PHI Coffee & Pancake (MOSTown新港城中心(4期))

營業中

休息中

「油封鴨腿Risotto — 法式與義式的完美碰撞」   這道菜絕對是驚喜之作！油封鴨腿外皮酥脆，肉質軟嫩到幾乎入口即化，搭配濃郁的Risotto，米粒吸滿鴨油香氣與高湯精華，每一口都帶有微微的香氣，層次豐富卻不膩口。「芝士貓耳朵粉 — 濃郁奶香×彈牙口感」   貓耳朵粉（Orecchiette）煮得恰到好處，邊緣微厚、中心彈牙，裹上濃稠的芝士，奶香濃郁卻不過鹹，還能嚐到帕瑪森芝士的鹹香餘韻。「原味舒芙蕾Pancake — 空氣感與蛋香的極致平衡」   招牌甜點果然名不虛傳！原味舒芙蕾Pancake蓬鬆如雲朵，切開時能感受到輕盈的空氣感，入口蛋香濃郁且帶微微焦糖香。搭配鮮奶油，甜度恰到好處，完美收尾一餐。  環境：簡約木系裝潢搭配暖黃燈光，座位間距寬敞，適合朋友聚餐或獨自放空。午後陽光透過玻璃窗灑入，格外愜意。  服務：店員態度親切熱情，上菜速度中等（主菜約等待20分鐘）。  

今日得閒，想在工作日中午偷閒一下，於是同朋友來到馬鞍山這間PHI Coffee and Pancake。之前聽朋友講過這間的梳乎厘很出色，加上地點方便，就決定來試試看，慰勞一下辛苦工作的自己。環境：店內裝潢簡約舒適，座位之間不會太擁擠，可以讓人放鬆心情，享受午間的片刻寧靜。 * 蕃茄海鮮意粉:先上的意粉，份量足夠，以午餐來說很令人滿意。蕃茄醬汁味道濃郁，酸甜度適中，不會過於膩口。意粉的軟硬度煮得剛好，不會太硬或太軟，整體來說中規中矩。 * 石板街梳乎厘:這絕對是今日的亮點！上桌時，熱騰騰的梳乎厘脹卜卜，賣相已經非常吸引。淋上濃郁的朱古力醬，再灑上杏仁片、棉花糖和Oreo碎，簡直是視覺和味覺的雙重享受。用叉輕輕挖開，內裡非常鬆軟，入口即化，蛋香味十足。朱古力醬的香濃和梳乎厘的輕盈完美結合，甜度也控制得很好，不會讓人覺得過於甜膩。配料也為梳乎厘增添了不同的口感層次，每一口都是驚喜。強烈推薦喜歡甜點的朋友一定要試試看這款石板街梳乎厘，絕對不會失望！總的嚟講蕃茄海鮮意粉表現中上，足以填飽肚子；而石板街梳乎厘較為驚艷，無論是賣相還是味道都令人非常滿意。服務方面，店員態度親切，上餐速度也很快，非常

野食差左 服務極差請各位避雷服務員有‘求’必不應 一個訴求講三次講完就消失 催就黑口黑面扮聽不到 見不到 雖然服務員門檻不高 但都希望餐廳有篩選燴飯好難食 意麵還好以後不會再來

今日送亞女返學，係馬鞍山新港城搵食中午飯。成日都聽馬鞍山是美食沙漠，見到這間餐飯都多人排隊就來試下，排左大約十五分鐘就入座，不算太耐😃辣蕃茄蟹肉扁意粉🍝-好彩侍應同我哋講話好辣，我地order左小小辣。份量夠，不錯🤭傳統卡邦尼意粉-煙肉又鹹香味，有咬口，同平時其他舖頭不一樣。個醬不會太稀，亦都不會太杰剛剛好。同埋冇用生雞蛋啱小朋友食，下次都會帶阿女嚟食🫶🏻Lotus 海鹽焦糖疏乎厘-本身我不喜愛食疏乎厘，呢個疏乎厘出奇地好食😋唔會腍啤啤，有pancake嘅感覺👍🏻反而咖啡相比之下遜息咗少少，冇乜啡味太多奶。lunch set $138有意粉有疏乎厘又有咖啡就相當之抵👏🏻

