Peace Cafe (已結業)

個大廈入口有少少隱蔽，因為被棚架遮住左。🙈同埋，男店員/老闆係非常有禮貌既！會不停講吾該同吾洗客氣！室內環境好有家既感覺。同埋我係坐窗口位既，正！🤪講番食物，叫左個黑椒牛肉特餐要pancake 飲凍朱（$68），有加餐湯同甜品 （另加$15）。總共食左$83。個餐湯同餐包我覺得偏意式。粟米忌廉湯好有香草味，湯入面有少少紅色粉末，似係意式吾辣既辣椒粉。lol個餐包個底係暖笠笠既。沙律上面勁多麻醬，係每啖都食到麻醬咁，吾想要咁多麻醬記得提早講。🙈三款包類揀左pancake，食落吾差偏普通，有落蜜糖。茄湯通粉，個茄湯有見到蕃茄，ok酸但吾會有甜味。個通粉咬落正常，煮到吾會腍、吾會硬咁。牛肉片係重黑椒味，都算食到少少牛味同食到係新鮮既。總共四片牛肉，我自己就會將其中兩片牛肉撈麻醬食。另外兩片牛肉，就會放落茄湯入面浸黎食。個凍朱似係普通茶餐廳用粉沖既凍朱古力，無太大驚喜。甜品都等左一陣先上到。係蘋果酥，個頂脆到不得了，個蘋果餡就普通，吾會太甜。另外，水樽水入面會有少量木塞碎，要留意番。成屋都係OL, 得我一隻O meow。😹聽到佢地話個地方都幾休閒喎。我心諗休閒cafe但lunch time

昨晚星期六晚上光顧，男老闆態度嘛嘛地，都幾粗魯，又等左成半小時先上正餐，味道一般，但不太濃烈，但係老闆娘態度好。野食配搭健康，有飯/麵，有菜有肉。份量可以接受。環境一般，總括環境，服務，食物質數來講價錢有點貴。

❤︎環境今次我地3個人黎，request 左坐窗邊雖然陽光曬入黎有點熱🤣不過都正常既鬼叫我想食下景同貪佢有自然光自拍下🤭❤︎食物今次我地叫左兩個tea set煙三文魚牛角包🥐+雙色小酥盒牛角包仍然係好鬆脆另外發現小酥盒更鬆脆仲要有煙三文魚+薯蓉做餡料事關我實在太中意食酥皮所以我覺得呢兩個都好好食🤤❤︎服務今次都係無限時，亦唔會趕我地走加上老闆友善，啲野食又唔會縮水尖沙咀區黎講絕對係平靚正之選😌

第1次去呢間尖沙咀既樓上cafe佢並唔係啲咩打卡cafe無特別既擺設/裝飾/打卡位但佢都有佢既吸引之處❤︎不限時🕒香港人生活節奏急促，好多餐廳食餐飯都有限時，唔能夠好好咁放鬆下，而呢度最吸引人既係唔限時，可以慢慢食嘆下咖啡❤︎食物好食😋點完要等20分鐘左右，但睇得出老闆好用心去整，呢個煙三文魚牛角包🥐焗完外皮香脆，以包黎講好食過其他餐廳❤︎店員友善成間店只有2個店員，即使好忙態度都仲好好，而且仲好nice

尖沙咀好多黃的小店，都捱唔過疫情，所以見到這間為數不多的樓上cafe，決定黎支持下，其實開始我無太大期待，但食第一啖時有驚喜叫左兩個set lunch，不得不說跟餐的蕃茄湯長通粉，蕃薯湯好好味，但唔係味精湯，係真材實料的湯，食完通粉都忍唔住飲埋啲湯。叫左鯖魚和牛肉，一款跟蒜蓉多士一款跟班戟，份量比想像中多，鯖魚係水準，啖啖肉，魚皮有少少脆，反而牛肉係有驚喜，想不到係西式的燒牛肉，其實我腦中以為是光牛柳之類。食完買單時才發現，連加一都無，其實係尖沙咀區食cafe類食物，100蚊都唔洗係抵食，而且味道不錯。最後都要提一提個蜂蜜咖啡，有時一些鋪用較便宜或味道唔夾的蜂蜜，但這一杯，我很喜歡燒鯖魚黑椒燒牛肉

