Outback Steakhouse (奧海城二期)

營業中

休息中

話說男友間中就說想食outback，這天正好有時間，可以悠閒食個下午茶，就順他意吧!位於奧海城的這間分店環境不錯，除了餐廳面積夠大，有些座位旁是落地玻璃，光線非常充足，像去了高級cafe / 酒店的感覺~下午茶跟午餐的食物相若，當然主食不及午餐選擇多，另外下午茶就少了麵包 (可加$10換)、湯及沙律；價錢相差$25左右。麵包 - 每一次去outback 也想吃這個包，鬆軟帶麵包的香甜~香辣燒蝦飯 - 蝦味都幾香，微微辣好開胃~是其中一款我會經常encore的主食!燒肉醬味豬肋骨 - 跟午餐份量有差，不過下午茶來說也很豐富了。豬肋骨非常入味，而且一用刀切就離骨，可見肉也很腍~草莓沙冰 (+$15) - 有時單是見英文Smoothies真的很難知道是純沙冰還是混合了奶的那種，而outback 就是純水果的沙冰，味淡而清新~但紙飲管容易浸到糊掉....我們整餐換了兩支管才飲完這杯沙冰!最後不得不說，不知是否人手不足，很多時候想找待應也要等一陣子才有人過來，如果加多一兩個待應會好d 。

早兩日係Facebook到見到outback都有素食burger，所以決定要去試！正值新型冠狀病毒敏感期，餐廳門口就放咗大大支酒精搓手液比大家搓！入面staff都戴哂口罩，亦見到佢地好勤於搓搓手液，感覺即刻安心好多～好快手點咗lunch set 入面嘅未來漢堡burger ＋ 燒肉醬味烤雞冇耐就上咗個黑糖麵包！真係好好味！再上咗沙律同餐湯個湯酸酸甜甜，有洋蔥，有雜菜但同平時飲嘅雜菜湯有D唔同，係極開胃又極好味！-素食burger-入面有未來肉、芝士、生菜、酸瓜同埋一大塊食落好似炸雞但又唔係炸雞嘅「肉」！料唔係話好多，但好match，層次又好豐富D酸瓜同埋塊好似炸雞但又唔係嘅「肉」令成份burger都好惹味絕對會encore!－烤雞－冇食到，亦掛住食burger唔記得影相但男朋友話好好味，好juicy清埋盤～期待下次再食！

新年期間吃了很多中餐, 今晚就來個西餐吧😋一向保持水準的outback今天食物也保持水準而且意外驚喜地🈶️信用咭優惠🙌🏻🙌🏻二人餐有幾個選擇，我們選擇了牛扒龍蝦🦞🥩餐...跟湯及沙冿⋯⋯仲有飯及意粉選擇!! 雖然是特價優惠但份量很足夠+ 美味, 真的大🈵️足過肥肥年🥳🥳看看📸📸吸引吧!!

偷得浮生半日閑近日疫情肆虐 露天餐廳始終比室內流通人唔多嘅情況底下 感受一餐舒服嘅午餐人生一大樂事叫咗個set lunch先嚟一個頭盤番茄湯配沙律再食一個個外脆內軟嘅麵包蕃茄湯蕃茄味好鮮芝士味好濃沃不過蒜蓉多咗少少麵包軟淋淋甜甜地好好味不過有個扣分為飲湯要用飯羹冇湯羹講返我個主角肉眼扒我欣賞佢夠膽簡簡單單煎香塊扒落少少味道證明佢對自己塊扒有信心夠新鮮我亦都可以證明一點真係好好食肉質好鮮甜唔使點好多佢嘅黑椒汁食佢本身嘅肉質已經足夠今日真係享受咗一餐好豐富嘅午餐

次次黎都係食佢啲牛扒🥩所以今次要食啲新野！-黑糖麥包🥖每一次都係為左黑糖麥包先黎食outback🖤完全係真愛！點解可以咁好可以無限refill♾每條包上枱都係熱辣辣 脆卜卜💓外脆內軟😍黑糖嘅甜味真係好鬼死正😭一次過食左兩條😋不過我就冇落到隔離啲牛油～🧈-煙肉藍芝士漢堡🍔呢個漢堡貴過叻一款$40～其實料嘅話 淨係多左beacon🥓同埋多左啲blue cheese crumbles~~Dressing就由mustard & American cheese變左blue cheese🧀 食個味食落好鹹😫啲藍芝士好大方加左好多 仲有兩大塊煙肉～真係好濃味😣如果比我揀 會寧願食番平啲嗰款😛最鐘意係佢隔黎啲coleslaw🥰酸酸甜甜好開胃🤩啲薯條自己覺得有啲似粗身嘅老麥薯條🍟-香辣燒蝦飯🦐估唔到呢個飯咁平～但係咁好食😍佢個炒飯有少少辣味 我唔食得辣嘅都覺得真係得bb辣🤣佢個飯炒得好乾身 好香口😋除左蝦 仲有啲切左片嘅腸仔😚好抵食！！

