Pan da Cafe

營業中

休息中

青口$138是中式的，青口超细隻咖啡淡而无味德國腸是小厨師腸酥餅是印度薄餅完全唔知食緊什么！！！非常非常難，无下次根本不是西餐中伏，中伏！大失所望，唯一就是环境是ok

入到去得我哋一台客怪就怪自己無上黎search過就沖入去，叫左一個千層麵一個烤雞意粉，兩個set都跟餐湯麵包嘢飲甜品，聽到第一下叮聲已經覺得伏伏地，然後基本上餐湯麵包兩個晚餐set 都係用微波爐叮出黎，個熱檸茶d檸檬仲要變壞左。都唔講咩服務環境，你甜品餐飲人地唔問就當無，要知詳情其實其他負評都可作參考，全部屬實。簡直出色，操作微波爐方面。成餐飯睇住你聽你丁丁丁微波爐，枉個招牌仲要寫住fresh cooking... 我真係好嬲睇完仲要入去試既 幫你唔到

本身諗住同男友入黎西貢食個生日飯我地見個環境咁有氣氛就比佢吸引左點知一失足成千古恨⋯一入到去老闆會硬推貴menu講到啲野食天花龍鳳又話日本黎又話煮法一流又話係穀飼牛總之講到好架勢好巴閉咁款咁好啦 咁山長水遠一場黎到就試下啦我地叫左半打法式焗田螺 味道認真麻麻地 非常普通仲叫左個日本宮崎黑豚西冷扒晚餐諗住好味就繼續再嗌其他野 或者叫多個餐沙律賣相好差好似BB食既糊仔咁 沙律醬溝稀左同埋知道入面係罐頭粟米 西芹 椰果 只可以講係食得落肚但唔會想俾錢食一個咁樣既沙律餐湯係羅宋湯個湯淡到見底 好稀好水又冇乜料配埋一塊好似威化餅咁薄既蒜蓉包好似一陣風咁 食完好似冇食主角既黑豚西冷扒同意粉一上菜既時候 嚇到我鼻哥窿都冇肉因為塊扒係真係冇肉 薄到稱唔上係扒只可以話係一塊肉片黎到已經凍左 微暖好難切開 咬到牙都軟因為太硬太乾太韌 幾乎冇肉汁一路食一路覺得好後悔自己入左哩間餐廳好想叫老闆自己黎試食一下（當然我冇哩個勇氣⋯只好硬食⋯）意粉份量好少 好乾又冇乜味感覺上就算份晚餐係我一個人食都食唔飽 唉我地仲叫左杯士多啤梨梳打唔覺得自己係飲緊梳打因為杯野飲係冇氣㗎 又唔凍似係包裝野倒出黎再溝稀 味道好化學廿幾

星期五閒日入西貢，唔想食海鮮，唔想食泰國菜，閒遊下便走入這間裝修別樹一格的餐廳。內裡很多懷舊物品，餐廳內亦播著黑膠唱片，由男女主人主理，兩口子經營的餐廳以食物質素和家的感覺取勝是晚點了：日本豚肉：沒有醬汁也很鮮味，肉質鮮嫩，煮得剛剛好餐配湯，蒜蓉飽及沙津好味！！焗田螺：又香又大隻白菌西蘭花：大碟又香濃美味玫瑰蜜：滋潤好飲，蜜糖充足。 窩夫三重奏 ：三塊窩夫，配上綠茶雪糕+芝麻雪糕+雲尼拿雪糕美味的最後打卡位如果窩夫可以厚些更有口感閒日早些去人不多，有包場感覺，更自在舒適，可以慢慢享受美食整體感覺非常好，有機會一定會再來

先唔好講食物質素，首先一入到去落Order個陣時老闆黑口黑面，可能嫌我地叫D野唔過$300，跟住D野食上枱個陣好大力咁放低，最後埋單個陣唔找錢，Default左我地一定要比小費。再到野食質素，超難食，淡然無味。

食物難食，番叮飯，芝士白菌係水溝芝士，態度差，dum 食物係你台面，個老闆勁衰， 黑口黑面， 又啪一聲放啲食物喺我哋枱面， 勁冇禮貌之後個法式焗田螺又係係出面買個殼再塞返螺肉入去。個頭盤沙律，個老闆hea到直接開菠蘿罐再撈埋少少芹菜就算三文魚扒外面好像煎得幾好但其實入面係未熟煎豬脾意粉， 啲豬脾冇乜味，好彩都係熟嘅， 意粉就係 烚熟再加啲香草係上面set dinner 200蚊以上，好貴，五好食，never again

