PAUL LAFAYET

營業中

休息中

係觀塘amp 食完飯想食甜品，見到有呢間食焦糖燉蛋出名嘅Paul Lafayet 就決定係你啦落完單，即刻落糖，用火槍燒到脆一脆，就完成啦！店員問我地要外賣定而家食，我地選擇左外賣，他們好細心咁提我地要係9個字之內要食不愧係即燒焦糖，真係好脆，燉蛋好香好滑，入面有少少雲尼拿子，所以都特別香，好正

我跟朋友的話題真的淵淵不絕，加上剛剛晚餐沒吃甜品，我們更加想找間甜品店邊吃邊聊天。不過處處都是人，只有paul lafayet沒有人，而且它的撻甜品素來有水準，我們最後決定一人點一個果撻吃。朋友點了士多啤梨撻，至於我則選吃馬卡龍雜莓撻。兩款果撻賣相都相當吸引吧，朋友那火紅的士多啤梨撻多麼嬌艷，非常迷人，入口鮮甜，作為飯後甜品可謂一絕。我的馬卡龍雜莓撻也不遜色，馬卡龍鬆脆之餘也不死甜，青綠色在撻上搶眼極了。士多啤梨，藍莓及紅莓同樣香甜，跟撻裡的吉士忌廉十分搭配，也不甜膩，鬆化的餅底完美地作結。

飯後想來點甜品，選擇了這家法式焦糖燉蛋，點完店員便即時在眼前燒焦糖，並叮囑45分鐘內吃最佳。燉蛋size不大，但是剛好滿足了嗜甜品的心。焦糖脆脆的，配上很滑creamy的蛋，真是絕配。器皿還可以用來放小物或種點東西，很喜歡。他們還有不少蛋糕及甜點選擇，店裡也有位置可以安坐（雖然只是小小的空間），即場吃也可以，就在吃飽正餐後來這裡作個美好的結束吧

好味的法式焦糖燉蛋Creme Brulee大家會想起…Gastrobo?!大會堂美心餐廳?! 如要方便D呢?! Paul Lafayet 都係超水準  而且最重要係好handy，拎走慢慢品嚐話咁易。就算出面食到好好好飽，打個包，到家食埋呢個燉蛋就正晒!由2016年就開始支持了! 保到水準: 即叫即燒焦糖糖衣=香脆! 有雲喱拿籽在燉蛋中=口感creamy好”豐盈”! 不過現在看到佢地有超細的，原來是禮品來的! 

已經第無數次喺Paul Lafayet買cake，今次見佢地有新嘢所以就試吓，分別係綠茶千層蛋糕同玫千層蛋糕。以往喺Paul Lafayet食嘅每一件pastry都好好食，但今次就有少少失望，反而最普通最唔花巧嘅千層蛋糕味道做得最一般。先講明佢地嘅千層蛋糕並唔係crepe，而係好多層海綿蛋糕仲有cream etc咁一層層present。我expect千層蛋糕會係好soft，但佢地嘅千層蛋糕比較硬實，千層嘅口感唔夠細緻，一放入口係真係一層層咁分開咗；味道亦比較單一，食多兩啖就濟。佢地嘅berry類pastry做得好好多，酸甜適中，而且味道變化大，今次嘅千層蛋糕似乎就比較失預算了。

本身想買個細生日蛋糕同阿爸慶祝生日，lunch time 去到，睇左一陣同個店員講話要蛋糕，佢眼尾掃1掃我，完全唔出聲，繼續沖咖啡。本身我以為佢一定要serve 左cafe 客先，ok fine,我等。之後佢終於沖完，我後面彈左個女人出黎，又係買蛋糕。個店員完全ignore 我就去serve 果個女人。嘩咩事？！當左我透明，佢隻眼睇我唔到？我好驚囉！定而家買野唔洗排隊？！之後我超嬲走左去crostini 買，好味又抵食😠

最近生活有點不如意，就自己買左幾件餅氹下自己👍🏼👍🏼👍🏼眼闊肚窄，一個人又點食得晒咁多件？！於是返去同屋企人開心share😘由左上開始係macaron tart , mocha sponge layer cake, rose & strawberry cheesecake 同earl grey cheesecake. 屋企人食左macaron tart話好好食，不過自己無食，所以暫時唔評。下次親身食完先再寫。自己就食左兩件，分別係左下既rose & strawberry cheesecake 同右下既earl grey cheesecake 先講左下粉紅色果件啦⋯⋯佢係層士多啤梨mousse, 外面好滑滑，都感受到淡淡玫瑰花香，😋中間就有個玫瑰味既野，質感硬硬地，會似食緊糖玫瑰乾花咁。筆者就覺得中間果野唔係我杯茶🙄但外面係好味架！我就比較like右下個伯爵茶芝士蛋糕，外面係芝士mousse, 又係滑滑既，中心就係伯爵茶味、茶香剛好中和返疍糕既甜，正！👍🏼👍🏼👍🏼或者，係老左既緣故，開始識欣賞茶啦，😅

