Pizza Pan

營業中

休息中

Pizza Pan係觀塘小店一間 係外賣app見到咁就諗住試下新野啦！好彩冇令我失望！本人好鍾意食芝士同菠菜 呢個意大利經典pizza中正我心頭好 超多芝士 又有菠菜 番茄汁甜酸度適中 而且pizza底唔會過厚 同配料簡直係perfect match！芝士迷真係一定要試下呢款pizza啊！（同時都仲有好多其他款式可選 亦可自選配搭）不過係架錢稍微略貴 份量比較少 一個女仔都係剛好夠飽呢！我食嘅時候係冇包野飲嘅 但都叫物有所值 間中一次享受下冇所謂啦 推推推！

夜晚行街經過呢個food court,見到有好多間食肆真係好齊全。因為同朋友一齊都想食披薩，所以叫咗個2人餐。其實都幾抵食，因為佢套餐包一個小食，一個披薩，一份意粉，兩杯飲品。小食方面我哋叫咗焗田螺，嗰荷蘭汁真係好香好滑配上田螺真係好夾！好好味真係好開胃！意粉方面叫做一個辣茄汁蜆肉意粉。佢嘅意粉都做得幾好，因為唔會煮得太老，而且蜆肉都幾多，所以都幾足料！披薩方面可以自己揀兩種配料，我哋揀咗鴨胸同火腿，鴨胸都幾香，而火腿嘅話就係平時正常味啦！野飲方面每一杯都加咗5蚊轉做梳打，柚子梳打就係柚子茶味。百香果就係酸酸咪咪嘅百香果汁。兩杯都幾好飲，係夏天嚟講都可以解渴，而且都算健康！整體嚟講都幾滿意，除咗個披薩可以大啲之外啦XD

放工約左朋友食少少野,Pizza就係最好既選擇~Pizza Pan有提供2人套餐,入面包括左一個Pizza,一份意粉,一份小食同2杯飲品.*️⃣Pizza Pan Combo二人套餐 $1881️⃣Classic Italian PizzaPizza上面都係經典既意式配料,包括Mozzarella, Pepperoni 等. Pizza皮薄薄一層所以焗起來好香脆.芝士唔係好澎湃個種,食落每樣食材味道都好match,$78都算唔錯錯.2️⃣黑松露Parma Ham意粉意粉黑松露味唔算好重,不過拌勻後加埋蘑菇味,都食得出淡淡既松露味. 由於意粉味道偏清淡,所以配埋Parma Ham食,味道就岩岩好.3️⃣意式芝士條配招牌醬本身以為係炸原條既芝士,不過原來係芝士包之類,不過味道又竟然唔錯喎,個芝士醬好濃郁!一口一件就會忍唔住好快食哂

🍕🍕🍕今天吃pizza🤪🍕🍕🍕地點係巧明街觀塘或牛頭角站行過嚟都好近依度環境好靚🔹🔹希臘風🔹🔹建議大家黎食野。可以打扮靚少少影下相見到旁邊仲有條樓梯可以上去影相見到除咗pizza之外仲有意粉仲有啲二人餐、四人餐、 八人餐 選擇我點咗個夏威夷人嘅pizza🍕見到佢係即刻整等咗一陣就有得食入面有芝士🧀火腿。菠蘿🍍蘑菇等個pizza底好香💞💞💞而且個厚度都好適中又脆😊✌️正

上個禮拜約左閨蜜dinner 諗住帶佢去食開果間burger店。 見閨蜜未到 諗住係果個商場兜個圈望下 點知有新發現見到一間未食過 裝修好歐陸風既pizza店 重點係價錢好經濟2人餐有Pizza,意粉,小食,汽水 都係$188唔駛加一加$10揀左最多料果款食肉獸Pizzapan Meateor除左基本cheese,蕃茄同三色椒果d配料之外 仲有齊意大利辣肉腸 沙樂美腸同肉丸 夠晒啖啖肉 餅底都幾脆下意粉二話不說揀左小妹最愛既意式千層麵勁勁勁勁勁多cheese 勁拉絲小食同樣揀左邪惡既芝士系列 車打芝士條無諗過會係成兜車打芝士醬比你自己點$200唔駛 食到我地兩個勁飽