今日閒逛西貢，大熱天時入左這間懷舊風餐廳，入到這間餐廳竟然見到洪永城，餐廳播著張國榮金曲，餐廳係兩夫婦打理，佢好喜歡黑膠唱片，餐牌菜式算多，比較普通簡單既款式，點左杯蜜桃雪糕梳打和蜜糖生薑芝士餅蜜桃雪糕梳打 - 雖然係普通既雪糕，但聽住黑膠唱片別有風味，店主還跟隨潮流使用鐵造飲管，環保意識十足蜜糖生薑芝士餅 - 味道很特別，出面未食過，餅底略有點淋，芝士味可以總結：西貢來說這價錢和裝潢性價比非常高，值得一試。

My friend and I decided to give the restaurant a try for a snack and some coffee at around 6, and we were given the most horrible service. The owner said that since we weren't ordering from their dinner set menu, we would have to wait longer for our food. My friend and I ended up waiting almost 1 hour for just a waffle and 2 cups of coffee, and the coffee was very watery.  We will definitely not be coming back!

今日一個人入西貢行下！之前經過幾次想入去試但都冇位！今次早咗終於有位喇！坐咗係門前露天位！我首先叫咗個All Day Breakfast及一杯秘魯咖啡！原來個餐仲有杯菓汁，我問橙汁係唔係鮮榨架？佢話唔係即榨但係是鮮橙汁！哦！咁我都係揀咗橙汁！橙汁先到味道唔錯仲有少少橙渣！如果大杯D就更好！早餐等咗差唔多十五分鐘還未到！因為我好肚餓所以我問佢哋仲有幾耐先有！佢答我因為係即叫即做所以仲到等多一陣！跟住咖啡到先！原來咖啡係用虹吸方法製作！咖啡冇意式咁濃！但好香！還多了一份醇厚嘅咖啡味！係唔錯的選擇！有得食喇！All Breakfast嚟到賣相唔錯！果然係即叫即做因為腸仔、煙肉、火腿等通常整定預熱會柴晒皮乾僧僧！至於蛋佢有唔似一般炒蛋咁，但好滑！好香！重點係配埋岩鹽就very good喇！冇錯係有樽喜馬拉雅山岩鹽！問佢點解D蛋咁滑原來係加咗鮮奶！係陽光普照下享受一份豐富嘅早餐非常滿足！但要提提大家如果趕時間嘅就要三思！因為我都嘆咗個幾鐘！唔知如果坐滿晒人嗰個都係即叫即做咁就真係一個字........等！見到之前有些食評相信都係"等"出事！哈哈！我會再嚟！因為入得西貢都係想脫離繁喧享受下"慢活"

天氣晴朗加上難得和老婆仔一起放假所以去了西貢海灘游泳暢泳過後回到西貢市區晚餐上次走過這條街已發現很多特色餐廳今次就選吃其中一間吧選了這間餐廳外擺放很多特色佈置的餐廳可惜天氣太熱否則坐室外位置會更有感覺不過室內也不差因為有很多懷舊的佈置似是店主多年來的收藏加上播放著鄧麗君的黑膠碟懷舊特色重得以為去了旅遊由於我們游泳過後很口渴喝了大量飲品導致不太肚餓所以決定只點一份餐選了日本宮崎黑豚肉套餐包括有前菜、餐包餐湯、意粉、餐飲和是日甜品另外再加了法式焗田螺一份前菜是菠蘿粟米簡簡單單酸酸的有點像罐頭產品卻令本來飽的我們更開胃餐包是蒜蓉包脆度適中但略嫌味道太淡蒜蓉味不夠突出餐湯是蕃茄湯蕃茄味也頗突出而且有不少蕃茄粒用料充足這時先來的是法式焗田螺40元有6隻價錢可以接受而且確實很美味田螺加入了不少調味令味道很濃和在高級西餐廳吃到的田螺差不多而且還配有薯蓉但就是略嫌薯蓉份量太少了之後是日本宮崎黑豚肉配意粉吃過宮崎和牛的我們都知道和崎特色就是很肥美果然這份黑豚肉也有不少肥肉雖然感覺不健康但確實非常美味有入口即溶的感覺再加入黑椒和岩鹽把那份肉味帶得更出即使像老婆仔般只吃更瘦的部分也同樣美味飲品方面我們加錢配

