PAN de PAIN Pancake & Sweets (創紀之城五期(apm))

營業中

休息中

當時好似係星期日八點半左右，入座前已經知道要限時75分鐘同埋每人點一樣嘢。坐低點餐當然就掃碼啦。梳乎厘可以十分鐘就上枱，未食已經唔廷身，個地基已經下陷。食落就喺空氣同埋固體之間，質量唔鹹唔淡好難食。荃灣小店都話要做廿分鐘，相比之下佢做十分鐘都唔知係咪趕住收工，或者冇心機做，或者公司要求做到咁樣。Detox 水中的水果(我揀雜莓) 那些雜莓和士多啤梨已經浸水浸太久所以有啲爛爛地。反正不是榨汁不如就畀客人前一分鐘先至放啲水果落水去啦。裝修又唔係話太特別，真係一間以食物做藝術品的店舖。但我想食的是好味的食物，打卡好睇根本無什麼意思。食完我就知係比人用 pan 打我的 pain。哎... 咁貴租辛苦曬喇。

午餐走咗去頗有名氣嘅班戟店，除咗班戟外，還有all day breakfast, 焗飯，沙律，三文治…之類。雞蛋三文治份量頗大。餡料有碎蛋沙律，蕃茄和生菜。麵飽質感略為油膩，食後有點滯感。伴碟沙律菜好新鮮。Hojicha Latte賣相可愛。豬的造型，好搞笑。焙茶味道顯著，甜度恰到好處，沒有過多。整體來說，班㦸店都係點番班戟食物會比較好。 餐廳環境非常靓， 有好多綠色嘅植物, 非常清新, 打卡一流° 整體來說午餐都是麻麻地， 下次都係食番pancake。

今日收早，同太太去行街街，我太太話試下呢間新嘢， 我對甜品一般般不過我太太話事，就試下啦。下午一點半鐘入座，客人不多，店員示意可自己揀位， 整體招呼OK，坐得舒服，甜品上枱外觀非常吸引，士多啤梨夠份量，甜度適中，口感一流，好食。建議兩人叫一份，否則太飽。

🔹觀塘//PAN de PAIN Pancake & Sweets 🔹人均約$108🔹🎀觀塘觀塘道418號創紀之城五期(apm)UC層37號舖▫️抹茶疏乎厘 $108我覺得疏乎厘比pancake好食🤣💗聞落去已經超級有蛋味好香，食落去軟綿綿入口即溶🥰▪️士多啤梨pancake $88Pancake唔算好食，但係好打卡，側邊有啲心心好靚🤣🤣🔹好飽評語：環境我覺得幾舒服，入面有啲綠色樹林裝飾🤓就算一個人去下午茶試吓都唔錯～價錢唔算好抵食既，勝在幾舒服😀留意番佢一人起馬一杯嘢飲低消🤓🧠回頭指數：7️⃣🧏🏻‍♀️打卡港女：8️⃣🌬冷氣溫度：7️⃣🚽廁所評價：⏹🧾性價比呢：6️⃣

☘️☘️靚靚cafe 🍀🍀 ～ 裝修好colourful 🌈, 望落好舒服😌，好吸引眼球👀，我仲專登要揀中間的梳化🛋️位，好寬敞，好多花花咕𠱸🌸🌼🌺我哋不約而同咁選擇了 Set All-day Breakfast Pancake 🥞🍅🥓🍳 ，貪佢比較多元化🤗，都係有煙肉🥓，蛋🍳，蕃茄🍅，只係麵包🥯變咗pancake 🥞，味道中規中矩😉。 再配上杯Latte ☕️，好豐富嘅一個set，悠悠閒閒咁嘆個餐🍽️

第一次同女朋友嚟呢間，諗住兩個人share一碟甜品吃，怎知每人要最低消費限制🥲點了一個朱古力pancake加一碗茶。Pancake唔好食比較硬，麥當勞仲好過佢。叫咗一壺茶諗住加滾水，點知冇茶包😨服務員工作態度差☹️*快快脆食完，快快脆走*Overall not good 😨

🍴PAN de PAIN Pancake & Sweets 📍觀塘觀塘道418號創紀之城五期(apm)UC層37號舖已經想試好耐嘅餐廳🤓好彩唔需要排隊餐廳裝飾得好靚 岩灑打卡🙈✨Strawberry (Cold) $88Pancake 不過不失草莓果醬酸甜適中搭配上冰涼的Cream推薦給喜歡輕食的人