🎅🎅🎅今日平安夜喇！好開心吃了一頓帶有風味露天午餐，是冬天的涼風。上星期行經奧海城已有打算，當然要等適合人選先可以在一起食個重要日子午餐喇！🤣🤣🍴黑糖麵包先來個超級軟熟黑糖麵包，我非常欣賞這個麵包，豪不留手地吃了一大半個，餐湯是薯仔洋蔥湯，甜甜地勝在夠熱。🍴香芒燒雞沙律 $108中午來個看似簡單又不簡單的香芒燒雞沙律，大大舊香甜芒果肉配沙律菜提升不小味覺，頗多的燒雞烤得香口，份量十足不過好有嚼口。🍴香辣燒蝦飯 $98燒蝦一定香口惹味，入口帶點香辣彈牙，有齒頰留香感覺。🍴柔和陽光伴著涼風，確是賞心樂事！祝大家有個溫馨愉快聖誕節🎄！

好耐冇食OUTBACK 啦！ 今日訓醒唔想煮，就落樓下食啦。認真outback lunch set 真係好抵好抵喔！ 100頭，有晒餐包🍞嘢飲🧃，沙律🥗主菜。 首先個餐包熱的又軟綿綿，唔會係俾d凍冰冰包頭包尾。係一個完整的麵包。好好食😋！沙律好特別，用左台灣粉紅石榴黎吊味，仲有星星楊桃，令成個菜沙律即刻有多重口感。抵讚！ 主菜我地叫左 漢堡包🍔 同埋 燒豬🐷肋骨。漢堡包好食，抵食！ 不過好易凍⋯如果個包可以烘一烘會更好至於個燒豬肋骨，唔錯！好食😋都幾大條！埋單唔使250蚊，飽到夜晚都唔使食咁😂😂

這餐廳面積頗大，座位分室外區和室內區，座位寬闊，裝潢不俗，給人舒服的感覺。食物也不錯，這天點了兩個午餐，分別是燒肉醬味豬肋骨和烤美國帶子白汁燴飯。午餐包括麵包、沙律、餐湯和飲品。這店的麵包很美味，沙律和餐湯也不錯。燒豬肋骨肉質柔軟，味道好，跟餐的薯條略帶薯皮，質感極佳，那沙律酸酸甜甜的，吃肉後再吃，更覺口感清新。烤美國帶子白汁燴飯也不錯，帶子用煙肉包裹，帶子沾有煙肉的香味，飯軟硬適中，白汁也濃淡適宜，好吃。店員服務態度不錯，工作有效率，也不錯。

昨天同朋友去左呢間outback 餐廳，中午同朋友食lunch,雖然都等了25分鐘但是都好值得的，我們叫了兩個餐，頭盆黑糖麵包，麵包好有口感，好煙韌黑糖味剛剛好，放入粟米忌廉湯裡食好好味，湯配沙律非常好好的配搭，我點了燒肉醬味豬肋骨，燒肉好鬆軟一切就開，肉汁好豐富，入口即溶，燒得剛剛又入味，我朋友點了燒美國帶子白汁燴飯，帶子燒得剛剛煮，入口好有帶子的鮮味，外脆內軟非常容易入口，白汁飯好香，有海鮮鮮味但是又唔鹹，食完一口再想食第二口，同朋友一邊食邊傾計好好的環境，坐得都非常舒服，值得下次再去，誠意推介呢間餐廳

此次的baby back pork ribs 是我有史以來食過最大的一塊.😂烤得剛剛好，肉汁還可以保存在肉內,然後肉感剛好不軟也不硬。這裡的黑糖麵包再配上一杯奶茶，平時有空可以坐在這裡慢慢吃和朋友聊天 聚會也是可以的 ，因為奧海城這家除了Lunch 比較忙 平時也是沒什麼人的。