叫2個set lunch，等30分鐘先有第一碟飯，再等多15分鐘先有第二碟（前後成45分鐘），已經即刻叫佢上埋個梳乎厘（落單有講15-20分鐘），最後等左40分鐘個梳乎厘先黎，仲要係我話未做就取消埋單啦，先話5分鐘就有（當然唔係5分鐘後就俾到我啦，仲要等成10分鐘）完全唔知佢地用咩準則出單，前後左右遲過我入黎遲過我落單都埋單走埋免費都唔會再黎食當然大家係想同朋友坐一日呢到係好選擇，因為你哋傾完呢10年嘅事，佢應該會上到杯野俾你飲住先

對屋苑商場冇乜要求，食飽就算，都費事考究係唔係沙漠。呢間叫做朋友來訪，搵間Cafe仔傾吓偈餐廳。服務整體都算好好招呼。除咗一個長髮經理就比較特別啲，可能有啲高層嘅包袱。叫咗個意粉，釀雞翼，同佢主打嘅pancake餐牌上嘅意粉都試咗7788 ，最普通嘅cabonara反而OK，但係唔知點解成個餐廳，出餐啲嘢一概唔熱。當然pancake除外。pancake係好食嘅，特別鍾意佢唔係散晒黏立質地，佢蛋味比較重，用嘅蜜糖伴碟都係唔錯，見佢點綴都用食用花，都有啲成本嘅。但係佢個membership真心有問題，明明熱食再叫pancake係可以減$25 ，我，用積分去換$10扣減張單，佢竟然攞走返我$25嘅優惠。要扣我分仲倒加我$15 ，餐廳經理，係唔係唔鍾意我先？

之前嚟過幾次，每次都會遇上短髮侍應姐姐，服務超好，佢按住每個人嘅需要而去做介紹，超貼心！ 每次都係同小朋友一齊過嚟，佢會按住我哋嘅需要而去介紹食物，配合到每個人之餘唔會浪費食物🙏🏿會因為有佢再次光顧💪🏿

岩岩開業經過嘅時候，每日出面都排曬長龍， 賣相都幾吸引，都好想去試下， 第一次去叫咗杯tiramisu咖啡，扁意粉，risotto，仲有pancake，整體咖啡好好飲，甜品賣相靚，意粉都好好食🤤🤤但係個意大利飯係個敗筆，味道同賣相都唔太好，啲飯好似Bb食啲粥仔咁，口感極差😓😓簡直係非一般既意大利飯😂😂第二次去打發一下時間， 叫咗杯熱嘅latte 同埋pancake，熱咖啡有拉花賣相不錯，温度又夠熱，最岩呢幾日天氣凍，飲杯熱野暖下🤗🤗今次叫左第二種口味既pancake，賣相一樣不錯👍🏻但係食落pancake入面好似有啲濕patpat，感覺有啲唔熟🤔🤔不過都唔會影響到我下次再想黎食既念頭😂😂值得一讚既係，俾我偷聽到隔離枱🫣🫣食個唔知咩脾飯😂店員教個客人點樣依次序食，仲好貼心咁問需唔需要起骨👍🏻👍🏻店員又nice又貼心😬😬讚！！

今日行過見到少人排隊，又未試過佢，今日就同囡囡試吓先！我哋叫咗 卡邦尼意粉醬汁濃稠，味道厚，但意粉略軟，整體來講中間肉醬意粉醬料足，味道適中，意粉都係比較軟，吞拿魚貓耳朵成碟好可愛嘅粉紅色，吞拿魚處理得恰到好處，不會太過火，味道略嫌淡，醬汁估計係火龍果，視覺上幾靚，配搭比較新奇，可以一試原味pancake+雪糕Pancake鬆軟香滑，熱辣辣，配合忌廉及雪糕，一流享受，果然係招牌作品另外飲品係凍美式凍焦糖咖啡，兩杯嘢飲正常發揮，小朋友點嘅係蘋果汁，中規中矩。後記：整體上嚟講中規中矩，唔係特別好食，尤其是意粉類，pancake係比較好食，服務方面：一個短頭髮，戴眼鏡的侍應姐姐，有禮招呼周到，值得一讚。戴返頭盔先，我覺得好唔好食≠你覺得好唔好食，好唔好食因人而異。

終於有食店挽回香港食店形象，馬鞍山MOS新開的日式餐廳，短髮女店員服務態度良好🥰, 殷勤招呼，值得一讚👍, 亦有介紹食物，整體感覺很舒服，疏乎厘除了美觀亦很美味！馬鞍山又多一個食店選擇，下次一定再來！期待店內其他美食😋

