Owl’s Stage

營業中

休息中

太子有好多小店嘅料理都好好味，價錢又唔會太貴！前幾日再一次黎到太子覓食，品嘗下呢間西餐廳嘅菜式，睇下佢哋嘅質素係咪都好似我如期咁好先～✎ 秘製燒焗德國咸豬手配酸椰菜及蜜糖芥末醬呢份豬手認真好味，份量好大塊，表皮脆卜卜，有少量肥膏，肉質幼滑，入口軟嫩。伴菜叫咗牛油薯角，食埋就好飽～✎ 美國雞腿肉露荀芝士通粉 第一下感覺成碟勁creamy，食哂會幾飽，絕對夠食～同時入口充滿芝士味！通粉幾彈牙，唔會太腍；雞肉本身肉質都嫩滑，加埋cream口感更滑順。伴菜方面就有幾條爽口嘅蘆筍，增加清新感～ 套餐入面包青蘋果紅菜頭沙律同甘荀湯，沙律非常新鮮爽口，而湯非常濃稠，味道濃郁，好飲～✎ 脆炸薯條配芝士肉醬 呢碟都好好食！薯條微脆，份量都算多，重點係芝士同肉醬味勁濃，又有芝士條又有芝士醬，覆蓋成碟薯條，齋幻想都知有幾惹味啦( ˶ˊᵕˋ)੭♡ ✎ Lemon Tea 冰唔算多，但都夠凍，茶味都幾濃，帶有淡淡嘅檸檬～

蝦蟹膏蟹肉帶子意粉 ($168)推介⭐️好濃蝦蟹膏味真係！膏醬包滿每一條意粉，中意食膏嘅朋友仔會好愛呢個意粉，重點係調味適中，唔會好咸，而且食哂成個意粉都完全唔覺得好heavy好膩，意粉上面仲有唔少嘅蟹肉，一絲絲微微鮮香，帶子又大大隻唔馬虎，加埋烤融左一半嘅車厘茄開胃，總之呢個價錢就性價比極高啦😋蒜香乾蔥牛油忌廉汁煮紐西蘭鑽石蜆配意大利包 ($228)推介⭐️鑽石蜆大大隻啖啖肉好幸福🥰忌廉汁加左海鮮提鮮，蒜香夠哂惹味，調味唔會好濃，因為蜆味都夠哂濃，不得不讚個意大利包，烤得好香脆，系包上面淋上忌廉汁，加埋蔥同蜆一啖食，嘩好味又有層次，想encore添呀，呢款係店員推介，果然好食👍🏻辣味牛肉醬雞翼4 隻 ($68)推介⭐️岩哂特別中意食辣嘅朋友仔🌶️雞翼脆炸左，上面鋪滿微辣嘅牛肉肉醬，味道似肉醬意粉嘅肉醬味，雞翼炸得幾好保持到肉質嫩滑，雞翼控唔好錯過！

適逢週末，細雨濛濛。和老公到太子這間以貓頭鷹作主題的餐廳，內裏佈置優雅，黑色隔調的裝潢，配着深啡木紋桌子及枱凳，空氣中伴着柔和的英文歌。環境實在非常舒適。看到吧枱有很多酒，想必晚上有很多人在聚餐傾談了。不嗜酒的我們當然只點了晚餐，還點了一個海鮮小拼盤。青蘋果紅菜頭沙律青蘋果清脆，紅菜頭很清甜，加上甜甜酸酸的黑醋，營造出一種絕妙的平衡。令人十分開胃菜。甘筍蓉湯濃郁的甘筍蓉湯很creamy，湯質地十分綿密，口感滑順，入口即化。加入了蕃茄，增添了一抹微妙的酸味，使整個味道更加豐富。燒焗脆豬鞍配自家製南瓜蓉豬鞍燒得外皮酥脆，肉質鮮嫩多汁。自家製的南瓜蓉口感柔滑，還有淡淡的甜味，與豬鞍的風味完美融合。自家製辣蕃茄汁青紅尖椒車里茄意大利飯辣蕃茄汁配上青紅尖椒頗辣，意大利飯粒粒分明，口感彈牙，完美吸收了辣蕃茄汁的味道。Mini Seafood Platter翡翠螺很大隻，鮮藍青口鮮嫩多汁，香煎帶子的表面酥脆，內裡鮮嫩。配上香蒜牛油汁，每一口都充滿了海鮮的鮮香和牛油的濃郁。

