Outback Steakhouse (奧海城二期)

營業中

休息中

去奧運海城，好想食扒，outback 又有位，即入。經濟唔好，唔叫貴嘅扒，叫左個最平3xx嘅肉眼同2xx 西冷，五成熟。加一個白汁海鮮寬條及crab cake salad . 肉眼較多筋，肉味唔會濃，適合喜歡清淡嘅朋友。西冷肉味更清淡。扒都有咬口，可以慢慢食。寛條小朋友話好味，幾多蝦，我無食。crab cake 都合格，沙律爽脆。忌廉湯夠味唔係水汪汪。下次政府再派錢可以試吓貴佢哋D嘅扒，唔知會唔會有更高層次嘅味道？😁

放假過嚟整指甲呀最鍾意就係食呢一間係超級市場附近嘅澳洲西餐廳 懷緬一下以前住澳洲嘅感覺 今晚想食意粉就嗌咗一個蝦 蘑菇意粉 一講實都幾把醬汁好creamy仲可以另外加芝士 若一嗌咗杯 菠蘿香蕉smoothie都係用新鮮生果打嘅前初會送一個黑嘅麥包暖暖哋好好食 我九點半先入咗無賴十點鐘就要食完離開啦都食得好趕 仲要趕住去隔離超級市場買香印提子 攞住好多嘢不過前呢有時呢幾好我開咗張大嘅枱店員服務都好ok呀要啲咩好快就上 喺度坐低睇波傾計一流呀 嘢食質素都好ok所以呢都週不時會過嚟 幫我整完頭指甲過呢就係享受一餐嘅時間

Outback 食扒就係人都知㗎啦，但係我今次返轉頭嘅原因係佢個黑糖麵包同埋炸磨菇呀。食上癮。炸磨菇嘅炸醬粉非常薄， 外脆內軟。一咬開去d蘑菇汁彈曬出嚟，非常熱，要小心燙口。 但就係要啱啱炸起嚟，先食得夠過癮。 個口仲要噴住煙，再配上滑滑的白醬cool down 吓，真係一流。佢啲牛扒一直都keep住有水準，唔算話最頂級，但食得滋味。佢個bushman bread 係我經常牽掛嘅，個 黑糖麵包我每次都要追加多一個。搽上大量嘅牛油 ，好鬆軟，少少甜，好易入口， 食下食食下，又食多一個。Outback係我永遠嘅飯堂。

中環OL朋友 今日來搵我食LUNCH其實香港站過嚟奧運站7分鐘ONLY皆因佢掛住黑糖麵包其實唔係佢講，我之前都唔知呢隻麵包可以encore! 其實唔係因為佢，都好少encore 因為未婚夫唔算好鍾意食包！不過呢隻麵包少有，黑糖味好香！對女士有益！準備結婚要減肥，胃口久而久之都縮細了。之前食開 steak / fries / ribs 而家都冇咩食慾！食 salad 又未必夠飽 同埋唔想食生冷野朋友話佢encore食魚都好喎！唔會好似牛/豬肉咁膩同濟！大家一人一碟魚超！級！好！食！最主要係啲香料好惹味，酸酸甜甜咁魚皮十分脆跟埋飯同蔬菜，營養👍🏻👍🏻$118 +10% service charge價錢公道

✨黑糖麥包上枱微暖 麥包軟熟 黑糖味出 香甜奶油 香滑 帶微微鹹整體味道唔錯 但比以前有明顯退步✨粟米忌廉湯粟米份量唔少忌廉湯 香濃 稀稠度啱啱好✨美國精選肉眼牛扒點了五成 上枱接近全熟 但因為唔想浪費就冇換肉眼扒 肉味薄弱 肉質又柴又韌 有筋 切都好難切配菜 蔬菜過腍 薯條香脆 但略有少少乾整體非常差✨香辣炸雞鎚雞鎚 味道微微辣 炸得香脆 但略乾 肉質偏硬 冇肉汁黑糖包同湯唔錯 但主菜真係好差以主打食牛扒嘅餐廳 可以整到咁差 真係無言環境唔錯 坐位闊落坐得舒適服務唔錯 店員都有善價錢可以 但同食物質素唔成正比