🍴Little Break Coffee & Kitchen📍荔枝角長義街9號D2 Place一期地下G03舖同朋友係附近行完街入左嚟食tea呢度嘅環境好舒服🙈可以慢慢坐底傾計✨Lotus焦糖巴斯克芝士蛋糕 $68蛋糕口感綿密鮮奶油與焦糖的甜度結合得剛好不會太甜芝士味道濃郁有迷人的奶香味道和餅底完美結合口感豐富飽滿✨70%魔鬼可可熔岩(心太軟）$88巧克力控的最愛！濃郁的70% 可可熔岩有滑嫩的巧克力配以甜度適中的冰淇淋🍦

我地4個人食唔落諗住share唔好浪費 點知有個店員走黎 態度又差迫人最低消費 嬲到我地2個走左 剩返2個快快食完就走 真係好差嘅服務 以後都唔會再食！個時客已經唔多 都要做壞自己個朵

本身同朋友夜晚諗住開心食啲甜品點不知食到成肚氣😕當時大概7點 店得2-3張枱有人坐 係門口等左2分鐘都係冇人帶位要行入去後面先搵到店員囉全部self service 咁嗌左soufflé pancake 切開係唔熟既 成pat糊仔咁又冇味啲cream 係平價植物忌廉既味我冇諗過比成百蚊係食啲咁嘅垃圾尖沙咀嗰間水準都正常既 觀塘真係唔！好！去！

People mountain people sea我要搵間餐廳tea一tea食啲甜野開心下先👩🏻‍🍳🥞 Cold Strawberry Pancake平時都係食開熱嘅Pancake 突然食唔熱嘅會覺得怪怪地🤫Pancake口感平平無奇有好多cream睇落好似好漏咁但有酸酸甜甜🍓平衡返都ok🍓 Strawberry Matcha Soufflé賣相幾吸引 好似隻太陽蛋咁麻薯皮薄好煙韌QQ 入面包住係cream 梳乎厘好香蛋味好滑 真係必食之選👍🏻配埋酸酸甜甜🍓醬 冇咁漏更好食🥛 Milk Pudding Strawberry Latte少女心覺得配色好靚 但好似番梘🤣以為要搖勻飲但搖咗幾次都係咁放棄！直接插飲筒飲布丁好香奶味 士多啤梨味都算濃本人表示💁🏻‍♀️ 食咁多甜再飲甜野 搞唔掂不過不失 有興趣可以試下🫣☕️ Hot MochaMocha香滑 朱古力味濃而不漏食甜野都係叫熱飲/茶類比較好解膩之餘又可以chill下✌🏻總結💁🏻‍♀️環境歐美草原風的確唔錯又幾啱打卡，食物方面本人認為不過不失未至於排隊等食，上菜快但等入座時間大概15-20分鐘。店舖以QR CODE落單無服務可言

▪️店員好nice🧡▫️疏乎厘香蛋味！但好塌，紅豆泥好甜、唔係啲沙沙有紅豆粒的口感。抹茶幾香濃！▪️肉桂印度拉茶：少甜，但都好甜。要一邊飲水才飲得曬……外賣原來有六折！！！

入座時已講明要最低消費一樣item 同埋用餐時間75分鐘晚飯時段8點鐘落單 🔥等左半個中都未有野食🤯幾番追問先話整緊等多等啦 等左半個中有多 終於黎左一碟 另一碟等多5分鐘 終於都到埋奉勸大家除非好多時間如果唔係一次都唔洗試只會浪費你時間🤯另外今次叫左個cream burlee pancake明明已經整左半個中但整出黎都係唔好食😰🫠Cream burlee 焦糖面燒得太耐 得個苦字一份pancake都食唔曬😪以後唔會再黎😡

食完晚飯，經過呢個做pancake cafe，剛剛有兩個座位，入去試試，坐底基本上服務員會講每人要必須一個order ， 所以分別我哋二人order 每人－個，自己用手機落單後，8:47 下單足足等到9:25分先有得吃，差點想離開，不會見到賣相都唔錯，不過食落就強差人意，完全好似未夠好感覺，𥚃面有濕濕地既感覺，跟平時食開的完全不一樣，完全不是空氣感的鬆化， 像未完全焗透似的濕濕感

班戟同梳乎厘，其實有掙扎，因為梳乎厘個樣真係好靚，最後都係揀咗班戟。梳乎厘雖然好吸引，動L動L，但佢嗰種空氣感總係令我好尷尬，所以自己一個食都係揀班戟安全啲。Mont Blanc，栗子蓉好香滑，我自己就唔太鍾意上面再加糖霜，感覺太甜，班戟嘅質地屬於屬於實淨，唔係嗰種彈棉感，所以有少少失望，反而班戟頂嘅栗子有驚喜，唔會似糖漬太甜，而且咬落都有啲脆口&栗香，三粒粟子仔最快清晒😂想坐得舒舒服服傾下偈食下輕食，都係唔錯嘅選擇~