Pan da Cafe

營業中

休息中

之前去西貢已經有留意到呢個地方，但係一直以為佢係雜貨鋪，因為佢嘅門口擺設同傳統嘅Cafe唔同，直至到今日仔細去睇先發覺原來佢係一間懷舊做主題嘅Cafe，即刻俾佢吸引咗入去😍。入到去已經見到好多唔同嘅童年回憶，甚至有一啲係好有紀念價值嘅珍藏張國榮陳百強等一眾懷舊明星嘅簽名黑膠碟同埋紀念品，成個feel係好似入咗一間博物館咁。🍗蜜燒煙雞 ☕️咖啡雪糕🥭招財芒果新地🍓焦糖士多啤梨新地。我哋三個女仔都唔肚餓，主要都係想入嚟開下眼界打吓卡，所以一人嗌咗個甜品同埋一個主食share，望住個環境真係好易唔記得左食嘢😂我地三個都覺得個咖啡雪糕最正，因為佢除左真係好濃郁之外，佢另外仲有杯espresso可以加，另外2款新地其實都幾滿足，佢另外都有其他口味可以揀，所以甜品選擇上都係幾開心同滿足，不過最正既當然係佢地既懷舊感同童年回憶啦

三文魚鮮菌全日早餐三文魚新鮮肥美，肉質軟滑，配上鮮嫩多汁嘅鮮菌同勁滑炒蛋，味道清新又健康 🥗🍳。成個餐份量十足，一個人食已經好滿足😋性價比高，實在抵讚! 👍蜜燒豬髀骨豬髀骨即叫即做，食落皮脆肉嫩，一D都唔鞋 🍖🔥。蜜糖味滲透到豬髀骨入面，唔單止表面有蜜糖香，連內裡都帶有甜香，味道濃郁又唔膩口 🍯😍。鍾意肉食嘅朋友一定唔可以錯過! 🥩Tiramisu味道層次豐富，每一啖都充滿濃郁嘅咖啡香，入口鬆軟，仲有微苦嘅可可粉作點綴，帶來平衡嘅口感，感覺好正! 😄白朱古力愛爾蘭咖啡同岩鹽焦糖愛爾蘭咖啡白朱古力版 creamy 得好，甜中帶香，濃郁得來唔失清新，適合鍾意厚實口感嘅人 🍫🥛😋岩鹽焦糖版則將鹹甜平衡做到極致，啖啖有驚喜 🍬✨。飲完有滿足感，特色鮮明，值得細味! ☕👍

上次同朋友去西貢hea，搵到間超正咖啡廳，懷舊風滿分，仲有80年代老歌加懷舊海報，張國榮陳百強嘅黑膠同紀念品影到手軟，超chill😆美國肉眼扒煎到外脆內嫩，肉汁爆香，配滑薯蓉同爽菜，食完好飽，肉控必試😍焦糖芒果新地芒果雪糕甜得啱，混芒果粒同焦糖醬，脆果仁加分，夏天食正👍🏻冷泡烏龍茶清香順口，無澀味，花果香好正，飲完想再encore⚡️芝士蛋焗大啡菇全日早餐大啡菇juicy，芝士蛋漿香到爆，配煙肉多士，份量足，隨時食都得🥹

同朋友喺西貢搵地方hea吓，搵到呢間老字號Cafe❤️呢度主打70年代香港懷舊主題，真是一個好有特色嘅體驗！入到黎可以話係好似走入時光隧道，餐廳滿佈復古裝飾，老式電話同黑膠唱機，牆上仲有張國榮同陳百強嘅簽名黑膠同罕有紀念品❤️ 件件都係回憶！每個角落都好似迷你博物館，影相打卡一流，播住舊香港金曲，氣氛輕鬆又懷舊～ 我哋叫咗幾款輕食，坐低慢慢歎，感受吓慢活滋味🥢德國腸拼蒜茸鬆餅做前菜，鬆餅烤得香脆，配上德國腸嘅鹹香，簡單但好食，份量啱晒開胃🥢肉醬千層麵，肉醬好入味，層次分明，食落濃郁但唔會膩🥢雪糕窩夫，窩夫烤得酥脆，配上芝麻同抹茶雪糕球，一熱一冷好有對比。夾埋剛好甜度適中，食完好滿足🥢飲品試咗薄荷梳打同凍愛爾蘭咖啡。薄荷梳打清涼爽口，唔會太甜，夏天飲好解暑。凍愛爾蘭咖啡上面浮住厚厚嘅忌廉，入口香滑