我食過最差嘅一間Outback，沒有之一。其實Outback都算係我嘅其中一間飯堂，我經常幫襯，當然就順手做埋佢嘅VIP啦。咁啱公司附近奧海城又有一間Outback，當同事要食飯諗唔到去邊度食，我都會Show一Show我張VIP出嚟😎毫不猶豫咁講「Outback啦」其實依間分店都食過幾次，之前都正正常常，但今次真係衰得有啲過分。我哋一行四人叫咗四個lunch set share食。加拿大無激素黑毛豬肉眼扒$138佢有得俾你揀全熟定係七成熟，由於某啲同事怕死嘅關係😂叫咗全熟，結果啲肉好柴。佢嘅配菜都有啲Hea，啲蘿蔔西蘭花烚到生生地咁，硬繃繃。燒肉醬味豬肋骨$128我真心未食過咁幼嘅豬肋骨，仲要冇汁，啲燒肉醬呢？失蹤咗係啲薯條炸得幾脆幾好食。燒盲曹魚柳$118我之前試過覺得麻麻，但今次反而整得幾好食，啲魚滑得來有少少肉味，炒飯都唔太鹹。不過講真下次黎又唔知係咪咁嘅味道。🤷‍♂️燒雞肉芝士夾餅$98簡直用離譜來形容，焗燶到咁樣都可以上枱比客，佢特登反轉咗黎放，就以為個客睇唔到？真心覺得痴線。食過咁多間分店，由康城到銅鑼灣再到奧海城，依家應該係最差嘅一間。如果食連鎖店餐廳都要抽獎咁睇吓好唔好食

第一次試 黑糖包係好食叫咗個豬肋骨同半隻烤雞餐 兩樣嘢同一個味 好甜好似食甜品咁 烤雞係好乾 柴皮咁 薯條都唔脆最犀利係返重力risotto 直情好似一pat野 沙冰入面係¼杯都係大粒嘅冰 完全唔知成餐食緊啲乜嘢 真係好失望

30/7 晚，我買T2 要跟沙律，佢比咗薯條，我以為係佢忙中有錯，所以我冇特別理會31/7 晚，我買咗三個餐，只係比咗兩個湯，T2 要跟沙律，佢又比咗薯條🍟。到底，Pack 嘢嗰個，有冇點算過 ？😡

Outback Steakhouse 個黑糖麵包係我念念不忘的次次都係為咗食佢新鮮整起，口感軟熟餐湯粟米湯粒粒粟米🌽味道啱啱好LatteLemon teaSteakhouse Pasta肉醬意粉味道很均勻很有蕃茄Grilled Scallops &Bacon Creamy Risotto最期待是這一個飯，帶子吃落沒有問題正常但是整個飯吃落的酸味總是過分了有點兒奇怪🤔後來問了店員，店員解釋說加了蕃茄所以會有酸味，如果不喜歡就給我換掉🥲不是預期的味道有點像放得太久的後來換了這個Chicken &Quesadilla這個之前有吃過，味道鹹鹹甜甜的有點像食甜品的感覺有層次感

今日同朋友食lunch，被安排坐廚房門附近，入面冷氣又係唔夠，會比較焗，用餐時候有烏蠅飛過。之前幫襯過好多次，今次先係咁😩，食物質素唔差，尤其係任食黑糖包😁，但環境今次真係有D失望，希望下次會有更好既體驗。

