Pan

營業中

休息中

疫情愈催嚴重，就愈不敢在人流密集的傳統商場內覓食，唯有深入工厰區，竟然找到一間不錯的意式餐廳。一開始是被餐廳牆上的壁畫吸引，一邊畫著希臘愛琴海，另一邊則畫著滿滿的圖書及歐式大街。坐下看看餐牌，選擇較為簡單，pizza (有預計或自選口味)、幾款意粉、沙律及小食。這天我跟朋友也只選意粉，pizza 就留待下次吧。 焗意式傳統千層麵 - 芝士味濃郁，叉下去便見芝士汁湧出來，肉醬黏在層層麵塊上，每一口也能嘗到。焗卡邦尼意粉 - 同樣芝士味也是非常濃郁，一層焗到微濃的芝士蓋面，拉絲度十足。表面看似比較乾，但下層則有很多卡邦尼汁，味道不俗。唯煙肉比例好像比較少，缺少了點肉的香味。意式芝士條配招牌醬 - 實際上是麵包條沾芝士醬。麵包烤得香脆，配上車打芝士醬，簡單得來卻美味。意粉本身有配汽水，但我們就轉了兩支Arizone 的Fruit Punch及Ice Tea Lemonade(每支加$15)。 個人較喜歡Ice Tea Lemonade，清但不乏澀味。

都有一段時間冇食pizza，因為兩個人食就一定食到好飽，呢間有二人餐，仲要包好多嘢食，心思思就同朋友坐低試吓。環境好似一個food court咁，成層都係餐廳，而座位都係open area。餐牌二人套餐 $188 包括小食一份、薄餅一份、意粉一份及汽水兩罐。小食：焗田螺配特色荷蘭汁都有5-6隻，荷蘭汁通常係用蛋黃、牛油同檸檬汁調製而成，醬汁十分creamy，田螺大大粒，食落唔會腥，仲有薯蓉做襯托，淨係呢個小食都好飽肚。意粉：辣汁蕃茄蜆肉意粉 仲想食啲開胃少少嘅嘢，所以叫呢款辣汁蕃茄蜆肉意粉 。芝士唔係成塊咁蓋住個面，而係睇到條狀嘅芝士，至於辣味係來自Tabsco辣汁，底部仲有啲辣汁水，可以再乾身啲。薄餅：食肉獸材料有芝士莎樂美腸、意大利辣肉腸、肉丸、車厘子、三色辣椒，用BBQ汁做調汁。Pizza外觀10分吸引， size都唔細，有六件，夠晒飽肚。每一啖都幾香茄醬嘅味道，啖啖肉，餅底唔太厚唔太薄，口感啱啱好，以呢個價錢來講性價比十分高！總括而言，我同朋友都表示會再返嚟食，因為性價比高，每人$100都唔使，但食齊小食、意粉及薄餅，食到捧住個肚走，加上環境唔算多人，可以同朋友食住慢慢傾偈。

牛頭角鴻圖中心 地下food court最可愛之處係 食物款式選擇多， 有中式 燉湯，美式漢堡包， 有鋸扒，有酒吧， 仲有一間賣 pizza的小店， 日日嚟食一間都唔會重覆到， 今次就去咗pizza pan食pizza。 小店有賣pizza，亦都有賣意粉， 同埋各類型小食， 仲可以叫埋啤酒送pizza添， happy hour去飲啤酒都有優惠。 除咗散叫仲有二人套餐四人套餐等等， 任君選擇。 今次叫咗個二人套餐。 有一個pizza一碟意粉一個小食及兩杯飲品， 其實都幾超值。 食肉獸 講返個pizza叫咗食肉獸, 材料勁豐富, 以bbq汁為底， 有意大利辣肉腸，沙樂美腸， 芝士， 肉丸，車厘茄和三色椒。 批底薄得嚟夠鬆軟，而邊邊夠脆口。 以bbq汁做底 讓整個pizza都夠惹味。 而且辣肉腸同沙樂美腸肉汁 增加pizza嘅鹹香， 而三色椒讓pizza色相更豐富。 黑松露bacon意粉 意粉即叫即焗， 有bacon的鹹香, 面頭的黑松露焗過後令到整個意粉 都充滿黑松露的香氣。 肉醬薯蓉 肉醬薯蓉 薯蓉同薯仔粒各半， 食落 唔會淨係得薯蓉軟奶奶，質感一流， 配上香濃番茄肉醬

