Pizza Maru (已結業)

星期日去左位於美麗華四樓既Pizza Maru食BrunchPizza Maru係一家特色韓國菜餐廳，主打健康既綠茶麵團pizza、炸雞、同其他韓國料理等等餐牌都係圖文並茂的啊，每款都好吸引哦點左個我獨愛既芝加哥風味pizza——薯角炭燒雞肉芝加哥(蜜糖杏仁邊)餡料非常豐富，薯角同雞肉舖得滿滿的，擠上BBQ醬更能帶出肉既美味！Pizza邊撒滿糖粉同杏仁片，香甜誘人，批邊內裡充滿著勁多芝士，形成拉絲效果，視覺同味覺都非常棒，不得了啊！！身為芝士控既我表示相當滿足烤肉脆薯田園沙律碧綠既沙律菜好爽脆新鮮，面上放滿左烤肉碎同脆薯絲，增加左香脆既口感，烤肉碎使到個沙律帶有肉香，冇咁寡蜂蜜牛油秘製炸雞韓國好出名既蜂蜜牛油杏仁就食得多啦，估唔到將蜂蜜牛油融入炸雞裡面都幾有驚喜！炸雞好juicy，外皮薄薄的一層好酥脆，沾上左蜂蜜牛油味粉，所以帶點蜜甜香，好味道哦

美麗華除咗有一眾日本品牌可以購物，仲有間隱藏喺樓上嘅韓國餐廳，坐位寬闊，價格又相宜😗有炸雞、薄餅、前菜同小食可以嗌，選擇都算多😋嗌咗嗰柚子沙律，沙律菜上面淋咗柚子醬同舖咗芝士刨絲，加上堅果豐富口感。有唔同嘅韓國啤酒，喺香港都唔算多地方有得飲，比平時多啲選擇🍺小食嗌咗紫菜雞蛋卷，入面仲有啲融咗嘅芝士，雞蛋卷嫩口，配上沙律醬，熱辣辣😋我哋仲嗌咗青口，份量十足，數數埋埋都有廿幾隻🤤炸雞都幾出色，甜辣醬一啲都唔辣，炸雞有肉汁，唔乾身，一共有六大件，外皮脆身又香口🐔最後加上蟹肉他他配烤餅，加上檸檬汁提鮮，清爽可口🤡

在韓國有600多間店Pizza Maru原來在美麗華食四方都開左。繽紛色彩的裝修很hip。Menu選擇多，除左pizza、炸雞，仲有意粉、小食。蟹肉pizza好吸引！綠茶dough好有特色。Beer都唔少。多大枱、卡位，方便一班人聚會。蜂蜜牛油秘製炸雞($108/6件)好脆，蜂蜜牛油係粉狀，乾身的，所以炸漿唔係稔。有骨雞肉係好食d，肉質嫩滑。Maru紫蘇炸魷魚圈($73)，配onion cream sauce椰菜，味道配合得唔錯，椰菜新鮮爽口，用上紫蘇葉一齊炸，幾有特色，而且魷魚就唔會咁油膩。香煎帶子配魚子茸($78)，帶子上面加左蛋黄醬、辣椒碎，再放在薄脆蓮藕上，味道豐富。泡菜海灣芝加哥(蜜糖杏仁邊)($189 /regular 9")，餅邊特厚，好多芝士，有double mozzarella cheese和cream cheese mousse，而且餡料超多，有炒洋蔥、蘑菇、蝦、蟹肉棒、粟米、菠蘿、燈籠椒、火腿、香芹、牧場醬、泡菜、蛋黃醬，泡菜可以再多d。唔好以為9"唔夠食，都幾full。

同朋友O係TST行左成個下晝, 有少少攰, 所以O係附近搵野食, 見到Mira Mall都有好多食肆, 所以就O係度揀啦~無意中, 我地見到呢間都幾新既餐廳, 所以決定入去試下!見店名寫住Korean Pizza & Chicken, 所以我地今次2樣都叫左!Pizza既款式都幾多!D炸雞亦都非常吸引!!秘密田園(9")其實睇menu已經見到"綠茶薄餅"呢個term, 心諗pizza同綠茶有咩關係呢, 原來pizza既麵團有用綠茶整架, 好特別!食落真係有淡淡既綠茶香味滲出黎~!我鐘意有幾款唔同既蔬菜, 有甜椒, 洋蔥, 南瓜等等, 顏色好吸引, 口感亦好豐富~同埋個醬都好夾~蜂蜜牛油秘製炸雞 (6件)每件雞都幾大舊, 但D雞肉一D都唔鞋, 好juicy, 好好食! 蜂蜜牛油味, 香香甜甜, 食唔到辣野既可以叫呢個, 都唔錯!~再叫埋杯野飲, 好refresh!~好滿足既一餐!

