Pepper Lunch Express (又一城)

營業中

休息中

是日午餐於又一城 Pepper Lunch ，食客不少雖排隊購票。一客照燒雞扒拼漢堡扒飯，以鐵板盛載出品當然熱辣，雞扒比預期白滑，漢堡扒食味一般喇，以黑椒調味頗惹味，只是油膩了一點。配菜有芽菜及粟米，建議追加綠葉蔬菜。連凍檸茶一杯$71，價錢OK喇！

例牌點了黑椒牛肉飯，配合必吃的蜜糖醬和蒜香醬油以及加很多的黑椒粉，令這個黑椒牛肉飯變得非常惹味。以鐵板呈上食物也令整個飯非常香。這個飯黑椒味重，牛肉份量挺多，而且就算隔了一段時間才吃，平常其他人會加雞蛋和芝士，但我認為就算不加，味道也很足夠。肉質也挺嫩滑。價錢雖然比較昂貴，但不時吃一頓還是可以負擔的。

睇過電影後到foodcourt晚飯醫肚，我就選吃了韓式快餐，怎料伏已中。而友人則選擇了最安全的Pepper Lunch，質素係比較有保證嘅. . . 熱辣辣香噴噴，點都唔會太差大約有12款套餐選擇，以牛肉為主，亦有少量雞肉同三文魚款式供選擇，價錢由$42-$89不等煎蛋雙份漢堡扒 $57煎蛋及雙份漢堡扒與白飯分開盛載，鐵板燒至熱辣辣的，在上面放上兩件長形漢堡扒、生蛋、粟米粒及青豆，另外，還額外加了一份芝士粒混在飯中襯著鐵板還熱的時候，把白飯、蜜糖醬及芝士粒倒到板內與生雞蛋拌勻。吃的時候，芝士粒溶於飯內，拉起時一絲絲的，入口帶芝士香之餘還帶點焦香，加上甜甜的粟米粒加強口感，相當惹味至於漢堡扒，不算厚身，肉質較為鬆散，幸好牛肉帶點脂香，伴著芝士飯同吃，非常不錯，但油份頗高呢. . .Pepper Lunch (九龍塘)九龍塘達之路80號又一城L2層21號舖～～～～～～～～～～～～～味道：8/10環境：5/10服務：6/10衛生 : 6/10抵食 : 7/10

香港既Food Court 近幾年愈黎愈少，商場都開左啲高檔餐廳，如果唔係多數都係得McDonald依類既快餐店。要個價錢合理，而且有好滋味既Food Court真係買少見少，但又一城既就唔同啦，有Pepper Lunch座鎮。因為係第一次同朋友去食，所以都係試多數人推介既黑椒牛肉飯。原本以為黑椒牛肉飯係好濃味既，大家都知食濃味既食物會令自己有嚴重既口氣，同朋友傾計交流會有一定問題，但原來依個飯黑椒味唔太濃，微細既黑椒粒散亂地分配係白飯入面，一邊傾計一邊食的話，一開始會以為自己食緊白飯，但當你感覺到你舌尖既味蕾上一絲既跳躍感，你就會愛上依個飯，係平凡中帶點不平凡，就係我對於依個餐既感覺。但都有可改善既地方，因為店面有部電視介紹Pepper Lunch，當中提及到個飯入面有黃油，但當我品嚐個飯既時候，無任何特別既味道，我懷疑自己係唔係睇錯介紹⋯⋯而且對於鐵板同牛肉，我想象中可能有牛汁或些許既脂肪可以流出同飯融合，令成個飯既味道多一個層次，但係成個餐入面，飯同牛肉雖然係被混合，但當中味道係無交接，飯係飯，牛係牛。係其他資料上，落餐其實好快，但等餐用既時間比較長，但因為準備PEPPER LU

平時聽人講pepper lunch 就聽得多，今日係又一城溜完冰特登去一試，果然係正！小編見識少，覺得所有用鐵板上既食物都特別好食。無他既，因為食既時候一定會係熱既！而且有種與時間競賽既感覺，因為聽過有同學因為冇攪啲飯而令啲飯焦黑曬... 所以我一拎到個黑椒牛肉飯餐就攪同埋炒下佢，令飯入面既黃油，同飯，牛肉完美咁融合一齊。雖然係咁講，但黃油既味道唔太明顯。其實食材有個重點，就係食材要有食材既味。有人話食牛有牛味係廢話，但其實打邊爐打得多，發現牛係真係可以冇牛味，好似食橡皮咁，但pepper lunch 既牛肉有牛肉既鮮味。雖然未去到有肉汁既程度，但起碼我認為自己唔係食緊一塊無味既橡皮。而且飯上面既粟米粒都係重點，雖然只係配料，但當中保持左粟米應該有既甜味，配上混有黑椒既飯，成個味道多左一分層次感，唔會單純流於刺激同濃烈既味道，當中仲有自然既鮮甜，如果唔想單純享受刺激既味道，記得要好好品嚐當中既配料啊！

這的平日都幾多人，付款時需要排好耐隊呀！今次要了雞扒併漢堡套餐，配汽水. 排完隊仲等左大概十分鐘先取到套餐， 不過熱騰騰，料多值了！芽菜、粟米等 爽口 鮮甜；肉雖就得幾件雞肉嫩滑，沒雪味牛肉漢堡 , 牛味一般, 肉質OK幾鮮嫩鬆化點些醬汁，配白飯，香口惹味幾配合 整體來說，有D質素的，個餐送埋一杯汽水，算幾抵食.