今日同屋企人黎左e 間食pizza 嘅小店，平日見小店下午都多人外賣，決定放工試下🥰店員好衛生，見到有食客離開都好快手執枱，同抹枱。同埋收銀位置都有消毒搓手液。餐廳裝修有唔小可以打卡嘅壁畫同埋坐位都好闊落，桌與桌之間都有些距離。以沙發椅為主。🤗睇返餐牌，有唔少特式薄餅同埋意粉。仲有小食沙律等等。我地叫左個2人餐💕😍包左一個小食，一個薄餅🍕同埋意粉🍝，仲有2罐汽水，我地其中一個飲品轉左做果汁酒。🍹餐前店員貼心比左消毒濕紙巾我地☺️仲有餐具等。小食焗薯蓉煙肉碎食落薯蓉都好creamy加左茄汁芝士同煙肉一齊焗，熱辣辣又香噴噴😍食肉獸薄餅🤤🍕薄餅係即刻焗嘅，所以好有拉絲感覺😋上面有2款香腸，分別係莎樂美腸同辣肉腸，仲有小肉丸，重點係佢地嘅3色椒切到細細粒，平均分係pizza上面😍好靚👍🏻車里茄唔會好酸🤗所有配料同bbq 醬餅底好夾🥳好好味🤤黑松露汁Parma ham 意粉🍝意粉先用白汁同芝士焗左再係上面加左黑松露醬同Parma ham，我地趁熱嘅時候快快手將黑松醬同白汁意粉拌勻😊食落啖啖都係黑松露味🥰Parma ham 都好甘香😋飲品方面，我揀左mango cocktail 🍹 飲落芒果味都好濃

觀塘工廈真系吾少伏店，岩岩試左間駱駝漆大廈內既日本菜，食完一肚氣，即刻提醒觀塘既fd吾好去食，佢就介紹左間幾好坐既店。食物類型就少d，得pizza,意粉，同小食。叫左個二人套餐 $188，包小食一款、薄餅一客、意粉一客同埋汽水兩罐。【意式焗肉丸配麵包條】麵包條竟然風頭搶過肉丸，麵包條有番烤過，微脆帶牛油香，肉丸大大粒又結實。【Pizza Pan食肉獸】吾系咩野大件記系好，呢個size兩個人食岩岩好。餅底夠薄先整到甘香脆，而且芝士又足，最正系辣肉腸既鹹香。【蕃茄大蝦意粉】選用新鮮蕃茄肉做醬，帶天然既草青咪，而蝦肉切開左一半，冇左啖啖肉既口感。

同朋友去食依一間Pizza，見到餐牌上面好搞笑，有一個係北京填鴨味，於是我哋即刻叫黎試吓。坐得幾舒服，環境舒適。我地叫咗個二人餐，有沙律一份，Pizza，千層麵，同埋兩罐汽水。黑椒牛肉牛油果沙律感覺清新，牛肉幾香。傳統千層麵賣相普通，但食落竟然好正。芝士味濃，肉汁又多又鮮甜，麵皮幾煙韌，非常搭配。北京style煙鴨胸pizza睇落冇乜特別，但食落真係有北京填鴨既感覺，幾正🤣🤣🤣🤣芝士配上醬汁，又食落幾夾。而且好有心思咁確保每塊pizza上都有鴨胸同青瓜，好值得讚賞😂😂😂😂幾特別既一餐，坐得舒適，價錢合理。

《自得其樂@ Pizza Pan》喜歡小店，雖空間不寬但自在喜歡小店，雖款式不多但精緻喜歡小店，雖規模不大但彈性自在、精緻及彈性去形容Pizza Pan 最好不過……二人下班，飲飲啤酒吃吃pizza , 身心紓緩一人踱步，吃吃芝士麵包條，放開束縛四人聚會，聚聚品嚐意粉，增添感情1.夏威夷人 Pizza : 香噴噴又熱辣辣的一個Hawaiian Pizza ， 還是喜歡藏於薄餅的菠蘿及火腿，傳統的兒時味道又吃得番，是隔離陳太個仔仔開生日會時吃過，餅薄薄，有crispy 感，給89分！2.麵包條點芝士: 黃色的芝士，你太邪惡了，一直引誘我的食指，拿起寬寬的麵包條，點下芝士浴醬，不是好味或不好味的感覺，是那份包圍的狀態，芝味濃，包條軟軟的，天造地設的一對！3.辣汁蕃茄蜆肉意粉: 眾多又細細的蜆肉遍佈意粉，蕃茄也很入味，意粉夠軟軟的，配搭精彩！辣汁也不過份，適中，值85分！4.青檸梳打: 片片青檸梳打在梳打水中浮浮沉沉，如看著金魚游泳，魚樂無窮……醒胃又爽爽的！Pizza Pan ,有小店一角的風格，默默為食客炮製特色食品，無悔又樂意！