我對尖沙咀樓上cafe唔係好熟，唔係特登搵都唔知，亦都少不免喺食物同服務質素方面將佢同旺角樓上cafe比較，所以我哋都冇咩期望，都係當支持吓黃店。上到去，老闆係叔叔（仲有個姨姨）好主動招待自己，我揀坐喺卡位，梳化有啲污糟，有少少扣分。而且中間位就搞緊活動，好似係放映會，成班人坐埋一張枱度，所以間cafe空間有少少窄，張枱本身冇擺menu，要特登行過去拎，有少少唔方便，menu有少少亂。上餐時間唔算快，不過見叔叔同姨姨嘅態度唔錯就體諒吓（嚟得cafe都唔會趕時間啦）我叫咗鯖魚蕃茄湯長通粉+蒜蓉多士，佢本身有埋沙律同一般嘢飲。蕃茄湯竟然唔係用罐頭湯，應該係自己整，唔會鹹。蜜糖咖啡應該用靚嘅蜜糖整，飲落都好有驚喜。整體食物就偏向清淡健康，好啱我呢種口味，最怕出街食食到成口都係味精，呢間就冇。另外冇加一服務費，100蚊內咁嘅質素已經好抵，仲要喺尖沙咀，改變咗我對尖沙咀食嘢一定好貴+樓上cafe一定唔好食同服務差嘅觀念。

早排疫情開始好D嘅時候，難得同老公一齊放假，當然要去行街街，過吓二人世界啦！行到攰，我哋又再次去返上次介紹過嘅Peace Cafe坐吓休息吓。🥰🥰🥰 點解會又再上去？原因好簡單，果度真係好舒服，最重要唧係食物同飲品都好好，好新鮮，而且佢仲要係即叫即整。👍👍👍哈哈！問心，而家好多地方都係一早整好晒所有食材，等客人叫先翻熱翻叮，所以真係冇咁好食，但我哋去到，佢所有材料都係即時整，你會見到老闆去攞材料，跟住就入廚房整，由生整到熟先比客人食，所以時間就係會耐少少，去得cafe，我估大家都會預多少少時間，係去享受下cafe嘅舒服，坦白講，如果趕時間，又或時間唔多，又唔等得嘅話，咁不如去食快餐或茶餐廳好過啦！🤣🤣🤣始終疫情未過，佢哋都好小心，而且都好貼心，除咗探熱、搓手液外，還準備了透明袋比大家放口罩，而家除咗比較大或大集團嘅餐廳先會為客人準備外，其他都唔會。😘😘😘Peace Cafe今次唔講咁多，比大家睇下我哋食咗乜先：凱撒沙津本來叫咗兩個，但老闆好好人，佢話如果叫兩個都一樣，不如叫一個有肉嫁啦！佢推介咗一個燒汁雞扒凱撒沙津啦！起碼叫有少少肉食吓！而且佢哋個雞扒係即叫即整添，所以我哋就聽佢意見。

食物豐富多元化、味道不太濃亦不太淡，恰到好處，以尖沙咀地段來說價格非常相宜，百多元有前菜（沙律）、湯、主菜、飲品（仲要大大杯）、甜品，意粉彈牙，忌廉汁有層次，lavender 花茶香氣滿溢(只係洋甘菊花茶放久了有少少苦但可以接受），份量多到差點吃不下，老闆親切和善有禮，待客十分客氣，環境好舒適，餐廳播放柔和音樂，喺度食嘢令人感覺到好放鬆，真的店如其名，令人覺得好peaceful, 很適合來這裡聚會☺️

晚間要去睇戲, 想同朋友快食晚餐, 但因為疫情關係, 想揾間比較小人既餐廳, 係apps揾到呢間樓上cafe, 就決定試下入到去, 真的有種悠閑感覺呢(о´∀`о) 環境是很清靜不過服務就不太好(*´Д｀*) , 因為有點趕時間, 但遲遲未有餐牌, 等左一陣先有餐牌遞上因為有點趕忙的關係, 都只是跟朋友各自單點晚餐卡邦尼蛋汁意粉 @$108蛋汁的醬料完全與卡邦尼醬料融化, 食落口唔會不漏, 味道與份量都剛好（＾ω＾）煙三文魚伴忌廉意粉@$98這個口感與味道與卡邦尼意粉差不多(*^ω^*)整體來說, 想係晚間間寧靜的餐廳, 會推薦!

