Pepper Lunch Express (又一城)

營業中

休息中

年輕個陣係香港城市大學讀左三年，中價之選除了去校內吃，又一城的飯堂亦成為我的選擇之一。而我最喜歡吃「黑椒牛肉飯」加飯加雙份芝士。勝於撈完成個飯夠 juicy。又夠濃味而且份量夠多夠飽肚仲有兩種醬汁可以自己加價錢又抵50幾蚊絕對係學生同長期糧尾首選而且出餐時間好快唔駛等好耐

求其搵食，係公司附近咁耐以黎都無食過呢間Pepper Lunch，呢度係自助形式既food court，需要自己搵位。你就唔好預呢度既環境衛生服務有幾好啦，黎得呢度食野既人都係貪方便同快既姐。今晚朋友話請我食牛扒，就話食呢間啦。朋友幫我叫左個牛扒加芝士加玉米加麵豉湯，好似12x。都算抵食啦～100蚊食到唔錯既牛扒。我去搵位，佢去拎嘢食，佢拎到埋黎，我見到...血淋淋...嚇死我...朋友唔叫我反轉牛扒比個鐵板煎下我都唔記得左，以為要我就咁食😂😂（唔好怪我見識少，我真係第一次食）煎完另外一面又真係熟左好多wor，哈哈。食舊牛扒先～嗯～都幾嫩口wor而且d牛尾味好出，好彩頭先有反轉舊牛扒，如果唔係就會搞到一邊太熟一邊唔熟，而家就啱啱好，中間稍微仲有嫩粉紅。加埋粟米芝士一齊食仲好味，牛扒份量都比我想像既多。估唔到都幾好食。不過個麵豉湯就真係鹹死人地個女啦想食個有返咁上下水準既飯不妨可以試下呢個鐵板牛扒呀

好耐都冇食過pepper lunch, 對上一次食,應該已經是中學的時候。pepper lunch陪伴了大家渡過了不少童年，以前真係覺得好食。之前經過九龍塘，聞到好香，忍唔住又買咗一個黑椒牛肉飯，加大1.5倍、加芝士。依家其實有啲失望，因為第一年陪之後，其實牛肉當然係好少。依家最重要係，牛肉其實只係一啲肥牛肉。某程度上，可能係啲火配料級數嘅肥牛肉。肥牛肉，其實本身已經好肥膩，但係佢仲要落好多油落去，放喺啲飯同牛肉下面，令到飯其實好油膩。粟米，其實有少少硬。應該未熟晒。我覺得，一個黑椒牛肉飯，可以改善嘅地方可以有好多。可能近年我比較喜歡煮飯，我覺得一碟飯，蔬菜同埋肉嘅比例要分得好好，蔬菜絕對唔可以太少，而且要非常新鮮。油，要控制得好好。可能我口味唔同咗，而家覺得pepper lunch飯已經冇以前咁好味。如果食快餐嘅話，我覺得吉野家、麥當勞，可能會更加好。

今日出job, 我要自己食飯，去左又一城搵飯食，咖哩味不濃，芝士味有但較淡，雞肉嫩滑爽口，自助加上蜜糖烤汁和醬油汁，熱騰騰撈埋一起，出晒煙，帶出好香燒烤味，飲品要另加錢，抵食，有學生餐優惠添

今日星期六為參加CU同學畢業禮出九龍塘（太久沒出九龍區），去之前上又一城美食城搵食醫肚！哇！！！超級多人超級超級逼，買個餐食排隊排到癲、等位都等痴根！！可能星期六又臨近聖誕，好多人行街、聚會，又好多自由行！！BTW，見經過d人叫左pepper lunch ge鐵板燒飯好似好正，就兩條友各叫左個黑椒牛肉板燒飯、三寶板燒飯加埋飲品。其中同學有學生證便宜d。total：90元。價錢合理，整體食物以午餐來說都不錯。牛肉份量和飯ge量相若，幾野味。下次會試一試個芝士味ge牛肉飯！！缺點：OMG！！人超級多，間間食店等超耐。

週末去到又一城行街，夜晚想食飯，但間間食肆都排隊等位，最快就緊係去food court食去到food court已經聞到好香，好多人食鐵板飯，我都唔執輸，叫個黑椒牛肉飯試下先！加大，連埋汽水，大約五十幾蚊。等左大約5分鐘就有得食喇好多粟米，再加埋蜜糖汁，好味！不過由於攞餐後要行一段路先返到座位，果陣塊板已經冇咁熱喇。朋友就叫左雞肉飯，睇落都唔錯。見到有學生價，$39連飲品，如果普通人都有呢個優惠就好喇

