Outback Steakhouse (荃灣廣場)

營業中

休息中

係荃灣行完街搵食嘅晚上，大大小小嘅餐廳都要等位～我一條友就真係唔想等啦🙃見到係就近嘅Outback外賣好抵食咁！即刻係開飯apps落單～半個鐘左右就有得拎！啲嘢食拎到返屋企仲熱🙂雞肉拼燒蝦寬麵$98賣相不錯，個汁味道可以但比較膩，雞胸肉唔會‘鞋’，燒蝦都OK！忌廉湯比較杰身，偏濃味～黑糖麥包大家都知道黑糖麥包係outback嘅名物啦！呢個餐跟埋一條黑糖麥包，仲比埋牛油👀值得比個like啦！個包包都仲係暖！依然好食😋

Outback Steakhouse是一間享譽全球以澳洲特色為主題的連鎖餐廳Outback意指保留著自然風貌的澳洲內陸地區，同時代表著「輕鬆無憂」享樂生活方式食完今次豐富的燒牛肉晚餐，又令我回味返係鳥魯魯四日三夜的夢幻旅程食物方面:黑糖麵包 : 招牌黑糖麵包，上臺時微暖，搽上少少忌廉已經非常美味炸蘑菇 : 外皮鬆化包住原粒蘑菇，蘑菇新鮮Juicy，點上少少沙律醬已經非常好味芝士白汁燒蝦寬麵 : 配碟蒜蓉包鬆化香脆，芝士白汁濃郁帶微辣，加上彈牙鮮蝦及巴馬氏芝士到寬條麵上，香辣惹味香煎蟹肉餅 : 叫套餐可以單點一塊蟹肉餅，蟹肉餅外層煎得香脆，餡料係滿滿的蟹肉，簡簡單單又惹味美式慢燒安格斯肉眼牛扒套餐 (16oz) : 套餐包括兩客自選特色配菜及餐湯，Prime Rib 揀了最大的 16oz ，份量十足，燒牛肉慢燒到四成熟，肉質香滑粉嫩有肉味，再加上焗薯仔、特色雞味飯，勁多粟米的忌廉滑，非常超值Ours Tips : 用餐前一日成為會員，仲可以有九折優惠

Outback﹐忽然覺得多左分店，荃灣就有兩間，偶然去左食個下午茶，因為一碟吞拿魚沙律，因為一隻黑糖麵包❨可以refill❩，嘆杯啤酒邊個話去扒房一定要食扒，兩個人$2xx埋單貴嗎❓唔貴其實無食lunch﹐麵包加啤酒，坐係窗邊，天朗氣清又無咩人，傾下講下兩個鐘，真係幾舒服‼第二次因為吞拿魚沙律同一隻黑糖麵包再去，今次食lunch所以要加塊豬扒邊個話扒房就係食牛扒，而家分分鐘豬扒好食過牛扒第三次就諗唔到食咩又因為一碟吞拿魚沙律同一隻黑糖麵包，又去左outback﹐ 今次晚餐就不如試牛扒囉，望望下先發覺免費做會員，睇下睇下覺得比$488做VIP都抵架播，於是做左Outback VIP member.....一碟吞拿魚沙律 + 一隻黑糖麵包，一間唔一定食扒都會入去食野的扒房，一間唔一定食牛扒的扒房，就儲存左係我去食野的櫃桶仔

估唔到經Openrice第一次外賣自取兩份燒肉醬味豬肋骨，就得出如此一個結果！感受：差，難食。自取後十五分鐘，一開出來，我哋一家見到呢兩盒豬肋骨，「下」？有家庭成員第一次食，想佢老人家都試下，佢都嚇一嚇：「咁肉酸嘅，睇嚟好硬，好似柴皮一樣」已經唔係第一次食嘅我哋一班後生仔，都唔知道點解Outback可以有呢啲出品。平時食，肉香，嫩口，三歲孩子都食到停不了口。我仲驚好食到會唔夠食，買咗兩份返屋企，嗯，實在係見到都飽，無言以對。四百幾蚊買了一個可惜。

Baby Pork Ribs ⭐️⭐️⭐️⭐️ 原本想叫牛扒 但係好可惜賣晒 叫咗Baby Pork Rib 好好味 好多汁好大份😋蕃茄海鮮意粉 ⭐️⭐️⭐️ 好多唔同種類嘅海鮮 味道就OK啦價錢 ⭐️⭐️⭐️ 兩個人食咗四百幾蚊