係觀塘apm附近買完野搵食夜晚🍽記得去過鴻圖中心既food court，就諗住搵d平價晚餐食下🙈一入到去見到尼間手工pizza 幾靚似高高地級一啲都唔似food court 😉 店內個希臘藍白小屋壁畫牆令到環境幾chill 幾海邊tim😊——————————————————————叫左2人套餐$188(一份小食，一個薄餅，一個意粉&汽水2罐)薄餅揀左既意大利經典芝士都滿滿，肉腸帶點點辣幾好味，餅底都焗得算脆，薄薄的，幾意式如果多點菠菜更好2人份量黎講都剛好，唔會太大食唔到其他野小食點了一個芝士棒，想像中以為係脆棒內有芝士，但原來係芝士麵包條，再dip芝士醬，雖然唔係脆卜卜既棒，但都芝士味滿滿，麵包上既芝士都有焦焦的，都香口🙂意粉面層都鋪滿焗到金黃既芝士，而且醬creamy，味道十分濃，蜆肉都十分多，唔會話好細隻冇咩肉，意粉既口感都彈，不錯👍🏻

經過觀塘就嚟到呢度工廠大廈試吓新野，我哋叫咗個二人套餐（$188起），包括一個starter,一個pizza,一個意粉同兩杯嘢飲😋starter叫左個煙肉配薯蓉😋薯蓉係底煙肉係面，煙肉煎得幾香，而且唔會太過油膩，配上薯蓉都啱啱好中和到煙肉嘅鹹，starter黎講份量唔算多，所以唔怕食得太飽😂pizza就叫左pizza pan（食肉獸），bbq醬底，有cheese，莎拿美腸，辣腸，肉丸，車厘子同三色椒。size適中，應該有10-11寸左右，餅底唔薄唔厚，啱啱好介乎pizza hut薄餅底同厚餅底中間😋味道比較濃郁，以腸嘅鹹味為主調，亦有d水果蔬菜嘅鮮甜做緩衝，所以味道唔會太單調🤣黑松露汁帕爾馬火腿意粉個意粉係白汁底，好creamy,聞落有好濃厚嘅黑松露香味😍火腿乾身不過易入口😋意粉連埋黑松露醬味道好夾👍🏻百香果梳打水好濃嘅百香果味🥰甜甜地😋個杯仲見到百香果粒子～柚子梳打水比普通柚子水少甜，不過都好飲👍🏻

去鴻圖中心搵食，🤹‍♂️呢度款式極多…想食中、西、意、法、日都有！ 我跟著香味，找到了Pizza Pan 🍕 ！ 👩🏾‍🍳睇見即制Pizza由烤爐取出，點抗拒！原來呢度出名係Create your own pizza！ 👹但食肉獸Pizza已經貼切地形容了我，實在非吃不可！🔥Pizza 餅底香脆帶少少炭香, 配上芝士🧀、辣肉腸、🥓沙樂美腸、🧆肉丸，再以三色椒同車厘茄🍒中和番，滿足得來又不太Crazy 👉🏼絕對正!🧆意式焗肉丸配麵包條～ 🍞沾著豐富芝士加大量肉茄，仲有足料嘅肉丸！實在係啖啖滿足🌟

今日朋友係觀塘放工，我地就去左牛頭角食野！佢話搵到間pizza鋪頭環境幾chill，我地就入左去食。我地叫左個一個意粉、一個小食同埋一款pizza。小食係焗田螺配特色荷蘭汁。佢好多芝士，同埋芝士入面有薯蓉，田螺大大隻好新鮮！意粉係黑松露汁Parma Ham意粉。真材實料黑松露，同埋佢有d ham 吊下味呢個配搭好好，令成個意粉無咁creamy。麵條佢都有好多款選擇，有寬條麵、長通粉同埋螺螄粉。d通粉都煮得好爽口！PIZZA好有驚喜好好食。我地呢個係煙鴨胸pizza。平時好少食鴨胸pizza所以覺得幾新奇，佢個醬料係海鮮醬同埋番茄汁，加上佢d洋蔥用左焦糖煮，第一次覺得洋蔥咁好食，酸酸甜甜真係會食上癮！

觀塘除了APM 的Food Court外 ，巧明街既鴻圖中心地下也有一個。Pizza Pan 店舖衛生清潔，座位充足有格調。餐廳以外賣形式為主，方便上班一族。✮ Pizza Pan combo for two $188 (combo + $10)‣ 焗田螺配特色荷蘭汁 Baked Escargots with hollandaise sauce $38 薯蓉的份量佔了一半，而且配搭特式荷蘭汁非常搭配又抵食，加上甘味多汁的田螺，吃完一口再一口停不了啊。‣ 蕃茄大蝦意粉 Spaghetti with prawns in tomato sauce $68喜歡蝦的人這意粉不會讓你失望，沒有細數下已有超過八隻蝦，加上蕃茄汁都做得好食，啖啖肉嘅蝦配蕃茄蓉，撈埋芝士碎一流。‣ 食肉獸Pizza Pan Meateor $98店內招牌，新鮮即叫即製，名符其實好多肉。莎樂美腸，意大利辣肉腸，肉丸，車厘子，三色椒，配上酥脆皮 BBQ 汁，有質素。〒 Pizza Pan (觀塘)觀塘巧明街94-96號鴻圖中心地下5G1-4號舖Opening Hour 11:00 - 22:00 Mon - Sun