早前與愛食韓國嘢的友人食飯, 佢提議去位於尖沙咀的Pizza Maru食嘢. 我地先點了一個叫蜜糖柚子花園的沙律. 蔬菜幾新鮮爽脆. 唯獨就其他配料, 如菠蘿, 車厘茄較少, 感覺就係齋食菜咁. 釀車打蝦焗波特菇. 個菇夠多汁.而且內裡釀了車打蝦, 入口有淡淡的芝士味, 非常好味. Maru 秘製青口鍋. 份量幾多. 上枱時已香味撲鼻. 青口幾飽滿, 而且這個係韓式整法, 所以有微微辣, 對於唔食得辣的我也能接受, 仲幾惹味. 蜂蜜牛油秘製炸雞. 炸雞不能少, 款式也有不少. 最後選了這款蜂蜜牛油. 外皮幾脆身, 灑上帶甜的粉, 多一份味道. 雞肉尚算嫩滑, 若味道再濃一點, 更好味.

今日和老婆去美麗華食四方搵食，已經好耐好耐冇黎過美麗華商場了，對上一次應該是7，8年前吧。食四方有好多餐廳，有西餐，中菜，日式、美式的、韓式的一定有一間餐廳合你心意。今次選了韓國餐廳pizza maru ，因為我太耐冇食炸雞了，見到炸雞已經有點心癢癢啦。餐廳坐位寬敞，而且還有韓國MV 播著，一路聽K pop 一路飲酒食炸雞，放假就要放鬆一下自己韓風午餐肉拌飯-賣相好靚，一層一層，最上層是脆脆絲，好香口，好似食緊薯片，第二層是泡菜，第三層是午餐肉，第四層是荷包蛋，最底旳就是紫菜和飯，而且還有紫洋蔥、蘑菇、椰菜、巴馬臣芝士在裡面，配料好豐富，未食之前以為會好乾，但撈埋一齊食，連埋泡菜蛋黃醬，酸忌廉醬，味道又好夾，好好味蜂蜜牛油秘製炸雞-炸雞有不同味選擇，而且可以叫12隻兩款味道，但我們只叫了6隻蜂蜜牛油秘製炸雞，其他味都好想試，唯有下次再黎，炸雞炸得香口酥脆，雞皮脆卜卜，咬落去肉嫩多汁，非常juicy ，而且蜂蜜牛油味非常濃郁。餐廳亦有不同酒選擇，我點了草莓瑪格麗酒配炸雞，整杯粉紅超吸睛，酒味比較突出，只嚐到少少的草莓味。

帶囡囡去科學館玩，玩之前朋友推介美麗華商場食四方好多不同餐廳，所以今日我地去食四方搵食啦。間間都好吸引，囡囡話要食pizza ，我地簡左一間韓國餐廳，又可以食pizza ，又可以食炸雞，滿足晒我地。韓國pizza 都有好多款選擇，有不同的特色綠茶薄餅、經典綠茶薄餅、芝加哥薄餅選擇，我地點了韓國烤肉9吋，因驚12吋我地食唔晒。特色綠茶薄餅-韓國烤肉9吋（蕃茄餅底）我地亦轉了特式手工批邊雙芝邊，配料有韓式燒牛肉、火腿、磨菇、燈籠椒、馬蘇里拉芝士、紫洋蔥、磨菇、香芹片，材料非常豐富，一拎起塊pizza，超多芝士，非常邪惡，薄餅餅底唔會太厚太乾，雖然好多芝士，但唔會好滯蜂蜜牛油秘製炸雞未食已聞到好香好香，調味粉超多，但唔會過鹹，炸雞外脆內嫩，雞肉好嫩滑，最緊要冇咩油，唔會太乾身，我地叫左6件，唔太夠喉，下次要叫多D 蜜柚茶