餐廳周圍都有唔少貓頭鷹嘅擺設同裝飾辨識度高又可愛🦉由於當晚全場爆滿 所以就無影到畀大家睇🫣座位方面 店舖比較細 所以會坐得比較迫少少🐔 Owl's Stage 辣味牛肉醬雞翼 4隻 ($68)雞翼炸到香脆 裏面都仲幾juicy牛肉醬辣度唔高 好惹味😆🥗 青蘋果紅菜頭沙律 & 餐湯沙律有青蘋果粒、紅菜頭粒、車厘茄 作為套餐嘅頭盤相當有誠意再配上黑醋 清新又開胃😌🐂 燒紐西蘭特級西冷扒 8oz 配自家製南瓜蓉 (Set Dinner $228)今次叫左7成熟 牛扒嘅生熟度控制得幾好西冷扒肉味濃郁 稍有嚼勁伴碟嘅南瓜蓉好幼滑 超級好味😍🍝蝦蟹膏蟹肉帶子意粉 ($168)帶子口感鮮嫩 蟹肉多番少少就perfect醬汁好creamy 有十分香濃嘅蝦膏蟹膏味 好正！推薦！❤️☕️ Set Dinner奉送咖啡或茶

今天約了朋友聚下舊，諗住揾間靜靜地的餐廳傾下計又不限時的。去了太子呢間 Owl's stage, 店內有如其名Owl, 見到好多貓頭鷹擺設好靚好特別，除左擺設之外仲有啲好特色嘅🦉畫添。打完卡一輪，見menu啲set lunch 都有好多選擇，同朋友叫咗兩個 lunch set，一個係蒜香牛油汁美國雞腿肉露筍意大利飯，雞腿肉都幾嫩滑 （吃白肉比較健康，雞肉份量就不算多，但勝在夠健康）牛油汁幾乎包滿了每粒意大利飯，帶香味又不會感覺膩。 以前食過有啲意大利飯會又硬又滯，但呢個就完全無呢個感覺。另外一個set - 燒牛肉焦糖洋蔥意大利包，呢個有驚喜喎，燒牛肉幾厚身，肉汁好juicy, 軟包有烘底好香軟，配撘得好好味，仲有配黑醋沙律好開胃健康。另外不少得一提個餐湯，椰菜花薯仔湯，薯仔味濃郁又夠熱，最怕飲啲湯係唔夠熱的，是健康之選👍🏻整體來講都坐得舒適，食得健康。

星期五放工飲酒是常識，拉埋個frd陪我据埋扒，食到間靚酒正扒好開心！紐西蘭肉眼扒見到有紐西蘭扒就狗衝咗，果然係特級好味！塊扒嘅厚度好平均，受熱平均，加上廚師煎得好靚，鎖到肉汁之餘，仲保持到牛味！記得要rest一陣先食，咁就係最適合！同埋用咗南瓜蓉墊底，南瓜蓉索晒牛汁，加上本身南瓜都帶甜味，食完扒之後再食南瓜好滿足！澳洲羊架係澳洲就食咁就對了！羊架有3大塊，都一樣煎得好靚，羊架條肥肉真係好好食，好香羊奶味，同埋好大塊，食完好滿足！其他dish，特別係沙律，用咗青蘋果加紅菜頭，令到沙律都有果甜味，再配醋，好開胃！南瓜湯blend完出嚟食得出仲有南瓜，好杰身，食得出佢冇加多餘嘅水，好天然。扒仲跟咗燒蒜，我勁鐘意啪蒜，佢燒得好淋，拮出嚟放落口，勁軟屬，成口蒜！酒！！！！！Sauvignon Blanc！！！！配扒都唔錯，又加咗一種飲法！朋友嗌咗mocha, 咖啡師好有心機咁拉咗柴柴出嚟，好cute cute，味道係偏濃朱古力味，鐘意偏甜嘅要嗌！

🌟今日太子經過呢間好似係酒吧餐廳，不嬲我鐘意貓頭鷹🦉吸引到我入去，因為店內有好多貓頭鷹擺設，加埋昏暗的燈光，浪漫嘅背景音樂，甫進入店內感覺已經良好。***** ***** ***** ***** ***** ***** 🐟香煎比目魚扒配乾蔥白酒忌廉上枱已經覺得賣相好靚，比目魚皮煎至脆卜卜，加上肉質非常新鮮，香脆魚皮加嫩滑魚肉，非常好味；薯仔粒煎至金黃色，外脆內軟的，而且有惹味嘅感覺，做得非常出色。☕️Mocha拉花好療癒，飲落去滿口朱古力味，而且好滑溜，帶少少咖啡濃香味，中和了主菜的些少油膩感。整體來說，餐廳環境氣氛好適合談心，食物出奇地有驚喜，好有水準，一定會再來訪。