之前食過幾次都唔錯，今次已經唔記得係第幾次來食，一入門口有個短頭髮的女侍應非常之殷勤，而且態度都好好，今時今日咁嘅態度真係抵讚所以呢個好評係比呢個女侍應嗌咗個原味疏乎厘，味道還是一如既往的好味😋抹茶latte就苦澀咗少少，不過都可以接受。Lunch set係幾抵食， $72 +1包括原味疏乎厘仲有埋嘢飲，上次同fd 來食158個set都好飽，整體嚟講性價比算高，而且環境都幾適合坐喺度傾偈，下次還會再嚟。

今日我去到呢間店，一入門口，有一位比較瘦短頭髮戴黑色眼鏡嘅侍應招呼我就坐，我見佢對其他客人都好Nice ，當我示意叫佢幫我點一份香辣蟹肉意粉同埋一份甜品時佢同我講呢個好辣有問我食唔食得辣，要唔要幫我更改少辣？我話我可以😊。食完意粉佢主動過嚟幫我收碟，仲同我講幫我換過餐具同餐巾食甜好唔好？我話好吖😊🙏🏼！到最後我付款佢會帶住笑容同講「下次再嚟過吖！」我覺得非常之滿意👍🏼

今個月有一日咁啱去開馬鞍山就諗住試下之前好多人排隊嘅嗰間PHI ，我見冇乜人就去咗，我諗住佢哋啲嘢食嘅相同實物出入唔會差太遠啦，點知出到嚟嘅嘢食唔單止樣衰仲要好難食，別外仲要有個長頸髮又肥又載眼鏡嘅女店長，佢啲服務態度真係好差我問佢點解我啲嘢食到咗但杯咖啡點解等咗起碼30分鐘都仲未有，跟住佢行走嘅時候仲要對住我黑口黑面好似前世欠咗佢咁樣，之後佢就入去沖番杯咖啡比我，杯咖啡到咗之後我飲咗一啖就覺得勁難飲，因爲佢哋啲咖啡太酸酸到係唔正常嗰隻😡😡😡，所以我奉勸大家千祈唔好去依間乜嘢都差嘅鋪頭食嘢。

伏伏伏，避雷中午食飯時間，周圍食店都好多人， 偏偏見到有間是是正正，開咗不久的食店，一心就決定嚟試一試我們同行3位，在前面排了4個人3個人，有個身型不太瘦的女服務員，前來詢問人數，剛好外面有一枱空位，該名不太瘦的女服務員詢問了在我們前面等候的客人會否選擇坐外面，他們都選擇拒絕，心諗應該到我們了，該名服務員卻帶了排在我們後面的客人坐了，然後直接返回了收銀台企，心想算了不差那十多分鐘終於可以進去了，午餐是比想像中的便宜，點了一個牛肉飯和原味梳乎厘，2杯的跟餐hot latte，本來心情都比較愉快，卻偏偏等了又等的latte很久也不到，那個拉花十分十分十分十分的醜，十分十分醜，明明一間咖啡店，為何會有如此難看的拉花，十分抱歉因為咖啡等太久了，我趕緊喝完去上班沒有拍下那杯醜醜的咖啡，但是我相信開在屋邨的店舖，會有一定的熟客，我相信如果有人看到我的貼文就會知道什麼是一杯醜醜的咖啡，是什麼拉花圖案也看不明白的咖啡，那名女帶眼鏡的咖啡師應該要好好進行培訓，還有在我等了咖啡很久的時候，我問了幾次店員咖啡還有多久，那些店員去查詢企在收銀的不太瘦女服務員，我想那名就是經理吧，好像聽到他們叫她是什麼琦？琪？

之前黎食都係食pancakes,今次試下2人晚餐。首先巴拿馬火腿沙律清爽開胃。忌廉蘑菇湯濃郁滑順，是暖胃開飯的佳品。芝士肉醬薯條則是經典美味，肉醬與薯條的結合總是令人驚喜。另外龍蝦意大利飯，濃汁意大利飯幾惹味，可惜佢嘅龍蝦蝦肉係龍蝦鉗，肉質過於結實。接著是蕃茄海鮮扁意粉，蝦的口感和蕃茄的酸甜，配合幾好，青口轉做其他海鮮會更好。飲品可叫上大熱既陽剛香水檸檬茶作，清新怡人讓人心曠神怡。我就叫杯熱既Americano。好可惜，真係太飽，冇再叫到pancake配上呢杯熱咖啡就正啦。