樓上小店充滿驚喜💛Veggie all day breakfast 難得樣樣材料都整得出色，烤菜很回味，炒蛋好滑好嫩. 環境舒服，老細仲要送一杯花茶俾我，實在有心。要多多支持呢類黄店！

環境及服務 : ❤❤❤❤❤黄店，地方不大，有點擠迫，店員是兩位較年長的 auntie & uncle，服務細心，誠懇，例如 : 當蛋糕送到，我們說: 若有蠟燭就好了，他們便立即幫我們找蠟燭。還有，沒有限時！總括: 這裡給我一種家的感覺😉。食物 :沙律菜，幾新鮮餐有鬆餅，好驚喜，味道👌賣相同味道，認真麻麻，意粉似橡筋，海鮮則。。。😵 看相也看得出吧！我們6行人，唯這碟吃餘一半。。。⛔牛扒，5成熟，變6成半，質感味道👌黑松露意粉 ~ 好味❤煎三文魚 ~ 又靚又好味，連條邊都煎到脆口，薯蓉香，有質感 ❤鰻魚飯 ~ ok 肥美，飯普通甜品🎂 ~ 最出色是心太軟，真的流心，不太甜，讚！❤ 芝士蛋糕🧀，有自家製感覺，我好喜歡。🐝蜂蜜蛋糕有層次，幾特別，但相當甜！服務: 🌕🌕🌕🌕🌕食物: 🌕🌕🌕🌓環境: 🌕🌕🌕🌓價錢: 🌕🌕🌕🌓✅ 值得再來的！

Very nice cozy place to chill and to hang out with friends. There are various board games for people to amuse themselves with. They also allow cakes in for birthday celebration, which is a big plus, given how normally other cafés would charge extra. Would recommend if you are looking to spend good amount of time, having fun and good food.

1. 黑松露雜菌忌廉意粉（$148）呢個係一個set dinner，包沙律、餐湯、蒜蓉多士、仲有甜品同餐飲，感覺都幾豐富。沙律係普通菜淋左芝麻醬，菜都幾新鮮；蒜蓉多士好脆，蒜蓉夠多，但都幾油下🤯；餐湯當日得南瓜湯，但冇南瓜味，反而飲落係用粉開水既湯🙁；個意粉一般，菇方面好似好多咁，但就只係鋪係面果d，黑松露唔少，每啖都食到味，但印象最深刻就係d 忌廉，食食下其實都幾膩。份量適中，唔會好多，但一個人都夠飽既。甜品係圖中再double size既tiramisu ，食落就好明顯係平時平價甜品放題既質素......餐飲可以揀唔同既花茶茶包，而且佢地會keep住幫手refill ，呢個讚既2. 秘制香辣雞翼（$55）佢有幾款雞翼，本身想搵雞翼拼盆，但佢冇，只能散叫，食唔到咁多啦，揀個個名最吸引既！黎到其實個樣都幾okay，但一食🤯🤯🤯 鹹到爆炸，感覺似醃左成個星期，雞骨都好鹹，d肉好乾好靭好柴，好似急凍雪左一個世紀既肉質🤯 加埋d好重口味淋面既辣醬，即刻飲左幾杯茶...真係好鹹

我哋為咗做得更好，攸桐媽、攸桐Winnie、Pinky契媽、蔡爸同契爸爸成日都會上堂，目的為咗做得更好，我哋都會不斷學習，我哋上完堂，當然要搵吓好西食啦！咁我哋想搵個地方可以傾下同討論下，又唔怕坐得太耐又清淨既地方，所以我哋決定去搵下樓上cafe，咁我地行到漢口道，見到一個好細既大廈門口，見到有間cafe，所以我哋就決定上去試一試。🤔🤔🤔上到去，比人既感覺地方同環境好舒服，佢有幾張係梳化位，亦有幾張大枱，可以因客人人數而自由組合，咁當地我地坐低咗，就即刻叫咗嘢食先，因為大家個肚都打緊鼓，咁我哋當然每人叫一款，咁就可以試到更多款式，又可以試到間餐廳既質數到底可唔可以。🤣🤣嘩！佢由前菜到甜品都食到我哋嘩嘩聲😱😱，每一樣都令到我哋有驚喜，連我同攸桐媽見到都唔會食既野，今次令到我哋都讚不絕口，最後連甜品，都係令到我地一試難忘，佢既勝價比超高，講真，要食西式野，佢真係叫做好抵食，所以我都急不及待介紹比大家。👍👍👍餐廳：Peace Cafe 沙津什菜沙津佢係用真正既沙津菜去做，唔同其他餐廳會撈一D西生菜等等既去做沙津，佢每條菜都好新鮮，唔會有黃同黑，全部都好靚仔嫁，加上車厘茄、菠蘿同好甜既粟米，特

Set lunch 經濟實惠😋 有湯pasta，沙律，主菜，再自選croissant or toast or pancake，包冷熱飲品。真算係呢度附近唔錯既選擇，而且係樓上cafe 坐得舒服😌可以寧靜食個晏☺️