PAN de PAIN Pancake & Sweets (創紀之城五期(apm))

營業中

休息中

我是一個不太喜歡醬料的人但很多地方的班戟，如果不用醬料就沒甚麽味道可言～這裡的 organic pan de pain 即使不配搭任何醬料也超好吃，咬下去就知道是高級的麵粉，非常香，口感又好！另外他們的飲品也很傑出Hojicha Latte 看賣相就知道茶味非常濃而且口感很滑，不會有茶粉嗆到喉下午茶時間，只需加$15就能喝到了大大杯，性價比十足！這裏是目前在香港吃過最好吃的原味班戟店了，不愧是來自沖繩的人氣甜點店🩷

推介指數 Recommendation Level : 🔥🔥🔥🔥這間餐廳最特色的菜式就是pancake，除了普通的班戟外還有特色的梳乎厘班戟，不論行或是甜均有選擇。由於迎合更多顧客的口味，餐廳更提供了意粉或飯，甚至三文治等菜式，選擇非常多元化，口味則糅合了日式與西式的風味。This restaurant's signature dish is pancakes, with options ranging from traditional pancakes to specialty soufflé pancakes, catering to both savory and sweet preferences. To accommodate a broader range of tastes, the restaurant also offers pasta, rice dishes, and even sandwiches, resulting in a diverse selection that blends Japanese and Western flavors.五香燒牛肉三文治

💚 宇治抹茶梳乎厘（$118）梳乎厘蛋香味濃，空氣感十足，食落口非常鬆軟；面頭擠有忌廉同綠茶忌廉，配上香濃嘅抹茶醬，抹茶雪糕，香甜嘅紅豆蓉同煙韌唔痴牙嘅抹茶蕨餅，整體抹茶味濃郁，建議可以先食雪糕，因為溶嘅速度比較快🌰 凍栗子班戟 （$98）一上枱就聞到好香嘅栗子味，班戟面頭擠有幼滑嘅栗子蓉同幾粒栗子，栗子口感鬆軟甜潤，班戟蛋香味十足但比軟薄身，班戟之間嘅餡料係幼滑嘅栗子蓉同鮮忌廉，食落口甜而不膩，伴碟係用上花生碎同朱古力醬，整體嚟講味道偏甜左少少🛎️ 整體嚟講食物質素唔錯，但唔好期望有咩服務態度

是日平日，人流唔算十分好多的下午，一行4人來個下午茶食班戟🥞。🥞原味梳乎厘製作需時，大約等左20分鐘才食到。賣相幾吸引，可惜蛋味唔夠亦唔夠香，口感亦比較單調，無咩層次，反而果兩小口cream就好綿密滑。🥞芝士漢堡班戟配薯條🍟有驚喜！好味！甜甜地嘅班戟面夾著漢堡食原來好特別。漢堡肉好juicy，配埋薯條，整體成set口感好好！🥞薯格薯格一般般，薯條比薯格好食。整體感覺其實都幾貴，一心期待嘅梳乎厘不及有驚喜嘅芝士漢堡班戟。

上菜好慢，服務態度一般，有少少茶記feel。不過食物係幾好既，特別係個鹹食pancake漢堡，pancake鬆軟，少少甜，再加上juicy漢堡扒同埋芝士，全部都好新鮮，食落去都幾有層次。 另外，焙茶梳乎厘pancake嘅焙茶味道好濃，唔會太甜，口感都好fluffy，食落去輕盈又滿足。不過，唯一有啲可惜嘅係無得後上，因為QR code落單時都無呢個選項，所以食完主食之後，個雪糕已經融左一半，pancake都消左少少，影響咗整體嘅享受。 雖然服務上仲有改善空間，但食物質素係值得讚賞。如果能夠改善上菜速度同服務態度，可以再去一次。 