上次喺銅鑼灣分店食過啲pizza，印象幾好，所以今次就約朋友嚟再食多次［蜜柚茶，$28］韓式柚子茶有潤燥功效，好啱秋天飲［蒜香甜辣秘製炸雞，$108（6件）］呢一款炸雞只有微微嘅辣度，而且蒜味香濃，再加上雞肉外脆內嫩，會令人想一件接一件咁食落去［漁夫蕃茄燴海鮮，$187］呢個盤裝住滿滿嘅青口、帶子、魷魚等等嘅海鮮！蕃茄湯汁加咗蒜頭、辣椒同香葉調味，再加上海鮮嘅鮮味，食落非常惹味。不過好可惜蝦唔太新鮮、有少少「梅」［香煎帶子配魚子茸，$78］帶子煎得啱啱好，中間仍然係嫩滑juicy，而上面揤咗蛋黃醬同雪魚卵再配埋底下嘅炸蓮藕片，一啖擺落口味道同口感都非常豐富［蜜糖柚子花園，$88］呢個沙律入面除咗有平時見嘅蔬菜外，仲有菠蘿、核桃、同杏仁片，最特別係個香甜嘅蜜糖柚子沙律醬全新材料都好夾，又健康又好味［韓風薯絲雞肉拌飯，$108］面頭嘅薯絲脆卜卜，同飯拌勻之後食落口感倍增！但醬汁唔多，所以食落略嫌有少少乾，而且用碟嚟撈個拌飯好唔方便，扣咗少少分。不過食落都幾特別、好味，咁就加返分啦

朋友飯聚以前就會擇日子，但當大家出黎做野之後一放工就隨時都可以出黎食返餐。今晚大家都想食PIZZA炸雞，所以近近地係美麗華食方便大家食完返屋企。紫蘇炸魷魚圈。炸得都乾脆但就唔係幾食到個紫蘇味，反而同友人都覺得伴碟嘅沙律絲仲好食，好解油膩，哈哈哈。肉食主義(9")。本身PIZZA嘅牛肉及雞肉都幾好食，份量都好多而且批底厚薄適中，但可惜係落嘅千島醬有啲多，令到PIZZA 食落偏甜左啲，好易覺得飽膩。幸好配左柚子茶伴食，中和返唔少。蒜香蕃茄蟹肉意粉。一致好評嘅意粉，質感軟硬適中，醬汁唔會太過稀所以食落啖啖蕃茄香。軟殼蟹都飽滿不油膩，整體配合得唔錯。薯絲雞肉拌飯。薯絲炸得好香口拌上雞肉味道幾唔錯。不過飯粒偏硬同埋個飯比想像中辣，唔撈咁均勻應該無咩問題。蒜香甜辣炸雞。呢度嘅炸雞一向有水準，雞皮同雞肉炸完唔會皮肉分離，所以雞肉可以保持外脆內嫩唔會乾爭爭。加上甜甜辣辣嘅醬汁十分開胃。六件雞其實都多，所以大胃王可以挑戰下九件。食炸雞當然要配啤酒，所以揀左款韓國手工啤酒－THE MADAM。酒精度約8%入口微酸帶柚子及麥香，汽泡飲落唔算好多幾啱用黎佐酒。之後點左兩杯蜜糖柚子及香芒西柚ADE，清新酸甜嘅味

記得上次到美麗華食四坊還在裝修沒想到現在已經食市林立今天想吃炸雞男朋友就帶我來了PIZZA MARU感覺得開心 因為他平常是不吃炸雞的人轉性子的一天 要好好珍惜.太陽番茄芝加哥 $173當男朋友選這個的時候我就知道他帶我來這裡只是因為想吃這個PIZZA上桌的時候 我也忍不住流口水他的厚度比平常吃的厚PIZZA更厚切了兩刀 再拿起一塊PIZZA我的媽呀!!是芝士而且是芝士火山爆發的樣子太多了吧 PIZZA的外皮部份很軟熟就算到後來冷了 也不會變得太硬芝士不會太咸太膩 有點口感芝士的味道也很香 加上番茄醬真的令人吃完一口又一口.半半 $198 可以隨意選兩款炸雞我選了甜辣炸雞和蜂蜜牛油炸雞等的時間需要長一點各種口味各有6塊雞塊也算大塊甜辣炸雞上的甜辣醬是比較濃不會太辣 但卻會令人吃了一口又一口蜂蜜牛油炸雞上面是有一些粉味道甜甜的 牛油味慢慢地湛出來而且外皮都不會炸得太厚 也不會覺得每一口都是粉肉質也不錯 比較滑就算是雞胸的部份也不會太粗糙.韓式芝士雞蛋卷 $73雞蛋卷不像市面上那麼比較厚反而是薄的那種裡面是芝士 外面一層是紫菜最外面才是雞蛋雞蛋是和紅蘿蔔及蔥混合了再弄熟的上面的醬很好吃 原