今天難得星期日有假期，約了另一半去西貢遊玩, 另一半來之前已用餐，所以她是陪我吃我倆都不熟悉西貢, 行了半小時，行入小巷又穿入大街, 突然眼前出現了一間環境很吸引的cafe "Pan Da Cafe"，我們就決定試這間。餐廳設有露天地方可以用餐, 十分有cafe氣氛，由於假日，所以沒有空枱, 原本我們打算走了，老闆叫我們等候小刻, 有客人結帳，雖然坐室內，但終於可以用餐餐廳有很多關於食物圖畫裝飾，亦有很多懷舊擺設，令我這些年輕人大開眼界另一半不太餓，所以她叫了柸雪糕梳打, 因為太心思思想吃雪糕而我跟餐點了一柸凍咖啡，飲品不過不失我點了千層麵餐, 有跟蒜蓉包餐湯和飲品, 價錢八十幾，在遊客地方都算合理，餐湯比較稀一點, 如有其他選擇更好, 千層麵面有洋蔥，吃起來很特別，本身我已很愛肉醬，這個都值得試，最重要是飽肚能夠在一個靚環境和另一半享受一個靚午餐是非常難得，每間餐廳有各自賣點，相信大家來過這裡會感受得到, 希望下一次和另一半可以發現更多其他靚環境再次回味一番。

黎到西貢除左海鮮係出名之外我都唔期望其他野會好好食但都唔好食到一肚火呀牛仔骨硬到咬唔到都係第一次見飲羅宋湯好似飲緊水alldaybreakfast唔係好食lor煙肉都怪怪地意粉完全無味都唔知間野點解可以開門做生意平時食野都會影相佢依間d野食毫無美感唔影都唔覺得可惜重點野食等左1.5小時隔離枱杯熱咖啡黎到已經變左凍咖啡間野無野快最快就係收錢果一刻1分鐘都唔洗俾個叻佢即係我要求唔高不過都唔好咁過份！！

渦心小店！從來冇寫過食評今次第一次！因為冇諗過寫所冇影相，有乜唔啱請多多見謜！渦心之旅從攞位開始！「唔該三位！」老版回應：「係咪四位！」哦！我唔記得咗手抱個細女！連大女一家四口先真！哈哈！入到去老版問要唔要BB櫈！眼見細女得十個月大應該坐唔到！老版話攞俾我睇睇先！心諗係唔係Ikea嗰張膠櫈呢！"驚喜1"～原來係張日式有餐台嘅BB櫈！因為之前係日本公司見過要二千幾但唔捨得冇買！處理完細女到大女喇！大女話唔坐BB櫈，但佢又細粒坐餐椅又矮仔喎！咁Daddy就諗住搵D cushion墊高佢(呢間cafe好多cushion好似返咗屋企)！但老版又有法寶佢攞咗個專俾小朋友用嘅兒童坐墊，嘩！超正！"驚喜2"點菜時間喇！經老版推介點咗個薄脆Pizza、豬髀骨、焗田螺同埋藍青口！等緊食嘅時候亞女突然大叫：「一樣架！一樣架！」，原來套兒童餐具同屋企嗰套係一樣架！亞女非常雀躍！食得喇！Pizza ok喎！餅底鬆脆，芝士軟滑香濃！不過記得襯熱食，因為有兩塊最後先食但口感差好遠！豬髀骨"正"！入味、鬆化唔嚡，亞女成支揸住嚟食！焗田螺惹味袛食(特價$40半打)！重點係個薯茸！一般落好多牛油勁咸食唔到薯仔味！但呢

一睇餐牌，個心係有啲離一離，估唔到一間小小cafe啲嘢食會咁貴。老闆（好似係）推介是日特價食物同dinner set, 推薦嘅係比較貴嘅選擇。我揀咗厚切西冷牛扒（因為正常西冷扒賣晒），set嘅價錢係$208。前菜：沙律粟米+罐頭菠蘿+西芹+沙律醬嘅組合So-so餐湯：白菌忌廉湯好淡，如水一般，完全唔係我想像中嘅濃濃忌廉湯主菜牛扒出現嘅時候，我係為咗佢嘅擺放方式而驚艷嘅，好有創意。只不過一切落去⋯好韌意粉普通，反而朋友叫嘅香蒜飯有驚喜！餐飲加錢叫咗蜜糖桂花茶，依個幾好飲，加咗蜜糖嘅桂花茶有桂花糕嘅感覺！食物質素與價錢不成正比，冇下次了。

人生第一次寫食評，中哂伏！！呢2樣焗野難食到一個點，西蘭花果d白汁稀到水咁，無芝士味，果個焗白菌又係...其他野無影，已經無哂mood.....個磨菇湯，又係淡到好似水咁，所謂嘅沙律就係粟米加沙律醬，放幾塊三文魚係度就叫煙三文魚沙律，灰左！！！最後個pizza...無特別，上面層芝士完全無芝士味...杯咖啡無咖啡味.....真係無下次