收工信步在太子大南街，餐飲店林立，owl‘s stage是特別的存在，自帶靜謐神秘感，坐落在這條接地氣的街區。點選了兩款晚市套餐：1.燒紐西蘭特級肉眼扒2.美國雞腿肉露荀芝士通粉前菜食材新鮮，簡單淋上油醋汁，就已經足夠開胃。南瓜蓉湯，顆粒分明，和舌頭來了個有質感的碰撞。應該是加了番茄，有點酸酸的感覺但並不衝突。燒紐西蘭特級肉眼扒，熟度选择了medium-well，多汁Q弹，一口一口入嘴，实在满足。美國雞腿肉露荀芝士通粉，白汁濃郁入味，一勺通粉舀上軟嫩雞腿肉、再加上一兩條鮮脆小露荀，天上人間。朱古力心太軟，是我最愛的甜品之一，強烈推薦大家過來點選，出品很贊！

上次到大南街食完日式料理，之後經過見到 "Owl's Stage"，這間是多國菜餐廳，趁今日去開依邊就把握機會試吓啦！Owl's Stage 簡約型格設計以黑白為主，周圍都有貓頭鷹裝飾，可愛別緻，整體覺得令人感到舒適寫意。在主餐牌內選擇全單連加一八五折優惠及飮品一杯，又係真係抵喎。香煎比目魚扒配乾蔥白酒忌廉汁    $148比目魚煎至金黃，魚皮係脆脆的，魚肉非常嫩滑，調味得剛剛好，配合香口嘅西蘭花同濃郁白酒忌廉汁，更能提升層次感，味道更豐富。流心車打芝士釀和牛漢堡肉配五重芝士醬    $148呢個 burger 中間夾住牛肉漢堡、蕃茄、芝士，芝士份量都唔少，仲係流心嘅，麵包烘過好脆口，牛肉漢堡係自家製人手做嘅，肉質鮮嫩多汁，配合新鮮蕃茄，加埋芝士蛋醬味道層次提升，食落更美味。另外揀咗香草牛油焗薯角，正方形粒狀薯仔，調味岩岩好，炸得香脆，接住食停唔到口。另外加左朱古力雪糕 $16，濃厚朱古力味，質地幼滑，甜度啱啱好，陣陣朱古力味散發出來，士多啤梨同朱古力醬配搭得宜 。喜歡咖啡的人，來一杯熱咖啡，甘香醇厚，咖啡加倍份外香濃，濃郁口感，芳香有層次感。凍檸檬茶，茶底不厚不濁，味道清新自然，冰凍

行太子發現間質素幾好嘅西餐廳～餐廳裏有好多同貓頭鷹🦉相關嘅裝飾，蠻有氣氛的，相信放工𝙃𝙖𝙥𝙥𝙮 𝙃𝙤𝙪𝙧 也很不錯🤤🔆 法式龍蝦湯配香蒜意大利包 $88龍蝦湯十分濃厚𝘾𝙧𝙚𝙖𝙢𝙮，有少量龍蝦肉🤭 同少許酒香味～味道偏濃，都幾適合重口味朋友🔆鮮露筍雜野菌牛油汁意粉 $118唔好覺得素意粉味道會好單調🤭呢份意粉每一啖都係超濃香牛油味！蘆筍雜菌份量適中，意粉都好煙韌彈牙有口感🔆香草蒜蓉加拿大厚切保濕豬架配蜜糖芥末醬 $198值得叫一份👍 一上枱已經聞到好香噴噴！豬鞍肉質結實𝙟𝙪𝙞𝙘𝙮 ～配菜可以5選1:香草牛油焗薯角/牛油汁西蘭花🥦/意式燴雜菜/田園沙律🥗香草牛油🧈焗薯角係一口𝙨𝙞𝙯𝙚, 脆卜卜又入味～ 建議沾一下沙律醬🤭 佢地沙律醬有陣陣柚子香同柚子粒架～ 可以平衡下味蕾😊

今天約了朋友聚下舊，諗住揾間靜靜地的餐廳傾下計又不限時的。去了太子呢間 Owl's stage, 店內有如其名Owl, 見到好多貓頭鷹擺設好靚好特別，除左擺設之外仲有啲好特色嘅🦉畫添。打完卡一輪，見menu啲set lunch 都有好多選擇，同朋友叫咗兩個 lunch set，一個係蒜香牛油汁美國雞腿肉露筍意大利飯，雞腿肉都幾嫩滑 （吃白肉比較健康，雞肉份量就不算多，但勝在夠健康）牛油汁幾乎包滿了每粒意大利飯，帶香味又不會感覺膩。 以前食過有啲意大利飯會又硬又滯，但呢個就完全無呢個感覺。另外一個set - 燒牛肉焦糖洋蔥意大利包，呢個有驚喜喎，燒牛肉幾厚身，肉汁好juicy, 軟包有烘底好香軟，配撘得好好味，仲有配黑醋沙律好開胃健康。另外不少得一提個餐湯，椰菜花薯仔湯，薯仔味濃郁又夠熱，最怕飲啲湯係唔夠熱的，是健康之選👍🏻整體來講都坐得舒適，食得健康。

