Outback Steakhouse (奧海城二期)

營業中

休息中

今天同朋友聚餐，大家相約好去outback 扒房鋸扒，那裡的牛扒非常美味，肯定有質素，況且餐廳氣氛非常好⋯⋯其實我們一個月總會到餐廳光顧一次呢！因為牛扒實在真的抵食！我本人付了年費成為咗VIP會員，會費包括了有好多款coupon及兩年會籍，而每次都有85折扣優惠呢！我們4人選了3塊12oz牛扒，其中一塊係肉眼牛扒要咗7成熟，另兩塊要咗5成及7成熟，牛味十足，配以蘑菇醬及黑椒醬汁，非常美味，而且每個餐還可配2款配菜呢⋯⋯我們選了香脆薯條及焗薯及有味飯，我很喜歡這裡的薯條，薯條較粗但炸得很香口。還有這裡的沙冰都非常美味，每次到來都一定點這兩款香蕉菠蘿沙冰及芒果沙冰呢！因為無酒精成分，之後揸車都無問題啦！今天過了愉快的一晚！😉

今晚想食西餐就同老婆嚟咗呢度試吓.可能因為聽日係假期嘅關係所以都幾多人等位.不過只等咗大約十五分鐘就有位都算快.而且侍應都很有禮貌我哋人少只order咗燒羊扒同雞肉拼燒蝦闊麵及甜品,味道很不錯而且坐得又舒服,我同老婆都很滿意,會推介給朋友

食物質素不錯! 由開始的黑糖麵包配cream cheese 然後到main course (厚切牛柳配龍蝦尾）就連係配菜嘅薯條(厚切的）也非常美味 店員很有禮貌雖然晚市較多人等位也很快可以安排到內入座,坐位很闊落坐得好舒適,最適合放工後同一大班朋友嚟 gathering 整體來說很滿意,一定會再來幫襯

Outback眾多分店之中，裝修格局各有不同，既然Join咗佢哋嘅member，梗係要試多幾間，今日來到大角咀奧海城商場裏便嘅分店個人感覺內在環境比較寬敞，格調又高級少許，可能是因為這間分店是近期開的關係吧服務員的態度很友善及有禮貌，給予人一種活力的感覺，值得首先一讚餐前這一份麵包，我十分喜歡吃，喜歡它有一點提子的味道，是可以任意追加的，每次我也要追加一份呢還有要介紹一下他們是有提供兒童餐的， 12歲以下的小朋友可以選擇今次我選擇了比較Basic的西泠，五成熟，牛肉的味道及質量保持到這品牌的一貫水準，不容置疑配上這個薯仔蓉，相得益彰，分量對於我來說剛剛好意粉方面，不是他們的強項，不過不失吧個人覺得這間餐廳的性價比是中等的

平日晚市要排隊，趁今日放假試試她的Light Tea，由$46-$58（另加一服務費），鹹食甜食都有，款式選擇都算多，+$10可配茶/咖啡/汽水，或+$25配cappuccino, latte, smoothies, cocktail 或果汁。我點了燒肉醬味豬肋骨，上枱時真嚇一跳，一共有8大條肋骨！！醬汁濃淡適中，只是略嫌肋骨不夠熱和焦香，扣少少分。配菜沙律和粗薯條都好味。值得一讚這裏的服務人員，態度非常親切有禮。

下午難得有時間. 不如就out 一out , 去食過tea 都好。平日的奧海城, 個個番晒工, 靜英英, 所以揀去奧海城outback 避世都係唔錯既選擇。老實講, 以TEA 黎計, outback 一個睇落去似食得飽既tea 都要58蚊 (48蚊果D食我唔飽), 其實不算便宜 (仲要另加10蚊先有得飲野)。今日同朋友M 黎, gam 兩個人就叫左一個飯一個豬肋骨。不個黎到都有驚喜既, 豬肋骨比我想像中大份, 而肉又滑, 我係屋企肯定整唔到。而且薯條新鮮炸起, 又係我喜愛的粗身薯條, 好食。而個香辣燒蝦飯, 蝦得細細6隻, 係幾香口既, 不過D飯凍既, 要扣分。呢餐雖然係坐得幾舒服, 服務都唔錯, 不過真心D飯唔好gam 凍得唔得?