今晚放工要到觀塘買少少野，適逢在觀塘鴻圖中心附近，就一於入去搵食。見到呢間叫Pizza Pan的牆身好靚，好歐陸風情呢！絕對係打卡位之選，一於坐低吃個晚餐。看著餐牌除左有Pizza，仲有意粉和小食選擇。到櫃檯位置點左一個意粉套餐，包指定飲品，選的是卡邦尼意粉配可樂，價錢＄62，再加一個小食：焗田螺配特色荷蘭汁，價錢＄38。付款後，店員會安排送遞上食物的，不用自取。卡邦尼意粉忌廉汁濃而不膩，好creamy，絕對不會焗到乾身，意粉質感軟硬適中，讓人好想一口一口吃下去。焗田螺配特色荷蘭汁，薯蓉上的田螺配有芝士，田螺仔爽口多汁，配合薯蓉實在美味，這個很抵食和推介。是約朋友吃飯傾談的好地方。

係觀塘大廈之中，鴻圖中心突然改裝成一片新天地，出現唔同的小店，之前試過其他店，今次行過見到這間係食pizza，見到2人餐又唔貴，最重要係即叫即焗pizza焗田螺配特色荷蘭汁開頭以為係連殼，估唔到無就更方便，田螺彈牙，面上類似奶油同底有薯蓉，一齊食墊下個胃焗傳統意式千層麵可以見到超多芝士係面，仲有一些仲繼續熱溶中，打開第一層，香噴噴的肉醬係入面，我最喜歡可以幾層一起食的感覺食肉獸pizza pan主角終於出現，其實pizza的料可以任搭，不過我都係簡單一點，直接用店名做名字的pizza，餅底跟番傳統意大利的薄底，香脆的餅底上可見分明的配料，每一啖都滿足

去觀塘食嘢, 感覺就係人頭湧湧， 食完又逼住要你走嗰隻， 但係今次去食呢間pizza就 反而有種歐陸風格嘅悠閒😊同個friend食咗個二人餐， 其實真係好多嘢食， 我哋食咗個食肉獸pizza， 肉嘅份量好夠多唯獨是中間好多3色椒， pizza個皮 厚得黎唔會成口粉食落肉味都好夠料另外我最鍾意食就係法式田螺， 冇殼嘅田螺食起嚟好乾淨， 芝士鋪滿全個薯蓉， 我最鍾意係芝士汁同薯蓉撈埋嗰種邪惡感❤️ 仲有一個茄汁蜆肉意粉， 意粉唔會一pat pat， 食落都唔會好辣。 今次我哋冇飲啤酒，但買二送一的確好吸引， 我就飲咗久違了的西柚梳打， 連個罐都轉埋，我真係好耐冇飲😊

有時午飯也會在這邊food court解決，上次特地晚一點才到那邊找食，以避過上班族吃飯時間之人潮。這個Food court有多國菜選擇，不是吃三文治、咖喱飯就是漢堡。心血來潮想吃意粉，那就吃意大利菜吧，經濟的意粉西餐。原本打算點薄餅，可是份量有點多，而且需時較久，因見到店員是即點即製，還是點一份小食及意粉就夠了。焗薯蓉配意式肉醬意式肉末醬鋪在薯蓉上，跟芝士一起烤焗，薯蓉幼滑，散發淡淡的牛油香；幾條芝士麵包棒仍然是溫溫的，芝士脆面，麵包鬆軟鹹口，蘸點肉醬一併吃真的難以抗拒。辣汁蕃茄蜆肉意粉意粉可以選擇種類，有粗扁意粉、螺絲粉、長通粉。個人喜歡較有嚼勁的粗扁意粉，配上小粒蜆肉作配料，感覺實在。蕃茄醬不太多，所以味道不重，反而微微帶點辣，更加惹味。果汁特飲 百香果汁梳打水與其喝可樂，不如點杯即場調配的飲品吧，美美的顏色配搭，梳打水跟沉澱在底的百香果汁拌勻，甜度剛好。不過若百香果汁比例多一點就更好。