兩人餐好抵食$188 小食+薄餅+意粉+飲品辣味茄汁蜆肉意粉辣味好夠 而且個茄汁唔會搶咗個辣味愈食愈開胃Pizza:食肉獸佢呢個Pizza如果跟餐要加多$10但個Pizza冇得輸 最鍾意食薄脆嘅Pizza 好足料 多芝士食完一件又一件焗田螺田螺份量唔多唔少啱啱好但佢嘅芝士汁就好多🤣多到好似唔駛錢咁而且去到你哋食都唔止一種真係好足料好似有八粒左右所以話咁多芝士真係好抵食百香果冰茶荔枝梳打嘢飲記得一定要攪勻先飲如果唔係就會好似飲緊水咁百香果呢個偏甜鍾意飲甜野嘅呢個就岩本身以為個荔枝梳打會好甜但出奇地味道唔會太甜而且好香荔枝味整體來講幾滿意因為咁多嘢食一個人都唔使$100

又來到鴻圖中心，因為這邊的平民美食很多，$100就可以試到多種東西環境有點像food court，大家共用一個戶內空間今次吃的披薩，二人餐才$188，有一份前菜，一份意大利粉，一個披薩，二份汽水，滿抵吃的食物：前菜 肉丸正宗的宜家傢俬肉丸，味道還不錯，不羶不韌，加些麵包吃還不錯意粉我們點了意式千層麵，麵身意外地軟稔，芝士量也適中，不會令人覺太油膩，但口感就很rich食肉獸 披薩是意外地好吃，傳統意式薄切的爽脆批邊，辣肉腸的微辛，莎樂美的油香，三色椒的爽勁，加上番茄的酸味，平衡了各種味道人均$100來說，值了

入到food court,諗番之前望到呢間既手工簿餅好多好評，就好想試啦。我點左其貌不揚既蘑菇松露簿餅，介紹番，我點呢個係最平既素食簿餅。而我估唔到成一個鐘後番到屋企先食都係好好味。松露味好香。打開拿塊食個餅底仲係脆既，已經理攤凍左食都好味。屋企人都話好食。相信堂食既話仲正。不過如果追求視覺靚既簿餅，我見其他簿餅色彩繽紛真係幾靚。不過追求味道既話，我自己口味係覺得簿餅反而係唔加肉粒同菠蘿，只落簡單既蘑菇牙芝士牙既配料會比較好味。

月頭又開始等月尾出糧😂, 今晚收工要去apm拎d野, 所以就去左附近又平又多野食嘅鴻圖中心解決晚餐😊 見咁耐都未食過🍕, 今晚就試下E間Pizza Pan啦!😆餐牌上有好多唔同嘅意粉🍝小食🍟🥗仲有自選pizza🍕同combo set添😚! 焗田螺配特色荷蘭汁🐚荷蘭汁味道幾特別, 田螺口感軟腍, 底層用左薯蓉鋪底, 荷蘭汁配上薯蓉都好夾幾好味!😊Pizza Pan食肉獸🥓🥩🍕小妹至愛嘅簿批, 即叫即做, 每塊pizza嘅肉肉都好多😍邊邊位亦好脆, 車厘番茄🍅好juicy😋, 芝士🧀拉到絲, 味道唔錯!焗意式傳統千層麵🍝千層闊麵嘅肉醬幾多, 茄味濃郁🍅, 上面仲鋪滿左好多邪惡嘅芝士!😈

去開觀塘outlet買鞋，就一定去埋工廠區揾野食。係鴻圖中心一帶就有好多小型餐廳，有西式中式越式港式，今次就試下呢間pizza pan。係疫情期間大家都想食得安心，點完餐，餐廳好細心咁送上消毒濕紙巾同即棄餐具，抵讚！我點了二人餐，揀咗夏威夷人pizza，餅底薄而脆，食完唔會覺得好飽，用料簡單，但拉絲的芝士確實加分！黑松露汁帕爾馬火腿意粉同樣加了滿滿芝士，黑松露醬亦不吝嗇，每啖意粉味道都十分濃厚，麵底亦有4款意粉選擇，不過parma ham就略咸，所以一個人食哂就會好流。小食方面，肉醬薯蓉口感幼滑，調味適中。至於荷蘭汁焗田螺，荷蘭汁香草味濃，田螺上菜時已去殼，但口感亦爽口彈牙，連同少量薯蓉一齊焗，十分惹味。