今日5:50pn到 吾使排隊聽街坊話平時每晚七點幾要等枱~仲要等好耐環境好好 好大寬敞舒適 ~落完單就有麵包上 送的叫左一份美國牛 12安士 $308+$30一份粗薯條 牛 好厚 屬於乾身質地 好食 一定要叫蟹內餅 $2Xx@好香口 啖啖蟹肉 外趣內多蟹肉 好多伴菜 d 蕃茄煮得好好食 !之前街坊話新開個時服務態度麻麻地今日見識過都ok , 無咩大問題下星期要再去 ~

I’ve called 12 times for reservation. Finally someone picked up the phone and she responded “dunno” and hang up the phone.What kind of service would that be?!😡

見呢間店新開，每到 lunch 就排長龍就試試佢啦！其實 outback 係老牌店，n 年前已試過。不過尋日再食返又覺得幾唔錯，仲有源源不絕架麵包供應，一個女人仔食一個set lunch都真係要pack野走。先講下個 bb ribs. 輕輕一撕就骨肉分離，後來發現原來個配麵包食的牛油是用 cream加牛油打出來，即時覺得有增肥功效

奧海城近年要UPGRADE，商鋪大執位，引入很多高級食店。OUTBACK Steakhouse 開幕二個月，無論日夜都大排長龍⋯⋯⋯晚上價錢都幾貴架，但LUNCH SET 就相對抵食！！ LUNCH SET由HK$88 起，已包括麵包、餐湯、沙律、主菜同飲品。我們點了一個HK$88 的「奧坊芝士漢堡」同HK＄118 「燒加拿大黑毛豬扒」很特別，待應竟強調他們的「黑毛豬」建議可以七成熟，隔離枱都點了這個主菜，聽到豬可以唔全熟都大感驚訝！！大叫說：豬唔熟會有蟲架！！但我呢D「膽生毛」，覺得該餐廳既然咁有自信，就試下，七成就七成啦！！先上的是餐前麵包，應該是「黑糖麵包」，雖然黑糖味不太濃，但很暖暖地，很軟熟，幾好味！！接著是是日餐湯「TOMATO BASIL] + SALAD我覺得個湯都好好飲，我鐘意！！剛好食完頭盤，主菜就來了。先來「奧坊芝士漢堡」配薯條，side dish 的薯條又香脆但主角的芝士漢堡就一般啦！！味道同食麥當勞的芝士漢堡差不多。我很好奇的七成熟「黑毛豬」來了，但我切開，其實係九成熟的！！味道都OK的，肉唔「鞋」有彈性，不過豬味比我在其他地方食的黑毛豬「淡」，配「磨菇汁」我

我們住在奧海城附近，Outback開幕以來每次經過都是人山人海，我和先生試了幾次午餐和晚餐，食物質素不錯，也比以前有多樣性，上菜速度好快（大概因為外面太多人在等了)但服務有禮貌，有問題時服務人員也盡快幫忙解決，價錢來說我和先生都覺得非常值得， 中午時段＄100左右就有麵包湯主菜飲料等！另外一提的是炸蘑菇有點油膩（以前在荃灣店的時候炸得剛剛好) 主菜的份量很多，有時候會吃不完。

I have always been a loyal Outback customer so when one opened in my neighbourhood, I was in heaven! This restaurant has only been opened for less than a month but we have been here three times already.Even though they are busy which is understandable as it’s obvious that they are new, they do not have enough staff to serve or clean tables, the existing staff was trying their best to do everything they could! We always peep to see the amount of people and if we anticipate long wait, we will poli

I am a loyal fans of Outback Steakhouse and was excited to try the high quality of food and services in new branch opened in Olympic City. Unfortunately it is a sad dining experience.I have been queued up for nearly 1 hour for the lunch during weekend. Tables are not fully occupied, there are 1/3 of empty tables available yet receptionist doesn’t allow us entering the restaurant, claiming that the tables are reserved for people make reservation in advance and tables are not ready (while more

前兩日行街見到問餐廳outdoor歡唔歡迎狗仔，waitress話入袋/坐車的話可以。今日xmas帶埋狗狗黎拎位。話今日唔serve outdoor。問佢幾時先開放outdoor ，竟然答我一般都唔開放。😡咩答案？！如果係唔歡迎狗仔就一早講，唔好哂大家時間！

尋日同2位姊妹去咗outback食晚餐，大角咀呢間比其他的好，坐位舒適唔會好迫，食物用料新鮮。我地點咗2個小食一個main course + 3個甜品，當中大雪糕加brownie係我推介的，雖然邪惡真係好好食，份量大得可以兩三個人share。