又來一個來港是八號風球，成日打風好悶呀，而且住在沙田附近的餐廳無開又食厭，於是去到遠的九龍又一城food court，真難得Pepper Lunch 有開，服務好。打風出外食肯定貴一點，睇過餐牌係學生餐價錢是平一點。大盛鐵板三文魚拼雞肉飯，這個飯賣相幾靚，食落口的三文魚味道OK而不油膩，雞肉都唔錯而且米飯口感OK。以$67大盛鐵板三文魚拼雞肉飯連雀巢檸檬茶一杯價錢不便宜。

係又一城food court最吸引我食，一定係pepper lunch, lunch set $49黑椒牛肉飯加汽水！平！都幾大碟，配上呢間鋪的醬汁撈飯，非常惹味，牛肉剛剛好，吾軔，有粟米中和下

『顧客』在 Pepper Lunch 才是大廚。由『顧客』發揮 D-I-Y 創意，利用鐵板在無火下保持高溫的特質，烹調出屬於自己的味道。這就是『燒出自我風格』的 Pepper Lunch 概念。 『快捷、方便』就是Pepper Lunch Express 品牌的理念。所以，它分佈於全港大部份的美食廣場。提供一個快速用餐，交通方便的駐腳點，享用鐵板美食。 Pepper Lunch 的鐵板由擁有日本專利的特別技術製造，加上特別研發的高功率電磁爐，從而創造出美味的鐵板料理。當特製鐵板在高功率電磁爐急速加熱 70 秒後，溫度將上升至 260°C的極高溫。特製鐵板在烹調後的 20 分鐘依然保持在 80°C左右的高 溫，確保顧客吃到的每一塊肉都鮮嫩多汁，每一口食材都熱氣騰騰。 去Pepper Lunch識吃一定是吃咖喱黑椒芝士牛肉飯。人氣的黑椒牛肉飯灑上自家製咖喱粉， 配上馬蘇里拉芝士，人氣之選的味蕾昇華， 無法言語。

部電話壞壞地，所以襯今日放假去左又一城度整電話，拎完個籌之後就去左樓上既food court 度食野，雖然好多選揀，但我最後都係揀左食鐵板餐！左揀右揀之下，最後揀左「三拼黑椒飯」(牛肉、三文魚、雞肉)，咁樣就要56蚊...唔駛等好耐就有得食喇，雖然佢叫三拼，但每樣餸份量就相對少左，佢啲雞肉，仲要好細粒，但係佢啲粟米份量就算多，另外佢有兩款汁係舖面，比客人自由添加，我每次都加哂兩款汁，令到個飯更好味！我最鍾意就係食啲飯焦，碎卜卜燶燶地咁。提下啲學生哥，佢而家著校服或出示學生証，仲有減10蚊優惠添。

很久沒吃PEPPER LUNCH, 在又一城行街街後, 就來醫肚, 男友不吃牛, 三文魚是他的首選, 雖然三文魚比較油膩, 但用鐵板燒了後, 部份油卸走了, 加上甜甜的醬汁是很開胃的. 雞肉則有點乾, 但整體都不錯的. 可以免費加飯呀, 適合大胃人士.

學生餐加芝士的蛋價格非常劃算，隻需出示一下學生証件就能購買學生餐。 東西也是非常好吃，推薦，等待的時間也比較少，剛上的肉都是未熟的，可以享受自己把它考熟的過程。 

去咗 Pepper Lunch Express食晚飯。點咗煎蛋咖哩雞肉飯。個飯用鐵鑊上。個咖哩汁好厚底。混入白飯唔係好食。雞肉好嫩。將咖哩汁加入白飯，個蒸氣馬上升上黎。個生雞蛋混入咖哩汁再加入白飯。好食。價錢$69。

這日去又一城Grand Festival Cinema看戲「最美麗的安排」，食前就走去food court食個dinner女食家推介這間pepper lunch 性價比最高，仲有學生餐，於是我們就分別叫了個黑椒牛肉飯和黑椒雞肉飯， 加七蚊還有芝士和蛋都幾多人，我們等了好一會才有位。實物與相一樣足料，個鐵板都夠熱，有醬料可自助加，有個好似叫蜜糖蒜榕汁好好味。黑椒的配搭都好好。牛肉同雞肉各有各惹味，肉質都OK，很難說哪個較好味。今餐雖然熱氣，不過性價比好高。

如果你喜歡很肥的牛肉，那麼這個位置是為你。我認為他們使用最便宜的牛肉可用，由於高租金開銷。但命令除了牛肉。試圖在這裡3個不同的場合，今年希望改進，但不是。如果你真的想要牛肉，不要在這裡嘗試任何其他辣椒午餐的位置。If you enjoy very fat beef, then this location is for you. I think they use the cheapest beef available due to high rent overheads. But order anything but the beef. Tried it here 3 separate occasions this year hoping for improvement but nope.If you really want beef, don't order it here try any other Pepper Lunch location.