尖沙咀金巴利道加連威老道一帶有好多韓式食肆， 大部分都係地舖 ，地舖嘅唔好處就係落雨就會少咗好多人流。 打完風又落大雨，所以都唔想喺條街度周圍搵嘢食。 去咗美麗華商場四樓嘅（pizza maru），雖然唔係韓國人主理，餐廳廚師亦唔係韓國人， 但係望落去十分像首爾商場嘅現代韓式加西式料理餐廳，氣氛還真不錯，相信食物質素應該都good。店內十分型格，猶如kpop拍攝場景。甜辣秘製炸雞6件$108， 外形與kfc傳統炸雞並無異樣， 但既然收到咁貴，當然同kfc好有分別 ，雞肉依然保持肉嫩，而秘製醬汁甜甜酸酸帶點微辣， 辣得夠過癮。 江南牛仔pizza 9吋， 我們點選了以綠茶餅底做的pizza。餅底帶點微微綠茶清香，感覺清新特別 ，綠茶的苦澀味更豐富層次感。 鳳梨蝦芝士拌飯 ，上面張圖係未攪勻鐵板上的芝士，隨著時間同埋熱力，開始慢慢溶， 當然立即要攪勻佢，撈落啲飯度形成熱熔拉絲芝士，夠正夠"芝"味。 韓式芝士雞蛋卷， 外型很像日式的玉子燒 ，芝士鹹香味充足， 不像日式的偏甜味。

今日食韓國野，兩個女仔係落下行完街上4樓開餐。香煎帶子配魚子茸$156，呢個小食只有4件要$156的確係貴左d，但帶子夠新鮮，配埋個魚子茸好好食，個味好夾，推介推介蜂蜜蒜泥炸雞（6件）$119，食韓國野點少得炸雞，炸得好香口呀，脆卜卜，岩岩好，蜂蜜蒜泥味甜甜蒜香，好回味，雞肉滑嫩，冇得輸，第二推介讓車打蝦焗波得菇$98，大啡菇焗完唔會又乾又硬，厚厚的又多汁如果加埋煙肉仲美味泡菜海灣芝加哥Pizza$189，係芝士邊黎，pizza上滿滿海鮮，好足料，加左好似瓜子既東東係pizza 到口感更豐富玄米綠茶$28，呢排咳，已經破界食左炸雞，要飲返杯熱茶，下次一定要食炸雞配啤酒

今晚約左一班朋友出尖沙咀食飯,諗唔到食咩喎,,所以就open rice 下,最後決定想食炸雞係OpenRice度search韓式炸雞出嚟嘅選擇其實唔係好多見到一間喺美麗華新開嘅叫做pizza maru ,決定就去試吓！薯角炭燒雞肉芝加哥pizza $198出乎意料地好食!!!加入左綠茶做嘅Pizza餅底好有彈性好有咬口本身見到個醬汁係燒汁覺得可能會普普通通，結果雞肉配燒汁簡直係天衣無縫好多芝士!!多到d 芝士牽住d 絲拉極都拉唔斷最後叫咗杯荔枝味嘅馬格利酒都幾好飲,仲有好多韓式手工制嘅啤酒都好吸引值得一試!!!

I planned to have Korean food with my wife tonight and we decided to go to Pizza Maru for it. We have eaten at their Causeway Bay outlet before and we enjoyed it. this time round, we went to their Tsim Sha Tsui branch. It was located at Mira Place One. Their menu served a wide range of Korean food, mainly their signature pizza and fried chickens in several different flavours, pasta, risotto, appetizers and drinks etc. Lychee cooler ade was gassy and refreshing, with lemon and mint in it. It has

鋪名主打Pizza，一心以為係西式食店。見到門牌先知係韓國餐廳，環境舒適。座位都夠哂闊，有埋BB椅，加埋韓文歌有小朋友都唔覺好嘈。環境好滿意，估唔到食物好驚喜，叫左幾樣，樣樣都好岀色。值得大家一試，Pizza更食完再叫。1.芝加哥芝士批呢個pizza真係好味道不得了，面層蕃茄，下面茹同肉，個批邊又帶有甜甜地。最重要係呢個批批邊係芝心既（大家留意，並唔係個個批都係有芝心架）啲芝士軟香，㘩面脆，食完一件係會想再食架，所以我地5個人但最後都食左兩個Pizza。2.忌廉蜜糖薯條初時以為只係普通薯條，點知點個醬啖啖甜香，因為個醬以cream為主，又帶點滑身，同個薯條又岀奇地夾窩，大家點都要叫啦！3.韓式芝士蛋卷平時食炸雞最鍾意食呢個蛋卷，呢到有別其他店，呢個蛋卷細細，但好香濃既芝士香，又帶有點微辣感覺，感覺都好得意。4.蜜糖牛油炸雞🍗炸雞一向都唔驚會失望，呢個甜香既炸雞完全無失望，香口而又無好油既感覺。一流！5.帶子泡菜卡邦尼新潮得嚟又好夾到個味，好得。食落好似西餐野，點知當中既泡菜帶有微辣但又帶點cream滑，感覺好得意😎帶動新既味覺。