無論何時何地, 差唔多每次經過Pepper Lunch 都會比佢既香味吸引..每次都會食佢既黑椒牛肉飯 $48, 今次第一次試加芝士碎 (+$3), 再加配麵豉湯 (+$7)但係原來加左芝士味道會有少少怪, 同成個飯唔太夾, 而且芝士係鐵板上好快燶, 要好勤力反下雖然係咁都無損牛肉飯既整體味道, 一樣令人食得開心之前試過升級做珍寶份量, 不過覺得同無升級無乜分別, 所以今次都無叫到珍寶size~~同行朋友都係食黑椒牛肉飯.. 不過佢加既係香腸 (+$6)試左少少, 香腸好好味呢~~~

上星期同朋友食九龍塘既pepper lunch，雖然唔係第一次食，但今次去食覺得唔錯，店舖入面好多人，幾經辛苦先有位，鐵板飯都好特別，份量都足夠，味道都可以接受。我覺得牛肉份量可以多少小小，有唔同既醬汁可以任我選擇，外觀尚算可以接受，我覺得可以推出唔同既款式，試下唔同既款式都唔錯，一定會再食。

我叫左黑椒雞肉飯幾好食，冇令我失望！原來加5蚊珍寶意思=平時正常飯量！珍寶加左等於冇加，因為太肚餓，所以選擇加，點知原來係正常一樣！好彩加左，唔係！餓死我la！雞肉好味，太多人啦又一城，等位都等左好耐！下次會試下牛肉飯先

今天食佐個黑椒牛肉飯，水準依然沒有變，牛肉好有黑椒味，幾美，很好食，燒汁好香，粟米幾甜，而且價錢合宜，唔算太貴，但係好多人排隊，等佐好耐先有得食，等了大概半個小時。

次次經過pepper lunch都好香 所以得閒都會想食下佢 今日近近地去左又一城food court食 好彩我2點左右先去 避過左lunch hour 唔係哩度就一定要等位! Pepper lunch次次出餐都好快 都正常嘅 廚房都冇野要煮 都係放哂上個鐵板度姐~ 朋友食左個煎蛋拼牛扒 佢果個勁大份勁多野食 不過好似都無咩特別 我食左個黑椒三文魚飯加芝士 個人來講好鍾意食芝士 唔知係咪因為黑椒味太勁 搞到冇乜芝士味 其實唔加都得~ 不過一如概往 pepper lunch啲調味品真係好正好香好惹味 不過都好熱氣唔好成日食 下次等我諗起佢先來食啦~

成日都很多人排隊的pepper　lunch　今天到了又一城食點了一個牛肉飯，加了蛋和芝士，感覺上好像沒那麼單調。 由於習慣了吃前會加大量黑椒，所以咸味剛好。 配上冰凍的可樂，覺得這個配搭十分好！順帶一提，筆者喜歡夠冰凍的飲料，配上熱騰騰的飯，絕對一流。

咁多間食店最長龍都係佢，加上碟野香噴噴，拎住行過咋咋聲，都咪話唔吸引見次次都淨係叫一個套餐無咩新意，今次就鐵板黑椒牛肉飯加左隻蛋，都唔錯，最衰牛肉太快煎焦同埋鐵板唔係熱得好耐，牛肉變左有D硬同埋隻蛋都未係太熟。不過加反D蜜糖汁再撈勻佢，一淡淡擺入口都咪話唔滋味想講下D粟米好JUICY，粒粒都咁好咬，點都要讚一讚，成個配搭PERFECT!再講下野飲，加7蚊一杯野飲唔算貴既，但今日先知加11蚊先有CC LEMON飲，仲以為加4蚊就有，真係俾佢FAKE左不過整體黎講都唔錯，色香味皆存，讚!

賣相一般，中間一碗飯，外圍就牛肉，一杯可樂。飯很難食，一舊舊，明顯係煲唔夠時間，牛肉就七成肥三成瘦，咬入口第一個感覺係好韌，好似緊紙，飯後有感，一次不如一次，下次我会寧願食m記

總算在星期六擠到時間看電影，連看兩齣，中間只有四十分鐘時間，哈哈，無需考慮，晚飯就在戲院出口的美食廣場解決吧！Pepper Lunch雖則有最多人等候，好像不夠快，但看到別人捧着「滋滋」聲的鐵板，在我身旁走過馬上傳來撲鼻的香氣，我的食慾大增呀！再看看價錢，與在九龍灣的一樣，沒有因身處較貴價地區而加價，今夜就決定吃鐵板飯喇。我點了一個咖哩黑椒芝士牛肉飯，原價$48加$5變珍寶，不過份量看來與其他沒有加大的飯差不多，到底真的「珍寶」了嗎？下次要點個正常份量的比較一下。動手把飯、牛肉和調味拌勻，看到芝士溶成一絲絲的，令人期待。入口絕不比賣相遜色，每粒飯都十分入味，有黑椒的刺激和咖喱的香辣，味很濃，再加上嫩滑的牛肉，味道極佳。另外加$7有飲品，不算特別便宜，但因為鐵板飯的味精頗多，我實在很需要一杯凍飲，別管價錢了！我喝了雀巢檸檬茶，亦有汽水、七喜、橙汁可選。