受到好朋友邀請，星期日比平時早咗起身，下晝去咗觀塘APM睇好受歡迎嘅電影 《破地獄》。 睇完之後由於大家心情都有啲沉重🥺，朋友於是建議大家不如一齊去食個甜品下午茶開心一下☺️由於朋友非常鍾意食甜品，所以佢好快就決定咗去呢間食，因為呢間食甜品都出名嘅 😄其實睇完戲都差唔多三點，可能因為係下午茶時段，所以我哋好好彩唔使等位就可以直接入座☺️ 店舖環境優雅舒適，我哋仲可以靜靜地傾吓偈，疏理一下情緒，互相分享吓睇完戲之後嘅感受☺️甜品我叫咗Hojicha Mochi Souffle，包咗一個雪糕球，整體味道其實唔會太甜，我覺得恰到好處😄👍因為我唔鍾意食太甜，所以好符合我嘅口味，非常滿意☺️😋

我地都叫做係觀塘工作左幾年，都經常和同事們去apm到食lunch，但都無食過呢間店。呢晚一班朋友食完Dinner，話想搵間甜品鋪坐下吹吹水，但啲中式糖水鋪好早就關門了，最後只有呢間仲未關門，但都仲有15分鐘就last order，所以我地都快快手order左幾樣甜品及飲品。呢間Dessert主打日式Pancake，我地選擇左3款...士多啤梨pancake/綠茶梳乎里/櫻花pancake，擺盤好精美，打卡一流，而味道...食落甜而不膩，🥰有滿滿幸福感覺！飲品就order左3款果茶...飲落都好清新。明明...飲品外賣價係@$3x/樽；😅但點解堂食價係要@$6x/樽。係貴一倍價錢喎 💸

PAN de PAIN: A Delightful Culinary Experience at APM, Kwun TongNestled in the bustling APM mall in Kwun Tong, PAN de PAIN offers a cozy retreat for food lovers. Their lunch set menu is a testament to their commitment to quality and flavor, making it a must-visit spot for anyone in the area.1. Cheese Souffle Omelette Bolognese Rice - $108The Cheese Souffle Omelette Bolognese Rice is a delightful fusion dish that combines the light, airy texture of a cheese souffle with the robust flavors of Bolog

呢間pancake喺香港開咗好耐，都有唔少分店，之前都已經食過其他分店，今次要喺apm入面搵商户用兩張$60-$20嘅coupon，就嚟食個pancake。個人覺得佢啲pancake都幾貴，就算用咗coupon都唔係好抵，同埋要每人消費一樣食物。新出嘅strawberry mochi soufflemochi唔係喺pancake入面，而就係面頭白色個塊，都幾大塊㗎，下面冚住係strawberry cream，下面就係原味pancake，旁邊有士多啤梨醬，同雲呢拿雪糕。mochi超煙韌，好難可以切得開分嚟食，舊mochi本身冇味，都係要包埋strawberry cream同pancake一齊食，pancake好鬆軟，都幾香蛋味，strawberry cream好滑，落埋士多啤梨醬就有啲甜。再叫多個薯條，$68熱辣辣好脆，仲有兩隻醬，茄汁同蛋黃醬，薯條反而幾好食

一直想試呢一間餐廳既梳乎厘，門面感覺幾好但一入到去就開始中伏:1. 一坐低服務員既態度冷漠，冇提過原來有第二份梳乎厘半價優惠，亦都冇俾過任何餐牌或提過有咩promotion淨係講咗句用手機落單2. 簡左士多啤梨味麻糬梳乎厘，士多啤梨醬係藥水味同埋梳乎厘味道極淡冇乜口感，質素一般3.另一個士多啤梨味巴菲，巴菲入邊得士多啤梨醬、吉士忌廉再加球雪糕，完全好似係食醬，食咗一兩啖已經食唔落去，呢個大伏！！！總括嚟講呢間嘢真係唔會再食第二次，完全又貴又唔好食！！服務態度差，俾錢買難受….