古典cafe shop ,好適合閨蜜/朋友聚會chill下，享受下當下時光💕兩個傾下計，度過悠閑嘅時間💕🫶🏻提拉米蘇 (Tiramisu)呢款提拉米蘇散發著濃郁咖啡香氣，綿密的奶酪層與巧克力粉既搭配令人一啖食一啖🤤🤤整體唔會過於濕潤亦唔會太乾柴，口感十分平衡😋😋🫶🏻冷泡洛神花 (Hibiscus Iced Tea)洛神花茶的酸甜口感令人耳目一新😍冷泡既方式保留左花香清新，呢款飲品好岩而加炎熱既天氣，令人感到無比清爽💕🫶🏻香蕉船 (Banana Boat)香蕉船既呈現方式非常吸引目光，勁colourful，好適合打卡😍😍香蕉上淋上香甜的巧克力醬，搭配香草冰淇淋，口感層次豐富😋😋每一口都帶來驚喜，甜而不膩❤️🫶🏻埃塞俄比亞咖啡 (Ethiopian Coffee)埃塞俄比亞咖啡風味獨特，咖啡豆品質上乘，令人可以飲到深厚咖啡文化底蘊，無疑係咖啡愛好者首選。🫶🏻 整體來講：唔錯既體驗，值得一試❤️好適合放下腳步享受當下☺️

推開門就似穿越時光，店內以懷舊香港做主題，柔和燈光襯托出慵懶氛圍。最吸睛莫過於牆上張國榮、陳百強、梅艷芳等傳奇巨星簽名黑膠唱片，瞬間勾起港式黃金年代的集體回憶！懷舊歌迷必去！一邊享受美食一邊追憶港樂輝煌年代。肉醬千層麵芝士層拉絲超邪惡！肉醬用慢煮牛肉碎混合蕃茄醬，酸甜濃郁，夾埋煙韌麵皮，份量足而不膩。火腿太陽蛋早餐太陽蛋熟度剛好，火腿煎得香脆，配烘脆多士同茄汁豆咖啡雪糕咖啡雪糕有驚喜，雪糕口感偏雪芭質地，清爽不膩， 配埋咖啡，苦甜平衡冰鎮黑咖啡冰鎮後酸味柔和，帶咖啡尾韻。

人生碌碌，不如係呢個假日，好好享受慢活生活。今次嚟到一間以懷舊香港做主題嘅cafe店，店內充滿董傢具擺設，每個角落復古古玩、鐵皮玩具、老式電話、黑膠唱機等，彷如時光倒流，置身於70年代舊香港。店內仲有珍藏，係張國榮陳百強等人嘅簽名黑膠，非常罕有嘅記念品！芝士蛋焗大啡菇全日早餐深深被呢個巨型芝士大啡菇吸引住，上面滿滿都係融化芝士，香氣十足。沙律菜、粟米粒、焗蕃茄，仲有火龍果嘅配搭，係一個健康嘅全日早餐！夏威夷薄脆薄餅經典pizza之選，皮薄脆卜卜，上面舖滿芝士，仲有菠蘿火腿餡料，食落酸酸甜甜，好開胃！西西里檸檬蛋糕經典檸檬蛋糕，酸甜檸檬融入蛋糕，口感豐富，味道酸甜清新！再配上一杯水果茶，更加Perfect！冰鎮檸蜜及冰鎮蜜桃茶夏日炎炎，同朋友各自點咗冰鎮檸蜜及冰鎮蜜桃茶來消暑，兩款飲品各有特色。冰鎮檸蜜既能消暑，又能提神醒胃；冰鎮蜜桃茶果香味更重，味道更香甜！正！

推開Pan da Cafe木門🚪，好似入左時光隧道咁！復古木桌椅、懷舊玩具牆🧸，好似迷你博物館，每個角落都係打卡位📸。坐喺度嘆杯mocha☕，感受西貢陽光休閑，真係chill到唔捨得走～🌟必食推薦：【迷你紅豆抹茶雪糕新地】🍨抹茶甘香唔澀，紅豆綿密帶微甜，加埋口感超豐富既Cream Top！炎炎夏日食真係超正❄️【芝士蛋焗大啡菇】🍄切開啡菇爆漿流心蛋+拉絲芝士🧀，巨型大啡菇juicy到咬落噴汁！隔離仲沙律菜🥗，火龍果，粟米粒🌽球，番茄🍅做配菜，份量好足料！【咖哩肉丸】🍛濃郁日式咖哩香而不辣，肉丸彈牙吸晒D醬汁，送飯一流🍚！