又係Paul Lafayet嘅蛋糕as birthday cake嘅時間，差不多已經隻隻味都試勻晒，都唔知揀邊款好。Mango Exotic已經變成我地每次必叫嘅pastry，其實上面嘅並唔係芒果片，而係帶有熱情果同檸檬香嘅芒果jelly片，我自己又幾鐘意，味道比單一嘅芒果醬更有層次，酸酸甜甜唔會太膩，甚有東南亞風味；Berries & Macaron Tart亦都係我嘅摯愛，酸酸甜甜，撻底又唔會死固固，而且每次食嘅macaron都唔同口味，今日食就有朱古力同bailey揀，日日唔同可以轉下新口味；今次新試嘅Tiramisu都一買地好食：芝士味唔重，但咖啡味好濃，帶有少少酒香，質感偏向mousse，手指餅都唔會死實實。最正嘅係個杯食晒之後可以拎返走！喺呢啲時候永遠都會師奶上身覺得呢個tiramisu真係好抵食！

Rose layer cakeI didn’t expect it to be sponge layer cake... and of course I should not have ordered this because it is difficult not to compare it with other store. The rose 🌹 flavor is nice but the whole thing is too sweet in my opinion. Should have go for crème brûlée !!!!! next time next time~!

呢到既Creme Brulee不嬲都係世界級，就算食到幾飽都要食埋呢個燉蛋先叫完滿😆即叫即燒既焦糖糖衣夠香脆，混入了新鮮雲喱拿籽既燉蛋又濃又滑，入口超creamy，食落亦好實在，每一啖都好滿足😍 店員知道我想帶走陶瓷容器，好貼心地比左兩個已經洗乾淨亦包好既我👍以前係英國超市，每當買可放入微波爐/焗爐既甜品，我多數都會留起個質量超好既玻璃容器，(扔左覺得好浪費) 用黎放煮餸料頭又得，做豉油碟都得，好萬用🤣

Paul Lafayet慢慢變成每次喺觀塘食生日飯嘅蛋糕選擇！（原因喺觀塘可以揀到靚cake嘅地方真喺無乜）【Mango Exotic】又真喺幾有異國風情，味道唔喺完全甜椰椰嘅芒果味，而喺帶有少少熱情果同檸檬香，酸酸甜甜唔會太膩，甚有東南亞風味，但就唔喺好食得出白朱古力同椰子嘅味道。【Chocolate Craqulin】好濃郁嘅黑朱古力味！帶有mousse口感，香滑得嚟但又唔會特別漿住把口；底層嘅脆脆唔會因為上層嘅蛋糕而變腍咗，依然保持脆口。【Praline Mille-Feuille】千層酥雖然雪凍咗依然好鬆化，每層酥皮中間夾住榛子醬，基本上都無咩人喺唔鍾意榛子醬，再加埋焦糖cream/mousse，同榛子醬好夾！驚喜嘅喺雖然夾住咁多榛子醬同焦糖都唔會甜到令人無晒胃口，可能因為焦糖嘅苦都稍稍中和咗個味道！*題外話，係呢度買咗幾次cut cake， 最近呢次先發現原來每一件嘅蛋糕都喺同價，可能因為咁我就有個感覺Paul Lafayet無一件signature cake，因為pricing令我區別唔到每舊嘅分別（而且售貨員姐姐又唔會主動推介），不過好處就喺比多咗一個藉口自己試多唔同嘅嘢

早前完成了問卷，可取得Paul Lafayet的優惠券所以可免費換領Crème brûlée聽朋友介紹，Crème brûlée要於換領後即吃會比較好味！APM這分店的店面好細，只得兩張桌子唯有外賣帶走到附近food court享用啊！燉蛋是直接從凍櫃內取出客人落單後，店員才於燉蛋面上灑上焦糖即時用火槍烘成焦糖面！焦糖好脆又不會過甜，甜度適中，不會遮蓋燉蛋的味道！燉蛋帶點呍呢嗱的香味，卻又不會奶味過重，而且好滑溜！！整個Crème brûlée的味道搭配得很好！會有想再吃的衝動～～終於真正感受到好吃的Crème brûlée是有多好吃

食完飯想食下甜野就見到呢間的招牌甜品： 焦糖燉蛋好滑！ 但講真個焦糖好麻麻好硬個人比較中意燒到硬軟適中，帶點juicy 感覺的焦糖但個蛋 甜度同滑度都好正奶味都好濃Size岩岩好 ，唔會食到你覺得漏Apm呢間分店得兩個枱真係十級細...整體黎講 唔錯！都算有性價比

綠茶cream burlee即日食唔到擺左一日先食(同影相) 所以個焦糖面唔脆 個色都冇咁靚喇 不過都無減興奮! 綠茶味好濃 texture有d似cheesecake咁好rich 相信即燒完焦糖面即食會係另一個層次

每次揀生日蛋糕都唔會諗起Paul Lafayet，感覺上無咩signature cake可以揀得落手，但係觀塘可以揀到稍為精緻少少嘅cake好似唔多，食過靚cake又返唔到轉頭食大型連鎖店嘅蛋糕，所以今次聚會人少少揀咗幾件cut cake每款小試牛刀。結果蛋糕每款都好驚喜，要知道市面上咁pigmented嘅蛋糕九成好難食，【STRAWBERRY HEART】意想唔到地fresh，內層係strawberry & vanilla mousse filled，士多啤梨味好真實甜味唔假，食完唔會好膩。不過我最鍾意都係【BERRIES & MACARON TART】，通常食撻最怕就係好飽好銀胃，不過呢舍撻底好鬆軟，配合埋吉士饀都唔會好濟，Macaron係Paul Lafayet嘅主打，質素自然唔會差。建議買咗【BERRIES & MACARON TART】就唔好再叫【STRAWBERRY TART】，因為味道老實說差不多。