就快新屋入伙啦❗️今日出咗嚟觀塘同寶寶睇傢俬☺️行完「梳化倉」睇完梳化之後，有啲肚餓，就行咗入嚟小巷呢邊呢一個➡️有唔少嘢食嘅小商場搵嘢食❣️最後就揀咗呢一間我哋未食過嘅Pizza Pan🤓本來見到個二人餐幾吸引🤤諗住食二人餐，點知夜左（19:30）一個小食都冇了，所以唯有散叫啦🙈Pizza Pan Meateor食肉獸 $98即叫即製❗️熱辣辣好新鮮❣️上枱已經聞到好香嘅芝士同埋辣肉腸味🤤主要餡料有：辣肉腸、火腿、芝士、蕃茄、蘑菇、三色椒❗️呢個咁大路嘅配搭，當然都唔會差得去邊啦😉食落批邊仲好香脆添🤩卡邦尼螺絲粉 $62其實本來係意份嚟嘅，不過意粉冇晒，所以揀咗螺絲粉🤓 都算係一個新嘗試😆焗起即上❗️賣相好吸引😍芝士好香，仲做到拉絲效果☺️Coke Zero $15Pizza Pan Specials $22係一款熱情果味梳打飲品來，甜甜酸酸咁～

今日OT晏左去左附近有間Pizza Pan，最中意有Set for two 真係唔洗點諗，有小食一份，Pizza一份，意粉一份再加汽水兩罐都幾好呀，好夠食。但係點知呢個set for two係好唔同，因為pizza係好Q多野要揀，可以揀2個topping好多野都想食，最後係揀左signatue pizza一早set好既野。(選擇困難症出現了！）二人套餐 $188小食揀左焗田螺配特色荷蘭汁，Pizza揀左煙鴨胸Pizza，意粉揀左焗意式蜆肉意粉，汽水就要可樂，另一個就加左$15要左個樽裝茶，再extra加左杯Stella$68焗田螺配特色荷蘭汁田螺唔錯幾好食，但個荷蘭汁就要口味好特別，味道唔似普通出面既味道，真係好睇個人中唔中意，但中意食田螺可以一試，但整體個田螺係好食既。煙鴨胸PizzaPizza即點即整 好睇得出係新鮮整，因為個餅厚度係唔平均，雖然係咁，細細份都幾好食，餅底唔係好厚，完全好岩兩個人既份量，而且料都好好食。焗巴馬火腿意粉個意粉真係好有驚喜，真係好好食。本身以為係normal意粉，但係料好足，又焗到好香好好食。叫啤酒真係好match pizza，而且$68都唔係好貴，最後

觀塘人多車多嘢食仲多😆😆呢個時勢叫外賣Pizza等45分鐘叫做快㗎啦，上次同屋企人叫要成個半鐘！等到咩mood都冇晒😌😌最近响鴻圖中心果頭做嘢，原來地下入去有個好似美食廣場咁，好多食肆選擇...今日收工一於去試吓😉加勒比風情下嘆pizza套餐，我揀咗$188二人餐有小食，意粉🍝pizza🍕汽水🥤，好抵食！Signature Pizza「肉食獸」🤭莎樂美腸，辣香腸，肉丸，車厘茄仲有三色椒，配BBQ Sauce+芝士。即叫即烤，餅底熱辣辣仲好脆，好好味！意粉就叫咗最Classic肉醬意粉🍝多肉醬仲要勁多芝士，真係好滋味！除咗推介Pizza，小食有薯蓉焗田螺！真心正又抵食🤩🤩食飽走去搭車又方便，下次一定會再去！

放工有事做到了觀塘，順便在這邊搵食，到了一個叫愛琴坊的地方，貌似是新開的美食廣場之類。內裏有好幾家食店，唱著首首張國榮的老歌，甚感親切，哈哈，不禁進去轉了一圈，最後選了食pizza。這邊是Pizza pan的位置，有pizza，意粉等食物提供。桌子跟椅子都是隨意的放著，食客都會自行移動，順帶一提是椅子可以旋轉的幾好坐啊。自己落單點菜，之後坐低等食了，店員會送餐的。枱上有張啤酒買二送一的優惠推廣，唔怪得咁多人飲啤酒呢，抵喎。點了蘑菇松露pizza，即叫即整的，看著店員張粉團堆開放上餡料，再放入焗爐烤烘，熱辣辣香噴噴呀～拉絲效果雖不算強勁，但芝士下得很多很厚身，芝士控表示滿意。餅底香脆有咬口，入口是滿滿的松露香，加上熱辣辣非常好食。飲品方面除了啤酒，還有汽水同果汁選擇，自己就點了呢杯果汁特飲，百香果疏打水，好靚呀～攪拌後變成橙黃色，哈哈。甜甜地有果香，飲落仲有少少酸，同pizza好夾喎，好飲。Pizza比預期中大塊呢，一個人吃不完打包留明天了，好味好味。