【唔單止有美食，仲係懷舊歌迷嘅朝聖地！店內珍藏咗張國榮同陳百強等巨星嘅簽名黑膠同罕有記念品，一邊品嚐美食一邊懷緬經典，感覺特別窩心！】📍蜜燒豬髀骨即叫即做嘅豬髀骨😍 肉質超級tender，一啲都唔柴，而且油脂同瘦肉嘅比例啱啱好，唔會過於肥膩。最正係嗰層蜜糖烤漆，甜中帶微微嘅焦香，香甜可口又夠晒juicy，每一啖都係滿足！📍Tiramisu入口即溶嘅質地配上濃郁嘅意大利Mascarpone芝士，香濃得嚟又唔會太甜，上面撒嘅可可粉香氣十足。最啱嘅係佢嗰個朱古力海綿蛋糕浸咗啱啱好嘅咖啡酒，夠香醇又唔會過濕，口感層次豐富📍岩鹽焦糖愛爾蘭咖啡 ＆ 凍白朱古力愛爾蘭咖啡呢兩款新出嘅飲品🤩 岩鹽焦糖款嘅咸甜配搭超級match，掛喺杯邊嘅心太軟瑪德蓮蛋糕更係錦上添花。而凍白朱古力版就超級清新，奶泡綿密得嚟又有香草嘅清香，加上愛爾蘭威士忌嘅醇厚，絕對係夏日解暑必飲嘢飲！📍自選薄脆薄餅薄餅底脆卜卜又唔會過硬，餡料新鮮又唔會過鹹，自選配料組合更加令每件都充滿驚喜！薄餅邊嘅拉絲芝士香濃得嚟又夠彈牙

最近去咗Pan da Cafe，真係一個非常特別嘅地方。當然唔可以錯過佢地嘅法式焗田螺！田螺焗得恰到好處，整體口感唔錯😋仲點咗荷蘭豬斧頭扒，非常juicy，肉質鮮嫩，配上特製嘅醬汁，味道濃郁唔膩，實在係肉食者嘅天堂😆每一口都超滿足，啖啖肉😋餐後仲點左佢哋嘅愛爾蘭焗香蕉，真係好特別！焗香蕉外脆內軟，口感層次豐富。呢個甜品唔單止好味，仲有獨特嘅風味，真係值得一試👍🏻好少地方有呢個菜～飲品方面，叫左個冷泡玫瑰花茶，清新爽口，特別適合夏天飲用。茶香四溢，帶有淡淡嘅花香，飲落去令人感覺放鬆，玫瑰花仲可以美顏添🤭🌹除咗食物，店內仲展示咗張國榮、陳百強等人嘅簽名黑膠，真係一個懷舊嘅好地方。對於音樂迷嚟講，呢啲珍藏品係無價之寶，能夠親眼睇到真係非常開心👏🏻 仲有佢地一啲罕有既紀念品😍

西貢市場街有不少特式的cafe,當我地諗緊去邊間果陣，無心插柳俾我地發掘了一間以懷舊香港做主題的cafe 《Pan da Cafe》, 入內時光彷彿倒流至七十年。室內每個角落都藏著店主淘來的復古寶貝，古董傢具批設，鐵皮玩具，老式電話，黑膠唱機，泛黃海報等，細節處盡顯心思。鮮菌酥皮盒絕對是視覺與味覺的雙重享受！金黃酥皮在刀叉輕觸瞬間簌簌碎裂，露出滿當當的雜菌餡料，混合著拉絲馬蘇里拉芝士的奶油醬汁緩緩流淌。特別喜歡杏鮑菇保留的爽脆口感，與酥皮形成奇妙對比，蘸著盤底剩餘的醬汁吃到最後一口都不浪費。🔮冰鎮蜜桃茶以復古印花玻璃壺盛著，儀式感十足。錫蘭紅茶基底醇厚不澀，與蜜桃的香甜交織出清爽甜茶香，加了一球大粒冰塊，打卡得來滿有儀式感的🔮鮮菌酥皮盒朋友是素食者，這個酥皮盒很就啱哂佢，即叫即焗，上台時熱辣辣的，酥皮盒非常酥脆，滿滿的牛油香味，包裹著綿密細緻的薯蓉，中間和面頭有多款菌類。淋上秘製的芝士忌簾再焗，入口芝香無比又綿滑，仲有微微的蒜香，連我呢個肉食者都覺得有驚喜呀！🔮煙猪肉鮮茄脆香包法式麵包輕烤過，外脆內軟，慢煮煙燻猪肉十分軟嫩，微微咸香，調味恰當，搭配多汁番茄片和沙律菜，淋上自家製蛋黃醬，