人準時到咗，問出咗未，職員望望後邊兩張枱，話冇，等了十分鐘，見到後我一個號碼、大袋過我都出咗，再問，職員話不同食物不同烹調時間，說畢，再望多次兩張枱，終於見到啦！即喺我到咗問嘅時候我個外賣其實已經出咗！「七成」牛扒到我食時已經變咗「全熟」！薯條、湯只是暖暖哋！另外，7:25預計自取時間，7:35白等後取餐，8:21 OpenRice App知會我已經製作完成。總結：不要經OpenRice下單Outback 奧海城店！！！

突然間好想食黑糖包.. 第一時間梗係諗起outback啦... 今次就去左奧海城開餐.. 因為已經過咗8:30...等位嘅人唔算太多.. 一坐低哥哥已經馬上送上黑糖包一條...熱辣辣真係好好味😋...雖然佢做緊匯豐嘅優惠餐...但係我哋唔係樣樣嘢啱食...跟住我哋就點左個大蝦忌廉汁扁意粉...蝦嘅份量都算多.. 不過忌廉汁就有啲膩膩地好飽肚.. 我再點左個牛柳拼豬肋骨.. 牛柳要咗五成熟.. 有肉味又夠冧... 豬肋骨就有好濃嘅BBQ醬味..

來到OUTBACK 午餐，叫了兩個LUNCH SET，分別是燒雞肉芝士夾餅 （$88） 和燒豬肋骨 （$128），包黑糖包，餐湯，湯飲。不消五分鐘，侍應便送上最期待嘅黑糖包。黑糖包一如既往嘅鬆軟，有淡淡的黑糖味，配上淡忌廉，果然是招牌菜。粟米南瓜湯： 口感比較稀身，但味道其實可以，粟米味頗濃，南瓜足夠，不過南瓜煮得不夠耐，南瓜肉沒有融入於湯中。燒雞肉芝士夾餅 ： 勁濃芝士味，啖啖雞肉。十分欣賞點夾餅的醬汁，我比喻它為輕板易入口板蜜糖芥末醬，相比正常嘅蜜糖芥末醬，芥末味比較淡，蜜糖甜味比較濃，整體比較稀身，與夾餅十分夾，甚至用黎點薯條都好好味！薯條厚身，有薯仔味，炸得香𠱓，不錯。 燒豬肋骨 ： 焗得十分腍，亦都不會乾身。醬汁不會太多，鹹淡剛好，而且份量足夠，不錯。這間OUTBACK設有室外座位，景觀開揚，如果天氣不太熱，不失為一個寫意的選擇。最後一個小插曲便是等位系統有點奇怪，等位系統分為 A （1-2 人） B （3-4） 兩組，我地等二人枱，屬於A組，大概 11: 45 到，排第三張，等了大概半個鐘都未能入座。但在這半個鐘內，B組卻叫了接近8張的枱號，有一些比我地遲來嘅四人枱客人竟比

難得老細請食飯梗係食餐好㗎啦個個同事都話想食扒一於就食呢間餐廳餐廳午市唔使特別排隊就有得入去烤美國帶子煙肉白汁燴飯 💰98帶子烤得啱啱好，咬落彈牙每一啖飯包裹住啲白汁好好味燒肉醬味豬肋骨💰128豬肋骨有啲失色唔係切一下就連皮帶骨果種都有d硬醬汁味道不錯最出色都係個黑糖包可以食兩個😹😹😹

同囡囡撐檯腳，想坐得舒服啲，去左奧海城outback! 第一次去呢間，環境都好寬敞闊落，座位都好舒適，我地2條友仔坐左張大檯，好爽～我幫阿囡點左兒童餐—肉醬意粉，我自己就點左手ribs配薯條🍟。黑糖包keep住有水準，好快比我同囡瓜分，食完已飽左一大半，再來大大份ribs, 好香BBQ味，好開胃，份量十足😋但我只食到一半，另一半只能打包。第一次食肉醬意粉🍝，味道普普通通，不太特別出色。outback嘅黑糖包係會令人想再翻踔，小朋友去食又有得畫畫，坐又舒適，lunch set價錢唔貴，可能我下星期又會再去啦🤣