#吃貨心柔日誌 🍔 PAN de PAIN Pancakes & Sweets趕上✨班戟漢堡✨的熱潮🤭今次探店之旅～觀塘APM的PAN De PAIN 🥰生意唔錯，見到Keep住都有人等位！入座每人要最低消費一份食物/飲品。🍽️Cheese Burger with Fried Potato Wedges 班戟芝士漢堡 + 薯角實不相瞞⋯我是衝着這個來食的😅近年的班戟漢堡熱潮太猛了！早幾個月在日本吃過1次，今次食第2次✌🏻口感好好，塊肉好好味好Juicy😋入面配上的燒汁和茄汁混合在一起👍🏻不過略嫌汁少了一些，唔喉夠🥹🍽️Hojicha Mochi Soufflie 焙茶口味的麻糬梳乎厘🥰不會太甜，而且我哋本身是麻糬控🤭重點是有一球雪糕🍨啱曬心柔！🥤Iced Matcha Latte抹茶拿鐵正正常常🤓無乜特別📍PAN de PAIN Pancakes & Sweets (觀塘APM分店）

星期六行街經過創紀之城見到呢間Pan de PAIN Pancake & Sweets 俾佢meun既pancake 相吸引左！ 見都有啲人流排骨相信應該好食既😌～ 就係鋪頭出面等左陣，十五分鐘左右就入到去坐低！ 裝修好田園風格🌿幾啱打卡！ 未食飯所以諗住叫左正餐先，我同朋友分別叫左個burger同飯，食完再諗叫唔叫甜品😆［cheese Burger with Salad］轉左用pancake 代替普通既包！諗住當試伏🫣點知！味道好夾！pancake包唔算太甜，塊肉都幾厚，加埋芝士🧀🤤🤤不知不覺就食曬成份！絕對值得叫既一個主食［souffle omelette chicken curry rice］朋友一黎就俾個好鬆軟既蛋包飯吸引左，呢個相對黎講等得耐少少！叫呢個既朋友要有啲心理準備～ 但個蛋係想像中既鬆軟，再加埋個咖哩汁唔辣好香口，好滿意👍🏻兩個主食加各自叫左杯朱古力🍫驚喜既位係連朱古力都有拉花😍😍 真係食到飽曬 影相都影到飽左，冇叫到甜品就走左嚕

好耐之前嚟過食LUNCH, 價錢唔算平, 呢間主打係食SOUFFLE, 所以午餐餐牌都只係一個炒飯, 冇意粉, 只有三文治類同PANCAKE,SOUFFLE類, 今次由於朋友未食過, 就同佢試下, 我地亦都叫咗個SOUFFLE同三文治試BERRY CHEESECAKE SOUFFLE - 可能冇乜人, 所以等候時間都好快, 唔駛十分鐘已經上咗菜, 賣相不錯, 梳乎里係幾好食SANDWICH(HAM & CHEESE) - 一層一層既餡料都好足, 塊肉就好似薄得滯CAFFE LATTE - 奶味濃, 啡味少呢間餐廳主打食甜品, 其他都係配角, 如果食甜品既話, 我覺得還可以

首先講食物先，大致中規中矩，唔失望，亦都沒有大驚喜。叫咗 AIl-Day Breakfast Pancake，煙肉🥓同香腸都整得好香口，🍳有燶邊，pancake 鬆軟🥞。Smoked Salmon and Avocado，牛油果🥑，蕃茄🍅，沙律菜都新鮮。讚吓佢個Matcha latte 🍵，有個好得意嘅🐷拉花😂👍🏻。跟住就要講佢嘅服務，值得一讚，朋友12點前去到，點知原來未開門，服務員正在餐廳內準備，但佢主動安排朋友入座先，但講咗唔好意思，未能夠招呼佢住，好有交帶又細心。另外我鍾意嘢飲夠熱，問佢可唔可以後上，佢亦都樂意幫我安排。之後我又三心兩意，想轉latte，佢亦好樂意幫我改單，真係好多謝佢☺️

今日同阿女等食晚飯，經過呢個好似幾好咁，入去坐低食住慢慢等，侍應姐姐話最低消費要每人叫一樣野，可以係飲品或者食物都可以，咁就叫咗一個法式西多set 有包一杯飲品，我揀咗熱飲薄荷蘋果茶（此款另加$ 6）不過唔記得影相，可能因為係冇特別似酒樓咁用個普通白色茶壼、白色茶杯上枱，所以我忽略咗佢，味道麻麻哋啦1. French Toast : 味道可以，但係只有半件，成碟都係cream 同幾粒士多啤梨同藍莓，覺得唔係好值2. Soufflé : 好味道，配上忌廉芝士，藍莓汁一齊食好正