復活節假期，同朋友去了西貢行山，順便試咗間懷舊咖啡店「Pan da Cafe」。店內裝修走復古風，木桌椅同舊式擺設好有feel，坐得舒服！ 我哋點咗：［日本黑豚肉飯］黑豚肉肉質嫩滑，煎得微黃香口，醬汁微甜配菜新鮮。［冰鎮蜜桃茶］ 充滿濃郁的蜜桃味，冰涼又清甜解渴，啱曬行完山飲。最後叫兩個甜點［馬卡龍］＆ ［咖啡雪糕］。馬卡龍外脆內軟，甜度剛剛好。咖啡雪糕超驚喜濃郁又香滑，為這個假日畫上完美句號。 整體食物質素唔錯，環境加分，適合慢活的一族。

放假了，兩口子到西貢閒逛，到Pan Da Cafe吃brunch 。餐廳充滿懷舊復古風，以木系裝潢搭配柔和燈光，擺滿世界各地舊玩具、黑膠唱片、明星珍藏（如張國榮、陳百強簽名紀念品），打卡感十足，彷彿穿梭時光寶藏地！  芝士蛋焗大啡菇全日早餐大份夾抵食！大啡菇多汁焗得剛好，芝士蛋奶香濃郁，炒蛋滑嫩不膩，搭配其他配料（火龍果、烤番茄等）飽足感滿分。  肉醬千層麵千層麵肉醬非常入味，醬汁很濃郁。蕃茄的酸味和溶化了的芝士十分夾，吃落非常有層次感，好味！檸檬批酸甜清爽，餅底酥脆，檸檬餡綿密細滑，吃後完全不覺得膩。 冰鎮黑咖啡香氣濃郁撲鼻，入口順滑不澀，苦甜平衡得宜，冰鎮後更突出回甘，幾飲舒服。  這小店食物質素高、份量足，環境充滿驚喜懷舊細節，適合兩口子慢食打卡，或黑膠迷來尋寶！

芝士蛋焗大啡菇驚喜到我嘅係金黃色芝士在大啡菇上完全融化，散發著誘人的芝士香味，一切開仲好Juicy！配埋三文魚鮮菌全日早餐呢個咁色彩繽紛的「早餐」，真係人都即刻開心晒。三文魚永遠冇失拖，鮮菌炒得啱啱好，炒蛋從色澤上已經見到加入咗牛奶去炒令佢更加嫩滑。再配杯愛爾蘭咖啡，厚厚嘅奶油加係咖啡上面，令到咖啡香滑之餘，視覺上更係一種享受！同行友人叫咗牛角酥，裡面隱約可見碎蛋，搭配生菜，令簡單嘅牛角酥變得不平凡！食物充滿用心，值得一試。

難得放假出去西貢可惜遇到大雨天 見到呢間Cafe就入去避雨順便Chill ChillCafe行懷舊香港風格 幾靚幾warm 而且都坐得舒服由於已經食左Lunch 所以今次只係試佢地既小食同甜品 巴馬火腿拼蜜瓜：香港人最愛既配搭 Ham唔會太咸或重豬味 加埋蜜瓜一齊食好fresh芝士巴斯克蛋糕：蛋糕好smooth好香 唔會太甜 配茶一齊食非常夾冷泡檸檬草及檸檬批：朋友order既檸檬配檸檬配搭 甜甜酸酸 異常地夾唔會濟 朋友都好滿意冰鎮鮮檸檬紅茶：因為我係檸檬茶控 所以忍唔住要叫黎試下 有驚喜有檸香而且唔澀整體來講 係一個西貢區chill既好地方👍🏽