同老公拍拖拖行到去奧海城嘅outback,望下個餐牌幾吸引， 就決定喺度Tea一tea.打開餐牌二話不說揀咗一香辣炸雞鎚，跟住係豬肋骨同雞肉夾餅之間掙扎一輪後，最尾都係揀咗雞肉夾餅。可能今日都比較多人，叫完嘢食後都要等一段時間，好彩追加左個黑糖麵包，有嘢可以頂住肚先。呢個咁受歡迎嘅黑糖麵包都唔需要多介紹，我老公最鍾意食，轉眼間已經比佢K.O.左。再等多一陣個雞鎚就黎，可惜到既時候只係微暖，平時熱辣辣嘅話再點埋個芝士醬汁，簡直係魔鬼嘅誘惑，食極唔停，但係而家凍左就真係大打折扣⋯好彩芝士雞肉夾餅仍然保持水準，一碟有四片夾餅，切開半溶嘅芝士做到拉絲效果，啖啖雞肉，配埋佢嘅蜜糖芥茉醬，真係好好味！ 伴碟仲有一籃炸薯條🍟同醋油浸過嘅蕃茄仔，特別醒胃！隨餐仲有飲品，兩個人食百幾蚊，搞到我晚飯都爭啲食唔落，呢個下午茶的確係性價比高！比個貼士大家，想嚟食嘅朋友仔注意呢度比較多人，如果正正三點嚟，需要等一段時間，唔想等嘅朋友可以早啲排隊或者遲啲先入座。

今晚來到大角咀奧海城的outback食返餐西餐，近年來扒房和石燒牛扒開到通街都係，但我仍然想來outback食扒，因為我多年前同女友的紀念日就是在outback食，有感情🤭今次叫返個medium rare既牛扒，有餐前面包，女友最愛❤️再叫個海鮮意粉，不過無影到相。牛扒水準高，雖然有少少筋，但我認為正常，咁先似塊牛扒，最緊要整得好食，味道十分好👏🏻整體來說，餐廳氣氛浪漫，適合情侶撐枱腳，亦是我多年來支持的原因👍🏻

午餐時間嚟到奧海城嘅呢一間Outback分店食飯，完全唔需要等位，直接可以入座。嚟到點咗一個小吃拼盤，拼盤入面包咗ribs、雞翼同埋芝士薯條，三樣嘢都非常美味😋但記住一定一定要襯熱食，咁樣芝士薯條先會係最美味。另外點咗一個燒加拿大有骨黑毛豬扒，豬扒口感略嫌厚實，肉質比較柴，我個人嚟講就唔算太喜歡，我就比較鐘意個小吃拼盤多d😋但最估唔到嘅係成餐飯令人感到最驚艷嘅竟然係隨餐附送前菜嘅一個黑糖餐包！未來之前已經聽說過Outback嘅黑糖餐包非常好吃，果然聞名不如見面！😋👍🏻

話過要check下呢間連鎖店啲standard 今日過過海黎到食outback超爆6點30等成粒鐘先有得食不過可能店面細啲未返得切枱姐staff都好好我有2個大肚朋友佢地都有攞chair俾佢地邊等邊坐包包係must一晚食4~5條一人一條無難度Summer一定要食沙律開開胃一叫叫兩款如果細食既朋友仔就咁食呢碟應該夠飽汁入面應該有檸檬汁估唔到同藜麥幾夾!凱撒沙律都係女生最愛雞件厚切得黎仍然保持水份今次呢間鋪洋蔥花明顯好好多無辣味夠甜而且粉唔厚亦唔會過咸睇黎水準參差portion亦明顯縮水炸磨菇俾滿分雖然睇落熱氣食落唔會好juicy亦無影響外皮其實食落有油炸香味但口感唔似炸架神奇由於大肚婆要食全熟但肉無un甜薯正比一般黃心蕃薯更甜今餐唔洗食飯用優良澱粉質代替都得薯條唔夠熱食落粉粉地我要幫佢平反唔係間間分店都唔得架

是咁的！同媽子慶祝生日，一家人就去左outback食野！一坐低友善既店員就介紹左個HSBC信用卡優惠，我個心即刻x左一聲，因為我冇呢張卡，點知生日果個有！由本來請屋企人食，變左屋企人請我食🤣呢個無敵黑糖包，每一黎到我都要食2,3個因為每食既時候，都係新鮮熱辣辣！咁我地就揀左個斧頭扒，一開頭其實都幾生下，食唔到太生既朋友，就叫店員幫你係塊鐵板到煎多一陣啦！