這包容我的拖延症😅 跟無賴，因我一直累積不少生日文、聖誕🎄跟除夕飯局帖文，儘管已經是去年的事，也希望跟大家分享一下2021年的最後一天，就跟男友來到荃灣吃一下非常受歡迎👏🏻的連鎖西餐扒房，作為除夕brunch🍽黑糖麵包相信不用多介紹🤣 這個絕對是店家的皇牌！免費加添的單品，一定要趁熱食，烘得鬆軟的質感，濃郁的黑糖味跟小麥的味道，再塗上滿滿的忌廉，不得了🤤 吃兩條是基本啊～ 還沒有吃到比店家更好的黑糖麵包，如果這個可以單售的話相信不消半天就賣光了😆是日餐湯店員介紹這天的是日餐湯為洋蔥🧅湯，外表像忌廉湯一樣，不過味道非常清甜，滿滿的洋蔥香氣還有豐富的洋蔥絲，比想像中好喝！芝士白汁燒蝦寬麵 $128很想吃意粉🍝，雖然店家以吃扒類聞名，不過意粉跟飯餐也是有驚喜🤩的～店家將寬條麵拌入蝦子🦐和濃郁的白醬烹調至入味，還帶有微微的🌶辣感，加入芝士使之透過熱力🔥慢慢熔掉，芝士🧀味香，上檯前再灑上大量芝士碎，未放進口裡品嚐👅已經覺得好吃～醬汁全都掛在麵條上，每條意粉都吃到味道，好吃😋！份量比想像中多，幸好這頓飯是我們的brunch才可以把它吃光光燒肉醬味豬肋骨 $128來到著名的steak house，又

招牌黑糖麵包 搽上少少忌廉 一個人都可以食唒成個炸蘑菇 外皮鬆化包住原粒蘑菇蘑菇Juicy芝士白汁燒蝦寬麵 配蒜蓉包鬆化香脆 Parmasen Cheese味濃郁 帶微辣仲有燒蝦 正美式慢燒安格斯肉眼牛扒套餐 (16oz)套餐包括兩客自選特色配菜及餐湯Prime Rib 揀了最大的 16oz 燒牛肉慢燒到四成熟肉質香滑粉嫩加上焗薯仔、特色雞味飯，勁多粟米餐湯性價比高叫套餐可以單點一塊蟹肉餅蟹肉餅外層煎得香脆餡料係滿滿的蟹肉

好耐無黎食過啦！！見今日outback 唔係好多人排隊，再會一會佢！！首先坐底左，仕應好迅速上黑糖面包俾我地先，d cream加埋個包食一流，而且暖既d包，令人一食再食😂當然我地都要叫主菜既😉叫左個意大利飯，有蝦同魚配搭埋既，依樣唔錯既，飯既汁好濃郁👍大蝦墨魚意粉都ok, 蝦都好新鮮，不過略嫌汁少左少少芝士薯條絕對係無得輸啦😘😘濃濃既芝士醬配埋剛炸起既薯條，直頭一絕啦🎊係食完一條會上引，密密食🤪而rib, 係令我勁度失望，極到鞋口同埋極度乾身😢好彩我地唔係叫左成條，唔係真係食唔落🙄🙄

次次去親Outback都係為咗個黑糖包而嚟嘅，其實都好耐冇去outback食飯, 今日收工就去咗荃灣廣場呢間度食，可能因為我早食啦六點幾就入咗去，餐廳入面冇乜人，佢俾咗張卡位我哋錯，個卡位係好舒服好闊好大，同埋係窗邊可以望街所以都幾舒服。黑糖包一如既往都係幾好食跟住我叫左個香煎蟹餅，炸蘑菇，燒豬肋骨個炸蘑菇超級好食，好Juicy, 咬落去會有汁流出來，比想像中好食好多呢個香煎蟹餅都幾好食，但係奇怪嘅係蟹餅上面嗰啲蕃茄係凍嘅，佢應該係類似凍蕃茄沙律嗰啲嘢，一開頭食落有少少怪怪地，但食食吓又覺得OK喎燒豬肋骨以前都成日食，但係覺得今次好似冇以前咁好食，但係都唔差嘅，都係啲肉好林好入味一咬就離骨。整體來講啲嘢食係好食嘅，但真係比以前貴咗好多。咁樣呢一餐就六百幾蚊啦

忙咗2 星期, 呢日同事LAST DAY, 幾忙都要俾D 時間出嚟一齊食啦! 同事早咗去攞位先, 我吔去到, 大約一點左右, 已經坐滿晒。由於仲有限聚令, 4 人1 枱, 於我哋每人叫咗1 個餐嚟SHARE! 加拿大無激素黑毛豬肉眼扒最鍾意食呢度既黑毛豬肉眼扒, 好淋又有肉味, 而且肉汁豐富, 口感超佳! 係我最喜愛嘅一道菜燒盲槽魚柳本身好怕在外食煎魚, 因為會好易整散同埋會乾, 但係上次有同事叫過, 我哋食過後, 覺得OUTBACK 嘅煎魚好好食, 外面煎得香脆, 裡面又有肉汁, 調味剛好!  加咗檸檬汁後嘅燒魚, 變得冇咁膩, 清新咗好多!烤帶子煙肉白汁燴飯呢個我食咗少少, D 飯係包住D 汁, 味道可以。燒雞肉芝士夾餅夾餅一咬食到好多芝士, 同D 雞肉, 芝士控表示好食! 薯條勁脆又大條! 性價比高! 