約咗朋友在太子食午餐，去了Owl's stage 有貓頭鷹擺設的Cafe幾得意，店內燈光昏暗，日間都有咁有情調嘅Cafe, 試咗個lunch set - 燒牛肉焦糖洋蔥意大利軟包，都幾唔錯，以為是薄牛肉，原來都幾厚切牛肉幾有肉汁，軟包烘烤過幾好味，仲加配有黑醋沙律，整體唔錯

太子一向多嘢食，經過見到呢間餐廳幾乎滿座，決定入嚟試吓😌環境幾骨緻，掛咗好多食物係出乎意料咁好味，調味係加分位👍👍選擇都好多，可以揀set dinner ，或者散叫。我就試咗set dinner嘅燒紐西蘭肉眼扒(8oz)($238)牛扒🥩肉質好唔錯，裹面嫩滑，外面煎封得油香濃郁，醃料唔錯，配南瓜蓉好有驚喜，平衡返咸甜，醬料仲有芥末醬同另一款秘製醬汁，調味一流！由於係套餐仲配有沙律同埋一杯嘢飲，今次試咗熱朱古力，餐廳仲拉花加人樣好貼心！燒焗德國鹹豬手配香草牛油焗薯角非常之香脆($228)調味亦都係唔錯，食得出餐廳又好特別花心思喺調味上面，調味唔係面層，內裏都有👍值得一讚

《📍Owl’s stage食評分享 》 by@ihungry.hk想搵地方同一班friend或者摯愛浪漫慶祝🌝？今日小編同大家介紹一間位於太子嘅Owl’s stage🦉! 餐廳以可愛貓頭鷹為主要設計，到處都可以見到可愛嘅貓頭鷹，食物主打多款超抵食嘅嘅多國菜，當然唔少得唔同種類嘅啤酒同朋友啤一啤，環境舒適又浪漫，絕對啱晒節日慶祝🔥！🔸【墨魚忌廉汁虎蝦意粉 - $158】虎蝦🐠嘅肉非常之飽滿彈牙，仲要非常新鮮 ，口感彈牙爽口，加埋特製嘅墨魚忌廉醬汁🦑，非常之惹味，值得一試！🔸【蝦蟹膏蟹肉帶子意粉 - $168】小編本身以為只係一個普通嘅意粉，點知原來係咁出色！意粉口感啱啱好，Cream sauce超級之香滑濃郁，帶有陣陣海鮮香氣，加埋蟹肉帶子碎，感覺更加之新鮮，好似一啖感受到海鮮盛宴一樣😍！🔸【特色飲品 - 套餐+$20】▶️朱古力、芒果沙冰食意粉難免有啲油膩，梗係要飲番杯沙冰解解膩🍧，呢度嘅特色沙冰只需要加$20，超高CP值！朱古力沙冰🍫帶有超香濃可可香氣，加埋新鮮奶油，感覺非常之Rich，而芒果沙冰🥭酸酸甜甜，帶有陣陣甜蜜嘅果香，超爽！🤪iHungry開心指數：8/10

今日竟然有大收穫，俾我發現咗太子有一間人細美食小店，呢間西餐廳好高質素，服務質素又高，餐廳嘅裝修用貓頭鷹為主題，所以見到唔同大小嘅貓頭鷹都掛響餐廳裏面，而且仲有唔少嘅霓虹燈做裝飾，好搶眼，非常容易搵到，非常方便，如果來太子嘅朋友，一定要嚟試吓呢間西餐廳啦，因為裏面嘅食物你會發現好友驚喜，而且裏面嘅裝修都好衛生，乾淨，環境好舒服啊，仲有浪漫嘅氣氛，真係好啱一家大細，朋友情侶一齊嚟㗎，而且佢呢度嘅食物嘅種類都好多，有鋸扒，有意粉類，有意大利飯，有甜品類，咩都有得選擇，所以我覺得都好抵食呀，而且價錢經濟實惠，喺出面嘅西餐廳都搵唔到呀，而且我哋叫咗個卡邦尼意粉真係好值得推介，佢嘅醬汁味道啱啱好，好濃郁嘅卡邦尼意粉味道，而且份量十足，我哋仲叫咗個肉眼扒，配有芝士肉醬薯條，真係味道好夾呀，佢哋嘅肉眼扒真係好厚肉，好值得推介