食得Outback既多數都係為左個黑糖麵包而黎食 對上一次黎食已經係一年前 當時係第一次食 個次真係覺得好好食 仲refill左兩次 雖然個主菜係失望既 但有返個黑糖麵包補返數 事隔一年 見咁耐冇食 又想黎食返次 佢地既午餐真係好平好抵食 仲要次次經過都見到有好多人食 多數要等位 但好快有位 今次我地星期六晏晝去到餐廳 等左陣就入得 餐廳好大間 每張枱都好大張 好闊落 全部都係卡位 坐落真係好舒服 我地叫左兩個午餐 每個午餐都會跟餐湯飲品同埋黑糖麵包 今日餐湯係洋蔥芝士忌廉湯 餐湯飲落又幾好味 好creamy 黑糖麵包黎到同之前一樣係熱辣辣 但食落已經覺得係冇之前咁好味 完全唔想再食多個 所以都冇再refill了 跟餐飲品可以揀凍檸茶凍檸水或者可樂個啲 又係可以refill 我地揀左兩杯都係凍檸茶 呢杯凍檸茶真係難飲到不得了 不過都預左 對上一次都係咁難飲 所以都唔會有期望 但真係唔明點解隔離枱兩條女可以一個人飲到三杯凍檸茶 主菜我地叫左一個係燒肉醬味豬肋骨跟薯條 賣相唔錯 豬肋骨幾大條 食落好夠味 每條骨都有肉食 肉質唔錯好淋身 唔會好乾 個醬好好味 呢個真係唔錯 幾好味 仲叫左個

又吃BRUNCH的一天, OUTBACK的黑糖麵包總是令我期待萬分~~不過價位好像加了, 比起之前吃的套餐 加價不少之後好像169左右就吃到 這價位吃LUNCH就有點中上又香又軟~ 不過今天的餐湯差!! 是西蘭花忌廉湯首先西蘭花欠奉 都是滿滿的忌廉 很膩$198 燒澳洲法式羊扒有三支 小小的 肉沒什麼 就只有兩口~點了五分熟 覺得不錯 底下有甜椒炒飯 不錯的蔬菜都有味 不是淡而無味$208 美國精選牛柳扒也是點了五分熟 肉質OK 但看上去沒五分 應該七分左右吧可以再生一點點 薯條即炸的 很脆口 

本身是黑卡VIP , 85 折，所以經常食。近荃灣都已經兩間。荃灣廣場比較就腳。今日就呢度啦飛雲叫咗：$68炸蘑菇、$118盲曹魚。$118蟹餅沙律。$228牛凍0茶。走冰。zero蟹餅沙律一如既往。好味。食完晚餐都慳番魚： 呀媽想食飯。魚即煎。夠熱。但飯是凍的細佬的牛，5成。佢食到一半收手飲品汽水檸茶可refill, 叫咗經理，waiter哥哥。前後共三次。都冇refill zero我杯茶就算啦 等得嚟我都埋單走。服務愉景新城分店好得多 （只係呢兩間比較的話）

3點15分跟太太坐低食少少野，餐廳人數唔太多（大約有10枱客），有卡位坐低但太凍要求換窗口位，即刻可以換，叫左牛扒五成熟加餐湯。太太最喜歡吃面包，面包要等牛扒來到再追問2次先有。牛扒來到太熟，5成熟變8成熟，薯條都係凍既，要求換都5分鐘左右換到，明顯不是即炸。包可以免費再加，於是再加一次，因為最好食既食包。但薯條同薯菜都未食曬就被直接收走，唔會問你食完未！咁都由佢，第二份包要再問多2個人先有。服務態度其實幾好，不過感覺員工太亂，冇人負責一個位置。

outback而家越開越多分店，呢幾年我都有買佢哋嘅會員而我覺得最抵食嘅方法就係買佢哋嘅外賣！😆佢哋有一個外賣menu,大部份都係$80-100內，每個餐會包埋湯同埋佢哋最出名嘅黑糖包一條😍今次我就叫咗一個燒蝦沙律，一個雞肉燒蝦意粉，半隻春雞同埋漢堡包😋提提大家如果冇買到佢哋嘅會員，都可以免費登記做普通會員，會有九折㗎😆今次我埋單$300有找，超抵食😬😬唔好諗住外賣質素就會差啲，我車程30分鐘返到屋企都仲好熱㗎🤣個春雞唔會好鞋好乾~佢哋搽咗ribs 嘅醬汁喺面嚟燒，所以食落去酸酸甜甜咁好開胃🥰個沙律都有十幾隻蝦，沙律菜都好新鮮~重點都係個黑糖包，拎到返屋企都仲未硬架，仲熱😆😆地址－Outback Steakhouse (荃灣廣場) (荃灣)荃灣大壩街4-30號荃灣廣場2樓248-249號舖人均價格－$100評分－4.0/5.0#本地遊#foodie